مامداني مافرحت برجعتي لبيتي :(

[المفارقة]

بنوتة أي كلمة بسيطة هو قالها تتكلمين عنها؟؟؟

 

[ايام غربه]

الله يفرج همك اسكتى لو شفتي تطور الوضع احكي لابوك اللي صار ولاتخبي عليه اي شي
تراك ماغلطتى لكن زوجك نفس شخصيه زوجي الله يعين​

 

[المفارقة]

يسلمووو ياأيام

 

[واثقة]

المفارقه حبيبتي التصرفات اللي صدرت من زوجك ماتستاهل كل هذا الزعل..

أنتي تشوفينه غلط,, وهو بعد يشوفك غلطتي

وغلطتك هي السابقه..


انا انصحك من قلبي ومن خبره طويله في الحياة..

بكره تندمين وتتمنين لو ما صار اللي صار..

ولو ربي كتب الطلاق تعتقدين بتلقين زوج بدون عيوب..؟؟

لا تزعلين مني .. بس وربي نااااصحه..

 

[المفارقة]

مشكورة ياواااثقة الله يسعدك
أنا مازعلت وكان ممكن أمشي الموضوع بس ماتوصل للإهانة (أنتي مو قد إنك تكونين زوجة فلان)

 

[ماعدت أنا]

اعتقد لو انك قلتي له::: خلاص حبيبي ماني رايحة اذا ماتبغ مع ان ودي اروح مرررررررررررة بس علشان خاطرك ماني رايحة وما ادري ايش اقول لاهلي .. ما ودي أقول لهم انك مانعني ويكرهونك.... كان احسن لك

اذا زوجك شمالي ماينفع معه الا كذا والاسلوب هذا يخليه بسرعة يرجع في كلامه..

كلامها حلو ومقنع جربيه

بس مااتفق مع صوت الصمت في الرساله لاترسليها

 

[مسكني قلب زوجي]

نصيحة أخت اسكتي ولا تأزمي الموضوع أكثر من كذا لا تنسين إنك حامل ونفسية الحامل تنقلب 180 درجة وماتطيق نفسها وكل شي يزعلها حتى لو ماحست هي بهالشي اصبري واسكتي وصدقيني لو طالت المدة مصيرك بتولدين وإذا شاف عيون ولده بينسى كل شي وبيحرص على رضاكم بس أنتي اصبري ولا تقولين لأحد عشان الموضوع لا يكبر
وإذا سألوك أهلك ليش مارحتي لبيتك قولي أنا طالبه من زوجي أريح عشان تعب الحمل وأنصحك نصيحة أخت لا تطلعين من بيت أهلك لأي مشوار إلا مرسله له رساله تبلغينه بخروجك مثلا بروح للمستشفى اليوم وبروح السوق ومن هالقبيل منها يكون عنده خبر والأمر الأهم ماتأثمين بخروجك بدون علمه
وإذا ولدتي بالعافيه بإذن الله بتنحل كل أموركم بس أصبري اصبري والله يصلح شأنكم ،،،

 

[المفارقة]

مشكورين حبيباتي
بس خلاص أنا قلت لأبويه السالفة عشان يكون عنده علم باللي صار لأني ناوية لو دق علي في أي يوم ماراح أرد وراح أرسل له مسج(أنا مالي كلام معاك وإذا عندك كلام تعال تفاهم مع أبويه)
لأنه زوجي كان يشوف لما أسكت عن أهلي وماأقول لهم عن مشاكلنا إن هذا الشئ ضعف مني وخوف لأني أنا الغلطانة <<< هو بنفسه قالها لي

 

[بيبسي وموز]

حبيبني انتي طالبه المشوره

واتوقع انتي تبين اللي ينصفك بس..؟؟ّّ!!!!

بس دامك طالبه راينا والبنات جالسين ينصحونك بالصح والصواب وانتي معانده

اجل ليش حاطه المشكله..؟؟

تبين الصدق انتي جدآ عنيده ومزودتها حبتين ولو تبين تكسرين الشر بتعرفين وشلون

وترى كلمته بسيطه ماتستحق كل هالعناد شوفي مشاكل اخواتنا هنا وبتعرفين؟؟!!

مايبيك تروحين خلاص من حقه يمنعك

حتى بالاسلام مايجوز تطلعين من دارك بدون رضى زوجك ......

فكيف تبين تعصين ربنا قبل كل شي وتعصين زوجك

كبريها تكبر... وصغريها تصغر

وشكلك توك متزوجه ماجتك المشاكل الكبيره حيل

خلي الزعل والعناد الشي يستحق ويستاهل

اما اذ بقيتي كذا تعاندينه وتزعلين على اي سبب تافه عند اهلك

والله بيصير زعلك عنده عادي ولايهمه لوكان وش كبر اللي مسويه

والله يهديكم وكلمة الحق اختي ماتزعل اذ بتزعلين من النصيحه لاتطلبينها..

وبالتوفيق ..

مع الاخت ترى انتي عنيده وتراددينه وهو مبين عليه يكره هذي الصفه الي فيك انتي مارضيتي انه

يتحكم وهو مارضى انك تراددينه او بالاحرى يفكر انك تمشينه على هواك هو نفس زوج اختي


ولا زيهم وهم قبل نفس حركاتكم بظبط هدي الوضع ومراح يصير الا الي تبغينه يصير

بس هي عرفت له قعدت تنفذ الي يبغى بسكوت وتسوي الي يبغى بس بسكوت ومشاء الله عليها الحين

 

[المفارقة]

بيبسي الكلام هذا ماعاد ينفع الحين
أنا ماراح أرجع إلا إذا احترمني وحسيت إنه شاريني

 

[بيبسي وموز]

بيبسي الكلام هذا ماعاد ينفع الحين
أنا ماراح أرجع إلا إذا احترمني وحسيت إنه شاريني

انتي صح قلتي لابوك صح خلاص انتي اطلعي من السالفه الكلام والامر عند ابوك انتي انتبهي انتبهي

تدقين عليه لان ابوك بياخذ موقف من انك اذ احتجتيه مره ثانيه مراح يهتم اذا دق قولي له تفاهم مع

ابوي الحل عنده انا خلاص مابيدي شي وانتي فهمي ابوك كل شي وانا داريه ان زوجك بيقلب السالفه

عليك لان الرجاجيل كلهم كذا ماقول الا الله يرد لك زوجك ويسخره لك وانتي مستحيل تتغير شخصيتك

اذا تغيرتي اسبوع ورجع الوضع نفس قبل الله يعين صار لي نفس وضعك بضبط بس الحمد هدينا شوي

عليك بالاستغفار بعد كل صلاه والدعاء وانتي ساجده وخليك في كل وقت وانتي تستغفرين

 

[المفارقة]

يسلموو يابيبسي وموز
لا أنا خلاص طلعت من السالفة وإذا دق علي ماراح أرد وراح أرسل مسج على طول إنه إذا عنده كلام يكلم أبوي

 

[المفارقة]

للرفع

 

[واثقة]

مشكورين حبيباتي
بس خلاص أنا قلت لأبويه السالفة عشان يكون عنده علم باللي صار لأني ناوية لو دق علي في أي يوم ماراح أرد وراح أرسل له مسج(أنا مالي كلام معاك وإذا عندك كلام تعال تفاهم مع أبويه)
لأنه زوجي كان يشوف لما أسكت عن أهلي وماأقول لهم عن مشاكلنا إن هذا الشئ ضعف مني وخوف لأني أنا الغلطانة <<< هو بنفسه قالها لي

الله يجعل العواقب سليمه,, وييسر لك أمرك ويرد لك قلب زوجك ان كان في رجعتكم لبعض خير..

 

[المفارقة]

اللهم آمين مشكورة ياقلبي

 

[مـــاربيل]

ياختي لا تتحججين بانك في بيت اهلك و لو انك في بيتك مارحتي
الله يهديك فكري فيها تروحين الحفله وتلعنك الملائكه حتى تصبحين لان زوجك راح زعلان عليك
ولا تسمعين كلام زوجك وتقعدين وتحتسبين الاجر من الله لانك ارضيتيه
انتي الي قرري لا تنتظرين قرار احد مراح احد يتحمل الاذي عنك اذا عصيتيه وماراح احد يستفيد اذا رضى عنك غييييييييييييييييييييييييرك انتي بس

 

[سنيورتا***]

الله يكتب لك الخير والصالح

 

[المفارقة]

ماربيل كلامك صح بما إنك ماتعرفين إلا اللي كتبته لك
بس أنا خلاص طفح الكيل عندي صبرت وضحيت وكتمت أسرارنا وسويييت اللي علي وزيادة
وفي النهاية طلع يشوفه ضعف مني وقلة حيلة وإني أسكت عن أهلي عشاني غلطانة وماراح يوقفون معاي
وماراح يصير إلا اللي ربي كاتبه

 

[مـــاربيل]

اصبري واحتسبي والله ياختي لو تشوفين مشاكل غيرك تهون عليك مشكلتك
انتي سوي الى يرضي ربك وماقولك اضعفي قدامه وبالعكس انا مانصح بكذا واجهي بس بهداوة مو هو يشد وانتي تشدين وترى لما تعصينه في امر ماتادبينه انتي بالعكس تضرين نفسك** متى ماشفتية هادي ورايق كلمية بهداوة عن كل شي يزعجك ويضايقك /////ومهما الرجل كان عصبي ومتسلط و... و... و ثقي تماما ان الله سبحاااانه خلق في هذا المخلوق الرقيق الي هي المراء شي يجعله تروض هذا الرجل

 

[المفارقة]

تسلمين ياماربيل