العبــــــــــايـــــــه

[الحمل]

الشاعر: ناصر البراق ... (العباه)​

العبايه عولموها وانفثو فيها السموم​

من ملاهي الرقص جابوا فكر تخصير العباة ​

ضيقوا صدر العباة ووسعوا طرف الكموم​

ونزلوها لين وصلت آخر أكتاف الفــــــــتاة ​

بانت نحور الصبايا وانكشف شكل الهدوم​

والغبية تحسبنها زايده زين وحــــــــــــلاة ​

والبراقع دلعوها لين عام الخد عوم​

لازم القرضه توسع والكحل يلقى الحــــياة ​

طوروا شكل النقاب وصارت الدعوه علوم​

صار شفاف(ن)يوضح خدها ويّا الشـــــــفاة ​

وآخر الصرعه لثام(ن)يفتن الرجل العزوم​

والفتن قالوا ضلاله للقلوب المؤمنـــــــــات ​

وش علامك بنت حوى تستبيحين السلوم​

أو مع خيلك ياشقراء بعضكم جنس البنـــات ​

قاهرتهم هالعبايه مايبون الستر دوم​

جدهم علمان يعني لاصيام ولاصــــــــــــلاة ​

حطوا إن البنت سلعه وغلفوها بالهموم​

وارفعوا شعار(ن) ينادي للحقوق الضايعــات ​

من ظلمها والبدو لاصاحت الحرمه تقوم​

قايمه تحت المعادي لجل عين الشامخــــــات ​

من ظلمها يوم قام المعتصم من عز نوم​

قال وين الكافر اللي يستبيح المسلمـــــات ​

ثم ذبح لجل شعرتها من العدو كثر النجوم​

قال هذا حق منهو يستذل الطـــــــــــاهرات ​

نكسوا ذاك الشعار ولملموا باقي السهوم​

يكسر الخاطر سهمكم لاضرب في مدرعـــــــات ​

بيتكم لاصار مبني داخل البيت مهدوم​

وبيتنا صوم وصلاة وحج وأشهد والزكــــــــــاة ​

إتركيهم يا بدويه وخلي اللايم يلوم​

وسعي خصر العبايه واكرمي بالمكرمــــــات ​

وإن رفعتيها لراسك أصبح الراس محشوم​

العبايه فوق راسك حشمه وطيب وثبـــــــات ​

وما عليك من اللئيمه تحاول تقلدك يوم​

لبست البرقع ولكن حن عرق الماجـــــــدات ​

بحنكها ألفين دقه مدري ألف من الوشوم​

أو تراه ألفين هكري يكتبون الذكريــــــــــات ​

ولابغت تكتب قصيده قافها هو قاف يوم​

(يوم يابا)(يوم يابا)جاك عرق الراقصــــــــات ​

جت تقول إني بدويه قلت أنتي وجه بوم​

إعقبي منتي بدويه أنتي جزء من الحـــــصاة ​

يابدويه لايغرك بعض غربان( ن) تحوم​

أنتي فوق الكل أنتي فوق روس النايـــــــــفات ​

أنتي يوم الحرب دارت والمعارك (قوم)(قوم) ​

عانقت عزوات أخوك صوت ضرب المرهفـــــــات ​

إن حدوا من بيننا أو طولوا حد العقوم​

يابدويه طبعي أرقى فوق كل الطايــــــــــــــلات ​

إحذري يابنت منهم طبعهم نفث السموم​

عولمتهم لو أعرفها طلع معنى الشـــــــــــتات ​

ظيقوا صدر العباة ووسعوا طرف الكموم​

وبيجي يوم (ن) نشوف شقوق في وسط العبــــاة ​

 

[لحن الوداع]

شكرا لك

 

[( روح )]

​

وبيجي يوم (ن) نشوف شقوق في وسط العبــــاة ​

مسكين مادرا إن هاليوم جاء من زمان

جزاك الله خير عزيزتي​

 

[ريمان1981]

صح لسانه الشاعر
تسلمين اختي وان شاء الله يكون في ميزان حسناتج

 

[قمير]

صدقتي الله تسلمين

 

[(( نبأ ))]

عجييييييييييييييييييييييييبه

والله كل كلمه قاله انه صادق فيها

تسلمين عزيزتي

 

[هـايدي بلقيس^_^]

مرررررررررررررررررررره اعجبتني

فعلا روعه تسلمييييييييييييييييييييين

 

[(:دلوعة بلقيس:)]

يسلمووووووو قصيده رائعه وبنفس الوقت معبره

جدآ