ملف الاستشارات والاسئله الخاصه بالتوفير

[*مشاعر مكتومة*]

بنات حبيباتي.. اللي تجدر تساعدني في مشروع تزيين الشيل بالكريستال

حبيباتي.. اللي عندها فكرة...

أنا أحب الرسم و ذوقي عالي في الألوان ...

أحتاج مشورتكن كيف أطبع الكريستالات ع الشيل ؟ يعني كيف تجي الرسمة دقيقة... ؟؟

اللي عندها فكرة تساعدني بلييز ..

بعطيكِ فكرة .. !

التصاميم مهما جددتي بيتضلها مكررة وإلا ما يكون في متلها. لو بدي أشتغل بهالمشروع أو لو الشيل ماشية ببلدي لفصلت تفصيل الشيلة مع العباية أو الشيلة لحالها، وبدل ما يكون التزيين عشوائي يكون فيه الحرف الأول من اسم البنت اللي لابسته

مثلا فيروز F صفية S أمل A

بتكوني جبتي شي جديد وحلو ومختلف بنفس الوقت

الله يوفقك

اقتباس:

المشاركة الأصلية كتبت بواسطة الليدي الأستاذة

بعطيكِ فكرة .. !

التصاميم مهما جددتي بيتضلها مكررة وإلا ما يكون في متلها. لو بدي أشتغل بهالمشروع أو لو الشيل ماشية ببلدي لفصلت تفصيل الشيلة مع العباية أو الشيلة لحالها، وبدل ما يكون التزيين عشوائي يكون فيه الحرف الأول من اسم البنت اللي لابسته

مثلا فيروز F صفية S أمل A

بتكوني جبتي شي جديد وحلو ومختلف بنفس الوقت

الله يوفقك

مشكوورة حبيبتي... و اقتراحك حــلو كتير

أنا كنت أقصد كيف أطبق الرسومات على الشيلة.. شو الطريقة.؟

شكلي بعقد العزم وبزور خياط و بشوف كيف شغله...

بحكم ان قماش الشيله شفاف00

ممكن تطبعين الرسمه بالحجم اللي تبينه00وتخلينالورقه المطبوعه تحت الشيله بالزاويه اللي تبينها00

وتبداين بترتيب الكرستال الخاص بالكي على الشيله فوق خطوط الصوره المطبوعه بالضبط وبنفس الالوان00

ولما تنتهين خلي فوق الرسمه ورقة جريده اواي ورق ومرري المكواه00
ان شالله افدتك00

اقتباس:

المشاركة الأصلية كتبت بواسطة 0الملتقى الجنه0

بحكم ان قماش الشيله شفاف00

ممكن تطبعين الرسمه بالحجم اللي تبينه00وتخلينالورقه المطبوعه تحت الشيله بالزاويه اللي تبينها00

وتبداين بترتيب الكرستال الخاص بالكي على الشيله فوق خطوط الصوره المطبوعه بالضبط وبنفس الالوان00

ولما تنتهين خلي فوق الرسمه ورقة جريده اواي ورق ومرري المكواه00
ان شالله افدتك00

أشكرك كثيـــرا

 

[*مشاعر مكتومة*]

أبي مشورتكــم
​

.

.
.



السلام عليكــم ورحمة الله وبركاته

مساكم الله بالخيـــر والسعادة خواتي
حبيت آخذ مشورتكــم .. بترتيب راتب زوجي لأني أحسه
وايد يصرف ومصاريفه مش مرتبه يعني مش على شي ايبين
من بين أكل بترول أشيا من المحطه ... إلخ

ومابقى شي على عرسنــا .. وأبغيه ايولف له كم من شي
هو بعده طالب يدرس هندسة طيران ويستلــم له تقريبــا (9000 درهم)
(1000 درهم) اتروح لقرض الزواج (1500 درهماً) لي
يعني (2500 درهمــاً) اتروح من الراتب لأشيا معرفه بقا عنده (6500 درهمــاً)
أبي ارتبهن بحيث يصفا له شي من راتبــه للمستقبل
وللعــم أنا مش صريفه وايد وهالفتره ما آخذ منه للسوق لأني أرتب لزهبة العرس


حبيتكم اتساعدوني في الترتيب و الله يجزاكم الخيــر



:blush-anim-cl:
​

​

اهلا عزيزتي

يمكنك الاستعانه ببرنامج تنظيم الميزانيه

لتقسيم راتب زوجك

واهم شيء في التقسيم هو حساب التوفير

راجعي الموضوع التالي

http://www.niswh.com/vb/showthread.php?t=23253

:icon26:

​

​

السلام عليكم بنات....

انا عضوه جديده وابي استشيركم في حاجه..:e052:

انا وزوجي بادين نعمر..ويروح راتبي انا وزوجي كله وما يبقلي الا 1000 ريال فا ابي منكم طريقه لاني عندي 4 اطفال فكيف احدد الميزانيه لي ولاطفالي..

وبسالكم من ناحية الفله كيف اقدر اقنع زوجي انها تكون النص بالنص او لي كلها عشان اظمن حقوقي..لان راتبي كله يروح عليها:e076: ..ولا فيه اثبات على كذا........:e136:
وش رايكم وش اسوي..؟؟


واللي تساعدني والله لادعي لها بالشهر الفضيل..:c016:
​

اقتباس:

المشاركة الأصلية كتبت بواسطة ابي رضى ربي

السلام عليكم بنات....​

انا عضوه جديده وابي استشيركم في حاجه..:e052:

انا وزوجي بادين نعمر..ويروح راتبي انا وزوجي كله وما يبقلي الا 1000 ريال فا ابي منكم طريقه لاني عندي 4 اطفال فكيف احدد الميزانيه لي ولاطفالي..

وبسالكم من ناحية الفله كيف اقدر اقنع زوجي انها تكون النص بالنص او لي كلها عشان اظمن حقوقي..لان راتبي كله يروح عليها:e076: ..ولا فيه اثبات على كذا........:e136:
وش رايكم وش اسوي..؟؟


واللي تساعدني والله لادعي لها بالشهر الفضيل..:c016:​

حبيبتي بالنسبة لتدبير أموررك, أنصحك بعمل الأساسيات اللي تحتاجيها كل شهر و ما تستغني عنها, و تحطي ميزانيتها بروحها,
و اذا حابة تحطي لأولادك, حاولي اتقسميه صح..

و نصيحتي أقرأي هذا الموضوع, كثيير بيفيدك..
انقذي نفسك (كتاب المال و النساء )
وهذا الرابط: http://www.niswh.com/vb/showthread.php?t=59070

وموضوع دورة عيشي الرفاهية:
وهذا الرابط: http://www.niswh.com/vb/showthread.php?t=29837

باختصار أقرأي المواضيع المثبته في هذا القسم... كثيييير بتفيدك...,

بالنسبة للفيلا, حبيبتي يفترض من البداية تكوني واضحة مع زوجك عشان هذا الأمر..

بس عموما, وهاذي اللي أتبعها مع زوجي.. ( أخبره أنه ما مجصر معنا, بس الأيام, والناس محد يضمنهم.. )
أنه هو أهلي, وأنا أهله, واحنا نحمي بعض..

جوليله أنك تحبي أهله, و تثقي فيهم, بس ما تضمني زوجة فلان, ولا حتى عيالهم, فأحسن شي يوثق لك نص الفيلا ضمان لك و لعيالك... أو حتى يكتبها بإسمك..

و دايم جوليله, أنك امخلنا بعز, لا تخلينا نتعب اذا لا سمح الله بعد عمر طويل ...

يمكن صعب يتقبل في البداية.. بس أنتي خليك كذا ... مبسوووطة و فرحيه... و في لحضة اتمسكني و خبريه أنك بتتألمي اذا حد جا يشاركك و بناتك في حقوقهم...

و خلي هذا هدفــــــــــــــــك

جزاك الله خير حبيبتي انثى الحب انا طلبت منه يكتبها باسمي كلها اونصها هو قال اذخلصت الفلة وانتها اقساط صندوق التنميه يعني بعد كم سنه يكتب الفله لي اومناصفه وش رايكم؟؟؟؟

 

[*مشاعر مكتومة*]

:icon1366: كيف اقنعه بالميزانيه
​

قرأت هنا طرق جميله عن التوفير واخرى اجمل عن وضع ميزانيه

وانا شرقيه احب التنظيم والترتيب وعلى استعدات تام لوضع ميزانيه
والسير عليها والادخار ايضاً
مشكلتي ان الدخل من زوجي فقط وهو غربي يكره وضع الخطط والتنظيم:icon28:
ويرفض ايضا ان يخصص راتب شهري للبيت:icon1366: يقول الي تبونه اجيبه
لكن هذا الاسلوب يخلينا دائما عايشين حالة طوارئ:busted_red:
حالتنا الماديه جيده لكن لانوفر من الراتب ابدافهو يصرف بدون حساب
يسحب من الصرافه بدون ان يدري كم بقي ودائما في نهايه الشهر تأتي المفاجات
ماتدرون قد ايش نفسي ادخر في لشياء ضروريه ماني قادره اوفرها
ياليت اجد من صاحبات الخبره نصيحه وتوجيه وخاصه المشرفات المتئلقات
ندي والمها:a200:
مواضيعكم رائعه وانشا الله اجد عندك مافيدني

في انتظار كل صاحبة خبره ولكم مني اجمل دعوه:bye1:
​

اختي اشراقه


ما رايكن لوجعلتيها مبادره منك


بمعنى ان تقومي انت بتوفير مبلغ من المال شهريا من مصروفكم مثلا

ولا تخبريه وحين يقرب نهاية الشهر ويشتكي من نفاذ المال اعطيه ما وفرته

وقولي له (شايف يا حبيبي فايدة التوفير ):icon31: طبعا هو راح يفرح بيكي وبشطارتك فقولي له (حبوبي شو رايك من اول ما تستلم الراتب تشيل مبلغ صغيرون يفيدنا وقت الازمات ):detective2:

وهكذا ابدئي بخطوات صغيره

حتى يتدرب على الوضع ويصبح تلقائيا




تحياتي لك



:icon26:

الغاليه ندى شرفني كثيرا مروورك:clap:

واسعدتني هذه الفكره الرائعه سأبدا بها من هذا الشهر اناشاء الله
وسوف اوافيك بالتنائج:msn-wink:
اتمنى من الاخوات الفاضلات ذوات الخبره ان يدلوا بدلوهم في الموضوع

ولكم مني جزيل الشكر:bye1:
​

اخوووووووووواتي وش ذا 31الي داخلين ولافيكم احد يكتب شي
اش شي بصراحه خيبتوا ظني فيكم:no: وانا الي كنت متوقعه المشوره الزينه:flex:
ولاحتى كلام مشجع :icon1366:

ولو يا اشراقه انا معاكي للاخر:nosweat:

خبريني شنو صار معاك


ابي اسمع منك هالشهر انج

وفرتي مبلغ صغير لنهايه الشهر :showoff:

يلا همتك حبوبه

انتظرك :fish:

​

تسلميين يالغاليه ندى والله انت ماقصرتي وفيك الخير والبركه:a194:
وانا ماشيه على مشورتك وراح اخبرك بالنتائج اخر الشهر :bye1:

انا مثل حالتك
لا يرضى يوفر ولا يرضى يعطيني مصروف

بالهواش والطقاق والمشاكل عطاني 1300 الشهر اللي فات
ووفرت منها 200
بس يقول هالشهر ماني معطيك لأنك لعبت بالمصروف!!!!!!

مدري وش اسوي معه خصوصا ان طموحي نبني بيت على ذوقنا وقلت له لازم توفر عشرة الاف ريال كل ست شهور على اقل تقدير بس مو راضي

أختي إشراقة..زوجك جنوبي غربي على ما أعتقد!! وهالنوعية تتعبين كثير معاه في مسألة التوفير بيحس أنك تنكدين عليه من دون داعي ...وهو نظريته أصرف مافي الجيب يأتيك مافي الغيب!!!


طبعا هالنظرية خاطئة مليون بالمية لكن هذي وجهة نظره للأسف!!!:dunno:

من رأبي تبدأين بالوصول لنقاط مشتركة بينك وبينه وتخلينه يعجب بك...لأن إعجابه هو البداية وبعدها ممكن تكسبين في كل مناقشة ويلبي لك كل طلب لأنه بكل بسااااااااطة معجب:in_love:

يعني لا تبدين بالمسائل المادية على طول..راح تيجي تلقائيا وتنحل كل مشاكلك مع الوقت لو قدرتي أنك تكسبين إعجابه ..ولا تقولين صعب والله لو ركزتي شوي عليه بتقدرين....

عليك أولا بأصلاح مابينك وبين الله فما من أبتلاء إلا بما كسبته أيدينا
ثم الدعاااااااااااااء وهذا السحر خاصة في الثلث الأخير من الليل
ثم تغيير الشخصية والأسلوب والأهتمام الشديد بطلتك الخارجية...فكل ما شافك غامضة وصامتة راح يحس بانجذاب شديد خاصة لو كنتي مهتمة وتعرفين كيف تجذبين أنتباهه بلبسك وأهتمامك وحركاتك..

وبعدها بكم شهر حاولي تطلبين مصروف خاص بك بس عن طريق الحيلة...مثلا تخيلي زوجك شاف حبيبته الدموع في عيونها وتتعبر بحزن ممزوج بكبرياء لأنها أنحرجت في محل ما وكانت ناقصتها فلوس للحساب...صدقيني راح يطق صدره ويقول ماعاش اللي يزعلك انا حلي وحلالي كله لك..
وأطلبي أنتي اللي تبين...

ولا تكلمينه بهالطريقة عن التوفير والمستقبل ووووو...
بالعكس زيدي مصاريفك شوي شوي وأطلبي مبلغ لفستان سهرة مثلا وحطيه في الحصالة ثم اطلبي مبلغ لعزومة بتسوينها بوفية مطعم مثلا ووفريها وأطبخي بالبيت..الخ...
وممكن حتى تخلي أطفالك يساعدوك بالطلبات الزايدة بأنهم يبون مصروف زيادة كل يوم وخذي منه مثلا الف كل شهر وعطيهم ريال كل يوم والباقي يودون معاهم أكل من البيت خاصة لو كانوا في المرحلة الإبتدائية..
أطلبي تشترين أسهم لأولادك تخلونها مدة 15 اوعشرين سنه تنفعهم إذا كبروا...وهنا ممكن تكبرين بعينه ويحسك صدق تبين مصلحته ومصلحة الأولاد...الخ...من الأمثلة

وتكونين مجهزة حصالتك ولا تفتحينها إلا كل شهر وعلى طول المبلغ يتوفر في حساب خاص سري في البنك..وفي غضون سنوات بسيطة راح تلاقين طلع عندك مبلغ محترم جدا..

على فكرة مهم جدا أنك تكتبين كل مبلغ دخل عليك منه في دفتر خاص عشان لو سأل مثلا...

بس لاتنسين تخلصين النية عشان ربي يبارك لك فعلى نياتكم ترزقون...:icon26:

ربي يوفقك

​

المها اعجبني ردك فعلا وخاصه سالفه الفلوس اثاري امهاتنا اول كذا وحنا ماندري ماغير اشوف الوالد تجمع وتجمع وحنا مانشوف الا ريالين بالابتدائي مع الفسحه هههههههه ذكرتيني بالذي مضى ماشاء الله امهاتنا على بساطة حياتهم كانوا يحسنون التصرف لكن بصراحه عندهم ازواج يعرفون هالشي لكن ازواج هاليومين مع احتراماتي رايهم لازم يمشي ومايجون بالهداوه لا لازم نتحايل ونسوي حركات نص كم ويالله نوصل ههههههه الله يهديهم بس

 

[*مشاعر مكتومة*]

اشارك اخوي الجنوبي او لا ؟؟

السلام عليكم اخواتي ان ابغى استشيركم اخوي جنوبي وعارض علي فكرة محل لبيع الملابس النسائيه بمبلغ عشرين الف ريال وانا راح اخذ قرض عشان اشاركه يعني الفلوس مو متوفره برايكم اشاركه او لا وتتوقعون الجنوبي يعتمد عليه في المشاريع التجاريه او لا ارجو افادتي الف شكررررررررررررر

اختي الغالية اقتبست لك من بعض كلام حبيبتي الاستاذة ناعمه لعلك تستفيدين منه

بعد هالكلام عليك انتي اتخاذ القرار:showoff:
اتمنى اكون افدتك يالغالية:bigsmile:

الف شكرررررررررررر شكلي راح اكنسل الموضوع كله

عزيزتي نجاح الامر لا يتوقف فقط على شخصية جنوبية او شمالية
انها ارزاق ولها اسباب ولها توفيق رباني
اي نعم ما ذكرتيه مهم في امكانية الاعتماد عليه ام لا ومدى تحمله للمسؤولية ومدى نشاطه في العمل وذكائه التجاري
ولكن ليس هنا مربط الفرس
انا برايي لا تعتمدي فقط على هذه النقطة
اعملي استخارة والله يخترلك الخير وادرسي المشروع معه دراسة كافية وضعي معه جميع الاحتمالات وتوكلي الله واكثري الاستخارة
والله يوفقك

حبيبتي استفيدي من جنوبية اخوج وستفيدي من افكارة وآرائة ولكن لاتخلين القرار بإيده هو انتي اديري المشروع ^^

.....​

 

[*مشاعر مكتومة*]

اكل البيت او اكل برا؟؟؟؟؟؟؟؟؟؟

زوجي يعطيني 1000 ريال لمقاضي البيت في الشهر

اقضي ب 600 او 700 اكتر شي

لان احنا شخصين

واكلنا قليل مره وكل اسبوع نفس الاكلات تتكرر

انا بصراحه ملييييييييييييييت من الطبخ

لان زوجي كتير اشياء ماياكلها

وكتير اطلب اكل من برا

وتخلص الفلوس

يزيدني زوجي وبرضو تروح في مقاضي البيت ولا يبقالي شي

سؤالي

هلى الاكل من برا اوفر؟؟؟

ولا الطبخ في البيت اوفر؟؟؟؟؟؟؟؟؟؟؟؟

حبيبتي اكيييييييد الطبخ في البيت أوفر بكثير ومافي مقارنة بعد ..
بامكانك يالغالية تشترين المقاضي من الجمله مرة وحدة صح يمكن بنفس الشهر ماتقدرين توفرين ولكن تجلسين بعد كذا كم شهر وانتي موفرة ماتضيعين كل شهر المصروف على الاكل وانتي شوفي الاشياء اللي ياكلها زوجك وركزي عليها اكل برى ممكن تخلينه مرة بالشهر مو كل مرة ..
اتمنى لك الفائدة..

شكرا حبيبتي على ردك

المنظفات واغراض البيت ممكن اشتريها من الجمله

بس الاكله لا طبعا

لان حيخرب واحنا مااكلناه

لان تمر ايام زوجي ياكل في الشغل وانا اكل اي شي بسيط ومااطبخ

والله محتاااره وطفشانه من الحال دا

اكيد اكل البيت اوفر بكثيررررررر الله يوفقك ويسخر لك زوجك

اكل البيت اوفر وبدون مقارنة ..

بس بصراحة بس بصراحة مللللللل

انا بطلت اكل الغداء بصراحة من فترة ..

بس لابد لزوجي والعيال .. ياكلون .. فينطبخ الغداء ضرروري حتى لو محد اكله ..

شنسوي اذا فيه قالو مانبي والا ماعجبهم .. والا اكلو نقطة منه

واذا مافيه كل البيت جوعان بهاليوم ..

اممممم انا من رايي

اخذي خفايف يعني منوعة بتكون ومنها بيكون سعرها نوعا ارخص

والكمية قليلة

وزوجج بيحب التنويع

والله يوفقج

غالتى العزيزه:
السلام عليكم ورحمة الله وبركلته
الاكل بالبيت افضل بكثير من الاكل من المطاعم واذا انتم شخصان فقط لاغير أنصحك بان تجزئى مشترياتك بحيث يكون الشراء اسبوعى بدلا من الشراء الشهرى وبذلك يتوافر لديك الاكل صالحا لحين استخدامه وهذه الطريقه ارتحت عليها جدا من ناحية التوفير وصلاح الاطعمه
واتمنى ان اكون قد افدتك

هلا وغلا فيك اختي....
اولا : الاكل برة مو غلط بس يكون مرة او مرتين بالاسبوع.
وبعدين اكل البيت اوفر زالذ وصحي اكثر...
من خبرتي وارجو انك تستفيدين منها..
لما يجي يوم اجازتي اسوي تخطيط حق الغدا لمدة خمس ايام بما انني موظفة وارجع الظهر للبيت...
وعندي ثلاجة كبيرة واحط الاكل فيها مقسم على خمسة ايام مجرد ارجع اقص السلطة والتسخين والترتيب وبعض الاكلات تبيلها لمسة اخيرة... يعني ما ياخذ نص ساعة او اقل ...
بعدين استعيني بالخضار المجمدة والمعلبات .. وقطع اللحوم والدجاج المثلج وكذلك الاسماك...
ابحثي بالانترنت وكتب الطبخ عن الاكلات اللذيذة والسهلة... وكوني ست بيت ...
واي شي انا حاضر....

اكيد البيت اوفر وانظف بكير

اولا ضمنه جوده منتجاتك وصلاحيتها

ضامنه نظافه يدك واغراضك اللتى تستعملينها فى المطبخ

غير كده انتى ممكن توفرى كثير من المبلغ ده وتنوعى ايضا فى الكلات والمنتدى ماشاء الله به كثير من الاكلات شوفى المناسب لك ولزوجك ونفذيه وربنا يسهلك الحال

اكل البيت انظف واوفرواجمل

حبيبتي 1000 ريال كثير عليكم وانتم شخصين حاولي تتدخلين منها جمعيه لو بـ 200 وتستفيدين منها ...

ماشاء الله الخوات ماقصروا ^_^

طرحوا حلول كثيرة ومتنوعة .

اتمنى لج الفائدة ^^

.....​

 

[*مشاعر مكتومة*]

طرق للتوفير

بنات ابي طرق توفير تكفون..
ووش افضل المحلات للاطفال الي اسعارها رخيصه..

افضل محل للاطفال الهرم رائع واسعارة رخيصة وسوق الراجحي بالسويدي اسعارة حلوة وهي تقليد الماركات بعشرة ريال و15ريال والله تجنن لاتفوتك اخرفرصة مره حلوللاطفال وبجايم النسائي

راجعي اختي المواضيع التاليه واقرئيها بتمعن لتفيدك

تسوقي بلا ندم

قناعات تجلب الوفره

برنامج منظم للميزانيه

ميزانيتي الذكيه


تحياتي

​

وفيه حبيبتي اسواق المجد فيه ملابس اطفال تقليد الماركات زارا وادمز وفيه اسواق الشعله وسويقه بعد رخيصة

.....​

 

[جون الكويت]

الازمه المالية

السلام عليكم .... عزيزاتي الكل عارف عن الازمة المالية الي حصلت ... بعدها اختل توازن البيت عندي ... المشكلة نمط الحياة لما تكونين متعودة على طريقة معينة بالصرف و بعدين ينقلب الحال ... الحمد لله حالتي المادية ليست سيئة اعتبرها لحد الان متوسطة و عندي استثمارات قليلة انتظر الاسهم ان ترتفع و الله كريم ووظيفة براتب جيد لكن ودي اعرف كيف اصرف بحساب و اسوي كنترول على مصرف البيت علشان اوفر مدارس الاولاد و ... و الحمد لله انا كثيرة الصدقة .. و يمكن هذا اللي قلل الخسارة المادية ارجوا افادتي و ان كان على الخاص بارك الله فيكم .:tears:

 

[ميمو قطر]

أرجو مساعدتي

أريد اقترحات مناسبة لموضوعي أنا كنت معلمة لمدة 8سنوات واما الأن جالسة في المنزل ولدي 6ابناء وراتبي 4000و20168ياخذه البنك للسلفيه وباقي سلفية البنك 66ألف وكل شهر يصفيلي 2000اصرفها على نفسي وعلى أعيالي ولكن لاتكفيني لأني أعالج شعري عند عيادة خاصة وبشرتي تعبانه أشتري كريمات بأسعار غاليه ولكن مطره أتعامل معهم لأن تعبت من علاجه من سنوا ت مع غيرهم وهم شركات موثوقه وزوجي تعود على انا اصرف على نفسي وعلى أعيالي ولكن أقنعت يصرف على أبنائنا وعلى البيت ولكن حتى ألأن لم أستطيع ان أقنعه ان يضع مصروف في يدي حتى أستطيع توفير مبلغ لي لعمل مشروع يدخل علي بدخل لأصرف على نفسي وأستطيع تكملة تأثيث بيتي وهو راتبه 20000ولكن يذهب منها للبنك وغيرها امكن 2000؟أو 3000لااعرف لأنه لايخبرني عن راتبه وديونه وحتى الوصل برصيده حاولت مرات بالحيله أكشف عن رصيدي وأقدمه له وانا واضحه معه فكان يرفض ويخاف ولكن اريد مساعدتي كيف اوفر مبلغ لعمل مشروع بسيط بالتدرج ليعود علي بالرزق وانا الأشغال اليدويه والطبخ ومهنتي ولكن ظروفي لاتسمحلي أن اعطي دروس خاصه والله المستعان.

 

[قلب من نور]

البيت والبنك

:sadwalk:السلام عليكم........

يقال ماخاب من استشار.....

لذلك حبيت أشاوركم في قرار مصيري بالنسبه لي؟؟؟؟؟؟؟؟؟

أناموظفة براتب عالي ,زوجي بدون عمل بسبب المرض, البيت ايجار وايجارة 40الف, لدي مبلغ 300الف فكرة بشراء أرض عن طريق البنك وبناء البيت بالمبلغ الذي معي لكني مترددة ,خوفا من الضغط المادي حيث يخصم البنك ثلث الراتب تقريبا , كذلك عدم كفاية المبلغ الذي معي لبناء فلة صغيرة ....وسلامتكم.

 

[*مشاعر مكتومة*]

لي عودة لأجيب على استفسارتكن اخواتي الكريمات .

 

[رقم1]

انا لي مدخول ثابت والحمدلله 8400 درهم شهريا ----- 750 لاهلي لانهم مايقصرون وياي
1200 سلفيه سياره - 3000 جمعيه وستلمتها ودخلت مشروع ماادري بينجح ولا ؟؟؟
والباقي اتصدق منها واصرفها على علاجي وايد مكلف والحمدلله .بعد زوجي البخيل مارحمني يرفض يصرف على علاجي فلس .كيف اوفر ماادري ؟ ابغي اوفر لاني ادري اني اذااحتجت مابيساعدني مع انه من اصحاب الملايين . ابغي المشوره

 

[الأيادي الندية]

........

السلام عليكم ورحمة الله وبركاته ..​

حبيت استشيركم بشيء:sad_1:.. اخوي بيسافر في شهر 5 ميلادي لماليزيا وودي اسافر معاه لاني عمري ماسافرت بره .​

المشكلة انه السفرة مكلفة التذكرة في حدود الفين ريال سعودي ويمكن اكثر وغير الاقامة المدفوعة التكاليف في حدود 5 الاف ومصاريف السياحة هناك..( يعني احتاج مبلغ في حدود 9 الاف )​

وانا ودي كثييييييييييير اسافر بس مو عارفة وايش اسوي لتوفير المبلغ واستحي اطلب من اخوي هو موظف بشركة وراتبه حلو وماهو متزوج وانا ودي ياخذني اخاف مايتكرر الموضوع ثاني لانه بعد فترة بيخطب ويتزوج . ​

انا الان من غير عمل بس املك مدخرات ذهبية .. ومتخوفة اني ابيعها صراحة .​

مو عارفة وايش اسوي - احيانا افكر اكنسل واحيان اقول هذه فرصة -؟!!!:sadwalk:​

 

[لمى الحب]

اتمنى تفيدوني ...راتب زوجي 5400 ...1300 قرض باقي لة 3شهور ويخلص

لكن بصراحة الوضع مرررة متعبني احنا بعد 15 يوم بالشهر اواقل يخلص الراتب وعايشين على الدين من البقال


والمستشفى مع انه بالتامين الاانه اوقات كثير مابقدر اروح للمستشفى بحجة ان الراتب خلص الااذا كان طاري يايستلف من والدة او اطلع انا من مدخراتي مع انه مابيعرف ان عندي مدخر لكن اظطر اوقات اطلع عشان الاولاد

ومدخري هذا كلة هدايا من الوالد اللة يحفظة

اختي الكهرب ماتندفع الاكل كم شهر الجوال احيان يتقفل على 5شهور وهو كمان التلفون 7اواكثر من شهر مفصول والبيت ملك لكن واللة حالة زوجي مابيفكر بشي اسمه ميزانيه وانا السوق عنه سنه يمكن بالاعياد واللة مو عارفة كيف ارتب اموري ياليت تساعدوني

 

[*مشاعر مكتومة*]

السلام عليكم .... عزيزاتي الكل عارف عن الازمة المالية الي حصلت ... بعدها اختل توازن البيت عندي ... المشكلة نمط الحياة لما تكونين متعودة على طريقة معينة بالصرف و بعدين ينقلب الحال ... الحمد لله حالتي المادية ليست سيئة اعتبرها لحد الان متوسطة و عندي استثمارات قليلة انتظر الاسهم ان ترتفع و الله كريم ووظيفة براتب جيد لكن ودي اعرف كيف اصرف بحساب و اسوي كنترول على مصرف البيت علشان اوفر مدارس الاولاد و ... و الحمد لله انا كثيرة الصدقة .. و يمكن هذا اللي قلل الخسارة المادية ارجوا افادتي و ان كان على الخاص بارك الله فيكم .:tears:

عزيزتي الازمة المالية كثير تاثر بها لكن الحمد لله على كل حال حاولي تقتصدين قدر الامكان وقللي من المشتريات واذا رحتي للسوق حاولي تكتبين ماتحتاجينه بورقه حتى ماتزيدي عن حاجتك .​

 

[*مشاعر مكتومة*]

أريد اقترحات مناسبة لموضوعي أنا كنت معلمة لمدة 8سنوات واما الأن جالسة في المنزل ولدي 6ابناء وراتبي 4000و20168ياخذه البنك للسلفيه وباقي سلفية البنك 66ألف وكل شهر يصفيلي 2000اصرفها على نفسي وعلى أعيالي ولكن لاتكفيني لأني أعالج شعري عند عيادة خاصة وبشرتي تعبانه أشتري كريمات بأسعار غاليه ولكن مطره أتعامل معهم لأن تعبت من علاجه من سنوا ت مع غيرهم وهم شركات موثوقه وزوجي تعود على انا اصرف على نفسي وعلى أعيالي ولكن أقنعت يصرف على أبنائنا وعلى البيت ولكن حتى ألأن لم أستطيع ان أقنعه ان يضع مصروف في يدي حتى أستطيع توفير مبلغ لي لعمل مشروع يدخل علي بدخل لأصرف على نفسي وأستطيع تكملة تأثيث بيتي وهو راتبه 20000ولكن يذهب منها للبنك وغيرها امكن 2000؟أو 3000لااعرف لأنه لايخبرني عن راتبه وديونه وحتى الوصل برصيده حاولت مرات بالحيله أكشف عن رصيدي وأقدمه له وانا واضحه معه فكان يرفض ويخاف ولكن اريد مساعدتي كيف اوفر مبلغ لعمل مشروع بسيط بالتدرج ليعود علي بالرزق وانا الأشغال اليدويه والطبخ ومهنتي ولكن ظروفي لاتسمحلي أن اعطي دروس خاصه والله المستعان.

عزيزتي اذا اقنعتي زوجك يصرف هو على عياله 2000 تكون خاصه بك انتي شوفي كم يكفيك منها للعلاج والباقي حاولي قدر المستطاع تقسمينه حسب الاحتياجات ولو مبلغ بسيط توفرينه ويجتمع مع الايام ولو تدخلين فيه جمعيه عشان تلتزمين واذا اخذتي الجمعيه ادخلي مشروووع وابحثي عن مشاريع تناسب المبلغ اللي تجمعينه ومدام عندك موهبة الاشغال اليدويه تقدرين تبدين لك مشروووع يكون دخل وانتي تشوفين كيف الناس رجعوا للاشغال اليدوية شبرات وبروشات وشنط ومحافظ بس عليك مواكبة كل جديد.وبالتوفيق .​

 

[*مشاعر مكتومة*]

:sadwalk:السلام عليكم........

يقال ماخاب من استشار.....

لذلك حبيت أشاوركم في قرار مصيري بالنسبه لي؟؟؟؟؟؟؟؟؟

أناموظفة براتب عالي ,زوجي بدون عمل بسبب المرض, البيت ايجار وايجارة 40الف, لدي مبلغ 300الف فكرة بشراء أرض عن طريق البنك وبناء البيت بالمبلغ الذي معي لكني مترددة ,خوفا من الضغط المادي حيث يخصم البنك ثلث الراتب تقريبا , كذلك عدم كفاية المبلغ الذي معي لبناء فلة صغيرة ....وسلامتكم.

غاليتي عليكي بالاستخاره
المبلغ يالغاليه لو تستثمرينه بمشروع يكون تضمنين شي للعمر والبيت خليه عن طريق البنك حتى لو يخصم المبلغ من الراتب يكون عندك مشروع دخل ثاني .
وبالتوفيق
​

 

[*مشاعر مكتومة*]

انا لي مدخول ثابت والحمدلله 8400 درهم شهريا ----- 750 لاهلي لانهم مايقصرون وياي
1200 سلفيه سياره - 3000 جمعيه وستلمتها ودخلت مشروع ماادري بينجح ولا ؟؟؟
والباقي اتصدق منها واصرفها على علاجي وايد مكلف والحمدلله .بعد زوجي البخيل مارحمني يرفض يصرف على علاجي فلس .كيف اوفر ماادري ؟ ابغي اوفر لاني ادري اني اذااحتجت مابيساعدني مع انه من اصحاب الملايين . ابغي المشوره

عزيزتي لو تعملين لك حساب خااص بالتوفير وتخصصين مبلغ معين كل شهر تحولينه له تقدرين تجمعين لك مبلغ لو انه شي بسيط بس يجتمع مع الوقت .وبالتوفيق​

 

[*مشاعر مكتومة*]

اتمنى تفيدوني ...راتب زوجي 5400 ...1300 قرض باقي لة 3شهور ويخلص

لكن بصراحة الوضع مرررة متعبني احنا بعد 15 يوم بالشهر اواقل يخلص الراتب وعايشين على الدين من البقال


والمستشفى مع انه بالتامين الاانه اوقات كثير مابقدر اروح للمستشفى بحجة ان الراتب خلص الااذا كان طاري يايستلف من والدة او اطلع انا من مدخراتي مع انه مابيعرف ان عندي مدخر لكن اظطر اوقات اطلع عشان الاولاد

ومدخري هذا كلة هدايا من الوالد اللة يحفظة

اختي الكهرب ماتندفع الاكل كم شهر الجوال احيان يتقفل على 5شهور وهو كمان التلفون 7اواكثر من شهر مفصول والبيت ملك لكن واللة حالة زوجي مابيفكر بشي اسمه ميزانيه وانا السوق عنه سنه يمكن بالاعياد واللة مو عارفة كيف ارتب اموري ياليت تساعدوني

عزيزتي يبقى من راتب زوجك 4100 اولا عليكم بالصدقه لانها تزيد المال بركة ومانقصت صدقة من مال كما قال صلى الله عليه وسلم .
ثانيا عليكم بتوزيع الراتب بأظرف مثلا ظرف للاولاد ظرف لاحتياجات البيت ظرف للعلاج ظرف لتسديد الكهرب ظرف للجوال .
ومدخراتك حافظي عليها وحاولي تجمعين لك مبلغ وتسوين لك مشروع لو تبدين فيه بسيط يكون لك دخل خاص بك .وربنا يوسع عليكم ويفرج همكم .
ان شاء الله اكون افدتك​

 

[لمى الحب]

اختي مشاعر جزاك اللة خير على الاجابة

بس انا عندي حوالي 10 الاف ريال ودي ادخل مشروع بسيط حتى لو عن طريق النت لكن مااعرف وانا فعلا اتمنى اعمل مشروع يدخل على شي للطواري حتى لوكان 1000 ريال اواقل بالشهر اهم شي مانمد ايدنا لاحد اذا احتجنا ياليت تساعديني باللي تعرفي

 

[*مشاعر مكتومة*]

اختي مشاعر جزاك اللة خير على الاجابة

بس انا عندي حوالي 10 الاف ريال ودي ادخل مشروع بسيط حتى لو عن طريق النت لكن مااعرف وانا فعلا اتمنى اعمل مشروع يدخل على شي للطواري حتى لوكان 1000 ريال اواقل بالشهر اهم شي مانمد ايدنا لاحد اذا احتجنا ياليت تساعديني باللي تعرفي

واياك يالغالية ..
عزيزتي اذا كنتي ماانتي مستعجلة عليهن مافي احسن من الذهب اشتري بوقت يرخص وبيعي من يرتفع سعره بس يبي صبر يالغالية .
والله يرزقنا واياااك من واسع فضله .​