_________أمثال_________

[اماراتية دلع]

اكيد العالم العربي معروف بأمثاله الحلوة و الي فيها عبرة احنا ما نعطيها اهمية

و اخترت هالموضوع عشان كل وحدة تكتب لنا مجموعة الامثال الي تعرفها و لو كان المثل صعب تكتب لنا شرحه وياه


و انا ببدأ اولا و انتو كملو



لو كان فيه خير ما رماه الطير


الي فالقدر يطلعه الملاس(الي بنطلع بيها الاكل)
يعني الاشياء الي ما عرفناها الحين باجر الوقت يبينها اجلا ام عاجلا



سيل ما يبلك ما يهمك (المشاكل ال ما تمسك لا تدخل فيها)


نتريا منكم الباقي

 

[لنا الله]

مااالك الا وجهك ولو شاااان 000يعني ارضى بنصيبك
ان طلعتهااافي الشارب وان نزلتهااا في اللحية
هذاا مثل احبه يقال لما تشكي من قريب بمعنى عيبة هو عيبك
احفر يااافاار وحفرك على وجهك
000نفس معنى من حفر حفرة لاخية وقع فيهااا
هذي اللي تحضرني الحين اذااا تذكرت شيء رجعت اكتبه000

 

[اماراتية دلع]

ان طلعتها في الشارب و ان نزلتها فاللحية

حلوووووووووووووة

 

[نظره واقعيه!!]

انا بخاطري اكتب مقوله مو مثل..بس قريب من المثل..
{كل ما انضجتنا الحكمه..فضحتنا التجربه!!}
واتوقع شرحه واضح..

 

[اماراتية دلع]

لا تصيح على ابوك ال مات صيح على عصر اليمعة الي فات


حاسدين الفقير على موتة اليمعة(الجمعة)


الي ما يدانيك يخرب معانيك (يعني الي ما يحبك يخرب سمعتك)

 

[طيط]

ريلج وسديه الدين و لا توسدينه اليدين<<< خليه مديون بس لا تعطينه ايدج لأن ما يستاهلها

 

[لنا الله]

من حبني شبر حبيته جزاااا الشبر باااع ومن كرهني كرهته والطرق لي وسااااااااااع

 

[حب ماما]

اهل العزاء صبروا والمعزين كفروا​

 

[أم سعودي@]

طار طيرك ووقع في العش غيرك
لاتغيرت المخدة انقلبت المحبة
يمآمن الرجال يانآمن المويا في الغربال
يا مربي عيال الناس مثل داق الماء في المهراس



يالله ننتظر تفاعلكم

 

["ام سلومي"]

عادت حايمه لعادتها القديمه <<تعقدت من هالمثل أمي فديتها دايم تقوله لي
لايضر السحاب نبح الكلاب
هذا بيت شعر^
^
الي ستر عيبه عن الناس بهدوم & وش يستره لاصار عيبه كلامه
^
^
احب هذا البيت للاسف ناس كثير كذا


تحياتي حبيبتي

 

[julit]

((انا واخوي على ولد عمي..وانا وولد عمي على الغريب))​

 

[julit]

إذا ماتت جاعدة في مكران ما يغلى السمن في عمان.




ومعناه أن الحوادث التافهة لا تؤثر في عظائم الأمور ولفظ جاعدة معناه نعجة
يعني إذا ماتت نعجة في هذا البلد فلن يؤدي هذا إلى نقص اللبن وغلاء سعر السمن في عمان​

 

[غلاهم انا]

كلكم امثالكم رووعه
وخصوصا امثال اماراتيه دلع ولنا الله

 

[غلاهم انا]

الي ما يدانيك يخرب معانيك (يعني الي ما يحبك يخرب سمعتك)

هذا ردي على المثل هذا

لاتتأثر من القول السيئ اللذي يقال فيك فانه يؤذي صاحبه ولا يؤذيك
عاد انا مثلي الاعلى في الحياااااااه

 

[ملكة قلب زوجها]

جيتك يا عبد المعين تعين لقيتك ياعبد المعين تنعان

ينقال لما تلجأين لحد هو بحاجة المساعدة

 

[ملكة قلب زوجها]

الله ما شفناه بالعقل عرفناه

ينقال للأشياء البديهية اللي ما يبالها تفكير

 

[ملكة بعيون أبوي]

(لا تكثَر الدوس عالخلان ملُوك..حتى لو خاتم ذهب من الأرض ماشالوك..)

هذا المثل يقال لشخص دايم يسير عند ناس وتنصحه انه مايكثر السيرات

 

[ملكة قلب زوجها]

إذا كان صاحبك عسل ... لا تلحسه كله

أعتقد واضح

 

[ملكة قلب زوجها]

لسانك حصانك ...إن صنته صانك وإن خنته خانك

هم هذا واضح

 

[ضي الفجر]

<< لولا المربي ماعرفت تربي>>
هذا المثل دايم امي الله يحفظها تقوله
ومعناه<< اللي يربيك تربيه زينه خليك تعرف تربي عيالك زين