ــــــــــ موقف طريف ــــــــــ
من أيام عزمت أطلع مع ولدي
راح تجهز ولبس وانا بعدني ما خلصت لأني كنت أرتب الغرفة شوي
ياني الولد وتفاجأ اني بعدني ما خلصت .. قال ماما يالله انتي بعدج..؟
ففكرت ألاعبه شوي وأشوف ردة فعله..
(كنت لابسة برمودا .. جنز والبودي كت)
خذت شنطتي وعلقتها فكتفي وقلت له يالله ماما انا جاهزة يالله نروح
الولد فتح عيني وهز راسه :no: .. قال ماما انتي نسيتي العباة
قلت له لا حبيبي أنا اليوم بطلع جذيه .. ومشيت
مسكني حبيبي من بطني ويدزني على ورا ويقول لا ماما ماتطلعين جذيه
قلت له ليش ..؟ عااادي بابا ما يشوفني ..
قال لااااااا يعني انتي تخافين من بابا وما تخافين من الله
وأنا مصرة وأقول إلا أطلع جذيه
وحبيبي عيونه بدت تدمع :tears: وهو يحاول فيني ويحاول يرجعني
وأنا مصرة على موقفي <<<< نذالة :31:
فقال خلاص ماما أنا أقول نبقى في البيت أحسن
قلت له ليش حبيبي تستحي تمشي وياي وأنا لابسة هاللبس..؟
قال هيه .. وانفجر حبيبي وصاح .. قال لا ماما بعدين الله بيعاقبج وانتي بتصيحين
ياقلبي والله مااتحملت .. قمت وحضنته وقلت ماما أمزح معاك وكلمته شوي في الدين
والأخلاقيات وبينت له اشكثر أنا معجبة بموقفه
والأطرف إن لما طلعنا .. وكنا نتمشى قال ماما .. تخيلي لا سمح الله انج طالعة بدون
عباة.. كيف بتتحملين كل هالرياييل يشوفونج ..؟
قلت صح ياماما مااتحمل .. كلامه عصر لي قلبي .. وأنا أشوف المتبرجات الله يهديهم
يارب ويهدينا وياهم
ولما قلت الموقف حق ابوه .. فرحني بكلمتين يا عجابة وقال
ولدي مرباي صح وانا افتخر انج امه...
عجابة ... أول الغيث قطرة !!
