زوجي هجرني كالعادة ..وودي اقطع هالعادة ؟؟؟؟؟؟؟

[يارب يرجع]

:icon1366:السلام عليكم أنا عندي شريجة عمري 30 وزوجي فيه طبع وهو أذا زعلته وحده فينا هجرها وراح للثانية ولايطب البيت لحد الشهرين وبعدين يرجع .
ويمكن انتوا لاحضتوا ان اسمي يارب يرجع لان زوجي هذا طبعه دايما معاي يدور الزعل دواره ويتلكك عشان يهجرني .واحس انا بالذات يعاملني بنحاسه اكثر منها ويوقف لي عالوحدة .
قبل يومين زعل على سالفة تافهه وسوى نفس الشيء راح والحين صار له يومين غايب لاحس ولاخبر
كاشت فيني انا وعيالي ..
عطوني فكرة شلون ارجعه بدون ما أذل نفسي واجرح كرامتي لاني مليييييت من كثر التوسل قبل عشان يرجع بس ماكو فايده زوجي شمالي شرقي من النوع العنييييييد الصعب
لاتقولين اهتمي واهتمي ( أنا كاملة والكمال لله ) مو غرور بس اعتداد بالنفس
هو يحب يذلنا ويحسسنا ان اللي تغلط عقابها عسير وهو الهجر الطوييييييييييييييييل
مرات اقوله انت ماتحس بالنعمة اللي عندك ومومستمتع فيها انت تدور المشاكل دواره والرياجيل يدورون راحة البال ....
اللي تعطيني فكرة جديدة تخليه يرجع لي فيها اقسم بالله لدعي لها في صلاتي ..............
محتاجة لكن يابلقيسيات النجدة النجدة​

 

[يارب يرجع]

يلا بنات انطركم حطوا نفسكم مكاني ( اقصد الهجر وليس الشريجة )
تقدرون تصبرون عن ازواجكم شهرين ؟؟؟؟؟؟؟؟؟؟؟؟؟؟؟​

 

[ياربي انصرني]

الله يعينك ياختي بس زوجك مايقدم على هذه التصرفات الا وهو عارف انكم تدورونه وتتضجرون من غيابه وجعل هذا الشئ وسيلة عقاب وتعبيرعن زعله و شعاره شعار فرعون عندما قال ---لااريكم الا مارى ومااهديكم الا سبيل الرشاد-

واكيد انه مستغل نقاط ضعفك ومستند عليها لثقته انك عايشه على ناروتنتظرين رجعته----لذلك ضعي لك خطه تقوين فيها نقاط الضعف اللي فيك وتجعلين اهتمامك في بيتك ونفسك وعيالك مع القيام بواجبات زوجك وبدون تقصير

واسئلي الله الاعانه وادعيه في قيام الليل وكثري من الاستغفاااااار وتلاوة القران بتدبر000

 

[يارب يرجع]

مشكورة يارب ينصرج وينصرني
كلامج صحيح 100 %

 

[عزيزة.نفس]

وعليكي السلام
يا عزيزتي عليكي بالتغييييييييييييييييييير
غيري طريقة معاملتكي له وانتي تشوفيييين
الشمالي يحب المرأة القوية اللي تطالب بحقوقها بكل ثقة مو تتوسل ومدري وشو وكأنها بتشحذه
هذا حقكي ( ليلتكي ) يا عزيزتي
خوفيه من الظلم ومن المجيء يوم القيامة وشقه مااااااائل

 

[نونه الحنونة]

اناا اايد كلاام الاخت ,, حسسيه ان هذاا موب عقااب ..

انتواا تحتااجون له كرب اسرة ,, اماا انتي عيشي حيااتك و حطي في باالك الي زعل من نفسه يرضى من نفسه

ترااه شاايفك ميته عليه و قاام يتغلى ..

انتبهي لنفسك و عياالك ,, و خليكي قريبه من ربك أهو أرحم من عبااده ,, و هذاا ابتلااء من ربك يشوف تصبرين ولا لا ..

قوي صلتك بالله ,, خلي أولادك يدعون ربي انه يحنن قلب أبوهم عليك ..
تراا الاطفاال أحبااب الله ,, و دعوتهم مستجاابه ,,

على أذاان المغرب توجهي أنتي و أطفاالك براا البيت في الحوش على صوت الاذاان في هذي اللحظه تتجمع ملائكة الليل و النهاار و خليهم يدعون بقلوب خااشعة و إن شااء الله رااح تستجااب دعوتهم ..

ربي يوفقك و ينولك الي بباالك .. و ييسر لك أمورك و يحنن قلب زوجك عليك ,, آميــــــــــن ..

 

[ام غيادي]

والله ياغاليه مادري وش انصحك فيه بس عليك بالاستغفار
وربنا يحنن قلبه عليك ويرجعلك
وينزل الموده والرحمة بينكم
اللهم امين​

 

[وجدانـ]

هو لأنه شايف انه الهجران يتعبك ويقهرك كَثر منه

انا اشوف انك تقهرينه وتخلينه يشوف ان اللي يسويه مايهمك

اقسي على نفسك هالمره وجربي
دامه له يومين بس حسسيه ان غيابه عاااااادي صدقيني راح يرجع من حاله

الرجال دايم لاشافك طايره فيه وتترجينه يرجع .. مابيرجع بيعاندك يتوقع انك كذا تقدرينه اكثر

انا ماني متزوجه صحيح بس اشوف بالدنيا واجد تجارب ..

وانا اشوف انك تحقرينه وجربي ماراح تخسرين شي
وتشوفين وتقولين وجدان قالت ان مارجع لك باسرع من كل مره

 

[يارب يرجع]

ياعزيزة النفس اللي تقولينه صحيح بس جربت كل شيء ممكن تتصورينه ( خوفته من النار ومن عقاب الرجل الظالم )
بس ماكو فايدة ممكن تقولين اخر شيء يهمه الخوف من الله ( ماأحطه بحظي طبعا ) بس صراحة زوجي من كثر ماهو عنيد مايهمه ولا شيء بالعربي تاخذه العزة بالأثم
تعباااااااااااااااااااااااااااانه حيل قولولي فكرة جديدة ؟؟؟؟؟

 

[يارب يرجع]

يانونة الحنونة كلامك صحيح بس انا وعدت نفسي هالمره اني ما ادخل عيالي بهالسالفة لاني لاحضت انهم حييييل تاثروا اخر مره هجرني فيها ابوهم وهم يشوفوني متضايقة ...
بس هالمرة حتى ماجبت طاري أبوهم عندهم بالمرة مشكورة عالرد والله يجزاج خير

 

[(قلب صافي)]

الله يعينك ويفرج همك
الله يهدي زوجك ويصلح ما بينكم
لا تتنزلين خاليك قويه وحتى اذا جاء وتعذر لا تسمحينه بسهوله
اما كيف يجي عليكي بالدعاء في جوف اليل قبل الفجر والاحاح
والصدقه بنيت ان ربي يحبب زوجك فيكي ويعلق قلبه معك
والاستغفار

صدقيني ارضي ربك وسوف يرضيكي ربك

 

[يارب يرجع]

مشكورة على الرد يام غيادي ووجدان ماقصرتوا الله يجزاكم خير

 

[يارب يرجع]

مشكورة عالرد ياقلب صافي

 

[وَميـضْ]

ريلج ماراح يفيد فيه التخويف من العقااب

انتي بس صيري دلوووعه وابتسمي بدلع وبغمزه بين الفتره والثانيه

يعني كووني دلع في دلع يركض ورااك مثل ضلك
واذا عصب من شي
على طوول قوليله فدييتك لما تعصب وعطي ابتساامه وغمزه حلووه منج

ياااربييه شكلك عذاااب بكل الاحواال

خليي هااكلاامج وياااه واتركي عنج النقاش والجفاء بالكلام

والله يوفقج يارب

 

[يارب يرجع]

حبيبتي وميض هو الحين هجرني واحتمال بقعد على هالحالة شهرين عالاقل كالعادة ابيه يرجع بالأول وبعدين اجرب اللي قلتيه

 

[عزيزة.نفس]

وعليكي السلام
يا عزيزتي عليكي بالتغييييييييييييييييييير
غيري طريقة معاملتكي له وانتي تشوفيييين
الشمالي يحب المرأة القوية اللي تطالب بحقوقها بكل ثقة مو تتوسل ومدري وشو وكأنها بتشحذه
هذا حقكي ( ليلتكي ) يا عزيزتي
خوفيه من الظلم ومن المجيء يوم القيامة وشقه مااااااائل

الآن طنشيييييييييه لمدة يوم يومين على قد ما تقدرين تستغنين عنه
لا تتصلين فيه ولا ترسليله ولاااااااااا شيء
وشوفي ردة فعله فإذا إتصل لا تردين عليه من أول مرة خليه يرننننننن
طبعاً هو راح ينشغل ليش ما رديتي
إذا إتصل مرة ثانية بعد لا تردين
إذا إتصل مرة ثالثة ردي بعد كم رنة قوليله كنت مشغولة واختاري أي شغلة هو يحبها
الشمالي يموووووت في الجسد
قوليله كنت بأتسبح وهو على طوووووووول ههههههه تدورين عليه تلاقينه عندكي ههههههه
ولا تنسين الكلام الحلو اللي يطيب الخاطر وليس التوسل والضعف
قوة X نعومة وأنوثة

 

[وَميـضْ]

انتي خلييه الحين كم يوم لحاله شوي
وعقب اتصلي فييه وكلميه بأسلووب دلوووع


يعني اذا اتصلتي قولي له:
هلا هلا والله بهالصوت
تولهنا لصوت الحبايب
عساهم بس مشتاقين لنا

ترا انا حدي ولهاانه عليك ياعسووول

واذا تنرفز وقال انتي وانتي وانتي

قوليله
اسسسسسسسسسس طبعاا برقه ههههه
يازيينك وانت تعااتب وربي عذاااب

ومن هالكلاام الحلووووو ^__^

شدي حيلج بالعسل يصير لج احلى من العسل

 

[يارب يرجع]

عزيزة نفس رجلي متعود على الهج بالأشهر وليس بالأيام فما أتوقع انه بيرد قبل على اللأقل شهر وانتي تقولين لي يومين !!!

 

[يارب يرجع]

يالله بنات الله يوفقك والله محتاجة لمشورتكم

 

[مرجوجه ع الأخر]

اذا هو على كلامك ياقلبي مالك الا التطنيش يعني هو سوى لك الحركه هذي قبل ومتعوده منه هذا الشي اتركيه وبيني انك تعودتي على غيابه خلاص هو بيمل من هذي الحركه وبيبطلها الله يرده لك ويسخره لك يارب