ما ادري والله ما أدري!!

[تاقت]

بسم الله الرحمن الرحيم
السلام عليكم ورحمة الله وبركاته
خواتي تذكروني ..مشكلتي الي كانت قبل شهر أعتقد بسبب تغير زوجي بسبة إن بدا بمشروع تجاري..ورديتوا علي إن طبيعي ..وإن أنا لازم أكشخ وأدلل لي الآخير!!

وسمعت بنصيحتكم..مايدش ويطلع إلا وأنا كل يوم بكشخه ..ولساني شحلاته ..!!

المشكله قاعده تكبر مو قاعده تصغر..!! صرت مااطيق أقعد بالبيت ابد
أبي اروح عند اهلي وخواتي وأي كائن في الدنيا بس مو مع زوجي!!
والسبب إن صاير..:
ليش تسوين هالشي؟
ليش هالشي مكانه اهني؟
ولدج ليش يشوف هذا؟! وانا مو قلت مااحب هالبرنامج ولا هالقناة؟

انزين ساعدني ساندني..!
مايبني احط حق ولدي خادمه تساعدني بس مو تربيه !!
بنفس الوقت يبيني امنع ولدي من التلفزيون واجابله 24 ساعه ياناس انا عندي طاقه ابي ارتاح
انزين عااوني واقعد مع ولدك وانا اشوي ارتاح!!!

برنامحه اليومي: دوام الصبح ..الظهر (غدى ونوم) واه من النوم بعدين اقولكم مشكلتنا مع النوم...بعدين نقعد العصر نصلي ويروح ع النت..ع اساس ان يجابل مشروعه ويخططله وطبعاً يفتتح اشياءات ثانيه صج اشياء عاديه مافيها شي مو زين ..هذا الين المغرب بعدين إذا في زياره وصلني ورد يكمل مشروعه بالنت!! وساعات يطلع حق دكانه ..ويقعد لين ال 11 ويرد ينام :
وطبعاً مشكلة النوم شنو...إن إذا كان سهران ع النت يقوم ينام بهدوء وعادي
بس اذا انا كنت الي اسولف ولا بس جي قاعده معاه ساكته!!: الله يهديج خل انام والله ورانا صلاة فير والله ورانا دوام..طااااااااالع صارت 11 ولا 12 وانا مانمت بس وربي لمن يكون قاعد معانا!!!

طبعاً ماعادت لنا طلعات مثل قبل حتى الطلعه الاسبوعيه ..صارت ممله بالنسبه له..وكله كلامه :ماكو شي يناسبنا وماكو شي حلو..وبعد طالع بموضوع :والله انا بيبتوتي..( من متى ؟؟من شهر)بسسس..وحكمت على عمرك انك بيتوتي..عيل وين اول ماتزوجنا حتى نص الليل نتكشت!!

مااشك بحبه لي..ادري يموت ع الارض الي امشي فيها!!!

ياناس بديت اكره بيتي من الملل وربي ملل...!!
مجابله 4 طوف!!
وانا وربي ماشكيت حالي الا عندكم..واروح وازور واضحك وبقلبي هم كبير..بس اخشه بضحك كبيييير!!!

ودي اكتب كلشي بس احس كلشي طار من مخي
والله احب زوجي وبقوه بعد..ابي اعيش معاه بحب على طول..
بس مو بهالجو النكد..!

مشورتكم يااهل الخير !

 

[مصاصه بالفراوله]

طيب اشغلي نفسك بدورة او نادي رياضي و سلي نفسك
حاولي تكتشفي مهاراتك
اختى المراءة ما تجز و الحدملله انه يحبك و انتي تحبيه هذي اكبر نعمه يعمي المشكله بس في وقته و مشاريعه
على الاقل مو راعي خرابيط
خفي عنه و هو رح يحس انك مو كاتمته
و الحياه يبغالها صبر و تضحيه​

 

[ياغيابه]

آمنا بالله بيتوتي


طيب الاوقات اللي يقول قومي خلي ننام ويكون فاضي بدعي انتي فيه العاب زوجيه ترفيه مقالب ضحكـ فراش


ومصيره بيتغير كلنا نمر بالروتين الممل .. واذا سال هذا ليه ومن حقه فهو طبيعي لانه متفاجئ ..​

 

[تاقت]

طيب اشغلي نفسك بدورة او نادي رياضي و سلي نفسك

حاولي تكتشفي مهاراتك
اختى المراءة ما تجز و الحدملله انه يحبك و انتي تحبيه هذي اكبر نعمه يعمي المشكله بس في وقته و مشاريعه
على الاقل مو راعي خرابيط
خفي عنه و هو رح يحس انك مو كاتمته

و الحياه يبغالها صبر و تضحيه​

إن شاءالله ..

بس أعاني من تدقيقه ونظرته بس للاشياء الغلط بالبيت ! تعبت

 

[تاقت]

آمنا بالله بيتوتي ​

طيب الاوقات اللي يقول قومي خلي ننام ويكون فاضي بدعي انتي فيه العاب زوجيه ترفيه مقالب ضحكـ فراش ​

ومصيره بيتغير كلنا نمر بالروتين الممل .. واذا سال هذا ليه ومن حقه فهو طبيعي لانه متفاجئ ..​

أختي توني راده من مناسبه..والله أنا ينيت على عمري من حلاتي:\!!
بس اهوا شاف الساعه 12 قااال: ياولي تأخر الوقت حتى مامدح تخيلي!!
اكتئبت ومو قادره انام

اهوا يتوتر بس اسوي شي ولا اقوله شي يبي ينام وبس..!

وعن سؤاله عن الاشياء..بس لين متى قوليلي!!! مايمدح بس يذم ماكو شي عاجبه!!
واذا في غلط ليش مايحل المشكله ليش مايعطيني مشورته يمكن في اشياء ماادركها انا..

 

[قصه شتا]

يابختك والله اهم شي الحب الي بينكم
دام انك واثقه من حبه لك
والله يسخره لك يارب

 

[عطر الليالي]

اختي الكريمه
ماشاءالله لاقوة الابالله انا ماني شايفه انو فيه مشكله واضح انوحياتك حلوه ليش الهم والغم الي معيشه نفسك فيه
حبيبتي انتي تعانين من فراغ فحياتك عشان كذا مركزة على زوجك وتصرفاته
الله سبحانه وتعالى ماخلقنا عشان نطلع ونتمشى ونقضي حياتنا نسلي انفسنا ربي خلقنا لعبادته يعني المفروض من اول ماتقومي من نومك تحتسبي اجر خدمة زوجك وولدك مافي اي داعي للخادمه وانتي اساسا ماعندك الاولد بس الله يحفظه لك
فاطمه الزهراء رضي الله عنها لما طلبت من الرسول عليه الصلاة والسلام خادمه تعينها علمها عندما تأوي للفراش تسبح 33 وتحمد الله 33 وتكبر 34
تبغي تجيبي لنفسك الهم بالشغاله ليش
نصيحتي لك حاولي تشغلي وقت فراغك بكل ماهومفيد صدقيني الراحه والسعاده تكون بالطاعات والقرب من الله سبحانه عشان تفوزي في الدنيا والاخره0

 

[حلوة بس رجة]

اختي الكريمه
ماشاءالله لاقوة الابالله انا ماني شايفه انو فيه مشكله واضح انوحياتك حلوه ليش الهم والغم الي معيشه نفسك فيه
حبيبتي انتي تعانين من فراغ فحياتك عشان كذا مركزة على زوجك وتصرفاته
الله سبحانه وتعالى ماخلقنا عشان نطلع ونتمشى ونقضي حياتنا نسلي انفسنا ربي خلقنا لعبادته يعني المفروض من اول ماتقومي من نومك تحتسبي اجر خدمة زوجك وولدك مافي اي داعي للخادمه وانتي اساسا ماعندك الاولد بس الله يحفظه لك
فاطمه الزهراء رضي الله عنها لما طلبت من الرسول عليه الصلاة والسلام خادمه تعينها علمها عندما تأوي للفراش تسبح 33 وتحمد الله 33 وتكبر 34
تبغي تجيبي لنفسك الهم بالشغاله ليش
نصيحتي لك حاولي تشغلي وقت فراغك بكل ماهومفيد صدقيني الراحه والسعاده تكون بالطاعات والقرب من الله سبحانه عشان تفوزي في الدنيا والاخره0

انا معاك ياقلبي في كل كلمة قلتيها والله احيان يكون فيني شي ابي اطلعة وخاصة تجي ها الحالة قبل الدورة باسبوع ومين الضحية زوجي واولادي الله يعينهم لاكن اروح اتعوذ من الشيطان واقراء القران وتروح هالحالة وكثري من لاستغفار
الله يسعد ايامك وايامنا وايام الجميع امييييين

 

[تاقت]

والله كلامكم يشرح الصدر ويريح البال..كنت محتاجه احد ينورني ويزيد ايمانياتي..

أحبكم في الله خواتي..