لكل زوجه جنوبيه غربيه وزوجها شمالي شرقي (( تفضلن بالدخوووول))

[*الجوري1*]

يوم جديد في حياة خالد وندى..
طبعا ندى لم تعرف من من كان المسج وقالت.. خيره يمكن ربي مايبيني اتضايق او يمكن ربي فعلا يبيني ارجع ثقتي بزوجي..
تذهب ندى الى فراشها وتستغفر الى ان يغلبها النوم.. وتنااام..
صباح يوم جديد.. خالد يذهب الى عمله وكالعاده يتصفح الايميلات ويجد ايميل من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا تخافون من ندى.. الايميل. انا بفكري وقلبي معاك.. أحبك​

​

خالد يتأمل الايميل ويبتسم ويرد عليها احلى ايميل جاني اليوم هو ايميلك وانا بعد احبك
ندى.. مبسوطه وطايره من الفرح لما شافت الرد من خالد .. تطالع الرد مبتسمه ياعمري ياخالد..
يرجع خالد من عمله وتستقبله ندى بابتسامه يعطيك العافيه ياغالي..
خالد.. الله يعافيك.. بتروش وجهزي لي الغدا الله يعافيك..
ندى.. من عيوني..
خالد.. يبتسم عيونك سالمه..
وتجهز ندى الغدا ويجلسون يتغدون وندى تطالع خالد ومبتسمه..
خالد.. شفيك تطالعيني..
ندى.. تعرف انا محظوظه انك زوجي..
خالد.. اممممم ليش طيب؟؟
ندى.. لان مافي مثلك بالدنيا..
خالد.. شكرا كلك ذوق..
ندى.. خالد بدلع..
خالد.. هلا وشفيك؟؟
ندى.. وش هالرد ماعجبني!!
خالد.. صدق وش يقولون طيب..
ندى.. تضحك...
خالد.. الله يازينك وانتي مبسوطه ومفرفشه كذا..
ندى.. والله انا كنت كذا بس من يوم خذتك صرت حساسه بزياده مادري وش صار لي؟؟
خالد.. لا الله يخليك خليكي دايما كذا احب ابتسامتك ندو ليش حارمتني منها..
ندى.. ماحرمتك انت تصرفاتك تخليني ازعل وابوز..
خالد.. والله ياندى ماتتخيلين وش تسوي فيني ابتسامتك ..
ندى.. وش تسوي؟؟ تدلع..
خالد.. تخليني اضيع وربي..
ندى.. اف اف ترا ما تحمل كل هالكلام بعدين اصدق واتعود..
خالد.. شفتي وش اللي يطلع الكلام الحلو.. المعامله الحلوه وهالابتسامه اللي تخليني غصب ارضخ لك..
قايلك انا سهل ماني صعب وماطلبت الكثير حبيبتي..
ندى.. ياعمري لهالدرجه انا كنت كشريه يعني؟؟
خالد.. اللي فات مات واحنا مانبي نعيد الجراح..
ندى.. من جد ياخالد نبي نرتاح خلاص تعبنا والله..
خالد.. ااااااااه ايه والله الله لايعيد الايام اللي راحت..
ندى.. يارب وانا اوعدك احطك فوق راسي ياغالي..
خالد.. والنعم فيك انا قلت ما القى مثلك ..
ندى.. طيب دامك رايق ابي اسالك سؤال بس لاتعصب..
خالد.. اسالي..
ندى.. وش اللي خلاك تكلم البنت اللي كانت معاك العام وش اللي لفتك لها يعني؟؟
خالد.. ندى ارجوك سكري الموضوع خلاص..
ندى.. عادي نقاش بدون اي زعل صدقني..
خالد.. عشان خاطري سكري الموضوع..
ندى.. طيب براحتك..
وكان يوما هادئا ومريحا لكل من خالد وندى وكانهما ولدا من جديد
ندى الان لديها طفله جميله ومثلها زعوله وابوها يموت فيها ومدلعها ..
خالد اصبح يرتقي بعمله اكثر واكثر واصبح رجلا مهما وله مكانته..
اما بالنسبه لمها فوالله لا اعرف ماحل بها وايضا لا اعم ان كانت لاتزال مع خالد ام لا ولكن ندى عاهدت نفسها بان توكل امرها لربها وترك الخلق للخالق ولايزال خالد متحفظا على خصوصياته وهناك رمز قفل لجواله ولكن ندى اصبحت لاتبالي وتقول ندى ( طول ماهو يحبني ومدلعني ومو مقصر علي ابدا ويعاملني معامله زينه وانا ايضا صرت اعرف اللي يبيه ومرتاحين الباقي ربي يحاسبه عليه الى متى براقب ولو براقب انا ماراح اكون ظل لخالد 24 ساعه لازم اعيش حياتي واخلي خالد جزء من حياتي وليس كل حياتي وبهذا فعلا ارتاحت ندى وتغيرت 180 درجه الى الافضل..
اما خالد فكان اخر مره فتحت ندى معاه الموضوع رد عليها وقال ماراح اتكلم بشي انتهى تعرفون ايش ردت.. قالت له انا فخوره بكلمتك هذي تكفيني وواثقه فيك تمام الثقه انك ماراح تكسر قلبي مره ثانيه ياغالي.. خالد رد تأكدي ياندى من هالشي..

النهـــــــايه

والحياة ياغاليات لازم تستمر اذا كان في حب وفيه تفاهم ليش ماتمشي ليش ندقق ونركز على اشياء بسيطه ليش مانهتم بالشي الاكبر وهو مفاتيح السعاده لي قبل ماتكون لزوجي..

 

[*الجوري1*]

توته توته إنتهت الحتوووووووته ,,,

إبدأو بالردوووووووود .. نرجع لموضوعنا الأول بديناااااااه وما كملناااااه ,,,

السلامـ عليكمـ ورحمة الله وبركاته ,,

حبيباتي:32::32: الجنوبيات غربيات:32::32::32: ,,

ألحين بأذكر لكمـ كمـ شي يفيد في التعامل مع الشمالي ,,جمعتها من المنتدى ...

ترى ممكن نصير شماليين مع الممارسه ,,,

وقبل كل شي ترى إحنا نسوي الشي هذا من أجل أنفسنا أولا ,,,
إتفقنا ,,,

الترتيب

​

وهذهمن صفات الشرقيين انهم يحبون الترتيب والمرتبين وكل شئ مرتب وألد أعدائهم الفوضىانها تعطيهم شعورا بالأنزعاج وعدم الإرتياح .

كيف تستغلين ذلك في التقرب الىالغالي الشمالي الشرقي :

• رتبيأغراضه الشخصية ( المشط والمقص والعطور وأدوات الحلاقة ..........) في علب مناسبةأو سلات سوف تجدينه يقدر لك ذلك وان لم يكن يعلق أو يثني على ذلك استخرجي الكلام منفمه بطريقة ذكية وغير مباشرة .

قوليله مثلا ياسلام حلوالواحد لما يحتاج شي يوصله بسرعه .

• اذاطلب منك في أحد الأيام غرضا شخصيا له ( قلم - أوراق تخص العمل - قلامة أظافر -......) قولي له ثواني ويكون طلبك عندك هذه مملكتي وأعرف كل شبر فيها .

سوفيشعر في هذه باللحظات بالمقولة المشهورة وراء كل رجل عظيم امرأة .

• رتبيسفرة الطعام بطريقة جميلة واجعلي الأطباق التي يحبها قريبة منه انه شخص يهتمبالتفاصيل .
• لاتغيري كثيرا في أماكن الأشياء لأنه ينزعج من ذلك

.مثال :

لا تغيري مكان الصابون أو الشامبو أو معجون الأسنان .

• علميأولادك الترتيب سوف ترتاحين كثيرا .

يلا كل وحده تقول لنا عن طريقتها في ترتيب بيتها وغرفة نومها ,,

بالنسبة لي أحب الترتيب أمووووت فيه ,,, سواء في بيتي أو عند أهلي بس تشوفوني أفرفر ألقط وأرتب وأنتكـ كل شي ,, حتى الجزمـ وأنتو بكرامه أرصها ,,خخخخخخ ...
والمطبخ كل شي فيه واااااضح أي شي تبينه تلاقينه مو من النوع اللي يكثر خراااابيط وعلب ومدري وشو ؟؟؟
غرفتي لسّـا ما شريت غرفه ,,
عموما بأحكي لكمـ عن غرفتي الأوله ,,,صراحه كل شي مرتب ..
أغراضي الخاصة مثل الأوراق وغيرها بدرج ,, المسجل والأشرطه الخاصة بدرج ,,
كبكات زوجي بعلبه وااااااضحة وأغراض حلاقته كلها جمعتها في علبه ,,,
ملابسه أحط كل شكل مع بعض بعد ما أغسلها وأعطرها وأبخرها ثم أنسق وأبدع في ترتيبها ,,,
والجزمـ تكرمون في درج خااااااص والشراريب لها كيس خاااااص ومزخرف ,,,
المكياج بعلبه ,,تصدقوووون نسيت باقي نظامـ غرفتي الأوّله ,,,هههههههههه
غرفة التلفزيون تلاي المكتبة فاااااااضية ما أحب أحط عليها شي ,, إلا تحفتين تكون نفس الشكل وأحيانا أشيلها ,,,

يلا أتحفونا بما لديكمـ ,,

لي عودة ,,,

 

[الزايدية1]

انا مع كلام اختي الجوري كلامها صحيح 100% الله يهدي الجميع

 

[*الجوري1*]

وييييين الحماس ....؟؟؟؟

يلا شباب ودي أنزل اللي باقي عندي ,,,,

 

[*الجوري1*]

يتصفح الموضوع حاليا ... 10 **** 4.... عضو و6 ضيفـ ...
الجوري1*, ‏هناي الشمالي, ‏ياسمين محمد, ‏زهره لاتذبل ...

على فكره هناي الشمالي إسمكـ روووووووعه ... أتحفينا بما لديكـ ...

 

[ياسمين محمد]

احس تعامل ندى مع خالد مثل تعاملي مع زوجي
وسبحان الله كأن هالقصه تتكلم عن حياتنا انا وزوجي بأستثناء سالفة مها
بس مع تقدمنا بسنوات الزواج اكيد اكتسبت خبره اكثر
وصرت متفهمه للحياة الزوجيه
انا تزوجت وانا عمري 17 واللحين راح اكمل 5 سنوات بعيد الاضحى الجاي ان شاء الله
واحس اني كنت ساذجه والحمدلله
اني لقيت هذا المنتدى صحيح احس تأخرت حيل
بس الحمدلله ان الله يحبني والدليل اني احاول اصلح اخطـائي اللي بالماضي قبل لازوجي يضيع مني..
يعني مادق عليه بدوامه مثل اول ادق بس مره وحده واواقات ماتصل واذا شافني تأخرت يدق علي يشوف الوضع
وحتى الرسايل بديت مارسل له الا اذا شي ضروري او رسالة وسائط عاجبتني وطبعا كالعاده مافيه رد..
احاول قد ماقدر ماضغط عليه وخصوصا ان الظروف الماديه مش ولابد
وان شاء الله اقدر استمر على هذا الشي
بس خاطري ولو مره يبين لي اشتياقه او يهديني ماني عارفه ليه يحس ان هالاشياء تافهه
..

 

[الجورية2008]

تسلم ايدج على هالقصة الحلوة ,فعلا تعبر عن حال الجنوبية والشمالي واعتقد محد من الجنوبيات الغربيات ما سوت ولو حركة وحدة من حركات وتصرفات ندى.بس لو كان الشمالي اللي عندي فيه ربع صفات خالد كان انا بخير من زمان ,قساوة وشدة لدرجة اني حسيت انه صارت فيني شوية قساوة منه,وللاسف اطلع حرتي بعيالي الله يحفظهم ويسامحني على عصبيتي وياهم
بالنسبة للترتيب فالسنين الاولى كنت وايد وايد مرتبه حتى على حساب نفسي واهتم باغراضه اكثر بس بعدين ياني احباط لانه ماشي تقدير مايهمه رتبت ولا لا تمكيجت ولالبست جديد تعبت من كثر القهر فقررت اني ما اضغط على نفسي واسوي اللي اقدر عليه وخف الزعل-وحسيت انه ما يهمه الترتيب واللبسوالاكل كثر ما يهمه اني انفذ اوامره واطيعه بدون ما احسسه اني مغصوبة.وهذا أصعب شي عندي
كملي يالغلا تسلم يمناج والله يجعل كل حرف تكتبينه بميزان حسناتج

 

[عمر جديد]

الصرااااااحه قصة ندى وخالد
من المواضيع اللى استفدت منها كثييييييييير
واكتشفت منها اخطائي وصلحتها
مشكوره حبيبتي على الموضوع والنقل
تحياتي

 

[هاجس يسهر عيوني]

مشكوره روووووووووعه

 

[ليمونة فوشية]

مشكووووورة اختي الجوري الله يجعله بميزاان حسناتك...
انا متابعه معك بكل اهتمام محتاجين والله نصايحك ..​

 

[*الجوري1*]

حبيباتي فدييييتكمـ كلكمـ من أولكمـ لآآآآآخركمـ ,,,

من الأشياء اللي كثير نجهلها في التعامل مع الشوشو تبعنا الحوار وما أدراكـ ما الحوار ؟؟؟

هو أهمـ شي لأن يومنا وحياتنا تعتمد عليه ,,,

طريقة الحواروالكلام

​

لنفهم ونصل الىأفضل نتيجة في الحوار مع الشمالي الشرقي لابد من معرفة خصائصهم الكلامية :

• يحبون التحدث عن أنفسهم ويستمعون بالتباهي بذلك وعليك أن تقدري ذلك وتحسني الإستماع سوف ينجذب لك .
• يعبرون عن الآراء أكثر من المشاعر .
• يتحدثون بأسلوب مباشر بالعامية بدون لف ولا دوران .
• لديهم حلول واجابات عند طلب مشورتهم.
• يجدون لأنفسهم المبررات دائما ومع ذلك لا يحبون الأعذار من الآخرين .
• يمكن أن يكونوا كثيري الإنتقاد ولكن أظهري الثقة ولا تتأثري بذلك .
• يهتمون بالحقائق والتفاصيل .

حتى يكون حوارك ناجحا معه افعلي الأمور التالية:

• ادخلي في صلب الموضوع وانظري الى عينيه مباشرة .
• لا تكثري الشكوى .

مثال : اذاأردت أن تتكلمي عن معاناتك مع أحد أطفالك عنيد مثلا في هذه الحالة لا تبدأي الموضوعبأسلوب الشكوى ولكن قولي له والله يا أبو فلان تعجبني تربيتك لأولادك ما شاء اللهعليك ...ولكن ولدي فلان عنيد جدا وأبغاك تساعدني وتعطيني حلول لكيفية التعاملالمناسب معاه سوف تجدينه ينطلق في الكلام .

• افرضي عليه احترام رأيك وتناقشي معه بأسلوب يحسسه بوعيك .
• تذكري دائما ما يقوله لك .
• لا تسألي اسئلة تستهلك الوقت .
• لا تتكلمي بأسلوب الأمر ولكن أعطي توجيهات بطريقة لبقة .
• عندما يسألك أجيبي اجابات مباشرة .
• تكلمي عن نفسك بثقة .

أنتظر آراءكم وكل وحدة تحكي لنا عن أسلوبها مع زوجها وأسلوبها في الكلام

ودمتم بخير​

 

[باااااربي KSA]

كلامك اختي صحييييح %100 خاااائن من الدرجه الاولى ويخونك بدم بااااااارد ويعتبر الشيء هذا جزء من خصوصياااته وانتي عليك انك تنكتميييييييييين وماتحاسبينه لي عوده مع الشماالي رجل المشااكل والانتقاداات

حرررررررررررررررام عليكم
والله خوفتوني من زوجي وخوفتوني من الزمن
لان زوجي شمال شرقي














تحياااتي
بااااااربي
الله يستر

 

[في الإنتظار]

الجــــوري الله يعطيك الف عافيـــة

بقرأ القصـــة بوقت افضى من كذا .. ولي رد عليها بإذن الله

يوم الخميس رجعت بيتي زي ماقلت لك الحمدلله احسن من استقباله لي يوم رجعت من النفاس رغمن شكلي

كان تعبان الف وحاطه ميك اب خفيف ويادووب امشي صح ... قدمت له الهديه لما رحنا غرفتنا وقلت له كل عام وانت بخير ... مرره انبسط منها كنه طفل .. استغربت هالانبسااط وجلست انووم البنت ..

الجمعه طلبت منه بعد الصلاة يروح يجيب بعض الاغراض نصلح الغداء مالي خلق المطاعم

جاب الاغراض وكان صوتي معه يادووب طالع تحسينه قام ينزل لدرجة صوتي طبعآ انا تعب وسياسة

الوجبــــه حلووه وخلصنا من هذا وذاك ...

فتح السفـــر مره ثانيه فتحت له ملف طويل عريض ماعرفت اسكت

قلت وين هديتي الي بالشهر 8 قلت عنها ليش نسيت

قال دخت معك بالعمليـــة ونفسيتي زفته قلت تعرف كيف الحرمه تفكر زوجها لما يهمل هالناحيه ان الجوو به غيم

وانا ثقتي فيك عمياء لكن الشيطان مامت تعذر من هالسالفه بالنسيان قلت هو مو لايق اطلبها لكن مافرقت بس ابي اعرف السبب...

ليش اياام نفاسي اقولك ابي كذا وكذا تقول اوكي ثمآ تطنش لاجوواااااب

على العموم رووح لكن لي سفره ثانيه قال ايه انا بوديك بس ابي خلوه روحانيه قلت الله وأكبر كني معكره صفوك

سكت بس القهر نزلت دمووعي طلع جاب عشى وقال كوولي تغذي انتي بعد عمليه

بس يهتم فيني عشان العمليـــة ...

السبت يخطط لسفرته وانا اخطط لسفرة دبــــي على الله تتم كل ماقلت دبي شي يخربها

البارح شفته يقرا اخذت بنتي وصعدت غرفتي .. دخل ليش ماقلتي انك بتنامين قلت انت تقرا ماابي ازعجك

مافيه اي اتصاال عاطفي من الخميس الا هالحين انا من العمليه على اني كاشخه وهو شكله خايف علي


وش رايــــــكم ؟؟؟

 

[بريق روح]

هلا اختي الجوري
ياليت تعطيني رابط تحليل الشخصيه لاني مدري وين الموضوع
لاني مسويته من زمان بس كذا لقافه بشوف وش شخصية زوجي​

 

[لباب]

موضوع رائع والقصه اروع

 

[*الجوري1*]

الزايدية ,,, هلا والله .. تسلمين يالغلا ,,,

ياسمين محمد ,,, أهلين وسهلين ومرحبتين ,,, حلو تعاملكـ الجديد مع زوجكـ ,, والأحلى إننا نتعلمـ من أخطائنا ونصير فاهمين في الحياة أكثر ,,
بالنسبة لمشاعرة تجاهكـ حاولي تكون مشاعركـ إنتي جياشة تجاهه ,, بحدوووود ,, وإغدقيه بالكلامـ الحلو ,, يصير هو يقولكـ نفس الكلامـ وأحلى ,, لكن مع الوقت يبي لكـ صبر ,, والهدايا كمان إنتي إهدي له ,, بين فترة وفترة بمناسبة أو بدون مناسبة وبيني له إن الهدية مهمة بين الأزواج وقولي له إنها تعبر عن حبكـ له ,,, يصير يفهمها وهي طايرة ويبدا يهدي لكـ برضه يبي لها وقت وصبر ,,,

الجورية 2008 ,,, هلا والله بالجورية هلا وغلا وكرتووووون حلا ,,
الله يكون في عونكـ ,, لكن إسمحي لي .. أنتي عودتيه على هالشي ,, المفروض تثبتين وجودكـ ,, وإنه لكـ كلمة وحرية رأي ,, حتى أولادكـ لازمـ يهابونكـ مثل ما يهابون أبوهمـ ,,حاولي تغيرين إسلوب زوجكـ ,,
وحاولي ما تسوين إلا إللي إنتي مقتنعة فيه ,, لكن بإسلوب وبهدوء مو خصامـ ومشاكل ’,,,,إقرأي فن الحوار إللي كتبته وتعلمي منه ,,

عمر جديد .. يسلمو حبيبتي ,,, ننتظر تجاربكـ مع الشمالي ,, ونصائحكـ الغالية ,,على فكرة كلمات توقيعكـ لها صدى رااااااائع ,,,

ليمونه فوشية ,, تسلمين غاليتي ,, أسأل الله لي ولكمـ التوفيق ,, وأن يجعل عملي خالصا لوجهه الكريمـ ,,
ممكن تحكي لنا قصة أروى .. الله يرحمها ويسكنها فسيح جنااااااته يااااااارب ...​

 

[*الجوري1*]

باربي .. حياكـ الله معانا ,, حبيبتي لا تخافي ولا شي ,,
حاولي تحافظين على زوجكـ ,,وتملين قلبه وعينه وحياته ,, وما تتركين له مجال يفرفص ,,
كوني ملكة كوني أنثى ,, إهتمي بنفسكـ كملكة وإهتمي بجميع جوانب أنوثتكـ ,,,

هلا والله أختي في الإنتظار ,,
زين ماسويتيه ,, الله يثبتكـ ويوفقكـ ياااااااارب ,,,لكن كان ودي إنكـ ماضحيتي بصحتكـ وبينتي له إنه عااااادي تسوين الغدا وإنتي تعباااااانه ,,, لالالالا يصير يتعود عليكـ .. إستغلي فرصة إهتماااامه بمصحتكـ وقت مرضكـ وتدلعي عليه وإهتمي بنفسكـ ,,وصحتكـ عشان تقومي مثل الغزااااااااال ,,
بالنسبة للإتصال العاطفي .. كان ممكن تبادري إنتي على خفيف ,, وتبيني له إنكـ محتاجه له ,,لأني أعتقد إنه خاااااايف على صحتكـ ,,(((إنتبهي))) يسافر إلا إنتي مشبعته من جميع النواااااااحي مع مراعاة صحتكـ طبعا ,,,وإتركيه يسافر بدون أي ضغط من ناحيتكـ وبيني له إنه عااااااادي عندكـ ,, وإذ ودكـ بعد حاولي تبيني له إنكـ مشغوووووله وأن عندكـ كمـ شغله تبين تسوينها في سفريته .. عشان يحس إنكـ مو مهتمه في سفريته ...

لباب ,,, إنتي الأروع حبيبتي ’’ أتمنى الكل يستفييييييييد ,,

 

[شوق السكون]

مشكلتي اني دايم لاصقه فيه مدري وش يجيني عليه
وأفكر اقول خلاص بثقل وبتمنع لكن لما أشوفه أنسى كل شي

بليييييز شوفوا لي حل ابيه يشتاق لي

 

[*الجوري1*]

هلا اختي الجوري

ياليت تعطيني رابط تحليل الشخصيه لاني مدري وين الموضوع

لاني مسويته من زمان بس كذا لقافه بشوف وش شخصية زوجي​

تفضلي حبيبتي .. أتمنى تفيدكـ هالروابط ــ


http://www.niswh.com/vb/showthread.php?t=186539&highlight=%C3%E4%E3%C7%D8+%C7%E1%D4%CE%D5%ED%C9

http://www.niswh.com/vb/showthread.php?t=225605&highlight=%C3%E4%E3%C7%D8+%C7%E1%D4%CE%D5%ED%C9

http://www.niswh.com/vb/showthread.php?t=226386&highlight=%C3%E4%E3%C7%D8+%C7%E1%D4%CE%D5%ED%C9

 

[*الجوري1*]

مشكلتي اني دايم لاصقه فيه مدري وش يجيني عليه
وأفكر اقول خلاص بثقل وبتمنع لكن لما أشوفه أنسى كل شي

بليييييز شوفوا لي حل ابيه يشتاق لي

الحل اللي أنتي قلتيه بنفسكـ ,,, والمشكلة كمان إنتي عارفتها ,,

لذلكـ حااااااولي تبعدين عنه شوي وتشغلين نفسكـ بأشياااء تهمكـ ,, موفقه حبيبتي