مو راضي يصرف علي ولا على بنته شالحل معاه

[شوقي لعيونك]

تعبت من هالموضوع ومالقيت حد غيركم ألجأ له،،

انا صار لي متزوجة اكثر من سنة .. من تزوجت وزوجي مايخصص لي مصروف .. صحيح انه مو مقصر معاي في اي شئ .. نسافر ونطلع .. ونروح أحلى وأرقى الأماكن .. ودايما يجيب لي هدايا غالية .. ولو خاطري في شئ على طول يركض يجيبه .. زوجي مو بخيل ابداً لكن مشكلتي معاه في المصروف ..

في بداية زواجنا انتظرت وانتظرت لين تجي المبادرة منه وعقب قلت له كاش وكنت مستحية .. اني ابي مصروف خاص فيني عشان استانس واحس انك زوجي وتصرف علي .. وقالي انا مفكر في هالشئ ومفكر افتح لج حساب توفير واحول لج كل شهر مبلغ في حسابج .. وحتى رحت البنك وسألت عن هالموضوع لكن قدري ظروفي الحين .. انا مابي اعطيج اي شئ .. ابي اعطيج مبلغ زين .. لكن انتي عارفة الديون الي علي بسبة العرس .. اصبري علي سنة بس وعقب بيصير الي تبينه ..

ومرت السنة ولا في فايدة .. انا ادري ان هو عليه ديون بسب العرس ,, لانه كان متحمل كافة المصاريف وهله ماساعدوه بشئ .. والعرس بصراحة كلف وايد وايد .. وانا ماتنازلت كنت ابي كل شئ احسن شئ .. وهو بعد كان مأيدني وانا حطيت من فلوسي وايد عشان اقدر اساعده بما أني موظفة ..

بعد السنة رحت كلمته مرة ثانية يا فلان وين مصروفي انا وبنتي .. قالي اوكي بس ينزل الراتب .. ونزل الراتب وانتظرت اسبوع وكل يوم نطلع ونشتري اغراض ونصرف فلوس على اشياء موضرورية واقوله الحين بتخلص فلوسك وعقب بتقولي اصبري الشهر الجاي وهذا الي صار .. خصوصا ان هالشهر جاب لي هديه وراحت الفلوس .. وقالي اصبري للشهر الجاي

انا ادري ان زوجي عليه ديون ..لكن راتبه ماشاءالله كبير.. صحيح ان نصه يروح لسلفيه .. لكن الباقي لو اتصرف فيه صح ممكن يخصص لنا منه مصروف وانا قلت له مابي مبلغ كبير كفايه 2000 ريال و 500 للبيبي .. وبصراحه اشوفه يلعب في الفلوس يمين ويسار ويصرف عالمطاعم والطلعات اكثر من هالمبالغ بووووايد ولين جيت اكلمه عن المصروق قال اصبري واصبري



وانا راتبي كله يطير نصه على سلفية سيارتي والنص الباقي على اغراضي والبيت .. يعني بنتي من جبتها وانا اشتري معظم احتياجاتها .. غير الجمعية وغيره وغيره .. واذا عجبني شئ حق البيت خذته ..

الحين علموني شلون اتصرف .. بصراحة مليت وانا اقوله احس جني قاعده اطر

 

[دنيا العالم]

كل شي مع الاصرار يجي بس اصبري الدعاء في الثلث الاخير من الليل

 

[مغريه]

حبيبتي حاااولي معاااه كل شهر
من يبدى الشهر ذكريه ولمااا يستلم الراااتب ذكريه وااصري
لماا هو يحط المصروووف بيدج

 

[umm yusuf]

يااختي عارفه انه من حقك يصرف عليك وعلى بنته بس انتي تقولي انك موظفه يعني مش محتاجه وكمان هو مديون ويصرف معظم فلوسه على وناستكم وطلعاتكم صح؟؟
يبقى فلوسه رايحه في الاخير لك ولبنتك ليه المشاكل ؟؟
انا مؤيداك انك تطلبي منه يصرف عليك دا حقك اللي اعطاه لك الشرع بس لاتضغطي عليه طالما هو مش مقصر معاك
اشتري كل اللي نفسك فيه ولاتبخلي على بنتك بشي وخليه هو اللي يدفع وفي الاخير الامور دي تخلق مشاكل بين الزوجين مالها اساس
الله يسخره لكم ويسعدكم

 

[المحتاااااااارة]

حبيبتي ماتخلين الموضوع هذا يكون مشكلة دام انه يوديكم ارقى الاماكن نفس ماتقولين بالرغم انه مديون وانتي تشتغلين انا ماانفي انه ملزوم يصرف عليج بس راعي ظروفه بعد وذكريه انج محتاجة تحسين احساس كل وحدة رجلها مسؤول عنها بس بالتي هي احسن ومع كلمتين حلوات منج بيصرف اكيد والله المستعان

 

[سنا1بل]

يااختي عارفه انه من حقك يصرف عليك وعلى بنته بس انتي تقولي انك موظفه يعني مش محتاجه وكمان هو مديون ويصرف معظم فلوسه على وناستكم وطلعاتكم صح؟؟
يبقى فلوسه رايحه في الاخير لك ولبنتك ليه المشاكل ؟؟
انا مؤيداك انك تطلبي منه يصرف عليك دا حقك اللي اعطاه لك الشرع بس لاتضغطي عليه طالما هو مش مقصر معاك
اشتري كل اللي نفسك فيه ولاتبخلي على بنتك بشي وخليه هو اللي يدفع وفي الاخير الامور دي تخلق مشاكل بين الزوجين مالها اساس
الله يسخره لكم ويسعدكم

وأنا اوافق اختي ومدام انتي موظفة وهو يصرف عليج ويشتري لج هدايا ومطاعم هذا بعد صرف عليج

 

[مــــرح]

طيب ليش تحطين هذا الامر مشكله طالما انه يعطيك ويوديك ويجيبك ومبسوطه معاه ..
انتي مو موظفه انتي جمعي فلوسك من غير ماهو يدري ولو نقصك شئ قوليله اشتري هالشئ طبعا باسلوب مو انك تستخدمين الموضوع كأمر عليه .. ترى هو شايف نفسه جالس يصرف عليك وعلى بنتك يعني عشان كذا يأجل
انتي بطريقتك اسحبي منه اللي تبين قولي نروح السوق وخليه يشتري هو ويدفع هو
ولاتروحي السوق الا معاه عشان هو اللي يدفع .. ترى روحتك للسوق لوحدك تخليه يحس انك تقدرين تتصرفين وعندك فلوس وانتي مو في حاجة فلوس .. تصرفي معاه بطريقته هو ..خليه يحس انه و اللي يشتري كل شئ لأن ماعندك فلوس ..قولي انك تبين تشتغلين بفلوسك في تجاره او من هالكلام ..

 

[فرااولة]

أختي اسمحي لي أن اقولك انتي دورين ع
المشـــاكل ـبما انه يوديك افخم الاماكن ويشتري
لكـ أغلى الهدااايا خلااااص هذا صرف مولازم
فلوس بيدك وأنتي الحمدلله موظفة يعني مو
محتاااجة له وحاااط لك افخم عرس
يعني عليه ديون أختي نصيحة خلية بيتك جنة
وسعااادة الله يوفقك
​

 

[حلاوة وشقاوة]

حبيبتي الرجال لمن تكون زوجته موظفة يعاملها باستقلالية اكثر ...!!
يعني يحسها طماعة بس بتجمع لنفسها ويحسدها على كذا عشان كذا هو ما يعطيك!!

 

[هوف]

والله انا مستغربه منج انتي تقولين انه مومقصر معاج ويشتريلج هدايه وبنفس الوقت تقولين مايصرف بالعكس حمدري ربج وشكريه وبعدين اوووك يمكن يعطيك مصروف لج بس يبطل الهدايه وسفرات وقولج بس خذيتي مصرفج سافري منه اشتري منه انا اشوف انه تحمدين الله وتحاولين تاخذين الى يقضي حاجتك من سيولة فقط

 

[شوقي لعيونك]

كل شي مع الاصرار يجي بس اصبري الدعاء في الثلث الاخير من الليل

مشكورة اختي على ردج

 

[شوقي لعيونك]

حبيبتي حاااولي معاااه كل شهر
من يبدى الشهر ذكريه ولمااا يستلم الراااتب ذكريه وااصري
لماا هو يحط المصروووف بيدج

المشكلة اني مو متعودة اطلب ولما افتح هالموضوع انحرج ..

 

[شوقي لعيونك]

يااختي عارفه انه من حقك يصرف عليك وعلى بنته بس انتي تقولي انك موظفه يعني مش محتاجه وكمان هو مديون ويصرف معظم فلوسه على وناستكم وطلعاتكم صح؟؟
يبقى فلوسه رايحه في الاخير لك ولبنتك ليه المشاكل ؟؟
انا مؤيداك انك تطلبي منه يصرف عليك دا حقك اللي اعطاه لك الشرع بس لاتضغطي عليه طالما هو مش مقصر معاك
اشتري كل اللي نفسك فيه ولاتبخلي على بنتك بشي وخليه هو اللي يدفع وفي الاخير الامور دي تخلق مشاكل بين الزوجين مالها اساس
الله يسخره لكم ويسعدكم

والله اني مااضغط عليه حتى هو لما سالني كم تبغين.. قلت له الي تقدر عليه .. حتى لو 1000 ريال .. بعدين اتفقنا على 2000

لما اروح معاه السوق مايدفع .. حتى لو كان معاي ..

 

[شوقي لعيونك]

حبيبتي ماتخلين الموضوع هذا يكون مشكلة دام انه يوديكم ارقى الاماكن نفس ماتقولين بالرغم انه مديون وانتي تشتغلين انا ماانفي انه ملزوم يصرف عليج بس راعي ظروفه بعد وذكريه انج محتاجة تحسين احساس كل وحدة رجلها مسؤول عنها بس بالتي هي احسن ومع كلمتين حلوات منج بيصرف اكيد والله المستعان

بحاول والله يعين

 

[شوقي لعيونك]

وأنا اوافق اختي ومدام انتي موظفة وهو يصرف عليج ويشتري لج هدايا ومطاعم هذا بعد صرف عليج

ادري ان هذا صرف بس ودي احس انه يصرف علي

 

[شوقي لعيونك]

طيب ليش تحطين هذا الامر مشكله طالما انه يعطيك ويوديك ويجيبك ومبسوطه معاه ..
انتي مو موظفه انتي جمعي فلوسك من غير ماهو يدري ولو نقصك شئ قوليله اشتري هالشئ طبعا باسلوب مو انك تستخدمين الموضوع كأمر عليه .. ترى هو شايف نفسه جالس يصرف عليك وعلى بنتك يعني عشان كذا يأجل
انتي بطريقتك اسحبي منه اللي تبين قولي نروح السوق وخليه يشتري هو ويدفع هو
ولاتروحي السوق الا معاه عشان هو اللي يدفع .. ترى روحتك للسوق لوحدك تخليه يحس انك تقدرين تتصرفين وعندك فلوس وانتي مو في حاجة فلوس .. تصرفي معاه بطريقته هو ..خليه يحس انه و اللي يشتري كل شئ لأن ماعندك فلوس ..قولي انك تبين تشتغلين بفلوسك في تجاره او من هالكلام ..

والله اني مايظل من راتبي شئ اخر الشهر
لاني وايد اصرف على البيت .. ولما اروح معاه مكان واشتري شئ مايدفع .. شكلي مو حلو وانا واقفه ادفع وهو جنبي ويطالع

و2000 الي طلبت ممكن يصرفهم على عشا في فندق مرتين ولايهمه .. بس خل اقوله ابي فلوس يقعد يحاسبني حق شنو وليش؟؟

 

[شوقي لعيونك]

أختي اسمحي لي أن اقولك انتي دورين ع
المشـــاكل ـبما انه يوديك افخم الاماكن ويشتري
لكـ أغلى الهدااايا خلااااص هذا صرف مولازم
فلوس بيدك وأنتي الحمدلله موظفة يعني مو
محتاااجة له وحاااط لك افخم عرس
يعني عليه ديون أختي نصيحة خلية بيتك جنة
وسعااادة الله يوفقك
​

انا عارفه انه مو مقصر بس يأختي بعد بالعقل .. هو زوجي مسؤول عني شرعاً حتى لو كنت موظفه .. مو معناته اني اصرف راتبي ومايبقى منه شئ .. وهو يلعب في الفلوس على اشياء ماله معنى

وهو راتبه ماشاءالله فوق 30 الف .. معقولة مايقدر يعطيني 2000

انا ماطلبت شئ كبير.. كل الي طلبته بحدود العقل ..

ويحز في خاطري اني اطلب منه مصروف ويأجل ..

وهالمبلغ والله يصرفه على اشياء تافهه ..

وانا ماتكلمت الا لان راتبي مايكفيني لاني اصرف منه عالبيت .. حتى لو محتاجين قطعة أثاث انا اشتري لو ماكان عنده .. وهو كل شهر يلعب في الفلوس واخر الشهر يقولي ماعندي .. وانا ابتدي اصرف على البيت من جمعيه .. وبانزين وكل شئ .. واغراض البيبي من اللبس ومن كل شئ

وانا بعد ماقصرت وياه ساعدته من البداية في مصاريف البيت .. حتى تأثيث البيت قولي ثلاث ارباع الفلوس من عندي ..

انا مو طماعه ولا ابي اجمع من فلوسه .. بس حسيته صار يصرف زيادة .. لانه يدري اذا خلصت فلوسه انا موجودة ..

 

[شوقي لعيونك]

حبيبتي الرجال لمن تكون زوجته موظفة يعاملها باستقلالية اكثر ...!!
يعني يحسها طماعة بس بتجمع لنفسها ويحسدها على كذا عشان كذا هو ما يعطيك!!

كلامج صح ..
والله يحز في خاطري
لو قلت له خل نقعد في فندق ليلتين نغير جو .. بيقولي اوكي .. بدون مايفكر
لكن لو قلت له ابي مصروف عادي يقعد نص ساعه بيتناقش في الموضوع

 

[شوقي لعيونك]

والله انا مستغربه منج انتي تقولين انه مومقصر معاج ويشتريلج هدايه وبنفس الوقت تقولين مايصرف بالعكس حمدري ربج وشكريه وبعدين اوووك يمكن يعطيك مصروف لج بس يبطل الهدايه وسفرات وقولج بس خذيتي مصرفج سافري منه اشتري منه انا اشوف انه تحمدين الله وتحاولين تاخذين الى يقضي حاجتك من سيولة فقط

الحمدالله على كل حال

انا ماخذ منه ولا ريال

وطلبت المصروف لاني انحرج اطلب منه يدفع لو شفت شئ حلو وعجبني .. انا عمري مادخلت معاه السوق وطلبت منه يدفع .. حتى لما اسافر اي شئ ابيه لازم اشتريه بنفسي لايعطيني فلوس .. ولايدفع لما اشتري
قبل بدون البيبي ويالله الراتب يكفيني .. الحين مع البيبي والمصاريف زادت .. حتى زيارات الدكتور انا ادفعها .. وفلوس التطعيم ..
انا اخر محاولة معاه الشهر الجاي لو ماعطاني .. بقوله مشكور وماقصرت .. ولابطلب شئ مره ثانية ..

 

[شوقي لعيونك]

مازال الوضع كما هو عليه شالحل؟؟؟؟