محبة الطاعات
New member
- إنضم
- 11 فبراير 2010
- المشاركات
- 425
بسم الله الرحمن الرحيم
السلام عليكم و رحمة الله و بركاته
اولا انا اسفة على عنوان الموضوع
بس بصراحة من الي فيني بنات انا و الله همي كبير بس متوكله على ربي و حاسه ان الفرج قريب
بنات انا عمري فوق ال 18 سنه و عندي صديقة بنفس عمري تعرفت عليها بالكليه
المهم و الله يا بنات اني احب هالبنت لأنها محترمه و اخلاق وكل شي فيها اوكي
ما عدا شي واحد و هو الريحه
اول الأيام بصراحة ما اكتشتفت الموضوع لكن مع الأيام بدت الصورة توضح
و المشكله ان انا عندي عقدة من الريحه الخايسه و ما اقدر اتحمل و دوم العود و العطورات بشنطتي
و دوم البنات يمدحوني و يمدحون ريحتي و نظافتي
و يضربون فيني المثل لدرجة انهم ساعات يقولون لي يمكن فيج وساس نظافه يعني انا وياها العكس
و عشان تعرفون شي عني انا دبدوبه و الناس دوم من يشمون ريحه
يروح الظن على الدبدوبه ما ادري ليش:30:
انزين انا قلت بتحمل و بصبر و اجري على الله و دام ان البنت اخلاقها اوكي خلاص اجري على الله
تخيلوا يا بنات هالبنت لزقة من النوع الأصلي دوم وياي بكل مكان اروح له و كأنها ما تعرف احد غيري
مع ان عندها صديقات بس على قولتها انها كانت معجبة بأخلاقي و مو مصدقة ان صرنا ربع :8::32:
و طبعا مع الأيام انا صار عندي صديقات وايد و تخيلوا كل ما اتعرف على احد يشك فيني ان الريحه مني لأنها دوم وياي
و طبعا كل هذا و انا متحمله :8:
الحين بتقولون شلون عرفت ان الكل يظن ان الريحه منها بقول لكم
الله يسلمكم و يبعد الشر عنكم انا صادتني حساسيه و اختناق من ريحتها و تخيلوا
لانها دوم وياي زادت الحساسيه و صارت حساسيه حاده
لدرجة ان الدكتور طلب مني اني اريح اسبوع بالبيت و السبب الحساسيه و طبعا هذا غير الأبر و الأدويه
المهم في يوم من الأيام الحاره صيفا كانت هي كالمعتاد :10:
و الريحه تشمونها من اول الممر آه و انا كنت قاعده أمر بفترة عصيبه ويه الحساسيه
المهم انا كنت متأخرة على المحاظرة و اول ما وصلت لقيتها تنطرني عند الباب :8:
ودخلنا و اقعدت يمي و بدا مفعول الريحه و بدت الحساسيه تشتغل و شوي شوي بد الأختناق
و لون ويهي تغير و حسيت شوي و بيغمى علي و مرة وحدة وقفت و قلت للدكتور لوسمحت انا بطلع
ما اقدر اتحمل بموت قالي من شنو قلت له خنقه و انا عندي حساسيه و الحمد لله انه كان بيخلص
المحاظرة فسمح لي و ركيض على الباب و على طول طلعت برى المبنى ابي اكسجين:31:
المهم ما تميت شوي الا اهي لاحقتني ويه وحدة ثاني اقول لكم من الخوف جسمي كله نفض يوم تناديني
بس صج صج كان مآساه المهم احنا الثلاثه وهي ويانا تخيلوا للحين ويانا :33:
رحنا المكتبه و بالمكتبه طلبت من صديقتي الثانيه ان نروح الحمام الا تقول بيي وياكم قلت لها لا
و بداخل قلبي ( ارجوج لا تين ويانا :c016
قالت لي ليش قلتها ابي فلانه بسالفة
تخيلوا ما وصلت للحمام الا و انا منفجره قمت اصيح مثل اليهال و اقول لها بموت انا اكيد امي غضبانه علي اليوم
قالت لي ليش قلت لها السالفة و كان في بنات مارين صوب الحمام انكسر خاطرهم علي
و قعدوا يهدوني المهم و رفيجتي قالت لي ان اهي كانت محسبه ان الريحه مني و عقب لاحظت لأن
انا وياها نروح نتغدا بروحنا ساعات ( نادرا)
المهم و هالبنت قالت لي اني اقولها ان فيها ريحه و انها لازم تتنظف و جي
و بالفعل حددت يوم و قلت لها و شتتوقعون ردة فعلها
زعلت علي يوم كامل و ردت على حالتها الأوليه اهئ اهئ اهئ:e136:
المهم بنات انا الحين صار لي 4 سنين و داخله بالخامسه بموت من الريحه
قولوا لي شسوي
حالتي قاعدة تزيد و مب عارفة شسوي الحين كل ربعي اللي بالجامعه عرفوا السالفة
و عرفوا ان الريحة مو مني لأن البنات اللي قعدوا يهدوني ما تم احد ما قالوا له بالعالم
و البنت انفضحت بس و الله غصب عني و تدرون انا ضمري مأنبني على الموضوع هذا
و كل ما وحدة من ربعي تفاتحني فيه يعني مثلا تقولي ان الريحه اليوم زايدة او شي جي
اسكر الموضوع بويها و ما احاول اني اتكلم بهالموضوع بس بنات لي رجعت الدراسه برجع اكلمها
و بصراحة انا خلاص ما ابيها عفتها دام ان هذا يايني منها ما ابيها خل اخلاقها لها ما ابي شي
ابي افتك منها مب قادرة اتحمل بموت من الريحه بنات
الله يخليكم ساعدوني قولوا لي شسوي الله يوفقكم يارب