....الغيرة على الزوج من اخت الزوجة ؟؟.....

[أم غاية2009]

السلااااااااااااااااااااام عليكم ورحمة الله وبركاته::::::
........................................................
.......................................................
......................................................



.:4::4::4::4::4::4::4:




:sadwalk:ساعدوني هل انا على صواب ام فيني غيرة مرضية

اختي من ابي متزوجة ، وزوجها صديق زوجي ، المشكلة ان كلما طلعنا مع بعض في السيارة احس اهتمام زوجي بها من كلام او فعل وعند رجوعي انا وزوجي الى البيت احس ان زوجي لا يطيقني ، فاقول في نفسي انه يميز بيني وبينها لانها هي الاجمل ، فلا يطيق رؤيتي (لا اعرف )
وكلما بعدنا عن بعض(اقصد اختي ) كلما احس ان علاقتي مع زوجي افضل
والان نريد ان نسافر لكن زوجي يقول ان صديقه يريد السفر معنا (الذي هو زوج اختي ) وزوجته ، فانا محتارة هل اوافق على هذا السفر ، وهل ساكون مرتاحة ام لا؟
اشيرو علي فوالله اني في حيرة ؟؟؟؟؟؟
اجيبوا علي بسرعة لان موعد السفر قرب؟؟؟؟

 

[يابعدي ياأنا]

فتحتي بابك للمقارنه !
الله يعينك

 

[أم غاية2009]

يعني ما قلتيلي هل انا على صواب في هاذي الغيرة
ولا هي مرض؟؟؟
جاوبيني الله يخليج؟؟؟؟

 

[ام غلاوي2]

اذا انتي متأكدة انه يقارن بينكم لاتسافروا معاهم غيروا مكان السفرة بمنطقة ثانية عشانت انتي ترتاحي وتطمني

 

[خفايا قلوب]

بصراحه انا اشوف انك اذا في امل تسافرون من دونهم يكون احسن لانك مابترتاحين والمفروض من السفره انكم تقعدون لحالكم وتقربون من بعض وتعيشون لحظات حلوه لاكن بها الطريقه زوجك واختك هم اللي بيقربون من بعض يعني حتى في السفر معاكم حاولي انكم تروحون لوحدكم والله اريح لك من وجع الراس والله يحقق مرادك

 

[مهى]

معاك حق تغيرين لو زوجك يتغير عليك والأفضل انك ماتسافرين معهم

 

[غلا روووحي]

حبيبتي بالعكس لامرض ولاشي هذا شي طبيعي وبعدين شدراه انها الاجمل دامها تكشف قداامه فأنتي علا حق الأسلام ماشرع شي مني والطريق بالعكس
وشي طبيعي الرجل يقارن ابعدي عن الاختلاط فيهم وعودي زوجج مايشوف غيرج
وماانصح بالسفر مع احد السفر شي خاااص فيكم واوقات خاصة بينكم مو لازم حد يشاركم فيه
والسلاااام
وارجوووج ياقلبي ادعي لي من قلبج اتوفق في حياتي واستقر مع زوجي والله يرزقني رضا الوالدين يااارب

 

[أم غاية2009]

ام غلاوي 2
خفايا قلوب
اللهم ارزق كل من ردت علي الجنة وابعد عنها كل ضيق ..
ولكن يا (خفايا قلوب ) كيف نكون لوحدنا وزوجها وزوجي اصدقاء وسفراتهم دائما مع بعض ، ويمشون مع بعض ، ولكن زوجها احس انه لا يغار عليها لانها تتكلم معهم وتسولف ؟؟؟؟ بل يتفاخر؟؟؟

 

[أم غاية2009]

حبيبتي بالعكس لامرض ولاشي هذا شي طبيعي وبعدين شدراه انها الاجمل دامها تكشف قداامه فأنتي علا حق الأسلام ماشرع شي مني والطريق بالعكس
وشي طبيعي الرجل يقارن ابعدي عن الاختلاط فيهم وعودي زوجج مايشوف غيرج
وماانصح بالسفر مع احد السفر شي خاااص فيكم واوقات خاصة بينكم مو لازم حد يشاركم فيه
والسلاااام
وارجوووج ياقلبي ادعي لي من قلبج اتوفق في حياتي واستقر مع زوجي والله يرزقني رضا الوالدين يااارب

يا رب تتوفقين في حياتج وتستقرين مع زوجك ويرزقج رضا الوالدين....

..(يا رب لا ترد دعاء الصائم)..
يعني ما راح اسافر في هاي الحالة؟.

 

[ام شوكلاته]

انتي حاولي بلي تقدري عليه انك متسافرين
بس اهم شي ماتبينين انو عشان تتضايقين من اختك لانه يمكن يعاندك ويسافر

 

[ارجو الاجابه]

انا من رائي صارحيه
شوفي وش الي مو عاجبه فيك او بالاصح وش الي يجذبه فيها
وكمان شوفي وش تسوي وش المميز يعني فيها وكمان حاولي تغيرين السفره روحي مكان ثاني لا تخربين على عمرك سافري مكان ثاني

 

[أم غاية2009]

والله خاطري اسافر وفي نفس الوقت خايفة على علاقتنا
والمشكله ان زوجي يخاف ان صديقه يزعل عليه ، لانه دائما يقول انه وده يسافر معاه....

 

[خفايا قلوب]

ياقلبي هو يسافر مع صديقه هذا شي و تسافرون سوا شي ثاني نصيحه مني حاولي على قدر المستطاع ان زوجك مايختلط فيها وانتي الحين في البدايه لاتسكتين لين ينفتح عليكي باب ماتقدرين تسكرينه وانتي قلتي زوجها مايغير عليها ويتفاخر فيها يعني ديوث وماتحسب له حساب انتبهي على زوجك منها دائما ولاتسافرون سوا ولاتطلعون سوا الرجال بكيفهم مع بعض لاكن انتو لا لان هالشي اللي بيفتح باب المقارنه عند زوجك وهذا شي طبيعي وادعي ربي في اخر الليل ان يكفيك شرها

 

[رجة بس برزه]

لو انا مكانك ما اسافر معاها هي اختي لكن زوجي والشيطان ما ارح يخليه حاولي تبعدين بلباقه وتكنسلين ها السفره واحتجي انك تريدين تقظين الاجازه معاه هو بس ةتاخذي احتك معاه

 

[غزلان جده]

أعوذ بالله ياهو هاذي أختها بعدين حبيبتي صح من حقك تغيري لكن ماتشكي في أختك وتقارني بينها وبينك من ناحية الجمال يمكن هي جميلة ودمها ثقيل وانت اكيد فيك شي حلو بس لا تخلي الشيطان يفرق بينكم وأنا مع الأخوات لا تسافروا معاهم علشان ترتاحي وحاولي كمان تقللوا خرجاتكم معاهم
وتستقلوا بحياتكم بس من غير ماتقولي السبب لزوجك أبدا ترا رايح يمسكها عليكي ويزيد عناد كمان. لأن الشيطان دايما يزين الشين والحرام بنظر الرجل سواءا أختك أو غيرها. بس رجاءا لا تشكي بأختك حرام هي ببيت زوجها​

 

[احلى فجوري]

انتي جربي هاد اسفره لو زاااد الموضوع لالا ابعدييهم عن بعض بس ممكن يكون كلامك غلط واهم شي خليكي ملفته بلنسبه لزوجك يعني دايم دليعيه اهتمي فيه وخاصه بلهمس حتى لو في احد عشان ينشغل عنهم معاكي ولو لقيتي ان مافي شي من افكارك ممكن تكون الغيره مرضيه بس خلي عندك ثقه كبيرره بنفسك وانك احلى منها واحسن والله يعينك ويسخر لك زوجك ولا يشوف غيرك ياارب

 

[مزايا انسان]

شكل زوج اختك يمدح اختك عند زوجك فحاولي تعرفين ايش مميزاتها بنظره ويمكن زوجك يحس بنقص من ناحيه علاقتكم اهم شي خليييي ثقتك بنفسك قوووووووووووووويه

 

[القلب المهجور]

طيب انتم بتسافرون بالطياره او بالسياره
وإذا بالسياره بتروحون كل واحد بسيارته
أو بسياره وحده
الله يعينك
بس تثبتي انتي لحد الآن منتي متأكده
مجرد شكوك
الله يسخره لك

 

[اخاف الله...]

ليش انتم تكشفون على بعض

 

[اشراقه جديده]

سافري لوحدكم افضل واذا ماقدرتي اضبطي اعصابك زين الله يعينك
موفقه