زوجي طردني انا وبنتي علشان الخدامه

[شجون دبي]

ردي له
بس ذلييييييييييييييييييييييييييييييه شوي

 

[om lujain]

ردي له
بس ذلييييييييييييييييييييييييييييييه شوي

:sadwalk:

شلوووون شسوي يعني؟

 

[Cool&Cute]

اسمحيلي اختي غلطت باسم البرنامج البرنامج اسمه محضر خير على قناة الامارات يوم الثلاثاء الساعه 10م بتوقيت الامارات

 

[أماااااااه]

لا يا عمري لا تسوين في نفسك كذه نفسك عزيزة عليك
ولأنه حاس إنك خايفة من الطلاق قام يسوي فيك كذه
عالعموم أنا ما اتمنى لك الطلاق لكن لازم تصرين على شروطك ولا تكوني ضعيفة
إن لم تكن ذئبا اكلتك الذئاب
أيصا ياعمري خلك على طول هادية وكول إذا رجعتي له واجتنبي المشاكل تماما عشان مايلاقي يسبب يهددك بالطلاق فيه

 

[بكره افضل]

حبيبتي لاتذلين نفسك الا لربك
وكما قال عليه الصلاة والسلام --واعلم انه لو اجتمع الانس والجن على ان ينفعوك بشي لن ينفعوك الابما قد كتبه الله لك ولو اجتمعوا على ان يضروك لن يضروك الا بما كتبه الله 00رفعت الاقلام وجفت الصحف00-
قدري نفسك علشان يقدرونك الناس0000وعلشان بنتك بعد00بكره تتعلم منك القوه وعزة النفس


اسال الله لنا ولكي وللقارئات ان لا يجعل بيننا وبين رزقنا احدآ سواه
وكرر قول المصطفى صلى الله عليه وسلم--اللهم اني اشكو اليك ضعف قوتي وقلة حيلتي وهواني على الناس
انت رب المستضعفين وانت ربي الى من تكلني الى عدوا يتجهمني ام الى قريبا ملكته امري ان لم يكن بك علي غضبا فلا ابالي غير ان رحمتك اوسع لي اعوذ بنور وجهك الذي ملا اركان عرشك وصلح عليه امر الدنيا والاخره ان يحل علي غضبك او ينزل علي نقمك لك العتبى حتى ترضى ولا حول ولا قوة الا بك--

ودائم قولي لاحول ولا قوة الا بالله00000حسبنا الله سياتينا الله من فضله انا الى الله راغبون

فرج الله انا ولكي ومن آمن على ذلك والمسلمين اجمعين

 

[جمال باتي]

شوفي صج زوجك غلط بس عشان بنتك والبيبي سامحيه بس بشروط وبلاش خدامه

 

[om lujain]

جزاكم الله خير والله يجعله بميزان حسناتكم اللهم امين
يعني بنات تتوقعون يزورني المستشفى ليولدت ولا يطنس ويصير تسجيل الولدعن طريق المحاكم

 

[احب الورد]

الخدامه تبغي التشليح من الله ليش من البدايه مادققين علي لبسها المفروض تلبسينها لبس ساتر مثل اليونيفورم بنطلون وقميس وسيع وطويل علشان ماتعطينها مجال تتشلح والمفروض ماتسوين نفسج خايفه عليها لاادش لادش انتي اثرتي فضوله والله اعلم شو صار بعد ماطردكم ... اول شي تسوينه اذا سامحتي زوجك اتيبين خدامه غيرها ثاني شي ماتخلين الموضوع يمر بسلام وصلت لين الطرد والشكوا في الشرطه.... علميه يخاف الله ويهتم فيكم هذي صعبه شوي ولكن حاولي بعد حاولي تاثرين فيه وتخلينه يبكي ويندم علي اللي سواااه وقوليله كيف طردتني وبنتك لهذي الدرجه انا ولاشي قوليله بنتي مالها قدر عندك وقيمه وفي رمضان قوليله ياليتني غلطت يوم طردتني ولكن قوليله ماتحمل تصرفاتك اللي بدون وطنشيه لين تولدين وصلي واستغفري ووقت الولاده ادعي الله يجمعكم في الخير ويبعد عنكم الشيطان وادعي لاولادك بالستر ويحفظهم بينكم ويرجع لج ندمااااااان ومراضنج انتي الان حامل دلعي نفسج وبنتج واهتمي في نفسج

 

[الصبوره]

لا حول ولا قوة إلا بالله
حسب فهمي لقصتك واضح إن الموضوع مو موضوع خدامة مشكلتك مع زوجك إنه ما يحترمك كونك ضعيفة وهو رجل مدلل أو مب راعي مسؤولية وهذا اللي تقولين عنه حب هذا مب حب ، على أي اساس إنت تحبينه!! شو اللي سواه معاكي يخليكي تحبينه !!!!!

شوفي عزيزتي بعد أن تستخيري ربك لأنه هو الأعلم أبغيكي تكتبين على ورقة شو إيجابيات هذا الزوج وشو سلبياته
قد تقولين إن كانت إيجابياته إنه كان يصرف على البيت ويوفر لكم الإحتياجات الأساسية أقولك هذا ليس بشئ يخلي الوحدة تنذل وترجع لواحد مثل هذا خاصة إنك مثل ما قلتي القاضي أمرلك بمبلغ يكفيكي إنت وبنتك.

ما أعرف شو أقول بس إنت أدرى وإنت بس اللي تقدرين تحكمين على وضعك واحنا ما نعرف إلا المعلومات اللي إنت كتبتيها عن حالتك.

الله ينصرك وييسر أمرك ويفرج همك .أكثري من الإستغفار وقراءة قل هو الله أحد.

 

[انثى رقيقة]

هذا انسان مايخاف ربه وغير امين على اهله مهما

حصل لايرميك انت وبنتك في الشارع ولو كان عنده ذرة احترام او دين ماكان دخل على الشغاله كده حسبي

الله ونعم الوكيل على اشباه الرجال بل هم مجرد ذكور ليس الا والله كلمة رجل كبيرة جدا عليهم

ولايستاهلوها , لاتموتي روحك عليه ادبيه الاول وكلمي ابوك مادام موجود واحسن انك شكيتيه في المخفر

لكن غلطانه انك راسلت اهله خلاص انت عرفتيهم كفاية رسايل ولاتسامحيه الابتعويض مثلا هدية قيمة

علشان مايكررها واحذري منه وخلليك قويه حاولي شوفي لك وظيفة اشغلي نفسك عنه وحاولي استثمري

مالك وانفعي نفسك وامني مستقبلك ولاتعطيه وجه مايستاهل. الاكده​

 

[قطـــــريه]

من رأيي ما تسامحينه .. وبعدين اختي سؤال ! شتبين في هله يسالون ولا ما يسألون عنج وعن حمالج وصحتج وانتي مشتكية على ولدهم في الشرطة ؟؟ اختي لمن تدخل القضايا في البيت وبين الاهل لا تطلبين الاهتمام من الطرف الثاني .. الحين انتي فبيت هلج ورافعه قضية عالريال شتبين بعد منه ؟؟ المره ترفع قضايا لمن تكون في سوابق وبعدين ما انصح المره ترد لمن تنطرد من البيت لان هني كرامتج والبيت مب لج صار .. وعشان منو ؟ خدامة !! وثالث شي اسلوبج زفت مع ريلج ويمكن هاي رد فعل منه على اسلوبج .. يتراوالي شوفي نفسج وعقب احكمي مين الغلطان وليش كانت رده فعله كذا مع اني ضد اللي سواه وقلت لج من الاول لا تسامحينه لان اللي سواه يعبر عن خلل اخلاقي كبير فيه .. وهاي انسان ناقص

 

[darkness]

الحين هو طلب السماح وقالت لا؟؟؟؟
وربي لو انا مكانك لاطلب الطلاق منه ولو اجلس طول عمري بدون زواج ولا تنهان كرامتي بها الشكل
والله غريبه انا لاقيه زوجي الاولاني يخونني مع الشغاله ولا طردتها برا البيت كم يوم وسفرتها بهدوء
انا ما احب خربان البيوت بس ياعالم والله بتموتون من الكبت والقهر شوفوني الحين مبسوطه بزواجي الحمدلله الثاني بس نفسيتي مضظربه الى الحين مو قادره انسى الماضي وجروحه ياقلبي انتي الله معك

 

[وينك ياكلمة لا]

حسبي الله ونعم الوكيل

 

[om lujain]

من رأيي ما تسامحينه .. وبعدين اختي سؤال ! شتبين في هله يسالون ولا ما يسألون عنج وعن حمالج وصحتج وانتي مشتكية على ولدهم في الشرطة ؟؟ اختي لمن تدخل القضايا في البيت وبين الاهل لا تطلبين الاهتمام من الطرف الثاني .. الحين انتي فبيت هلج ورافعه قضية عالريال شتبين بعد منه ؟؟ المره ترفع قضايا لمن تكون في سوابق وبعدين ما انصح المره ترد لمن تنطرد من البيت لان هني كرامتج والبيت مب لج صار .. وعشان منو ؟ خدامة !! وثالث شي اسلوبج زفت مع ريلج ويمكن هاي رد فعل منه على اسلوبج .. يتراوالي شوفي نفسج وعقب احكمي مين الغلطان وليش كانت رده فعله كذا مع اني ضد اللي سواه وقلت لج من الاول لا تسامحينه لان اللي سواه يعبر عن خلل اخلاقي كبير فيه .. وهاي انسان ناقص

حبيبتي مشكوره على مرورج وانا ما اشتكيت مني والطريج اهو يوم طردني طردني بملابس البيت وبنتي ماخلان اخذ شي لها لاملابس ولا حليب ولاشي وانا اللي شاريه الب اثاث البيت واهو قالي عندج شي اخذيه بالمخفر اهو اللي طل اني اروح المخفر مارحت من نفسي
وبعدين انا ماضريت اهله بشي ولاغلطت عليهم وبنتي مالها ذنب اللي مايسالون عنها واهيه شايله اسمهم طول هالفتره مادرو عنها ولا كلفو على نفسهم حتى يعطونها مرف تى فلوس الحكومه نفقتي ونفقة بنتي مو راضي يعطيني اياها وانا مو موضفه وحامل وصاير معاي نزيف اخذ مثبتات ودربات وكل هذا يبيلهمصرف ليمتى امي تصرف علي وعندي غيري اخوان صغار اذا ما اشتكيت ماراح يعطيني
وانا ماكلمته باسلوب زفت على قولتج وهالكلمه عيب وموحلوه ومالها داعي قلت له ليش دشيت عليها وان قلت لك لاتدخل واهو ماهاني لما دخل؟ وشاف المشكله ماطلع وقف يسولف معاها وانا زوجي عارفه كل شي عنه وساكته قلت يمكن يتغير ادري ان عنده شقه وخرابيط وانا شايفه بنفسي بس ساكته بس ليمتى تعبت وانا كنت حامل واتوحم وماكنت ادري اني حاملونفسيتيكانت حيل تعبانه

 

[&دره&]

حبيبتي الله يعوضج خير منه

انتي ذليتي روحج حقه وبستي ريوله والنتيجه طردج بالشارع عشانت خدامه !!

لا تذلين روحج زياده وترجعيله خصوصا وانتي بهالضعف بتردين قويه ردي بتمين جذي تحت ريوله طقتج وطردتج ابيزه

ما تخافين ينقلج امراض؟؟!!

وهالقويه العين يعل عينها البط بتم عند بابا لي الصبح الحقيره

لا ماما لا حبيبتي انتي تستاهلين اللي حطج على راسه وتستاهلين اللي يبوس ريولج

لا تذلين عمرج اكثر حرام بتظلمين نفسج وبنتج وولدج بنفس الوقت

والله يعوضج بخير منه الليش يكون لج السند والظهر ويكون لبنتج الابوه الحاني

 

[قلب الورد]

اختي الله يعينك مع احترامي واحد قطك بالشارع انت بنتك ايش تبين فيه ؟؟؟؟
ايش تستني تجيبي الطفل الثاني عشان يرميه لا سمح الله مع اي موقف ثاني
احمدي الله انك عرفتيه من بدري انه واحد مع عنده احساس بالمسؤليه
وازا رجعتي له لازم تحطي له حدود ولازم يتربى ويذوق نار فراقك
ليش يرميك في الشارع بسهوله انت والطفله ؟؟؟؟
اختي الشاعر يقول
من يهن يسهل الهوان عليه
خلي كرامتك فوق كل شي واقول لازم تخلي رجال مهيوب من عايلتك يتفاهم معاه ويربيه
السموحه اختي بس الدنيا هده سار ماينفع فيها السلبيه والتسامح وازا اتهاونتي في حقك ما راح يحسب لك حساب بعدها

 

[om lujain]

حبيبتي الله يعوضج خير منه

انتي ذليتي روحج حقه وبستي ريوله والنتيجه طردج بالشارع عشانت خدامه !!

لا تذلين روحج زياده وترجعيله خصوصا وانتي بهالضعف بتردين قويه ردي بتمين جذي تحت ريوله طقتج وطردتج ابيزه

ما تخافين ينقلج امراض؟؟!!

وهالقويه العين يعل عينها البط بتم عند بابا لي الصبح الحقيره

لا ماما لا حبيبتي انتي تستاهلين اللي حطج على راسه وتستاهلين اللي يبوس ريولج

لا تذلين عمرج اكثر حرام بتظلمين نفسج وبنتج وولدج بنفس الوقت

والله يعوضج بخير منه الليش يكون لج السند والظهر ويكون لبنتج الابوه الحاني

تسلمين ي فديتج مشكوره وايد

 

[مجنونه بحب زوجي]

الله يعينج اختي بس نصيحتي لج حاولي تلطفين الجو بينكم احسن من ان الوضع يسوء اكثر لاتصدينه اذا حاول يعتذر منج بالعكس وبكل ادب وهدوء اذا ناقشتيه في السالفه وماااافي داعي تكبرينها لحقي عليه قبل لايلعب حد براسه ويتزوج عليج ؟........... وفهميه اذا فتح معاج الموضوع انج وااااااايد تاذيتي نفسيا من اللي صار ومستكثره منه هاالتصرف والله يصلح حالج وطمنينا عنج

 

[ام الزلام]

السلام
ياعمري شكل زوجك مش رومنسي وجلف بالكلام وعصبي وشوي بصباص يعني عينه زايغه مايعطيك اهتمام لا انت ولا بنتك صح الله يعنيك إذا صح . أنا بنظري أنت ماسويت شي مجرد إنك نبهتيه هو ماحبها منك الله يفرج همك عليك بالدعاء

 

[رمال البحر]

لا ترجعين إلا بعد الا ستخارة أكثر من مرة فلا يعلم النوايا إلا الله فربما يكون قد علم خطأه وأراد الاعتذار فعلا وربما يكون مجرد تمثيل وهذا الأمر لا يعلمه إلا الله وحده وياريت إن عدت لبيتك لا تحضري خادمة للبيت وإن احتجت خادمة فاجعليها تقضي لك طلباتك ثم تذهب لبيتها ولا تعيش معك ولا تبيت بالبيت أو تأتي بخادمة مع زوجها لكن لا تحضري خادمة وحدها تعيش معكم ودعواتي لك بصلاح الحال