ارجووووكم ابغى الحل لمشكلتي

[انفاس انثى]

السلام عليكم ورحمه الله وبركاته

بنات تكفون ابغى حل لمشكلتي مع زوجي ماادري ايش اسوي
اطلب الطلاق وافتك من خياناته وكذبه لي او اجلس عنده دخيلكم
ابي حل انا متزوجه من ست سنوات وعندي ولدين من بدايه زواجي
وزوجي يخوني كلام بالمسن والفيس والجوال وصابره عليه وكل مره
اكشفه يحلف لي انه راح يتغير تعبت نفسيا منه يابنات ماادري ايش
اقولكم لكن والله اني اعاني بالمره حقوقي حارمني منها والبنات كل
شي يسولف معاهم الحلال عنده حرام والحرام حلال عندي كل شي
عيب ومايصير ومع البنات كل شي مباح المهم قبل شهرين شفت له
محادثات اتقشعر البدن مع اكثر من وحده وياليت بس كلام كل واحد
يفتح المايك وتعرفون ايش يسوون ويقولون والله انجنيت لما قريت كل
المجادثات فواجهته عصب علي وحلف علي طلاق غير احذفهم كلهم
وان اذا علمت احد بالمحادثات فانا طالق يستهتر بكلمه طالق علشان
بنات كلبات انا تعبانه والله مو قادره اتكلم حتى لابتوبي كسره المهم
اتصالحنا وحلف لي على المصحف انه ماراح يخون وحذف كل البنات
اللي بالمسن اتفاجات البارح بمحادثين مع بنات ونفسهم اللي حذفهم
ضايفهم في ايميل ثاني وعلاقته مع وحده فيهم كانها علاقه زوجيه
انا متزوجه ست سنوات عمره ماقال لي او فعل معاي زي مع البنات
واجهته عصب واتنرفز وقال تستاهلين ليه تفتحين واتفتشين قلت اللي
ابطنه ريح مايستريح والله يابنات حتى لما يدخل دوره المياه ياخذ معاه
الجوال واتفاجأت بعد من المحادثه انه عنده جوال ثاني انا ماادري عنه
اتهاوشنا مع بعض ووصله لسما لدرجه قال انتي رخيصه وبطلقك علشان
بنات والبنت اللي تتكلمين عنها بتزوجها وبتصير ضرتك ايش رايك قالي
كلام يحرق القلب وينرفز بكيت ودعيت عليه من قلبي قدامه المهم يابنات
قبل اشوي جاي ومعاه باقه ورد قلت ايش هذي قال باقه ورد علشانك زعلانه
قلت لا ياشيخ يعني هالباقه بترضيني المهم طلع وقل لارجعت بنتكلم دخيلكم
قولولي ايش اسوي معاه او ايش اقول وكيف افتح الموضوع انا ابغاه يتوب ويترك
البنات وةمغازلتهم ابغى يتوب وويوعدني اخر مره انه مايخوني انا كنت قايله له
خلاص بروح عند اهلي ابغى الطلاق وكان يقولي هذي الساعه المباركه وهذا
اللي ابيه من زمان فهددته ان عندي له محادثات مع البنات وانا صادقه قلت والله
لااوريها اهلك واهلي الله يجزاكم خير ابغى الحل اطلب الطلاق او اجلس عنده
وكيف اتعامل معاه بعد اللي صار لأني ابغى رد اعتبار على اللي سواه معاي
ارجوووووووووووووووووووكم ابي الحل وانتظر ردودكم الله يجزاكم الجنه.

 

[فيافي 2]

أسأل الله العظيم رب العرش العظيم أن يفرج همي وهمكن ، حبيبتي الدعاء الدعاء هو سلاحك الوحيد ، وبعدين لازم تحاولين تحتوينه ليش ماتجلسين معاه إذا جلس عالجهاز وتحسسينه أنك قريبه منه علشان مايدور غيرك أتركي علاقاتك طلعاتك زوجك أهم شيئ في الدنيا وصدقين عن تجربه الزوج الأولاني ما بعده شيئ ، خاصة عندك أطفال وين يروحون .

 

[روحي واو]

حبيبتي اول مايجلس ع النت اجلسي وياه ع طول اتركي اطفالك شغلك خليك ظله ملازمته

خليه في البيت ماياخذ حريته بالنت ايدااااااا

واذا تمادى كثيررررررررررررررررررر

فمن رايي وانا مااقول تسوين هالشي انا لو يصير لي مثلك

اول شي ماراح اخبره انو معي نسخ من محادثاته ابدا لانه راح يوصلها وراح يضغط علي

فـ اول شي اذا قلته ابي اروح لـ اهلي وقال لي الساعه المبآركه بخليه يوديني عقبها وانا نازله من السياره بدق عليه او برسل له مسسسسسج

وبقول له عندي صور لمحآدثاتك ...

وبتم عند هلي اخليه يروح ويجي ويروح ويجي الين اخذ حقي منه وأدبه وارجع له

ولو يقول يبي النسسسسسسسخ بقول له حلم ابليس بالجنه وبخليه يحط في باله انه النسخ عند اهلي

عشان لو فكر بشي كذا ولاكذا يكون مهدد انه النسخ مو عندك عند هلك ويحآول هو كذا يتحسسسن

عشان ماينفضح ابدااا

وانتي دورك هنآ تصيرين غير الي يعرفهآآآ تنسينه هالبنات كلهم لاتقولين لي انا سويت وقلت ودلعت ومتعته ..

لا انتي ومع ذلك منقصه عليه بششششششي

شوفي وربي وربي لو انتي معيششششته وغامرته بحب ودلع ومتعه وربي ماراح يدور عليـك

الرجال ماراح يدور ع شي الا اذا كان مو عايش مثل مايبي ..

ودي اتكلم اكثر بس مااقدررررر

الله يعينك وطمنينآ علييييييييييييك دوووم الين تنحل مشكلتك

 

[امــاني العمر]

ماادري والله بس اللي اعرفه انه اداهدا طبعه ماراح يتغير الا بامر الله فادعيه ليل ونهار


يارب انك تسخر لها زوجها وتعوضها في اولادها خيرا ياااااااااارب انك على ذلك قدير ...

 

[نونه نونه]

ياقلبي والله عورتي قلبي والله يفرج همي وهمك .. انا كنت شايفه مصيبتي كبيره اتري في اللي اصعب بس لاتخافي حبيبتي في اللي اكبر منه واقوى منه .عليكي ياقلبي بالدعاء الخالص لوجه الله وسورة البقره واذكار الصباح والمساء .. قربي منه وشوفي ايش ناقصه عشان يروح للبنات دول خلي يعرف انك انتي الاساس والباقي كلام فاضي اجلسي واتفاهمي معاه بكل صراحه بس من غير ماتعصبي حاولي يكون الحوار في صالحك من غير ماتقولي كلمه يمسك فيها ويقلب الموضوع عليكي خليكي ذكيه واحتوي وخلي يدور النقص اللي عنده فيكي اكيد بالتجديد اكيد ماراح الا انه يبغى يغير الروتين غيري من نفسك واهم شي خلي شخصيتك قويه ولا تضعفي عل طول زي انااسأليني كنت كان الحوار بيني وبين زوجي بس ااقول انت وانت وانت وانا ابغى وابغى لين مانصحوني اهل الخير هنا بهادي الاشياء والحمدلله للحين الوضع مستتب والله يدومها يارب. يارب يسخرلنا ازواجنا ويهديهم ويبعد عنهم بنات الحرام ويجعلهم قرة عين لنا ويجعلنا قرة عين لهم ..( وقولي اللهم لا أظام وانت حسبي ولا افتقر وانت ربي اللهم فبقوة تدبيرك وعظيم عفوك وسعة حلمك وفيض كرمك اسالك ان تدبيرني باحسن التدابير وتلطف بي وتنجيني مما يخيفني ويهمني يا حي يا قيوم .. واللهم صلي على محمد وعلى اله وصحبه اجمعين)

 

[غنج العالم]

انا اقول بس خوفيه روحي لهلك وقوليله انا راح اوريهم
بس تخويف وازعلي عليه لاترضين الا لين يخلي خرابيطه الله يعينك

 

[انفاس انثى]

شكرا مليووون على ردوودكم بس والله يجزاكم خير يارب
يابنات والله ثم والله مو مقصره معاه بشي بالعكس انا
اللي اطلب منه كل شي وهو يبعد عني ويستحي مع البنات
كل شي يقوله وبالتفصيل الممل والله يابناتانا اللي اركض وراه
وهو مطنشني وهو دايما برا البيت يدخل النت ويكلم البنات من
برا في له مكتب واربع وعشرين ساعه جالس على الابتوب ومع
البنات مخليني على الهامش ودائما محتقرني مايهتم فيني ولا
يحنرمني بنظره مااسوى شي لكن والله يابنات انا اسامحه لني
احبه ولا ابغى يخرب بيتي واشتت اولادي لأني انا من ديره وهو
من ديره ثانيه

 

[ياربي انصرني]

انا انصحكم نصيحه لاتحلفووووون ازواجكم على القرااان ---لاتتساهلون --لاحول ولاقوة الا بالله


ها الكتاب كلام الله المنزل المطهر ---ومن حلف به يمينا --يعتبريمين غموس يغمس صاحبها في نار جهنم


القران ابعدوا ازواجكم عنه ---كم مره القى استشاره تحلف زوجها با القران ---اذا زوجك ماخاف الله بحلفه وعاد لخيانته وكان الله اهون الناظرين اليه ----ليش توافقينه على الحلف بالقران

لاتتساهلون بالامر ----اذا الزوج عنده ضعف في الوازع الديني وحلف ويخون ---اكيد ان الحلف بالقران عنده هين
اذا انه حلف بالله من قبل ونقض حلفه ---اكيد القران عنده سهل


انتبهوا يااخوات لاتحلفون رجالكم على القران--- القرلان موجود في البيوت للتعبد به ولقرأته والتدبر فيه والعمل بما جاء به000
ماانزله الله للحلف به على الخيانااات000

اسئل الله العظيم ان يهدي زوجك ويسخره لك ويرده لك ردا جميلا خوفيه بعقوبة الحلف بالقران تعجل له في الدنيا ويهلك في الاخره00
وش الفايده اذ الله بلاه بمرض عذبه فيه ماراح يفيدونه لاالبنات اللي يغازلهم ولا شئ ---حتى القران والرقيه
اذا احتاجها مايبارك الله له فيها بسبب اهانته لكتاب الله والاستهانه به

والله ان قلبي ينعصر وتضيق نفسي اذا شفت استشاره الحلف بالقران يمين غموس --- ولاحول ولاقوة الا بالله000

 

[روحي واو]

شكرا مليووون على ردوودكم بس والله يجزاكم خير يارب
يابنات والله ثم والله مو مقصره معاه بشي بالعكس انا
اللي اطلب منه كل شي وهو يبعد عني ويستحي مع البنات
كل شي يقوله وبالتفصيل الممل والله يابناتانا اللي اركض وراه
وهو مطنشني وهو دايما برا البيت يدخل النت ويكلم البنات من
برا في له مكتب واربع وعشرين ساعه جالس على الابتوب ومع
البنات مخليني على الهامش ودائما محتقرني مايهتم فيني ولا
يحنرمني بنظره مااسوى شي لكن والله يابنات انا اسامحه لني
احبه ولا ابغى يخرب بيتي واشتت اولادي لأني انا من ديره وهو
من ديره ثانيه

انتي كم صار لك متزوجه ..؟

وكم معك طفل ..؟

 

[روحي واو]

سوري ماركزت ع عدد اطفالك وفترة زواجك

لساتك 6 سنوات مراا قليله وطفلين وربي غريبه هالرجال

خلاص حبيبتي روحي لـ اهلك وبس خليه يتأدب وانتي راح تعرفين قدرك عقبهآ اذا كان يعزك

والا اذا كآن مايهتم لك وانتي قرري مصير حياتك عقبها

لاتقولي اطفالي ومدري شوووو

اذا انتو كذا وماصار لكم الا 6 سنوات فشلووون باقي العمررررررررررررر ..؟

 

[مشكلتي قمر]

اللة يهدية يارب

 

[ام الوردكله]

الله يفرج همك وهموم جميع المسلمين والمسلمات ان شاء الله

 

[انفاس انثى]

متزوجه صارلي ست سنوات وعندي ولدين
ومن بدايه زواجي ومشاكلي مع زوجي كلها
علشااان البنات ماخلى احد والله من كل ديره
يعرف بنت لما اواجهه يقولي مالك دخل انا كذا
ماراح اتغير عاجبك عاجبك مو عاجبك انقلعي
عند اهلك وهالمره هذي انا ودي اخذ موقف لأنه
بيسافر برا لمده اسبوع عنده شغل وانا لازم اسافر
لأهلي

 

[وهم79]

اختي لازم تتغيري انتي عشان هو يتغير
تحمدي ربك انه يندم على الي يسويه ويجي يعتذر غيره لا يقول دامك عرفتي خلاص موب فارقه معه او يروح يتزوج ثانيه وقتها من جد تنقهري
شكل زوجك شمالي
تبي نصيحتي استمري بطلب حقوقك الزوجي بشكل يومي ومستمر يعني خليكي اسبوع او اسبوعين وانتي تطلبين منه لو تعبتي ما عليه لكن عشان تسحبي كل الطاقه الي عنده
ونصيحه مني لك لا تواجهيه لا منك عرفتي احفظي السر وراقبيه من بعيد وتغيري انتي وحاولي تدمرين البنات بطريقتك فكري لان ما في شي يقدر على الرجال الا كيد وحيل الحريم وهذي نعمه عطاها لنا ربنا استغليها

 

[ميمو*]

الله يهدي زوجك ويصلحه ويبعد عنه بنات الحرام ويصرف قلبه عنهم
ويسخره لك يارب​

 

[تررف القصيد]

قوليله الطيبون للطيبات
وأنت ماتستاهلني
أنت أخترت بنات.....) وفضلتهم علي...مادام هذا طموحك وهمتك تسوي علاقات مع بنات يعرفون غيرك ألف ويتكلمون مع اللي يسوى واللي مايسوى...
أنا طموحي غيييييييير وبدور على الأنسان الطاهر العفيف اللي يستاهلني ... وش حادني أجلس مع إنساااان مثلك...
خليك قوية ولاتقولين أحبه
تراكم يالحريم غريبات الأطوار يسفل فيك ويذلك ويراسل عيرك وعاشق ومتيم في هوى غيرك
وأنتي وبكل ضعف أحبه