تبي تحل مشكلتها على حسابي ........

[Ms. cappuccino]

السلام عليكم يا بلقيسيات ​

صاحبتي عندها مشكلة و استشارتني و حبيت اشوف اراءكم قبل لا ارد عليها
القصة انها من فترة بالصدفة شافت مسج في موبايل زوجها من وحدة من قرايبه و لما سالته رد بان قريبته طرشت له المسج و طنشها و بعد كم يوم كلمته البنت بس هو صدها بمعنى انه ما تجاوب معاها و خبر صاحبتي عن الموضوع
صاحبتي صار لها فترة حاسة انه في شي و لما فتشت موبايل زوجها لقت مسجات غرامية و مكالمات بينه و بين قريبته
هي لسه ما واجهته و ما اعتقد تبي لانها مو ناوية تخرب بيتها لان عندها ولد عمره 3 سنوات و حامل
هي يتيمة الابوين و اخوانها كلهم متزوجين

قريبته اكبر منه ب 3 سنوات و مطلقة مرتين و ابوها متوفي و امها حرمة كبيرة

ويش رايكم يا بلقيسيات
شلون تتصرف معاه و معاها ​

 

[دمعة الغيمه]

لازم تواجهه افضل لهاااااااا

 

[عيوون الحب]

خليها تصلي وتدعي اخر لليل والله يفرج لها

 

[جيانة]

بصراحة...لو بس تهدده تهديد بأنها راح تحكي لأهله المشكلة وتفضح أخلاق قريبته عندهم...يمكن يبدأ يفكر جدياً إنه يجنب نفسه المشاكل ويترك قريبته..
وإن مافاد...تنفذ كلامها بجد وتبلغ أهل زوجها عشان يوقفون بصفها ويوقفون قريبتهم عند حدها..
أو تكلمها شخصياً من غير علم زوجها وتقول لها ترى زوجي قاعد يتسلى معك ومسجل لك مكالمات وقريباً بتنفضحين عند العائلة!!لذلك انسحبي!
والله يجيب الفرج..وإن شاء الله تنحل المسائل من دون خراب بيوت

 

[متعبني حبك]

من رايي تواجهه لأنه مستحيل يتخلى عنها

لو يبي يتخلى عنها قال لها السالفه ولا اهتم

وبعد ماتواجهه تهدد قريبته وخلاص انتهى الموضوع
والله يوفقها

 

[الجواااان]

لو منها اكلم واحد من اخوانها بدون مايدرون من هانا وتحلف لهم بالله ان اختها تكلم رجال وان الرجال متزوج وبينهدم بيته بسببها

 

[Ms. cappuccino]

بصراحة...لو بس تهدده تهديد بأنها راح تحكي لأهله المشكلة وتفضح أخلاق قريبته عندهم...يمكن يبدأ يفكر جدياً إنه يجنب نفسه المشاكل ويترك قريبته..
وإن مافاد...تنفذ كلامها بجد وتبلغ أهل زوجها عشان يوقفون بصفها ويوقفون قريبتهم عند حدها..
أو تكلمها شخصياً من غير علم زوجها وتقول لها ترى زوجي قاعد يتسلى معك ومسجل لك مكالمات وقريباً بتنفضحين عند العائلة!!لذلك انسحبي!
والله يجيب الفرج..وإن شاء الله تنحل المسائل من دون خراب بيوت

انا اقترحت عليها تقريبا نفس الاقتراح تقول انها تخاف انه يسوي فيها شهم و يتزوجها عشان يستر على نفسه
​

 

[Ms. cappuccino]

لو منها اكلم واحد من اخوانها بدون مايدرون من هانا وتحلف لهم بالله ان اختها تكلم رجال وان الرجال متزوج وبينهدم بيته بسببها

فكرة حلوة
تسلمين يا الغلا​

 

[قمة الحلم]

لا لاتواجهه خليها تتقرب من ربي لوتدعي

ان الله يبعدها عنهم وتسأله صلاح حال زوجها وان يجعله من المتقين


وخليها تسوي نفسها واثقه فيه ...

ولا هي داريه عن شى :22:

وتشغله فيها وتتدلع :32:

اهم شئ لاتكشر خليها مبتسمه حتى يخاف الله فيها وهي لاجئه لربي وتدعي ومبتسمه وماهي مهملته ولامهمله نفسها ان شاء الله غمه وتزول بسرعه
اهم شئ لاتصارحه ممكن يعترف لها ويقول باخذها وراح اعدل ومن هالكلام وماراح تقدر تسوي شئ
احسن يومه مخبي هذا دليل على انه شاري زوجته فلا تخليها تبيعه وتكشف اوراقها احسن لها صدقيني
وخليها تدعي (اللهم اني مظلوم فانتصر)

 

[حمروشه]

بصراااحه انا لومكانها ماراح افكر ولاشي بجي عالبنت على طووول وانتف شعرها شعره شعره وهو عاد بخليه على جنب والي يسير يسير

 

[قمة الحلم]

لا لاتواجهه خليها تتقرب من ربي وتدعي

ان الله يبعدها عنهم وتسأله صلاح حال زوجها وان يجعله من المتقين


وخليها تسوي نفسها واثقه فيه ...

ولا هي داريه عن شى وتشغله فيها وتتدلع اهم شئ لاتكشر خليها مبتسمه حتى يخاف الله فيها وهي لاجه لربي وتدعي ومبتسمه وماهي مهملته ولامهمله نفسها ان شاء الله غمه وتزول بسرعه
اهم شئ لاتصارحه ممكن يعترف لها ويقول باخذها وراح اعدل ومن هالكلام وماراح تقدر تسوي شئ
احسن يومه مخبي هذا دليل على انه شاري زوجته فلا تخليها تبيعه وتكشف اوراقها احسن لها صدقيني

 

[قمة الحلم]

ههههههههه ردي صار عليه لخبطه وجا مرتين

 

[نعومه كول]

تمسك البنت وتهددها وتههد زوجها بعد
انا مع كلام جيانه
واذا بيتزوجها خل يتزوجها اللي يبيعك لاتسترينه باعك عشان علاقه بالحرام لو بالحلال نقول يمكن مااخطا بس بالحرام

 

[Ms. cappuccino]

up up up​

 

[Ms. cappuccino]

حبيت أشكر كل الاخوات الي اخذوا من وقتهم و شاركوني باراءهم القيمة
جزاكم الله خير و جعله في ميزان أعمالكم

و ننتظر المزيد من باقي البلقيسيات

​

 

[وهج1]

تمسك البنت وتتكلم معها عشان تعرفها انها ماهي مقفله وتهددها واذا ومافاد فيها تعلم احد من اهل البنت

 

[بارونة القمر]

لو بنقول تواجهه خوفي الرجال يتمادى ويستهتر في زوجته مدامها عرفت ويمكن يقدم على الزواج من قريبته هاذي عناداً في زوجته يعني !

فنصيحه لااااااا تصارحه...

لكن اشرايك تخلينها تقوي علاقتها في قريبته وتسوي لها غسيل مخ...يعني حركات نسوان...زوجي مغزلجي ولعاب وحصلت معاها صور للبنات وتسجيلات لأصواتهم ويخليهم يطلعون معه ولما يخلص يهينهم ويوزع ارقامهم على ربعه وياما نصحته يتوب لايبلانا ربي ومانفع معاه ويسكر وبخيل و و و و وماني صابره الا عشان ولدي ...

وبرضو تسوي غسيل مخ لزوجها...البنت مطلقه مرتين من كثر وسخها وشين طبايعها ماقدروا يتحملونها و و و و
وانتبهي لاتسب في عرضها عشان مايكون قذف لكن خلي كلامها عنها يقززه وينفره منها...

خواتي انا ادري ان اللي اقوله قوي جداً وفيه اساءه لكن كله من قهري من هالمتخلفه اللي تبي تاخذ الرجال من زوجته..وهي يتيمه ومسيكينه..

 

[دلع قلبه]

نصيحة لاتخرب بيتها عشان وحده مثلي هذي!!
زوجها اخذته الشهامه وتواصل معاها بمساعده ابليس
لكن مستحيل يفكر فيها كزوجه وخصوصا انها اكبر منه لو غضينا الطرف عن وضعها
الحل تهز صورة البنت بعينه بدون ماتبين انها تعرف
واذا تقدر تستعين بااخته وتثق فيها تهز الصورة معاها
تحاول تشغل زوجها عن هالادميه تجدد في علاقتهم اذا كان من الناس اللي يحب المكالمات تكلمه وتستفيد هي بدل هالادميه
ممكن اذا تقدر تخلي احد يكلم هالقريبه ويهددها بفضحها ويفضل رجل حتى تخاف بصدق
واضح ان زوجها انسان جيد بس ابليس هالمره غلبه
تستخدم معاه الايحاء وتردد على مسامعه انه شريف ومايرضى بالغلط وانه محافظ على نفسه من الحرام
عشان ربي يحفظ بناته مستقبلا
تقول ان اهلها واهله يمدحون اخلاقه وانه مو مثل شباب هاليومين وطيشهم وانه عاقل
ولايمكن يغلط وان سمعته زينه عند اهلها واهله
بعد فترة واذا ماتحسن الوضع ممكن تقول ان هذا الرقم اتصل وقالت مثلا زوجك لي وسكرت وتسوي روحها موب فاهمه عشان تبدأ تخليه يفقد الثقه فيها
طبعا ماتستخدم هالحيله الا بعد ماتستفذ باقي الحيل لانه لو كان عاشقها اخاف مايصدق زوجته
اذا كانت موب فاهمه زوجها تسوي له اختبار الانماط وتتعرف على شخصيته وطريقة كسبه
بعد تزيد رصيد ايمانه حتى يسهل عليه ترك المعصيه تطلع وياه رحلات تبرع للفقراء
تصلي وياه الليل تذكر بذكر الله تحثه على السنن
والدعاء الدعاء والتريث حلها الامثل والاكمل..

 

[ريشه ورديه]

لا لاتواجهه خليها تتقرب من ربي لوتدعي

ان الله يبعدها عنهم وتسأله صلاح حال زوجها وان يجعله من المتقين


وخليها تسوي نفسها واثقه فيه ...

ولا هي داريه عن شى :22:

وتشغله فيها وتتدلع :32:

اهم شئ لاتكشر خليها مبتسمه حتى يخاف الله فيها وهي لاجئه لربي وتدعي ومبتسمه وماهي مهملته ولامهمله نفسها ان شاء الله غمه وتزول بسرعه
اهم شئ لاتصارحه ممكن يعترف لها ويقول باخذها وراح اعدل ومن هالكلام وماراح تقدر تسوي شئ
احسن يومه مخبي هذا دليل على انه شاري زوجته فلا تخليها تبيعه وتكشف اوراقها احسن لها صدقيني
وخليها تدعي (اللهم اني مظلوم فانتصر)

انا مع الاخت 100% والله احسن شي لهـا

أكيد بينهم حبـــــــــــ وصدق خليها تشغله فيها أكثر وأكثر

الرجال يجي بالنفاق والعزاوي

 

[غنج العالم]

لاتسكتين واجهيه مو من حقه تكلم زوجك اه ياقلبي بموت قهر ولا انتي كلميها وقفيها عند حده