مبايل ريلي

[امــــــــاني]

ماشاء الله عليك من اعجابي في شخصيتك تابعت الردود كلها ومازلت متابعه

 

[هند بنت عتبة]

يؤ يؤ اماراتية انا ماكنت متخيله هالموقف
بس انتي بيضتها يابنت ديرتي

امممممم شكلي باخذ افكارج للمستقبل واذا بشرد بطلع من الشارجه وبييج العين هع هع

كملي الغلا بانتظارج

وعلميني شو سويتي بالمسج الي شفتيه

ياقلبي عليج احس فيج كثير مني خصوصا الدلع وااي اموت عالشوبينج

هع و موقف المدرسه كانك تتكلمين عني

بس يبالي اتقوى مثلج

>> وماعليج من الاخت الي تقول مو من عاداتنا عادي حتى لو الوحده سافر ريلها تيلس فبيتها شو يعني وين الغلط ولا انتي سايره مكان شبهة <<

 

[إشراقُ شمس]

امارااااااااااااتيه وينك

قرات الموضوع كله في تلت ساعه واجي والقي مافي نهايه

يالله عجلي عليييييييييييييييييييييينا

 

[اماراتية دلع]

رحت لصالون سويت حلاوة لجسمي و سويت شعري
و حطيت خصلة وحدة فشعري فضية عسب تبين حلوة ويا الشعر الاسود
و زدت قصيت القصة (الغرة) و ركبت اضافر عليهم كريستال باللون الوردي
و سويت شعري كيرلي و اشتريت عدسات عسلية و شتريت لبس كنادير اماراتية حق البيت
بس مثال مب انا خخخخخخخخخخ


ورديت البيت
نمت تغدينا و نمت و بعدين مسجات منه و اتصالات و انا و لا على بالي
جني مب متزوجة
صليت صلواتي دعيت ربي و استغفرت و جلست ويا اهلي و قالي اخوي لكبير
الحين شو ما بتروحي لبيتج
لا ما بروح
ليش ما تروحي
قلت له انت ترضى على اختك المدلة و ان ريلها يلعب عليها
قالي لا
قلت له خلاص ردلي كرامتي لو انت اخوي و تخاف علي
و يلست اصيييييح و عاد الضعف
عاد اخوي عصب و ما كان متوقع ان دمعتي قريبة تتريا بس كلمة عشان تنزل
قال افاااا و الله ما اخليه لين ما يراضيك و يبوس راسج بس انتي لا تزوديها تراه يحبج و كل ريال
عنده اخطاء و يوم تكبري بتعرفي و تتأقلمي معاه و تصيري تشوفي الاخطاء و تسكتي بس الحين بعدج طايشة و مندفعة
قلت انا اعرف اتاقلم ويا الحب بس ويا الخيانة ما اعرف
خلاص الحين مسحي عيونج
قالي صح انتي مضاربة ويا ريلج و ليش مغيرة ستايلج ماشالله فرحانة و لا زعلانة
و الله انتو الحريم مادري بكم
قالي روحي الحين و بنشوف ترتيبكم كيف
راح اخوي طلع غرفته سكر الباب و جلس يكلمه يمكن اكثر من نص ساعة
نزل قالي ريلج لما يخلص دوامه بيي ياخدج
خلااااااااااااااص هني ضرب مخي كيف ياخدني انا لعبة و رحت لغرفتي
ياربي ياليت مت و قتلت روحي شو هالخوان ال ما يراعو مشاعري
شو كان يقوله ....
ليش رديت البيت ياليتني جلست بالشقة كل تعبي راااااااااح
دق علي الباب و انا كنت مسكراه و اصارخ و اصييييييييح
يقولي خلاص شو سوى الريال كفر خلاص غلطة و هو اعتذر و ما بيعيدها
شو تبين تطلقين و تفضحينا
قلت له انت هامنك بس السمعة ما همك اختك المسكينة المجروحة صدق الرياييل ما يحسو

 

[أم و جامعية]

بتسهرو زي أمس والا أروح أنام متحممسة ،واايد>>أرمس إماراتي عايشه الجو

 

[اماراتية دلع]

يؤ يؤ اماراتية انا ماكنت متخيله هالموقف
بس انتي بيضتها يابنت ديرتي

امممممم شكلي باخذ افكارج للمستقبل واذا بشرد بطلع من الشارجه وبييج العين هع هع

كملي الغلا بانتظارج

وعلميني شو سويتي بالمسج الي شفتيه

ياقلبي عليج احس فيج كثير مني خصوصا الدلع وااي اموت عالشوبينج

هع و موقف المدرسه كانك تتكلمين عني

بس يبالي اتقوى مثلج

>> وماعليج من الاخت الي تقول مو من عاداتنا عادي حتى لو الوحده سافر ريلها تيلس فبيتها شو يعني وين الغلط ولا انتي سايره مكان شبهة <<

يا مرحبا وسهلا باهل الشارجة خخخخخخخخخخ
يلا تعالي نسوي شوبينج نصرف بيزاتنا شوي خخخخخخخخخخخ
ماشي شغلة

 

[~ على نياتها ~]

ماشاء الله زوار الموضوع 92

اللهم زد وبارك

 

[MISS_FEMININE]

mtab3ah

ya shay6oooonah !!!​

 

[هند بنت عتبة]

يا مرحبا وسهلا باهل الشارجة خخخخخخخخخخ
يلا تعالي نسوي شوبينج نصرف بيزاتنا شوي خخخخخخخخخخخ
ماشي شغلة

هلا فيج ياقلبو

ههههههه اصلا دومي اذا مليت خذت ولدي مع البشكارة عسب تيوده فالسيارة واروح ركض لدبي مول خخخخخخخخخخخخخخخ اتشرى

ماحب ياختي يكون زوجي وياي ,, عسب مايشوف الاغراض الي باخذها خلها مفاجاه هع هع

واموووت عالعين مووول من اسير هناكي دومي مطيحه فيه

هالمرة ادز لج مسج اتخاويني

وه فديت قلبج وروحج الحلوة

بانتظارج ياعسل

 

[smile moon]

ليش مش مصدقين يا بنات !!!!! صحيح ان القصه فيها مغامره وقوه قلب بس مش مستحيل حدوثها !!!!!!
اي واحده تمتلك الذكاء والشجاعه والماده ممكن تسوي هذا الشي !!!!!!! واهم شي تكون متأكده من حب زوجها لها !!!
واما انتي يا دلع الامارات ما شاء الله عليكي فعلا قوووووووووويه !!!!
منتظره النهايه على احر من الجمر !!!!!!!

 

[الأميره الحزينه]

يلا يا عسسسسسل كملى

 

[اســــــــــرار]

الله يعينك يارب

 

[اماراتية دلع]

قالي خلاص نزين شو تبيني اسوي اقتله يعني
افتحي الباب خليني اكلمج انا تعبان من الدوام يلا بسرعة
فتحت له دخل
جلس كلام و موعظة اسمحي له وربنا يعوض عليج
و انه ريال زين و مب مقصر و انا اخوج و اعرف مصلحتج
يلا بالليل بنطلع كلنا نتعشا برا نغير جو الحزن ال عيشتينا فيه
قلت له ما احب النكد بس انت الي نكدت علي
بالليل طلعنا انا ختي صغيرونة و امي و اخوي الكبير
رحنا المطعم سوالف و ضحك و اخوي ينكت يحسب انسى فعلته وياي
اخوي شوي يلا بخليكم بروح الحمام و برد
طلع رد بعد ربع ساعة يلس يطالعني بنص عين
عرفت انه مسوي شي
و شوي الحبيب دخل
لانه عارفني جدام الناس و بالمطعم مستحيل اسوي شي
يلس جنه ما مسوي شي
هلا شحالج الغالية فخاطري الحين غالية
اعطيه ديك الضحكة الاصطناعية الخبيثة
يلس جنبي امي مسوية عمرها تكلم اخوي
و هو يلس يتكلم بصوت واطي خلصي شل و بنروح دبي
و قال الاخوي شف اختك شفيها ركبها جني علي
اقولها تروحي دبي تقولي لا
كلمها انت اخوها انا تعبت اسبوع ما شفت النوم
قاله انا اعرف كيف اخليها تروح وياك غصب
شو رايكم اروح وياكم بتستانسو اكثر
قاله مشكور ما تقصر خليك بالعين المرة الياية باخدك بروحك خخخخخخخخخ
و امي يا حليلها يلا وحياتي روحي ويا ريلج حرام عليج فديتج يلا اسغفرو ربكم و نعلو الشيطان ترا ما مات
انا حسيت انهم كانو مسوين فيني مقلب و عارفيني لو كنت بمطعم مستحيل اسوي اي حركة

 

[*شيخة الزينات*]

كملــــــي

وهذا تسجيل حظور

 

[هند بنت عتبة]

يؤ يؤ يؤ

اكره ماعندي المقالب كيف تصرفتي ؟؟

 

[راجية الغفران]

راجيه الغفران

نعم موجوده

 

[اماراتية دلع]

قلت خلااااص ماية اوكي بس الحين الساعة تقريبا 9 و ما عندي ملابس نوم
لازم اروح البيت و اغير بتصير الساعة 10 بنوصل دبي الساعة 11و نص
خلاص ما بروح باجر انشالله
قالي اخوي شو المشكلة انشالله توصلو الساعة 4 وين المشكلة
لا تستهبلين وايد
قالت امي قومي عن الدلع يلا روحو غيرو جو و غيرو المكان الله يستر عليكم دنيا و اخرة
قمت و هو طبعا الفرحة بتطلع من عيونه و مبتسم
اقوله الحمد الله و شكر شفيك توزع بتسامات فالشارع
قالي انا براويج اليوم ان ما خليتج تندمين يوم حبيتيني انا مب ريال
ضحكت ضحكت استهزاء و اطلع عيوني و انزلها
يلا ابا روح للبيت اخد ملابسي
قالي لا يا شاطرة بوقف جنب محل و خدي اي شي
قلت له زين اوكي وقف بنعومي الي بالسوق
اوكي
وقفنا قالي يلا انزلي
الصراحة مب قادرة روح اشتريلي اي شي (((متعمدة خليته ينزل بروحه خخخخخخ)))

 

[شباصتن غانمة]

حماااااااااااااااااااااااااااااااااااااااااااااااااااااااس يله كملي معااااااااااااااااااااااااااااااااااك احنا

 

[مشاعر جنوني]

ههههههههههههه والله ختيييييييره
من جد ادبتيه وبقوووووووووه

 

[اماراتية دلع]

نزل و خلى تلفوناته بالسيارة
شليت تلفونه احصل مسج من عندها اذكر كان مسج ديني
تعرفو شو جا فتفكيري
عرفت انها تبا تلعب لعبة تانية
لعبة الانسانة الثقية عشان تكسبه بس مب علينا هالحركات مال زمان اول
شوم شافته ما يهددها و انا ما عطيتها وجه ندمت يمكن انها تساعد (يمكن)
ياترى شو سويت
طاحت علي فكرة من السما
المهم خلص من المحل و جاب اغراض (((مابقولكم عيب بعدكم صغار خخخخ)))
مسكنا خط دبي و هو ماسك ايدي شليت تلفونه و جلست العب فيه يعني كانه ما في شي
و هو طايح كلام غزل
رحت دقيت عليها من تلفونه و خليتها تسمع كل شي و انا يالسة اقوله و هذيك الي انت خنتني وياها
و طاح فيها سب خخخخخخخخخخخخخ بس مادري سمعت زين و لا لا ((اكيد سمعت)))