اللي لها خبرة فأمور الدين تدخل ....

[عيون عزيز]

بنات يمكن تشوفون موضوعي سخيف بالنسبة لباقي المواضيع بس بجد في شغلة معذبتني:sadwalk:.......
انا الحمدلله متزوجة وعندي طفلين بس فيني طبع من يوم اني بنت في بيت أبوي..........
أنا وحدة غراااااااااااااامي الكشخة ...اللبس ..التغيير ...الدلع ....ماعندي مشكلة اموووت من الجوع بس اكون على سنقة عشرة....مينونة صح...
ريلي يموووت في اناقتي ......لدرجة انه من وراي يتكلم عند خواته ويقول داااايما متكشخة لي ..مسكين مايدري انه هاي طبعي ......
راااتبي كله ضايع على هالخرابيط......
مدلعة نفسي عالأأأأأخر.......أموت في شي اسمه مكياج وأحب أتفنن فيه .......ستايلي نفس هيفاء وهبي ولو اني ما أطيقها .......لدرجة انه أغلب الناس يشبهوني فيها ..
أنا هالسنة حجيت ولله الحمد .....وسمعت من وحدة معاي فالحج ان المكياج يبطل الوضوء؟؟؟؟
انصدمت ؟؟؟؟؟ خااااصة اني أموووووت في التصبغ خخخخخ.....
والله حتى وفي غرفة الولادة وأنا أولد الكحلة من الأذن للأذن......
ألحيييييين سؤالي هل المكياج يمنع الماي يوصل للبشرة....؟؟؟؟؟
أنا ما أستخدم كريم الأساس الثقيل.......ريلي يمووووووت في مكياجي لدرجة انه اذا ماحطيت يقول شفيها حبيبتي ما كشخت لي اليوم؟؟؟؟ اكيد بطلت تحبني؟؟؟؟
بتقولون مافي وحدة على طول تهتم وتحط ...صدقوني هاي أنا...مهووووسة ...
ألحين بعرف ..دام المكياج يمنع الوضوء يعني بس احطه فالليل ؟؟؟؟؟
تكفون بنات أدري موضوعي سخيف بس هل هاي معناه ما نتزين لأزواجنا؟؟
أكيد رضى ربي أهم بس بعد مب عارفة شسوي..يعني شلون اقعد شلحة ملحة خخخخ....

انا الحمدلله محافظة على صلواتي وأتوضأ وضوء كاامل بس لا خلصت أنشف عالسريع وأعدل المكياج......
بنات ماعرف وين احط موضوعي...سألت ناس أهل دين وكلن يتفلسف :sadwalk:.......

 

[عيون عزيز]

بنات والله موضوعي جااااااااد...........يعني معقولة ما نتزين ابدا لأزواجنا ؟؟؟؟؟؟؟؟
يا اهل الخبرة تكفون ردوا علي :sadwalk:............

 

[روحي فدااة]

والله لو عندي خبر علمتك بس للاسف ماعرف اول مرة اسمع به اتمنى احد يفيدك ويفيدني ياقلبي

 

[ملاك 88]

انتي اتوضي اول شي بعدين حطي المكيااااااااااج عادي ولما يأذن صلي ...
لانج طااااااااااااااااهرة ...

 

[سيدره]

والله الي اعرفه انه يبطل الوضوء
وهذي مسأله مايختلف فيها أثنين
وللتأكد اسألي مشايخ



وإذا انتي متولعه بالمكياج هالقد ماأعتقد بعيقك إزالتة و وضعه بعد كل صلاه​

 

[pure soul 24]

والله الي اعرفه انه يبطل الوضوء

وهذي مسأله مايختلف فيها أثنين
وللتأكد اسألي مشايخ​

وإذا انتي متولعه بالمكياج هالقد ماأعتقد بعيقك إزالتة و وضعه بعد كل صلاه​

انا بعد هذا الي اعرفه
يمديك تتوضين وتحطينه بعدين تصلين الظهر والعصر
امم والمغرب شيليه وتوضي من جديد وحطيه وصلي المغرب والعشا بنفس الوضوء

 

[أهات أنثى]

هلا عيون عزيز.بالطبع المكياج يمنع وصول الماء للبشرة وبالتالي يبطل الوضوء .ولدلك ضعي مكياج خفيف وقت النهار ختى يمكنك ازالته لتجديد الوضوء عند كل صلاة.اما بعد صلاة العشاء ضعي مكياج ثقيل للسهر ة:icon30:وتقبلي مروري

 

[نسايم ربيع]

مابعرف
بالتوفيق,,

 

[التحدي صعب]

اول مره اسمع ان المكياج يمنع الوضوء
اللي اعرفه انه مايمنع الوضوء الا المكياج اللمقاوم للماء اما غيره فلا هذا والله اعلم
المناكير ايه تمنع وصول الماء لكن ماتبطل الوضوء لو حطيتيها وانتي متوضية يعني تتوضئ وتظلي على طهارتك وتحطيها ومايكون فيه اي شئ خارج من السبيلين ينقض الوضوء

اما مكياج يمنع الوضوء اول مره اسمع فيه
لاني اشوف اغلب اللي اعرفهم وهم ناس متدينين ماشاء الله
يحطوا المكياج العادي ولما يحين وقت صلاة يتوضو لو بطل وضوءهم وبعدها يرجعوا يعدلو علىى المكياج

هذا والله اعلم بصراحة استغربت من الردود اللي تقولك تمنع الوضوء والا تبطله
اسالي شيخ الله يرضى عليك ويثبتك على طاعته وربي يجعلك ترين الحق حقا ويرزقك اتباعه وترين الباطل باطل ويرزقك اجتنابه

 

[حناااان الكون]

اول مره اسمع ان المكياج يبطل الوضوء

بس نعمل موازنه بسيطه

المناكير الان لا حطينها ع الاظافر وجينا نتوضأ فهي تبطل الوضوء لانها تمنع وصول الماء للظفر لانه مطلي بالمناكير

الان البشرة لا كان فيها مكياج جربي وامسحي وجهك بالماء وبعدها ناظري بشرتك شوفي الودره كيف خدودك تلقينها خربت ومحتاجه شوية تعديل بالمكياج ... لو المكياج ما رب معناته الماء ما وصل للبشرة وان خرب معناته الماء وصل


والافضل لك يالشيخة تسالين شيخ .....​

 

[أم مناحي وعمشاء]

اول مره اسمع ان المكياج يمنع الوضوء
اللي اعرفه انه مايمنع الوضوء الا المكياج اللمقاوم للماء اما غيره فلا هذا والله اعلم
المناكير ايه تمنع وصول الماء لكن ماتبطل الوضوء لو حطيتيها وانتي متوضية يعني تتوضئ وتظلي على طهارتك وتحطيها ومايكون فيه اي شئ خارج من السبيلين ينقض الوضوء

اما مكياج يمنع الوضوء اول مره اسمع فيه
لاني اشوف اغلب اللي اعرفهم وهم ناس متدينين ماشاء الله
يحطوا المكياج العادي ولما يحين وقت صلاة يتوضو لو بطل وضوءهم وبعدها يرجعوا يعدلو علىى المكياج

هذا والله اعلم بصراحة استغربت من الردود اللي تقولك تمنع الوضوء والا تبطله
اسالي شيخ الله يرضى عليك ويثبتك على طاعته وربي يجعلك ترين الحق حقا ويرزقك اتباعه وترين الباطل باطل ويرزقك اجتنابه

نفس رأيها​

 

[اموت بحبه]

الي اعرفه انك طلاء الاظافر هو الي يمنع الوضوء اما المكياج جديده علي والله اول مره اسمع فيها ولا قد سمعت من قبل ان احد افتى فيها ...........هذا والله اعلم

 

[المتفرج88]

فعلا يبطل الوضوء
أنت بالاول توضي صح وبعدين حطي مكياج زي ما تهتمي للمكياج اهتمي لدينك اللهم بلغت اللهم فاشهد

من ناحية البشره حرام ترى لها حق الرااااااااااحه دلكيها صنفريها دلعيها بدون مكياج لو ساعه والله معك

 

[ملكةالاحاسيس]

اول شي توضي وضوء صحيح وبعدين حطي المكياج .. مارح يبطل ابدا لو توضيتي مرة اخرى ..

 

[المتفرج88]

بالنسبه لأم مناحي وعمشا
صديقاتك يكونون على وضوء عشان كذا يتوضون عادي لــــــــــــــــــــــــــــــــــــــــكن فرض واحد فقط تتوضا عالمكياج.............
والله تعالى أعلم

 

[عيون عزيز]

جزاكم الله خيييييير حبايبي..........
وبعدين الأخت اللي تقول لي ريحي بشرتج اكيد حبيبتي ماله داعي تعطين دروس ....من ينام ريلي مسحت المكياج وحطيت كريمات خااااصة للبشرة غير الاهتمام عند اختصاصيين بشرة ممتازين وهاي مب موضوعي كلش بس حبيت أوضحلج فديتج,,,,,,
انا ما قلت اني ذابحة روحي جني مب شايفة خير.......انا وضحت اني دايما احط مكياج سواء فالعمل أو فالبيت أو للزيارات وأكييييييييد أكيييييييد ديني أهم وفوق زينة الدنيا كلهاااا..........
بس بعد حلو الوحدة تتزين لزوجها خاصة انه زوجي يحب الاهتمام ويحبني دايما متزينة له وانا مكياجي اللي أستعمله مب ضد الماي ....عشان جي حبيت أسأل خواتي خاصة انه زميلتي فالحج قالتلي مااااااايصيييير كلش تحطين .....وان حطيتي أمسحيه كاااااامل قبل كل وضوء؟؟؟؟
ومرة ثانية اكرر شكري لكل من ردت علي وجزاكم الله خير حبايبي.......

 

[انثى رقيقة]

خلاصة القول اذا كان المكياج يمثل طبقة كثيفة يعني كانه مثلا قناع فهذا قطعا يبطل اما اذا كان فقط بودر اظنها حتنزل مع الوضوء فلا مشكلة والامر يسير

 

[رحيل الوقت]

انا انفجعت وش يبطل الوظوؤ انتي وايها


ما يبطل ولا شي لكنه يمنعك تتوضين بس اما يبطل الوضوؤ

حبيبتي بشرح لك شي انتي توضيتي خلاص ولبستي شراب تمسحين على الشراب صح يوم كامل

اذا فضختيه ابطلتي الوضؤ

جبيبتي اسالي شيخ قولي له يا شيخ اناا احب احط مكياج معقوله يا شيخ اذا حطيت مكياج يبطل الوضوؤ رح يقولك ما يبطل لكنه يمنع وصول الماء عشان كذا لابد تتوضين اذا انقضتي وضوئك


يعني مجرد ما تحطين المكياج كانك ما توضيتي ابطلتي وضوئك الله ما شفناه بس بالعقل عرفناه

 

[كلي غنج~]

اكيـــــــــــــــــد 100% الميك آب يمنع الوضوء ..
الكحله اذا شفتيها سايحه تحت عينك تمنع الوضوء..

انصحك تتوضين وبعدين تحطين ميك اب ..
وانتبهي تبقي اثار للميكاب لازم تمسحينهاا عدل لازم قرص الوجه يكون نظيف مافيه شئ من الاصباغ..
والله يثبتك ع دينك وتمسكك بالصلاه ..

 

[عيون عزيز]

دنيا زايلة .....بلا مكياج بلا بطيخ ((ولو انها صعبة علي :tears)........ولا شرايكم أروح لشيوخ الأزهر وفتاوي على كيف كيفج وبمزاجي بعد هههههه.......
جزاكم الله خير ياخواتي ولو اني تمنيت في نفسي أحصل ثغرة أنفذ منها (((أستغفرك ياااارب وأتوب اليك))........
الله يرزقكم الجنة قولوا آآآآميييييييين.......