فقدت انوثتي وهويتي والسبب..البحرين و...

[حبيبتي نعوم]

السلام عليكم
بنااااات تكفون عطوني حل
انا متزوجة من 5 سنوات
زوجي ماكان يشوف الا انا بالدنيا لدرجة ترك اهله وجاوسكن بديرتنا
بعد ماجبت بنتي الاولى وانا بالنفاس عند اهلي
احتك باخوي
واخوي الله يهديه راعي بحرين وخرابيط
المهم
اني الحين لي 4 سنوات
وزوجي ينتقل وحده لوحده في البحرين
تمص دمه ولا صار مديون لافوق راسه جاني يترجاني اسامحه
قبل فترة لقيته مصور وحده منهم
وشكله داخل معها بالعميق
زوجي طيب ويسوي نفسه راعي فزعات
وانا للاسف كل ماشوفه طاح بدين اساعده اقول يمكن هالمره ينصلح حاله
لكن للاسف
بس ينتهي من دينه يرجع للبحرين اقوى من الاول
لدرجة اني صرت اصرف ع البيت والبنات والشغالة والسواق
وحتى اهله لا رحنا لهم زياره
حسيت اني قلبت رجال
لاتعبو بناتي انا اشيلهن للمستشفى
ولا تعبت انا لقيتني لحالي او مع اختي
ماعندي رجال اعتمد عليه
الحين البارح متهاوشين انا وياه لانه اكتشف اني مخذه قرض وشايلته لنفسي وبناتي
يقول ليش؟
وين وديتيه؟
قلت مو شغلك هذي فلوسي
قام يبي يضربني قلت سوها ولا عاد تشوف وجهي
تمنيته ضربني لاجل اتطلق
عجزت يابنات
انا طبعي دلوعه ومغناج بقوه قبل الزواج
وفجاة فقدت احساسي بنفسي من يوم عرفت انه يخونني
كل من شافني ماعرفني
صرت كني عجوز
هم دين .. وبيت وبنات وزوج لعاب
واخو كسر ظهري لانه هو سندي بعد الله وماعندي غيره
الحين يابنات
ابي اعرف ش اسوي
هو بعد البارح يوم شافني قويه قام يقول اصلا انا مريض واكح دم
وعلي دين40الف راحت في خرابيط
اليوم جاني يعتذر
وقالي جهزي نفسك نطلع سوا
زوجي غريب
اذا بغى مني شي يجامعني بتلذذ
يعني ع باله اذا طيح الي براسي باوافق
مع اني وربي اوافق لاني احبه بغض النظر عن كل شي
وشولن اقوله لا ماراح اعطيك فلوس بدون مااسوي لحالي مشكله
والا تقترحون علي ازعل واتركه
تكفووون شورو علي
ع فكره
كل مره يطيح زوجي بدين عشان صاحباته
يقولي انتي السبب
انتي الي وهقتيني
وضيعتيني
وحديتيني ل اقصاي
مدري ليش
شورو علي

 

[mnory]

مشكلتك كبيره مررره
ولا اقدر احلها لك
اعذريني
الله يعينك ويستر عليك ويعطيك على قد نيتك

 

[شوكلاته ذايبه]

هلا حبيبتي الله يسخر لك زوجك يارب وانا من رايي بصراحه تحطين حد لحركاته هذي وتمنعين عنه الفلوس ماتعطينه ابد واجلسي معاه جلسه مصارحه وشوفي وش السبب روحاته للبحرين وطلعي كل اللي بقلبك عليه
والله يهديه ويهدي الجميع يارب

 

[الالوان الجميله]

نصيحه لك لا تعطينه ولا ريال
ليش اذا خلصت فلوسه واستمتع جاء عندك خليك قويه وقليله هذا راتبي لي ولبناتي مااقدر اعطيك اعذرني حاولي تجمعين لك كم قرش لك ولبناتك لزمن

 

[زبرجد]

نادر ماأرد بهالأسئلة
زوجك خرابة منك ..راعي خرابيط واسدد فلوسة ..خييييييييييير والله مااعطية ريال
ل رجال ماقبل مني ..ومو عذر أخوك راعي خرابيط رجلك مثلة ..
أنتي اوقفي بوجة زوجك ..أنا ماأقولك تطلقي..بس وش مستفادة منه انتي صرتي الرجال بكل شيوتصرفين عليه
كلامة أنه مديون ويكح دم ..بسلامتة ..يحاول يستعطفك..أنا لو منك أخلي راتبي كله بمشروع وألزمة يصرف على البيت وعلى بناتة..ولو مارضى أدخل أهلي ...وأخوك كلمية يبعد عن رجلك..أنتي بيدك كل شي بس حبك وعاطفتك مضيعتك

 

[روحي روحكـ]

كلام زبرجد خطير اقرايه عدل وافهميه مو يستعطفك بكم كلمه سلاماااااااااااات ينبسط ويسوي الي براسه وبعدها يتراجاك تسامحينه ويااخذ فلوسك لا والله يحلم بكره يجيب لك المرض من الديونه ومن الحرام انتبهي وريه شويه العين الحمراا وارحمي نفسك بعد

 

[هموسه1]

من رأيي لا تعطينه ولا تتطلقين منه خسااااااااااارة بناتك بيتشتتوووووون

عامليه بالعاطفه وبالمودة بس بعيد عن الفلووووووووس

 

[العمر يمضي]

انا مو مع كلام الخوات اجلسى معاة جلسة مصارحة لان اللى الله ماهداة ماراح تهدينة بس ادعيلة بالهداية وامسكى بيتك وربى بناتك وخلية على الرف وصدقينى راح يرجع ويندم بعد مايخسر كل شى

 

[بتوته توته]

هذا لعوب يساحلج بطلعة وبنومه قويه عشان ياخذ فلوسج ويصرفهم على شهوته اهو عارف شلون يجيب راسج بتى خليج قويه وضغطى على نفسج شوى يا عيشه بمعروف يا تسريح باحسان انتى ماتخافين من الامراض يدور نن وحدة لى وحده حطى حد لتصرفاته ترى بلنهاية مصيرج سجن من القروض صلى استخارة والخيره فى مايختاره الله والله مستعان

 

[سنتين مروا علي]

يكح دم؟؟
هاااي وانتي وش دخلك ؟؟
لالا ماعليك منه
انتي طيبة مرة حيل كثير جدا
اتركيه خلي ... تروح تسدد ديونه انتي في الاساس مو قاعدة تصرفين عليه لا ياعمري انتي قاعدة تصرفين على العاهرات في الاصل<<الاخت دارسة محاسبة وفاهمة بهالامور
المهم فلوس مافيه يعني مافيه يختي قولي له دخلت بمشروع وخسرت قولي ماعندي سيولة قولي صديقتي استلفت مني 70 ألف اي شيئ بس طيريه من ناحية الفلوس
وتعالي وش عندهم بنات الحرام احسن منك؟؟<<<دوي اجابة لهذا السؤال
بس كوني حازمة معاه الله يخليك لمصحلتك ولمصلحة بناتك
وبعدين في شئ قاله:(انتي اللي حديتيني للخرابيط))؟<<اتمنى تستفسرين عن هذا الشئ وتفكرين بعمق في عبارته اللي قالها
وثاني مرة قولي له بالحرف الواحد : لو جاني خبر انك رحت للبحرين صدقني ماعاد بتشوفني ورح تخسرني للأبد<<استغلي حبه لك
ساعديه هو في شر انقذيه انتشليه من البلاوي اللي هو فيها
ساعديه لايجيك مرض من بلاويهم يختي أقلها السيلان والزهري اللي لايبلانا
واتمنى لك كل التوفيق وللجميع يارب

 

[toffocake]

الطلاق مو حل انتي عرضتي المشكله والحل معاه معقوله ما عرفتي يا الغاليه اول شي ليش الواحد لين يتزوج يقولون له منك المال ومنها العيال بروحك فسريها وثانيا شلون تعرفين انه رايح حق الغلط وتعطينه فلوس هذا اثم عليج والمهم حبيبتي قدري نفسك وحطي النقط على الحروف وكل واحد ياخذ دوره الاساسي والمنتدى مشحون نصايح من ذهب بهالخصوص وفلوسج خليها لنفسك وليش انتي ترضين بالمسؤليه كامله واول ما يرد لك على طول تماشينه ولا كانه صاير شي انتي صاحبة القرار....
والله يعينج ويوفقج

 

[دلوعة توتو]

حبيبتي كان المفروض من البدايه ما تعوديه تعطيه وتساعديه إلا في الضروره القصوى ومصاريف البيت عليه لأن الرجال من يوم ما يلاقو فلوس فيدهم إما يتزوجو أو يلعبو بيها إلا من رحم ربي
دحين لا تديه فلوس خليه يسدد ديونه بنفسو هو رجال ويقدر يدبرها أما تاعديه ويروح لبنات الحرام هذا شي لايعقل خليك مصره أنك ما تديه إذا دلعك دلعيه وإذا خرجك أبسطي معاه بس لا تعطيه هذا من صالحك وأنتي وبناتك أولا بهذا الفلوس
أتمنى قدرت أفيدك ولو بشي بسيط
الله يعينك ويوفقك ويهدي زوجك ويسخرلك عيالك

 

[المتغيرة للأفضل]

ااختي خليك قويه ولاتعطيه شيء من فلوسك وفلوس عيالك وادخلي بفلوسك بمشروع او اشتريلك ارض بالتقسيط بحيث تدخلين اغلب الراتب فيها والباقي مصروف لك ولعيالك وهو اظهري له ضعفك ورغبتك في مساعدته ولكن لاتستطيعي لان ديونك كثيره وهكذا اختي لاتساعديه لانك بذلك تمنعيه عن العوده الى المحرمات واتركيه يحل مشاكله الماديه بعيدا عنك وبعد ذلك الزميه بمصروفك ومصروف عيالك تدريجيا حتى يشعر بالمسؤوليه ويبعد عن اللهو والحرام

 

[جراده شياكه]

تبغين الحل
فلوووووس مافيه بح بح
احفري للصراف في صحراء وادفنيها
انتي اللي ضيعتي زوجك والسبب منك
مو اخوك
زوجك اذا دور للفلوس ومالقى ومديون بيبطل يسافر
بس انتي الممول الا ول والاخير له
انتي بنك الراحجي للسفريات زوجك
السموحه اذا قسيت معك
من حقوقك النفقه
والاهم المبيت انتي لاعاد تفسري نومته معك عشان شي
من حقك ينام معك ويتلذذ

 

[وله المشاااعر]

عزيزتي أنت السبب بأخراجه من مسئوليتكم وقيامك بدوره في المسئوليه.
أعرفي نمط زوجك وتعاملي معه من خلال نمطه.
خذي أجازه من عملك للأسترخاء والتفكير فيما سوف تقومينا به من قرار.
لالالالالاتعطينه بعد اليوم ولا ريال واحد,
النار لاتحرق الا رجل واطيها.فأنا مررت في بعض من مشكلتك في تحمل المسئوليه والنتيجة كانت الارهارق وضياع الوقت بين الدوام والابناء والبيت وأعطاءالزوج المجال للأهتمام بهندامه وشياكته البحث عن بنات السوء في الموووولالالالات والنت,

 

[ginger]

لاتستعجلين بالطلاق وان شاء الله ينصلح حالك مع زوجك

المهم انتي كوني قويه ولاتعطينه ولا قرش ولازم تعودينه على هذه الطريقه

 

[شماليه متطرفه]

:c028::c028::c028:


نفسي اعرف وش اللي يخلي هالسعووووووووودييييييين رازين في .....
وش عندهم ؟
غير
جنس محرم زنا خمور لواط واوكار محرمه وبنات ليل وهوى وكل وحده اوسخ من الثانيه
وفالاخير يجيك مفلس ومديوووووووون
وينقلك الامراض
=========
فعلا مافيهم شي ينحب غير جيوبهم اللي تنصرف عالوسخات والقذرات

 

[انا اعترض]

الحل بايدج .. انتي اتعرفين شو نقطة ضعفه واستغليه .. لانه الصراحه هو قاعد يستغلج وكلامه بانج السبب هذا ابتزاز عاطفي

 

[دانه***]

حبيبتي سوي سيرش بجوجل واقراي قصة برود ومطر وقصة ام بسمه كلها قصص روتها الاستاذه ناعمه وطبقيها بالحرف وان شاء الله تنصلح احوالكم يارب بس لاتصرفي عليه ابدا خليه هو الرجال مو انت وبالتوفيق يارب

 

[متزوجه ولكن]

تسددين ديونه وهو يلعب بالحرام ليييييييييييه

انتي الغلطانه
خليهم يسجنونه مره خليه يتأدب


لايذوق منك شي
روحي خوذي قرض ثاني بعد وحطي لك بيت
اصرفي فلوسك ببيت لك
لاتخلينه يضيع فلوسك

خليه لما يجي يطلب منك شي مايحصل بحسابك شي
خليه يطلع رجل