اممممم انا قصتي قصه مع الديون ..انا راتبي قولو ما شاء الله ..17,000 ريال..
اللي كان يصير
1,200ريال تقاعد..
3,000 جمعيه ..
2,050 سلفيه بنك..
3,000 سلفه سياره..
700 الخادمه..
200 كفاله يتيم..
مجموع ديوني والتزاماتي 10,150..
يبقالي من الراتب 6,850 ..
وطبعا للاسف عندنا غلاء في قطر مب طبيعي ..يعني الشوز المحترم من 400 الي 600 ريال واقل شي ممكن تحصلينه ب 200..
بتشترين لج بدله حطي لج 2,000 ريال..
المهم طبعا الباقي ما كان يكفيني لاخر الشهر ..لان زوجي مر بظروف صعبه فصرت ما اكلف عليه بشي انا اتكفل بملابسي وملابس بنتي والحليب والبامبز والى اخره وفوق هذا احاول اساعده ..وكنت مستسلمه للامر الواقع ان هاي اللي بيبقى من راتبي لين ما تتسدد ديوني..وكنت فعليا اعاني عشان اعيش لين اخر الشهر..
وفي يوم من الايام دخلت هالقسم ..وقعدت اقرا اغلب المواضيع وبديت افكر جديا شلون اقلص ديوني واخلي راتبي ينزل عدل ففكرت وفكرت..
اول شي سويته بحثت عن مبلغ ممكن اخذه من الشغل ..عندنا سلفه سياره وهي 40,000 الف ريال وطبعا بيقتطعون مني شهريا 1,300 وعندنا بدل اثاث 28,000 وما تاخذينها الا مره في حياتج..وشرطها انج تكملين اربع سنين في مقر عملج بس بدون ما يقتطعون منج شي..وعندي جمعيه 3000 لمده سنه وشوي..وتطلع لي 45,000..
قدمت على منحه الاثاث..وسددت فيها سلفه السياره ..فوفرت على نفسي 2,000 ريال..
واخذت سلفه السياره من الشغل وسددت الجمعيه ..وصار بدل ما ادفع للجمعيه 3000 شهريا صرت ادفع 1300 للشغل..
الحين التزاماتي صارت
1,200 تقاعد
1,300 سلفه السياره..
2,050 سلفيه بنك..
700 الخادمه..
200 كفاله يتيم..
5,450 ريال..
والباقي من راتبي..
11,550 ريال..
وان شاء الله اول ما استلم الجمعيه بسدد سلفه البنك وبيصير المقطوع من راتبي ..3,400 ريال..وبيبقى من راتبي 13,600 بعد ما كان 6,850..
اهم شي التنظيم والتفكير الصحيح لسداد ديونج..
اتمنى اني افدتكم ..
وسوري لاني طووولت ..
