اختي رسبت بكل المواد وفرحانه ساعدوني

[@ام الحلو@]

السلام عليكم بنات انا بدخل بالموضوع علطول انا اختي باولى متوسط يعني عمر المراهقه رسبت يابنات بكل المواد وفرحانه ولا كن شي صار هي بليده زياده عن اللزوم يعني لما تهزئينها تكمل السالفه ولاكن عندها ذره احساس:shutup: فشلتنا عند الناس وجربنا معها كل الطرق بس مانفعت معها الله يخليكم اللي عندها حل تلحقني فيه واذا فيه دورات قولو لي عنها يقولون فيه دكتور يسوي دوره عن التفوق مااعرف شسمه بس انه كويتي ويجي للرياض بليز اللي تعرفه وتعرف متى موعد الدوره الثانيه تقولي

 

[اهات الصمت]

هههههههه
مسكييييييييييينه
يمكن ما تحب الدراسه
مش ميولها يعني

الدراسه وما ادراكي ما الدراسه
هيه ما تعرف مصلحتها
خلكم وراها لين تفلح

هاتولها مدرسه ما تعرف الرحمه
اي حركه تسدحها بكف ههههههههههههههههه


عندنا ولد اختي ما يحب الدراسه واحترنا فيه
اخر شي يبناله استاذ ما يعرف يمه ارحميني
الولد حتى برقاده يحلم الدراسه
وصار يطلع الاول على كلاسه

امه وانا واقفات برا نسمعه يتسطر وامه تصيح تقول بدخل وبذبح الاستاذ
هههههههههه

بس الحمد لله الولد صار دحيح درجه اولى

ادري انه طريقه يمكن الاطباء يقولون غلط وياثر عليه
اقولهم ما عليكم دامه طلع الاول مو مشكله خل تتاثر النفسيه

هههههه


والله يوفقج اختج الغاليه

 

[قلب في جسدين]

الدكتور اسمه يوسف الخاطر والظاهر مو كويتي، سعودي من أهل الشرقية ..

ودورته اسمها مهارات التفوق الدراسي ..

ماأدري متى بيعيدها ..

ابحثي بالنت ويمكن تلقين اجابة .. وبالتوفيييق ..


تحياتي

 

[أمل أمه]

والله عندي اخت نفس الطريقه بالمتوسط

صج بليده ولسانها طويل بس تموت من الضحك

يعني تستلم الكبار والصغار باسلوب يضحك بس تتمادى دايما

العاده فيها من هي اصغيره الله يعينا ويعينكم وهذي مالهاد دورات

 

[عنقود عنب]

اختي لانكوم .. غريب.. عاد كل المواد

هل هذه اول مرة ترسب ...

كيف كان مستواها في الاعوام السابقة

يمكن عندها صعوبة في التعلم

سلوكها طبيعي معكم

الله يكون في عونكم

 

[فراشه]

دامه طلع الاول مو مشكله خل تتاثر النفسيه

يا إنك يا اهات الصمت أفكارك خطيرة..

وأنا من هذا الرأي عندي عيال ها الزمن ما يأثر فيهم غير العصا.. طبعاً بحدود ولو بالتهديد..

اختي الصغيرة من ها النوع، ولأن ما عندها حد يدرسها مهملة وايد..

بس المادة اللي تخاف من معلمتها لأنها تضربها تلاقينها تخلص دروسها أول بأول..

ما ينفع معاهم غير التخويف..

 

[البسمه]

لاحول ولاقوة الا بالله حرام يلسوها فهموه اللي قاعده تسويه غلط على الاقل تنجح ولو بالحافه, والله مشكله الجيل الجديد

 

[@ام الحلو@]

هههههههه
مسكييييييييييينه
يمكن ما تحب الدراسه
مش ميولها يعني

الدراسه وما ادراكي ما الدراسه
هيه ما تعرف مصلحتها
خلكم وراها لين تفلح

هاتولها مدرسه ما تعرف الرحمه
اي حركه تسدحها بكف ههههههههههههههههه


عندنا ولد اختي ما يحب الدراسه واحترنا فيه
اخر شي يبناله استاذ ما يعرف يمه ارحميني
الولد حتى برقاده يحلم الدراسه
وصار يطلع الاول على كلاسه

امه وانا واقفات برا نسمعه يتسطر وامه تصيح تقول بدخل وبذبح الاستاذ
هههههههههه

بس الحمد لله الولد صار دحيح درجه اولى

ادري انه طريقه يمكن الاطباء يقولون غلط وياثر عليه
اقولهم ما عليكم دامه طلع الاول مو مشكله خل تتاثر النفسيه

هههههه


والله يوفقج اختج الغاليه

انا بصراحه لو تعطيني اياها امي والله ماارحمها ابد بس امي مستحيل تجيب لها احد يزعلها هذي اخر العنقود الله يعينا عليها

 

[@ام الحلو@]

الدكتور اسمه يوسف الخاطر والظاهر مو كويتي، سعودي من أهل الشرقية ..

ودورته اسمها مهارات التفوق الدراسي ..

ماأدري متى بيعيدها ..

ابحثي بالنت ويمكن تلقين اجابة .. وبالتوفيييق ..


تحياتي

ياقلبي انتي مشكورة لقيت الدوره وسجلتها فيها ان شاء الله تنفع معها

 

[@ام الحلو@]

والله عندي اخت نفس الطريقه بالمتوسط

صج بليده ولسانها طويل بس تموت من الضحك

يعني تستلم الكبار والصغار باسلوب يضحك بس تتمادى دايما

العاده فيها من هي اصغيره الله يعينا ويعينكم وهذي مالهاد دورات

اختي ازين مافيها انها تحترمنا يعني مستحيل تقولك كلمه غلط بس تستفزنا بحركاتها

مااقول الا الله يعينا وياكم على مابلانا

 

[@ام الحلو@]

اختي لانكوم .. غريب.. عاد كل المواد

هل هذه اول مرة ترسب ...

كيف كان مستواها في الاعوام السابقة

يمكن عندها صعوبة في التعلم

سلوكها طبيعي معكم

الله يكون في عونكم

حبيبتي عنقود مو هذي اول مره ترسب بس دايم ترسب بماده او ثنتين وتصيح الحين كل المواد وفرحانه

 

[@ام الحلو@]

يا إنك يا اهات الصمت أفكارك خطيرة..

وأنا من هذا الرأي عندي عيال ها الزمن ما يأثر فيهم غير العصا.. طبعاً بحدود ولو بالتهديد..

اختي الصغيرة من ها النوع، ولأن ما عندها حد يدرسها مهملة وايد..

بس المادة اللي تخاف من معلمتها لأنها تضربها تلاقينها تخلص دروسها أول بأول..

ما ينفع معاهم غير التخويف..

انا اذا جاني عيال بوريهم العين الحمراء ان شاء الله

 

[@ام الحلو@]

لاحول ولاقوة الا بالله حرام يلسوها فهموه اللي قاعده تسويه غلط على الاقل تنجح ولو بالحافه, والله مشكله الجيل الجديد

الله يعينا عليهم جيل فاشل لاخر حد

 

[هـاجر]

أعانكم الله اختي فعلا مشكلة إذا ما في إحساس
بالنسبة للدكتور الكويتي إسمه نجيب الرفاعي ويعطي دورات في التفوق والنجاح وله إصدارات عن التفوق "كتب وأشرطة تلاقينها في المكتبات .