لحقو عليه تكفووون

[حوور]

السلام خواتي

انا محتاجه استشاراتكم وخاصه المتزوجات

والله اني محتايتكم بعد الله

وبعد بقولكم بكل اختصاررررررررر


انا عندي مشكله حيل متعبتني يابنات الحلال
انا توني متززوجه يعني توني عروس ماسكرت الشهر
صارلي اربع اسابيع بس آآآآآآآه ماتتخيلو شكثر تعبوني هاالاربع اسابيع جنهم 4سنين زوجي على ان قلبه طيب
وفيه حنيه بس حده شديد وعصبي وحيل حيل خلقه ضيق
وعلى ادنات الدون يصرخ ويهاوش وشكله وهو يصرخ
يكرهني فيه لانه يصرخ حيل وبس يتزعل وصاير يتمادي
معايبلسانه وصاير يتلفظ الفاظ تبط الجبد ولو ما انه يهاب
اهلي يمكن يتمادي ويمد ايده
مثلا بقولكم على هوشه تافه بس ماتخيلون شلون كانت كبيره
عطرته وحطيتله دهن عود وشغلت له فحمه وعلى ماكان يتعدل
بخرت شعري يووووه فضحني ماتدرون شسوى فضحني بمعنى الكلمه
يقووووووول شلون تتجرئيتي وتتبخرين قبلي
وهذا احنا على هالمشاكل التاافه بس شسوي
وللعلم على اي شي ينام بالغرفه ثانيه وللعلم هو كان مطلق
وانا بعد مطلقه كنت
وهو اكبر مني ب3شهور وانا عمري 23 وهذي كل المعلومات
ابي حل والله يابنات حاطته بعيوني وزينه حيل له
واطبخ له من اول اسبوع والله اني تعباانه
توقعو على اي شي يهاوشني

ابـــــي حل!!:tears:
​

 

[رواق الخريف]

الله يعينك مالك إلا تشوفي الذي يزعله وتجنبيه


وكثري الدعاء ربي يهديه ويسخره لك .

 

[سمر ليل]

الله يسخره لك لا تخليبنه يتمادى في هالشئ وقفيه عند حده مادام انك في بداية الطريق معه ...

 

[حوور]

بنات شنو تنصحوني اسوي اقول لاهلي
شسوي بنات انا تعبانه من تصرفاته معاي

ويعطيج الف عافيه اختي رواق الخريق
​

 

[ميمي]

الله يسخره لك ويهديه ادعي وصلي اخر الليل وفيه رجال كذا يحبون يثبتون رجولتهم اول الزواج وبعدين يتعودون الله يهديه لك

 

[حوور]

الله يسخره لك لا تخليبنه يتمادى في هالشئ وقفيه عند حده مادام انك في بداية الطريق معه ...

مشكوره اختي بس شسووي ؟؟ اعلم اهلي

 

[حوور]

الله يسخره لك ويهديه ادعي وصلي اخر الليل وفيه رجال كذا يحبون يثبتون رجولتهم اول الزواج وبعدين يتعودون الله يهديه لك

جزاج الله خير

 

[أم ميسوـوـو]

الله يهديه ويسخره لك

الله الله بالدعااء والأسنغفاار والله يحنن قلبه عليك ,,

تقبلي ودي ..

 

[al_hanoooona]

لاحول ولاقوة الا بالله

كل مابتشوفينه معصب اكثري من الاستغفار يلسي استغفري والله ياخويتي الاستغفار نجى بيوت كانت متهدمه اقبلي في نصيحتي وربج راح ييسر الامور

ودعواتنا لج واصبري واحتسبي فلك الاجر

 

[قمة الحزن]

ليش ما تنبهينه وتوضحين له رايك .. قوولي اللي بخاطرك بصراااحه..يمكن لانكم توكم متزوجين يتفهم كلامك..والمشاكل في بدااية كل زوااااج وااارده بس انتي حاولي لا تشدين بالكلام معاه واصبري وعليك بالدعاء وعسى الله يبعد عنك كل هم ويفرجها عليك

 

[حوور]

حاولت اتافهم معه يابنت موراضي يتغير
على اي شي يهاوشني
شسوووي والله تعبني حيل
اكلم اهلي يعني يوميا يهاوشني على ادنات الدون
واجد بنات عصبية عليه
​

 

[حوور]

مره قالي لاتدقين على اهلج ولا تكلمين خواتج يعني شفتو رجال جذي
والله جنني

 

[كيلويترا]

عادي اذا عصب لاتردين عليه بالعكس قولي له كلام حلو زي كلمه سم وابشر وتامر وعلى طول راح يهدأ بأذن الله واذا صارخ لاتصارخين زيه حاولي انك تمتصين غضبه بالعكس راح يخجل منك

 

[ياقوتيه]

الله يعينج اختي حاولي ما تخلينه يتمادا ابد بس هذا ما يعني انج تردين عليه فوقتها لان العصبي ما يتحمل حد يرد عليه وقتها ممكن يزيد ويطينها

حاولي تغيرين شوي فاسلوبج معاه مره ناقشيه بهدوء ومره خلج سااااكته لين يهدا بيني له ان اللي سواه غلط

بس حاولي قد ما تقدرين تقعدين معاه قعده قوليله لازم نتفاهم وانا مضايقه من هالوضع ياليت تشوف حل

والله يسخرلج ريلج ويهديه

 

[(دادا مرادي)]

اصبري ولاتدخلين اهلك في مشاكلك من اول شهر اعطية فرص وكلميه بهداوة واسأليه ايش مزعله ايش يحب وايش يكره عشان تعرفين تتعاملي معاه الله يعيننا عليهم

 

[بنت ال سعود....]

الله يكون بعونك ياقلبي حاولي انك تبعدين على الاشياء اللي تزعله ولاتخلينه يتمادى ترا الرجال اذا شاف زوجته ساكته يتمادى صدقيني انا مجربه وخليه يعرف انه وراك اهل بيوقفونه عندحده اذا تمادى والله يوفقك ويسخره لك....

 

[ياربي انصرني]

هل تعتقدي انك اذا قلتي لاهلك بيخف من حدة تعامله معك ام بيسبب فجوه بينكم؟؟؟؟ حطي هذا الشئ في بالك

قبل الاقدام على شكواك منه لاهلك ----وهل اهلك بيحاولون ان يتفاهمون معه باللين او بتكون هناك مصادمات ويثبت انه هو الصح؟؟؟؟

لذلك حاولي تفهمين شخصيته ---وشوفي نمطه من بوصلة الشخصيه واقرئي في المواضيع الذهبيه في قسم الزوج والزواج تجدينها مثبته في القسم واقرئي في مقالات ناعمه وموزه الخلفان فيه موضوع لها عن اكتشاف الشخصيه

وخلي معك مذكره سجلي فيها مايناسب زوجك ----ويوجد موضوع في قسم الزوج والزواج ----بقلم ناعمتنا ----فيه فوائد كثيره عن دورات ناعمه الهاشمي منزلينها العضوات وان شاء الله تستفيدين 000

 

[أسيرة البدر]

انا افضل انك تقولين له ان اسلوبه مو حلو او با اسلوبك فهمتي ...
والله يعينك ويساعدك بس لا يتماااااااااااااااااااااااااااادى معك كل شي وكرامتك
الله يوفقك يارب ​

 

[حوور]

اه يابنات مدري شقولكم
بس اذا سكت راح يتماده واخاف فيه اعصاب او احمل وانا مابي احمل
الا لمن اعرفه عدل
​

 

[حوور]

فوووق كل هذا مايصلي كان يصلي
وقطع