شوفي يالغلا اللي أحس واضح لي أنه أخوك راعي بنات ومغازل يكلم بنات وزوجك عنده علم بذا الشي فاللي يقصده بكلام أنه لا كان بذروته أخوك يضبط له مع بنت من البنات الي يعرفهم , طبعا زوجك ما يقصد الشي ذا لا هو قال لأخوك ذا الكلام من باب أني دست لك ع الوتر الحساس وأني عارف وش هدفك من السيارة لجل تكشخ وتنفخ حالك ع بنات الناس ويفكرونك راعي عز ... صح زوجك اخطأ يومنه ذا الرد وحتى لو كان من باب المزح ما يصح هذا الكلام بتاتا لا من باب المزح ولا من باب الجد لان زوجك متزوج ومحصن وربي عفه بالحلال
حبيبتي اعرف الموضوع ماهو سهل ولجل تقطعين الشك باليقين اعملي اللي بقولك عليه
شوفي اخوك كم جوال عنده ؟؟ اخذي الارقام اللي بجوال اخوك كلهم ما عدا جوال زوجك , وكل رقم جنبها الاسم اللي بجوال أخوك ... من رقم غريب اتصلي وشوفي كم بنت وكم ولد مع أخوك ..... بعدها لما تتأكدين وقبل لا يجي زوجك واجهي أخوك وأرمي القنبله بوجهه أنه أنتي عارفه انه يكلم بنات ونبهييه أنه يبتعد عن زوجك ولا يخرب لأنك أخته لا يفسد الدم اللي بينكم وذكريه أنكم من بطن واحد وأم وأب واحد لا يخرب حياتك ويدمرها بسبب طيشه .... ممكن يقولك حاجه عن زوجك , لا تعصبين ولا حاجة أحفظي الكلام اللي قاله ولا جا زوجك ابد استقبليه ورحبي به واعملي له ليله وعبري عن شوقك له ولا اشتري له هدية بمناسبة عودته لك بالسلامة وخلي حالك طبيعية جدا ولا تناقشينه بالامر نهائي ابد ولا تحسسينه بالشي ذا ...... ردت فعلك تعتمد ع رد اخوك لك وقت النقاش // لو قالك زوجك يعرف بنات , فتشي بجوال زوجك واعرفي وش ارقامهن ولا تواجهين زوجك ابد دسي له السم بهدوء .. ابتدي بحذف ارقامهن وحده وحده من جوال زوجك اليوم مثلا احذفي وحده بنفس اليوم كلميها من جوال غريب وهدديها انك راح تفضحينها وان مكالماتها مع الشباب مسجله وتعرفين كل بياناتها وراح ترسلين الكست لاخوانها بعد يومين امسحي رقمين من جوال زوجك وعلى طول اعملي معهن زي ما عملتي بالاول اهم شي تكوني قوية ونبرة صوتك الجديه ....... لو اخوك ما علم ع زوجك بحاجة وكلي امرك لله وخلي ثقتك بالله كبيرة وانه ما يرضا بالظلم ولو زوجك بيحاول يلعب بذيله ادعي الله انه يكشفه امامك لكن بعد 5 ايام من رجوع زوجك بعصريه وانتوا تتقهون علقي ع الموضوع اللي صار وقولي له انا واثقة فيك زي ما ابوي وثق فيك وعطاني اياك لانه عارف انه عطى رجال قول وفعل وقولي له مافي داعي يبعث الشكوك لك حوله .............. صدقيني بكذا بتكسبين زوجك وبتكبرين بعينه ع حكمتك وتمالك اعصابك والاهم من ذا احرصي بهدوء ان زوجك ما يحتك باخوك كثير وخلي عينك تراقب زوجك من بعيد لبعيد من دون ما يحس ابد , انتي لساتك عروس امسكي العصايه من الاول من النص وكوني قريبه من الله بالدعاء والاستغفار والصدقة لوجه الله
