قهرني زوجي قدام اهله

[فرنساوية1]

معليش الله يعينيك ويساعدك

امين يارب مشكورة يا عسل

 

[فرنساوية1]

حبيبتي ترى انتي اجهدتي نفسك زيادة عن الزوم عندك بيبي والله ترى مو لازم من رايي تتعبي نفسك لهدرجه حتى في بيت اهله خلاص مو عمتك تسوي اضيافه ليع تقومي وانتي تعبانه طول النهار كان ريحتيلك شوي وبعدين لما زعلتي وانهرتي شكله الجوع اثر عليكي كمان وهو اكيد زوجك غلطان بس حتى هو انت عارفه انه يكون مضغوط

كنت ابي ابيض وجهه بعدين عمتي سوت القهوة والشاي بس والباقي علي انا العشا كان من برا بس الباقي انا سويته والله اني اسوي وانا مبسوطة عادي كل هذا عشانه وعشان عزيمة ولدي
وتوقعت تقدير بس اخخ
الله ييسر لك امورك يارب

 

[فرنساوية1]

تعوذي من ابليس

انا اشوف انه ماغلط وانتي مكبره الموضوع !!!!!

والمفروض لما قال لك قومي قمتي وحضنتيه وكملتي صياح على صدره لانه بكذا تكوني انتي فرغتي اللي فيك وعلمتيه وش تبغين واعطيتيه رساله كامله وبالنهايه ريحتي بالك في حضنه




.
.

بس انتبهي تسوين حركة الكفوف والضرب قدامه بيقول هذي مجنونه

كيف اقوم واحضنه ليش هو مانزل وحضني ليش انا اللي اقوم بعدين اصلا وقتها انا ما عرف امي من ابوي فعلا فقدت اعصابي بكل معنى الكلمة ولما جاني كنت كارهته حدي ومو طايقته
وحركة الكفوف والله اول مرة اسويها بحياتي كلها ياما مرين بمواقف اقوى من كذا وكنت قوية وهادية مدري شنو صار فيني جد يمكن لأني انصدمت منه وانا احبه حييل

 

[فرنساوية1]

حبيبتي الرجال لما يمر بضغوطات يحب ينعزل لين مايهدأ

فهو تركك وراح نام مو معناته ماهميتيه

بس هو بتفكيره انه هذا الي يريحك ويهديك لما تكوني لوحدك

يمكن هذا اللي صار ولو كنا احنا بالموقف نفسه كان تشوفينا ما تغمض عيوننا ولا نقدر ننام من تأنيب الضمير !!!!

 

[فرنساوية1]

ياقلبي تفاعلت معاك الله يفرج همك .. ترا انا كنت مثلك بس مااضرب نفسي خير ليه .. لكن ماخليت عطر ولا برواز ولاجوال ماكسرته وقدامه من القهر اللي فيني .. لكن الله هداني لطريقة رووووووووووعة وهو اني اجلس في المواقف اللي زي كدا زي الاميرة ينادي امه اخته الشغالة ولا اعبره بالعكس افرد الضحكة وهو يناديهم واكمل سوالف مع الحريم وكلي ثقة حتى لما اسمع صوته يناديهم اقول ياعمري هدا فلان الله يخلي لي الصوت واكمل سوالفي يعني ابين لهم انه يناديكم مو اهمال لي ولا بيني وبينه شي بس كدا يبيكم انتم تخدمون وانا لا قاموا قلبو عليه وامه تلمح له في اتفه شي وزوجتك وينها احيانا يجيني متفشل محد عطاه غدا ولا غيره ويقولي بالحرف الواحد يقولون وين زوجتك شوي شوي صار ماينادي الا انا وباحترام لاني باطنشه لو قل احترامه ومحد بيعطيه وجه وصار الكل يقول زوجها ما يستغني عنها كل شي يبيه بيدها يعني في كلا التصرفين كنت كسبانة المرة الاولى قالوا مايبي يتعبها ويحبها ومدري ايه ولما صار يعتمد علي في كل شي صاروا يقولون يحبها ومايبي شي الا من يدها
المهم العصبية والنكد والتفاهم بصوت عالي كله عانيت منه وما جاب نتيجة الا اني ضيعت صحتي ووقتي في ولا شي وزي ما قلتي راح ينام لكن تعلمي كيف تتصرفين بدكاء واضغطي على نفسك قدامهم لو قال لك كلمة غلط قولي ادري انها من ورا قلبك والا انت تموت فيني مثل ما اموت فيك والله تجنينين الرجال وتسكتين اللي يفرحون عليك بهالمعاملة بس اهم شي الثقة والدلع ولا تصيرين مرتبكة يوم تسمعين صوته وتجلسين متوترة وطول الوقت خايفة يفشلك بكلمة او تصرف لا كدا تقعين في اللي انتي خايفة منه لكن خليك واثقة حتى ادا شفتيه معصب قدامهم على طول الكلام الحلو على لسانك ياقلبي هدي اعصابك او ادا زودها زي رفعت يده عليك نظرة قوية من فوق لتحت مايحس فيها الا هو وروحي لمكانك وونسي نفسك ولا تعلقين ولا تقولين ليه التزمي الصمت معاه تلاقينه جاي ومعتدر حتى لو مو بالكلام بالتصرف وعى طول سامحي لا تسوين فيها ثقيلة يقوم يمل منك

>>>>>>>>>>> تعبت ..
والله يعينك كله بالصبر والحكمة .. الله يفرج همك ويهديك ويسخر لك زوجك يااااااااااااااااااااارب.

يا سلااااام كلامك يثلج الصدر والله شكلي بسوي زيك انا لسى جديدة ع هالسوالف بس لازم اتعلم والله صادقة مانستفيد شي الا تضيع صحتنا باذن الله بتعلم اصير قوية مثلك
وانشاء الله ينفع معاه بصراحة ما ابي مواقف تفشل مع اهله
ويارب يعينني ويعينك مشكورة ياقلبي ردك بصراحة يجنن تسلمين

 

[فرنساوية1]

هدي نفسك الموضوع ما يستاهل كل الرجال كذه عند اهاليهم هذا الي يحصل لك لانه النفسيه بعد الولاده تكون زفت زوجك لما قال لك قومي كان يبي يعتذر بس بطريقه مش مباشره احتمال لو قمتي كان راضاكي
المهم انتي الان قومي بواجباتي ولا تعتدي خليكي طبيعيه اذا اتكلم معاكي واذا ناقشك في الموضوع قولي له ايش الي مزعلك من غير نرفزه وزعل وان شاء ما يصير الا الخير

انشاء الله يارب يهدي سرنا تسلمين يا قلبي ما قصرتي

 

[فرنساوية1]

طيب انتن ليه تفرضون انفسكم على ازواجكم قدام اهلهم

واصلا لاحظي هو ينادي امه وانتي الي تنقزين طيب اركدي وش يقومك مادام ماناداكي خليكي اميرة

وانا مثلكم والله جنن فيني عند اهله وانا عايشة معهم لكن بشقة مستقلة بس بنفس البيت واذا انا دخلت عندهم وهو معاي الا يفشلني لكن هم اذا جو عندي بالشقة عادي زين

عاد قلت خلص اذا هو دخل عند اهله انا مادخل وقلت له اذا انا كنت جوا ماتدخل
وابد صار كذا
ولاحظ ان اذا دخل اني اطلع وفترة شوي شوي صار اشوى صرت اقعد اذا دخل لكن اتجنب اني اتكلم معاه بشيء وعادي

ترى الرجال يصيرون حساسين عند اهلهم لانهم يحسون انهم مراقبين من خواتهم اكثر شيء ان اي شف وش تسوي وش تعمل وانت كنت معانا غاثنا لهذا يقسون على زوجاتهم قدام اهلهم
عاد انتي وش لكي وجع الراس والتفشيلات تجنبيه

وسعي صدرك واستهدي بالله وراضي ابوكم ترا الموضوع مايستاهل هالزعل كله

هذا اللي قررته اني اتجنب اجلس معه عند اهله بعدين انا لما كنت افز على اساس العزيمة عزيمتي واخواته وامه يتصرفون ع هالاساس وانا يوم اروح له ابي اشيل عن امه شوي وابين لهم ترا انا مو مطنشة وامكم تكرف ف عزيمتي لكن الاخ الله يسامحه فشلني ومافهم انا وش اسوي
بعدين اخواته جالسات اميرات يعني مالنا دخل هذي عزيمتك ولا ساعدو بشي حتى ولدي شوي يمسكونه بعدين يملون منه ويخلونه
الله يهون علي وعليك يارب

 

[فرنساوية1]

حبيبتي اعتقد بما انه شاف ردة فعلك ..بيراجع بينه وبين نفسه تصرفاته معك..اتمنى لك التوفيق

يارب يكون ظنك بمحله والله احنا وش نبغى الا التقدير والمعاملة الحسنة
مشكورة ياقلبي

 

[فرنساوية1]

شوفي ياقلبي انا زوجي كان كده في البدايه (( ككل الرجال)) بس من اولها وانا وقفت له يعني من اول مره ما اتقبلت الموضوع ولويت بوزي وعملتله مشكله ( لكن مو بطريقتك لانك بالغتي شويه وموقفك يدل على ضعفك )
انا وقفت قدامه بقوه وقلتله : اذا انت ما احترمتني محد راح يحترمني وانا زوجتك وام ولدك ترضاها لي الناس تضحك علي ؟؟
وطبعا سكت وحس فيني ومن يومها الحمدلله بطل يهزأني قدام اهله وقدام اي احد ..
وبعدين لي ملاحظه .. انتي تقولي انك من شهرين ونص ولدتي ليش يا حبييبتي ترهقي نفسك كده ؟؟ هوا ما يعرف ان البيبي متعب في البدايه .. يعني كان المفروض يوفر لك احد يخدمك او حتى يساعدك او حتى يخلي الاكل من برا ..
ليش اتحملتي كل ده الضغط ؟ طبيعي انك تنهاري اخر اليوم وتنقهري لانه ما حس فيكي ولا في تعبك في المطبخ والضيافه ..

يا حبيبتي انا كذا من اول سوا لي موقف وكلمته بهدوء وزعلت منه وراضاني ووعدني ما يتكرر
والحين كررها وانا اساسا مضغوطة نفسيا وانهرت قدامه
بعدين ما طبخت العشا كان من برا انا صلحت المقبلات والحلى بس وشغالتي مقدمه عليها من كنت حامل بس الى الحين ماجت الله يعين بس
وهو ما يقصر والله يساعدني احيانا بس تصرفه ذاك اليوم خرب كل شييييي

 

[رنوش 2010]

الله يكون فى عونك حبيبتي..بس المفروض إنك ماكنتي ..تكلفتي فى الطبخ وانتي عارفه إن مافيه أحد راح يساعدك.خصوصاً إنك توك طالعه من نفاس ..يعني توك تعبانه..ثاني شي ...المفروض إنه من يوم نادا..وطلعتي له وقام ينافخ.لوأنا منك اخذت غداي..وخذت ولدي وطلعت بيتي..وإذا قالوبدري قولي ولدي يصيح يبي ينام..وأنا جوعانه بتغدي صدري نشف مافيه حليب..ولاتبينين لهم إنك تظايقتي ..لان هذاالشي بينك وبينه..ولاتحسبين إنهم بيوقفون ..معك إذا شافوك متظايقه بس انتي بيني إن لامر عادي وقولي يحليله أبو فلان يغارعلي ..قوليها بضحك..وش نسوي حبيبتي لازم نجامل ...ويوم يدق وكان يبي زنجبيل ..كان سوتيله فى بيتك وعقب مايهداء وانتي تكوني هدأتي تفاتحيه بالموضوع قولي له يابو فلان الي سويته معي يجرح مشاعري أنا أدري إنك تغارعلي ..بس ماهوبهذي الطريقه..بدال ماتشكرني وتقولي تسلم ايدك ياحبيبتي ..تقعد تصارخ على ..وأنا تعبانه من الصبح واقفه فى المطبخ ..مع احترامي لأهلك ..محد ساعدني منهم.ولدي يصيح وحالتي حاله حتي الأكل ماذقته وانت بعد كملتها تصرفك مش فى محله وإذا ماقدرتني واحترمتني قدام هلك ..ماحد راح يقدرني ويحترمني منهم..والله يوفق .وهذا.مجرد رأى ..دئماًادعي فى صلاتك ربي يسخره لك.وأكثري من الاستغفار والاستعانه بالله

 

[كلي فدى عيونه]

يؤؤؤؤؤؤؤؤؤؤؤؤؤؤؤؤؤؤؤؤؤؤؤه لو يغلط عليه قداااام اهله .............................مدري شو راح يسير ............ماتحمل ابد .......مهما كان السبب مايفرد ريشه قدااااااام اهله عليه ..........

 

[فرنساوية1]

الله يكون فى عونك حبيبتي..بس المفروض إنك ماكنتي ..تكلفتي فى الطبخ وانتي عارفه إن مافيه أحد راح يساعدك.خصوصاً إنك توك طالعه من نفاس ..يعني توك تعبانه..ثاني شي ...المفروض إنه من يوم نادا..وطلعتي له وقام ينافخ.لوأنا منك اخذت غداي..وخذت ولدي وطلعت بيتي..وإذا قالوبدري قولي ولدي يصيح يبي ينام..وأنا جوعانه بتغدي صدري نشف مافيه حليب..ولاتبينين لهم إنك تظايقتي ..لان هذاالشي بينك وبينه..ولاتحسبين إنهم بيوقفون ..معك إذا شافوك متظايقه بس انتي بيني إن لامر عادي وقولي يحليله أبو فلان يغارعلي ..قوليها بضحك..وش نسوي حبيبتي لازم نجامل ...ويوم يدق وكان يبي زنجبيل ..كان سوتيله فى بيتك وعقب مايهداء وانتي تكوني هدأتي تفاتحيه بالموضوع قولي له يابو فلان الي سويته معي يجرح مشاعري أنا أدري إنك تغارعلي ..بس ماهوبهذي الطريقه..بدال ماتشكرني وتقولي تسلم ايدك ياحبيبتي ..تقعد تصارخ على ..وأنا تعبانه من الصبح واقفه فى المطبخ ..مع احترامي لأهلك ..محد ساعدني منهم.ولدي يصيح وحالتي حاله حتي الأكل ماذقته وانت بعد كملتها تصرفك مش فى محله وإذا ماقدرتني واحترمتني قدام هلك ..ماحد راح يقدرني ويحترمني منهم..والله يوفق .وهذا.مجرد رأى ..دئماًادعي فى صلاتك ربي يسخره لك.وأكثري من الاستغفار والاستعانه بالله

الله يسلمك اختي وتسلمين على ردك وانا ماطبخت العشا جابه من برا انا سويت الحلى والمقبلات بس عصب ع سالفة الزنجبيل سويته له واخذت ولدي وطلعت لبيتي ولا حسو اهله اني متضايقة قلتلهم بطلع عشان ولدي مايرتاح الا ببيته وهم دارين اني معصبة بس حاولت ابين انه عادي وفعلا اذا مااحترمني قدام اهله ماراح يحترموني جزاك الله الف خير

 

[فرنساوية1]

يؤؤؤؤؤؤؤؤؤؤؤؤؤؤؤؤؤؤؤؤؤؤؤه لو يغلط عليه قداااام اهله .............................مدري شو راح يسير ............ماتحمل ابد .......مهما كان السبب مايفرد ريشه قدااااااام اهله عليه ..........

الله لا يذوقك هالموقف يارب ابد

 

[ليه الجفآ]

حبيبتي كثير منا جرب الي شفتيه ولو بأسأليب ثانيه
بس نصيحه لا صار العشا مو عندك وفي بيتك لا تكلفيين فيه ابد اجل من الصبح للمغرب بالمطبخ
وبالاخير عند اهله ولا جا وقالك تسلمين على الي سويتيه
خذيها نصيحه لا رحتي عند اهله خليك ضيفه وهم يخدمونك واذا زوجك نادا مه وخواته عاااادي استانسي ويا الحريم وسولفي ولا عليك في احد
وسعي صدرك والموضوع مايستاهل بكره لا تذكرتي هالموقف بتقولين ياربيييه وش هالخبال الي كنت اسويه زماان خخخخ
اهم شي ابعدي عن صراخك وضربك لنفسك خليك اعقل من كذ1 ياعسسل
​

 

[سـحـاب]

الله يكون بعونك ......

لكن بصراحه كل الرجال كذا عند اهاليهم​

صدقتي يستعرضون قوتهم ولو رديتي عليه ياويلك وياظلام ليلك

زوجي كان من هذا النوع سبحان الله لين جايوم والله ماني فاكره وش المناسبه قلت لك كلمه والظاهر أنها خرجت من القلب للقلب استوعبها جيداً قلت له والله إني سرت اكره اشوك عند اهلك قال ليش قلت أنت بس تشوف اهلك تكككرهني في عيشتي معاك قدامهم والظاهر أنه حس انه غلط الي يسويه وممكن يكرهني فيه فأقلع بحمد الله بعد كذا << طبعاً لازم تراعين نبرت صوتتك وأنتي تقولين له هذا الكلام ونظراتك وتكوني هائه ماتستفزيه ..​

 

[سـحـاب]

الله يكون بعونك ......

لكن بصراحه كل الرجال كذا عند اهاليهم​

صدقتي يستعرضون قوتهم ولو رديتي عليه ياويلك وياظلام ليلك

زوجي كان من هذا النوع سبحان الله لين جايوم والله ماني فاكره وش المناسبه قلت له كلمه والظاهر أنها خرجت من القلب للقلب استوعبها جيداً قلت له والله يافلان إني سرت اكره اشوفك عند اهلك قال ليش قلت أنت بس تشوف اهلك تكككرهني في عيشتي معاك قدامهم والظاهر أنه حس انه غلط الي يسويه وممكن يكرهني فيه فأقلع بحمد الله بعد كذا << طبعاً لازم تراعين نبرت صوتتك وأنتي تقولين له هذا الكلام ونظراتك وتكوني هادئه ماتستفزيه ..​

 

[سـحـاب]

أختي صاحبت الموضوع اسأل الله لك التوفيق في حياتك ومع زوجك
(أنا ماقريت الردود كلها )​

حابه اقول لك فيه اخطاء أنتي سويتيها هي الي وصلت الموضوع لهالحد أولان أنك تعبتي
نفسك وأنتي توك طالعه من نفاس ومرضع عندك طفل محتاج لك في كل وقت وأنتي قايمه
من الساعة ثمانيه تحوسين في المطبخ وناسيه تاكلين ومشتته طاقاتك لوجبتي فاكه مع العشاء
كان سدت وبعدين قلك روحي لحد يشوفك اكيد غيران عليك يمكن خايف احد من اخوانه يجي وراه
من المفرضو خلاص تسمعين كلامه من أول مره اتمني تتعلمين من اخطائك وتنتبهين لها في المستقبل
ولدك تقولي يبكي يمكن حاس فيك إنك متوترح من حركتك من حرارت جسمك من دقالت قلبك وأنتي شايلته .​

 

[دددلع]

استحملي والي صار مر علينا كلنانفس الموقف او اصعب منه لكن الله يكفينا الشر يعني الدنيا مو دايمه له هو واهله يعني بيتعدل مع الوقت ومصيره لك انتي وعيالك يس

 

[مي عز]

كل رجال الدنيا كذا قدام اهلهم
وراضي زوجك واكسبيه
وقدام اهله خليك هاديه وعادي مرري التجاوزات

 

[دلة قهوه]

حبيبتي هدئ من روعك رويدا رويدا احمدي ربج انا هذي مشكلتج مو مثل هل البلاوي اللي في هالمنتدى والله لما اقرى القصص اقول خلاص الدنبا مافيها خير وبعدين كل الازواج جذيه جدام اهاليهم الله يهديه ويسخره لج يارب