ساعدوني او ادعولي

[مشغولة]

سااااعدوني او ادعووولي
كيف اكسب حب عمتي ام ريلي
ريلي بيذبحني جنني وانا مو قادرة مع انه سهل بس انا ما اعرف كيف طريقة الكسب هذي
وهي واايد تحب مع حرمة اخو ريلي القديمة وعيالها حتا ريلي قام يضيق ليش بس تمدح هذيج اكثر وحتا مرات ما تمدح بس تقعد تقول غلطاتي جدامه فيتنرفز
ارجوكن خبروني شو اقدر اسوي وانا اصلا انطوائية والله اني مرات وايدة اقول يا ريتني ما تزوجت مع اني عندي عيال بعد

 

[خوخه أم تولاي]

حبيبتي باللسان المعسول والمعامله الجيده والهدايا لها دور يعني اذا رحتي للسوق اشتري لها شي حلو ينفع لها
وسوي طبخه حلوه وقولي هاذي خاصه لك وكثري زيارات وامدحيها قدام زوجك قولي انتي امي الثانيه ومن هالكلام
وبس
ربي وياكـ​

 

[ice creeem]

مثل ماقالت اختي خوخه اسوف ان خالتك سهلة المعشر وخلي كل فترة تجيبين هديه لها جلابيه عطر دهن عود

 

[2010 lulu]

خليكي حبابه معاها مثل ماقالو اخواتي وربي يوفقك

 

[الطائر الهادى]

كثري استغفار وتليييييييين لك

وعامليها مثل معامله امك الله يصلح بينكم

 

[مشغولة]

اللي تقولونه صح بس ما اعرف كيف أطبق هالشئ ما عندي القدرة أصلا أنا ما عندي صديقات حتا لأني ما أعرف اكسب صداقات حتا ريلي زين متحمل هالنقطة ولما أقوله بشترك بمحاضرات د•ناعمة ما يرضا أبدا ولا يباني أفكر فيها عيل شو أسوي بحياتي وأنت لما تقارن و تتنرفز

 

[أم الداعية]

حبيبتي باللسان المعسول والمعامله الجيده والهدايا لها دور يعني اذا رحتي للسوق اشتري لها شي حلو ينفع لها

وسوي طبخه حلوه وقولي هاذي خاصه لك وكثري زيارات وامدحيها قدام زوجك قولي انتي امي الثانيه ومن هالكلام
وبس

ربي وياكـ​

كلام رائع جداً ومعقول

 

[خيل بلا فارس]

1#الهدايا ثم الهدايا كل العجايز يموتون في شي اسمه هدايا كل ما رحت السوق اشتريلها شئ مرة طيب مرة جلابية مرة دخون مرة طقم جلال وسجادة مرة شئ لبيتها.
3#المعاملة الطبية واللسان الحلو والمدح فيها وبشخصيتها ولو تناديها ماما أفضل من عمه أو خالة.
4#اذا ما عندها خدامة كل ما رحتي لها ساعديها بشغل البيت والتنظيف ولو تسوي لها يوم في الاسبوع تساعديها يكون أفضل.
5#كل ما زرتيها خذي معك صيينية حلى أو فطاير أو أكلة تفضلها من صنع يدك وقولي لها "سويتها خصوصي لك يا عمتي لأنك تحبيها"
6#أول ما تقابليها بوسي راسها وسلمي عليها واسألي عن صحتها.
7#كل يوم اتصلي واتطمني عليها وعن أخبارها.

والله يوفقك,,,
​

 

[حناااان الكون]

كيف ما تعرفين ؟؟

ما تعرفين تشترين جلبية وتشاورين زوجك في الجلبية من غير ما يدري انها لامه لا جازت له اشتريها وحطيها بكيس مرتب ولا رحتوا زيارة لامه ادخلي وسلمي وحبي ع راسها قولي لها سمي يا امي

ما تعرفين تعملين الشاي والقهوة والحلى والفطائر وتقولين لزوجك نبي نسير ع امي من زمان ما تقهوينا معها

ما تعرفين لا رحتي لها تكنسين مكانها وترتبينه لها

ما تعرفين لا قمتي الصباح وزوجك بالعمل ترفعين السماعة وتقولين لها كيف حالك يا امي كيف صحتك

انتي تهدين لام زوجك بالمناسبات كـ الأعياد هدية العيد والا لا ؟؟؟


امور كثيرة لو تعملينها ما تكلفك حاجة ولا تاخذ من وقتك بالمقابل تكسبين فيها ود ام زوجك وزوجك​

 

[مشغولة]

بس نحن في بيت واحد ويلمنا مطبخ واحد واشوف طبخي ما يعجبها كثر الثانية مع ان زوجي يحبه

 

[الوااااان*]

انتي فهمي زوجك انه لانك صغيره امه ما تمدحك زي اللي لها خبره
بطريقه اكلهم وحياتهم
وقولي له اصبر وشوف

عشان ما يحن على راسك

والبنات علموك كيف تكسبيها
فجتهدي
وتكلمي بالخير عن سلفتك اللي هي تحبها

بس ان شاء الله تكون حبابه وطيبه حتى
تسهل المهمه

 

[نونه قمر العراق]

طبعا وقفتني كلمة وحدة كلتيها وهي انك انطوائية
ليش هيجي يا بنت الحلال؟ ليش الخجل والانطواء وبالتالي قلة الثقة بالنفس؟
اولا وآخرا ادعي رب العالمين انه يوفق بينك وبين ام زوجك او اي علاقة اجتماعية فهو مؤلف القلوب
واعتني بام زوجك هوايه واشتريلها هدايه واتركي الخجل والانطوائية
وان شاء الله واني حاسة انه علاقتك ان شاء الله تصير احسن ما يكون بينك وبين ام زوجك
كلها ود وسلام واحترام ووئام
آمين

 

[ورررردة]

انا مع اختي خوخه وحنان الكون



الله يسخرها لج يااااااارب

 

[مشغولة]

تصدقون لازم كل أم تدور حق ولدها عدل قبل ما تخطب له وما تتسرع ؤتشوف هل تناسب بيتها و ولدها مدام انه بتجمعهم معاها في نفس البيت
أتمنئ ان ربي يساعدني لأني مدام أريد اكسب حب عمتي وزوجي ربي أكيد بيوفقني ومشكورين بلقيسيات على وقفتكن معاي
وأتمنئ تدعون لي يألف قلبي معاهم تدرون هالصعوبة لأني غير اجتماعية ودخلت في بيت كلهم مأخذين على بعض وعمه اجتماعية
سبحانه تعالى قادر على كل شيئ