همي كبير

[وامطرت ذات صيف]

مرحبا اخواتي انا اول مره اشارك في هذا المنتدى الرائع واتمنى ان تتقبلوني وتساعدوني بعد الله فأنا في هم لايعلمه الا الله...
زوجي طلقني وانا مذهوله ولا زلت احبه ماذا افعل؟؟؟؟

 

[الموجه الناعمه]

الله يصبرك خيتو .. طيب ممكن نعرف السبب ؟؟
واذا هو بااااااااعك برخيص لاتتعلقي فيه والله فهالحاله مايستاهل ..

 

[tota 2011]

صحيح يا اختي ايه اللي حصل هو طلقك ليه

 

[%شادن%]

الله يصبرك ويكون بعونك
بس يالغاليه ماوضحتي سبب الطلاق
اذا كان انسان مو قد المسؤليه وطلق بدون سبب
ادعي الله انه يعوضك خير منه ولاتتحسفي عليه لعلها خيره

 

[يارب اغفر لي]

الله يعوضك باحسن منه

 

[دانه السعوديه]

اللي يبعك بيعيه الدنيا ما وقفت عليه

 

[وامطرت ذات صيف]

اه اه الف مره ومره
انا شريته وهو باعني بس ماني مصدقه احس فيني عبره ورافضه تتطلع
الى الان مانزلت دمعه من عيني ماني مستوعبه عطاني صك الطلاق في يوم
ما ادري ليه سوى كذا مع اننا متزوجين عن حب قوي وطول الوقت عيني على الجوال اقول ممكن انه يرسل
ثلاث سنوات زواج ولما جبت له الولد تغير 180 درجه ادعو لي بالثبات

 

[فراشة طائرة]

الله يعينك قلبي

 

[احساس الزهور]

الله يثبتــك ويصبرك

يعني هو طلاق بائن ؟

اذا طلاق بائن لا تبحثين عن السبب خلاااااااااص ابدئي صفحه جديده وحياه جديده

ولا تزعلين ابدااااا ما يستاهل لحظه زعل

عيشي حياتك ولا تلتفين للماضي

 

[ندى555]

الله يكون بعونك...ويصبرك......
.......لاتقولي عندي هم كبير.........
......بل قولي ياهم لي رب كبيييييييييير......​

 

[مناااي ارتاح]

اذا طلاق رجعي ادعي الله ان كان به خير يرجع لك والله ماعليه عزيز
اذا طلاق نهائي اعزززيه والله يعوضك خير والدنيا ماوقفت على رجال الزمن ذا زمن نعاج مو رجال الا مارحم ربي

 

[وامطرت ذات صيف]

اشكركم ياحلوات
بس انا مااقدر اوضح شعوري لااحد اكابر انه عادي ولاهمني لكني من داخل امووووت

لانه (رجل بمعنى الكلمه) لكن انا السبب في كل شي كانت زعلاتي كثير وكنت ادخل اهلي بكل شي...لا تتركوني الله يوفقكم وش اسوي

​

 

[المناليزاا]

((وعسى ان تكره شي وهو خيرا لكم))

يابنت الحلال نصيبك ويمكن حضك وسعدك مو معاهـ

تعشين حياة جديده بأذن الله اجمل واحسن بألف مرهـ

لاتتحسفين كثير

دائما عندنا اعتقد ان الي راح اجمل بس ممكن الي جاي يكون هو الافضـل

عزيزتي وسعي صدرك وعيشي عمرك

اذا انتي ماخلصتي دراسه ادرسي او مارسي عمل معين او سوي رياضه بنادي صحي كثير هاليومين النوادي الصحيه بكل مستوصف

لاتستسلمين ابدا

والله الموفق​

 

[مشاعل666]

اشكركم ياحلوات

بس انا مااقدر اوضح شعوري لااحد اكابر انه عادي ولاهمني لكني من داخل امووووت​

لانه (رجل بمعنى الكلمه) لكن انا السبب في كل شي كانت زعلاتي كثير وكنت ادخل اهلي بكل شي...لا تتركوني الله يوفقكم وش اسوي​

حبيبتي يعني الغلط منك ... اجل حاولي انتي تصلحين الموضوع

اصبري كم يوم الى مايهدأ الوضع وحاولي ترسلي مسج توضحي فيه ندمك

اذا هو رجل محترم امسكيه بيدينك ورجولك لا يضع منك لأن مثل هذا ماشاء الله

ماتلقينه في هذا الزمن

الله يوفقك ويسخرلك​

 

[بنت بنت الجيران]

اذا طلاق نهائي خلاص انسي وافتحي صفحه جديده
والله الواحد مايدري وين درب الخيره

 

[وامطرت ذات صيف]

لا مش طلاق نهائي الطلقه الاولى بس ماراح اذل نفسي واصالحه صح احبه بس الا الكرامه
هو محترم صح وماقصر علي باي شي صح
بس اهله هم الاول في كل شي كانت مشاكلنا الاخيره عشان اهله وتدخلاتهم فيني وفي ولدي
يشوف كل شي مرات يتجاهل ومرات يدافع عنهم وهم الصح حتى فالعفش يدخلون يحطموني على كل شي
مره قدام الحريم قالت امه انتي متنفعين لولدي ويوم قلت له ضحك وقال على كيف امي مالي اي شأن عنده اذا اهله بالموضوع

 

[Sقلبي كبيرS]

الله يرزقك بالافضل منه يارب

 

[LaRosy.net]

حبيبتي ما احبيت امر من دون تعليق
الكرامه مرفوعه بين الزوجين ولاتنسين طفل بينكم
ولو بتدقيقين على كل شي بتتعبين
ولا تنسين انها امه ومهما قلتي وقلتي بتطلعين خسرانه لأنهم ااهله
ومادام حسانته تغلب على سيئاته تداركي الامر
وخذي نصيحه مني
لاتقولي له قالت امك قالوا اهلك
إذا طلعتي منهم أنسي اي شي سيىء منهم
والحياة يبغالها صبر وأذكر الاشياء الحلوه تزيدك محبه عند زوجك
تقبلي مروورري

 

[ام انس2009]

الله يعوضك انشاء الله
والي يبيعك بريااااااااااااااااااااااااال بيعيه ببلاااااااااااااااااااااااااااااااااااش

 

[بسمه مجروحه]

ربي يفرج همك


ولاتقولي لي هم كبير...
ولاكن قولي..
يـــاهـــــــــم لي رب كبير..