مابغى اجرحه ولا اهين كرامة زوجي..ابي حل لااكثر

[صفا السماء]

بأختصار وبدون اي مقدمات مشكلتي مع زوجي طبعاً مافي غيرهم :30:
ياليت كل وحده تقول رأيها بالموضوع وش أسوي معاه؟؟؟

انا موظفة وزجي ايضاً موظف لاكن راتبه على قدة (الحالة المادية جداً عادية)
أخر الشهر مايصفى من راتبه ولافلس

صرت انا اعطيه واساعد بل اصرف على البيت على أساس راتبة يصفي كله لأقساط الي عنده
اعطية ولا اوقف واصرف على نفسي وعلى اولادي :6:
لدرجة الحين معاه بطاقة الصراف حقتي صراحة ماصدق ان هذا زوجي اول ماكان يرضى ولافلس ياخذه مني والحين للاسف صار واحد ثاني تعبت ماقدر اتحمل استحقرته وحاسه اني كرهته

أدري بتقولين انتي الي عودتيه طيب ابي الحل بدون اجرحه؟؟؟

 

[لقيت نفسي فيك]

يا قلبي
ليش من البدايه اعطيتيه فلوس ..
زوجك رجل وهو قادر يدبر نفسه
ومو من حقه انه ياخذ ريال واحد
من راتب زوجته
لكن الحين بعد ما صار اللي صار
الله يعينك ويساعدك
حاولي تاخذي فلوسك بالهدوء

ناقشيه اولا بالموضوع
بينيله انك مو راضيه
مو تسكتين وتبغيه يحس انه غلطان لا
كلميه بصراحه ووضوح
يا فلان انا ابغى بطاقتي
مثلا امي محتاجه
اختي تبغى اسلفها

واسحبيها واحفضي الفلوس عند امك
وعيالك زوجك هو المكلف يصرف عليهم مو انت
عوديه من الشهر الجاي
على كذ
اتمنى اكون افدتك

 

[~أغلى الغاليات~]

شوفي يا قلبي مساعده الزوجه للزوج ما تقلل من قدره دامج بمساعدته بتحسنين من وضع اسرتج لا تنسين انج مسؤوله عن هالاسره مثله..لو تحمل ديون عشان يعيشج كل شهر بدون ما تصرفين راتبج في النهايه بيكرهج وبيستخسر فيج الريال..هذا اللي صاير الحين بس بالعكس..انت اللي كارهته..لان تحسين انه يستنزف فلوسج بس واقعيا انتي تعطينه بارادتج..حبيبتي الاعتدال في كل شي ..يعني ساعديه لما تحسينه خلاص ما عنده وبطاقتج خليها عندج..لعلمج انا زوجي لما ما اعرف انه عنده شي اعطيه البطاقه احتراما له بس لما نكون في المحل..مب حلوه في حقه اشتري وادفع وهو موجود..ما احب اصغر زوجي في نظر اي حد..وهذا احنا عايشين شهر يقدر وشهر ما يقدر..اهم شي مرتاحين وما نمد يدنا لاحد..زوجج فرحج بزواجه بج واكيد له وقفات حلوه في حياتج ولو بيده ما راح ياخذ منج..مب عدله لما يكون محتاج لج ما يحصلج جنبه ..بس بعد اذاكرج اعتدلي لا تعطينه كل شي ولا تحرمينه من كل شي..

 

[قيرون]

صح انتي غلطتي لما سلمتي له بطاقه الصراف مالك ولازم ترجعيها بطريقه دبلوماسيه ماتجرحه...انا اول زواجي كنت مثلك يعني اصرف مع زوجي بالبيت رغم انه ماكان يطلب شي ولابتقولي هو في ازمه مثلا..بس انا كنت احب اساعده شويه بما عندي وحتى لما جت بنتي كنت اذا رحت السوق وناقصها شي على طول اشتريلها من فلوسي من غير مااطلب من زوجي بس بعدين وبفضل مملكتنا الغاليه قدرت اخليه يصرف عالبيت وعالبنت بس بالتدريج عشان مايحس ,,,لان الرجال يحب يكون المسيطر ويحس برجولته في بيته وهذا الشي استفدته من قصه ام بسمه
فلاتضيعي زوجك بايدك ولاتساعديه الا اذا طلب منك مساعده بس انتي لاتعرضي عليه حتى هو يطلب اقل شي خليه يوفر الاساسيات واذا شي ككماليات انتي تكفلي بها
الله يوفقك في حياتك ويسخر لك زوجك

 

[sesebombom]

قوليله في حد للصرف يعني فقط نصرف من راتبي المبلف الفلاني
انا مابدي الفلوس تروح كلها على الاكل والشرب ما بيعرف النسان شو ممكن يواجه ظروف وطوارئ
او اقترحي انك تخططي لمصروف البيت وانت الي تمسكيه وتحددي المصاريف على اساس انك بدك تقتصدي وتوفري من راتبك كمان

 

[كريوم]

لا حول ولا قوة الا باالله

 

[صفا السماء]

مشكورات حبيباتي عالرد
صحيح لابد من مساعده بسيطة

بس انا زودته شوي لييييين صارت فوق راسي

 

[أجمل النساء]

ممكن تقولي حق زوجك انك من اليوم و طالع قررتي انك تبدئي تجمعي مبلغ شهريا يعني مثلا اذا راتبك 8000 قوليله انك قررتي انه 3000 من كل شهر ما بتلمسيهم أبدا و بكذا توصليله رسالة انك باقية تتصرفي في راتبك مثل ما تبغي و ثاني شي اذا سحب ما يسحب أكثر من 5000 بالشهر ، طبعا الأرقام كلها أمثلة

و بعد اتصلي في البنك اللي حسابك عنده طبعا بدون ما يدري زوجك ووقفي البطاقة و خبري البنك انها ضاعت منك ، و لما ييجي زوجك يسحب بتكون البطاقة عطلانة ، و طبعا انتي الوحيدة اللي لازم تروحي البنك و تقدمي على البطاقة الجديدة و لما ييجي وقت الاستلام خوذيها و بهدوء حطيها معك و لا تخبريه بكلمة السر الجديدة و أكيد هو بينحرج يقولك تعطيه البطاقة الجديدة

 

[ناديه#]

ممكن تقولي حق زوجك انك من اليوم و طالع قررتي انك تبدئي تجمعي مبلغ شهريا يعني مثلا اذا راتبك 8000 قوليله انك قررتي انه 3000 من كل شهر ما بتلمسيهم أبدا و بكذا توصليله رسالة انك باقية تتصرفي في راتبك مثل ما تبغي و ثاني شي اذا سحب ما يسحب أكثر من 5000 بالشهر ، طبعا الأرقام كلها أمثلة

و بعد اتصلي في البنك اللي حسابك عنده طبعا بدون ما يدري زوجك ووقفي البطاقة و خبري البنك انها ضاعت منك ، و لما ييجي زوجك يسحب بتكون البطاقة عطلانة ، و طبعا انتي الوحيدة اللي لازم تروحي البنك و تقدمي على البطاقة الجديدة و لما ييجي وقت الاستلام خوذيها و بهدوء حطيها معك و لا تخبريه بكلمة السر الجديدة و أكيد هو بينحرج يقولك تعطيه البطاقة الجديدة

اعجبني كلام الاخت
وانا انصحك تجلسين معاه وتقولين انك بيقللي المصاريف(بما انه راتبك خليه يحس انتي المصيطره)
وتقسمين بينكم المصاريف وطبعا الاشياء الكبيره تكون عليه وبشويش انسحبي
واذا مره ثانيه فكرتي تساعدينه ساعديه بدون ما تخلي كل شي في ايده
يعني مثلا انت تدفعين اذا كنت بالسوق اوالسوبر ماركت
او حتى الفواتير لكن خليه يحسك انت المسيطره على راتبك..
دحتى بالاخير مايحس انه مرتاح واحدثاني يصرف عالبيت..

 

[الجواااان]

اذا انتي واياه مبسوطين بحياتك خلاص فداه الفلوس ...والفلوس تروح وتجي ويمكن زوجك من النوع اللي يمون عليك وخاصه ان عنده ظروف ماليه انا اشوف انها عااادي جدا

 

[قلب مكلوم]

اختي من قبل كانت بطلقتي عند زوجي ..

وصرنا نصرف من بطاقتي وهو لا ..

تفاهمت معاه ان خلاص يوقف لا يسحب من بطاقتي فصرت اجمع .. وهو يصرف من بطاقاته لكن وقت الضيق اكيد ما ابخل عليه​

 

[نجوم نص اليل]

الله المستعان

 

[جسدبلاروح]

الاعتدال وبس الاعتدال لا تسووين غللطتي كل شئ سويته ولا يصرف وولا ششئ و للنهاييه زوج غيري
احذري وبس ااعتدال

 

[مناوووي]

باختصااااااااااار خودي بطاقه الصراف منه هدا حقك ومساله انك تساعديه عادي بس بحدود المعقول

 

[نونه الحنونة]

أناا أنصحك تقولي لزوجك أنك مشتركة في جمعية * مجموعه يجمعون مبلغ و كل شهر وااحد يااخذ مثلاا تكون ب ألفين رياال طبعاا أنتي جمعي من ورااه ..

أو ممكن صحيح تدخلينهاا بحيث أن اذاا جاا دورك تستلمين فلوسك ..

 

[دريم نايس]

حياتى اذا كان طيب ويستاهل الفلوس تعتبر شى تافه بالنسبه لطيبته وحنانه وبعدين انت استمنتينه على عرضك ماتستمنيه على فلوس تجى وتروح انا موظفه والحمد لله الله لايغير علينا فلوسنا مع بعض اذا انتهى اللى في حسابه ارجع اللى في حسابى اتمنى انى فدتك وشاوري عقلك ام حكاية انك تغير الرقم السرى وتقولى البطاقه ضاعت وتكذبى صدقينى انه قدرك بينزل عنده ولاعاد بيصدقك مره ثانيه الله يهديك ويصلح حالك,,,,,,,,,,,,,,,,,,,,,,,,,**

 

[نورة النورة]

يسر الله لك امورك