زوجي طردني انا وبنتي علشان الخدامه

[ميوسه]

دوري لك سند غير ابوك رجل

وارجعي بشروط


لاتمشينها له بالساهل

 

[عسـэšζـــل]

صراحة قلت ادب عنيف ضربه وموقفه بالمرررة قوي الله يعينك

 

[::شروق::]

الله يرررحــم ضعفكـ يـآرب ..
ويفتحهـا عليكـ ..
عورنـي قلبي عـليك ..
كثري أنتي الأستغفــار والدعـاء ..
رحمت ربي كبيـرهـ ..بيرحمك ويعينك ..

 

[لتوفي]

اختي يوم يطردك كانت الخدامه وين معه في البيت ؟

 

[لتوفي]

اختي يوم يطردك كانت الخدامه وين معه في البيت ؟

قصدي يعني معه الشغاله طول غيبتك عن البيت
عموما هذا يبي احد يربيه وشلون يجلس بدون زوجه كم شهر وغير كذا والاهم كيف يطيعه قلبه يرمي بنته بشارع اعوذ بالله الله يسخره لك لا ترجعين االا بشروط واذا ماواقف عليها انتي الربحانه هذا مو حسافه

 

[زوجةاسير]

خلي موقفك قوي ويجيء لمك ويعتذرلك وبعدها اقبلي عذرك بشروط واهله طنشيهم

 

[حبك بعثر الدنيا]

الله يكون بعونج ..
استخيري قبل لاتقبلين على اي خطوة وتالي تتحسفين قد شعر راسج ...
اكثري من الدعاء والاستغفار بنية اصلاح وهداية الزوج ...
تقبلي مروري

 

[عساني فداكم]

حبيبتي زوجك يعني كذا اسلوبه ولا بس يوم شاف الشغاله وبعدين شوفي لاتفكري بالطلاق اوكي اذا كلمك قولي انا مافكر بشي ذحين الا الي ببطني واني اخاف عليه لايتمرر زي وزي اخته وانك تعيد معانا الكره انا ماضمنك انتي اهنت كرامتي وانا اذا بفكر ارجع ارجع بشروطي اولها تكتب تعهد انك ماتتعرضلي بالضرب او الطرد واذا خالفت التعهد ماتشوفني انا وعيالك ابد اتمنى اكون افدتك والشغاله اذا انتي مو بحاجتها خليها تتوكل حبيبتي ارجعي بس بشرررررررررررررررروطك وخليك حازمه وشوفي اي احد عمك خالك خليه يوقف معك وبالنسبه لاهله اذا هو ربي هداه عطيهم طنااااااااااااااااااش اتمنى اكون افدتك وطمنينا عنك

 

[أم محمد2010]

صراحة قرار صعب الاختيار !!!!

نصيحة اخت لاترجعين له الا بشروط ورضاؤه اي ((هديه))عليها القيمه وتهد حيله مثل الذهب او بيت

اوتجديد الاثاث ولا ترحمينه لان الي سواه موشوي وين قلبه على بنته يوم طلعك برا

وفيه حاجه يااختي الشئ الي سواه موطبيعي اكثري الاستغفار وقراءه سوره البقره وحافظي على الاذكار

الله ييسر امرك ويفرج همك

دمتي بود وسلالالام ,,,,,

 

[Sقلبي كبيرS]

موشرط ان ابوك يكون موجود اي رجال تثقين فيه عمك خالك جدك ولاترجعي الابشروط

 

[ابتسامي سر]

معليش حبيبتي رجال الزمن ده مايقدر المرأه الي تجي بسهوله ...
واذا هنت عليه عشان شغاله اجل اش اسوي بكره اذا شاف بنت المال والجمال ؟؟؟؟

انت الي تحددي قيمتك مو هوه الي يحدد قيمتك وقت مابدو يريدك ترجعي يتأسف وخلص الموضوع ....
وان شاالله ربنا يختار لك الافضل

 

[مياسه الإمارات]

سامحيه بشروط موثقة فالمحكمة ، وأنا أقول موثقة فالمحكمة يعني فالمحكمة ... أول شي بيت خاص مستقل عن أهله .... ثاني شي تعهد ما يرفع ايده عليج مرة ثانية ... ثالثا شي ما ف داعي للخدامات دام ان ريلج عيونه زايغة لهالدرجة يشوف الحرام وما يشوف حلاله ويتمتع فيه ... لان لو جبتي خدامة ثانية بتم صورة المنظر اللي شافه في خياله ويمكن يخليه ينجذب لها ويكون علاقة معها والعياذ بالله ... ولو كنتي محتاجه خدامة تساعدج هاتي بالساعات وتحضر عندج في فترة غياب زوجج او روحته للشغل ، أو سوي مثل ما سوت صديقتي يابت خدامة عمرها 47 سنة ولا تحطين وحده من جنسية فلبينية والا اندونيسية والا سيريلانكية ... لا لا لا اختاري وحده بنغالية والا اثيوبية تكون دبه وقصيرة ومب حلوة اختاريها بعناية ... ولا تسمحي لها تلبس ملابس تجذب ريلج لها اولان داكنة دايما لان بشرتها داكنه فما راح يميز وتكون واسعة وفضفاضة ... واهم شي تحجبينها حتى لو كانت مب مسلمة ... ولا تنسي اختي تكثرين من الدعاء والاستغفار ان الله يهدي لج ريلج ويصلح باله ... مع ان اللي سواه كبير بس المسامح كريم

 

[هَيَا]

لا حَول ولا قوة إلا بالله !

شكلج من لهجتج انج كويتيه ، اختِي انا انصحج انج تتكلمين مع أحد من (لجنة العنف الاسري) اللي عندكم بالكويت
لان الموضوع إذا وصل حق المخافر أو مؤسسة الاستشارات الاسرية اللي في وزارة العدل .. بيتفاقم الموضوع وبيأدِي للطلاق لا سمح الله . كلميهم وان شا الله يساعدونج، يا انهم يكلمونه أو يحلون الموضوع بحيث يكلمونكم ويشوفون شنهي المشكلة بالضبط

وأهم شي قبل لا تسوين أي شي صلّي استخارة ، والله ييسر لج اللي فيه خِير لج وحق عيالج .

الله يهدِيج ويهدِي رَيلج ، ويصلح ما بينكم يارب (f)

 

[الكناري]

حياج الله يا ملكتنا وسط اهلج وخواتج
اولا الحركه اللي سواها فيج حيل قويه شنو من موقف بسيط يطقج ويطردج ويكملها يقولج اخذي اغراضج من المخفر يعني هو ناوي على الشر من البدايه والنيه مبيته عنده
شوفي لاتصيرين طيبه
لازم تصيرين شرسه معاه وتحافظين على نفسج
هو قاعد يدزلج ايميلات كل شهر لانه ياعمري انتي رافعه عليه قضيه وبس يجيب راسج والله راح يرجع اسوأ من اول
خذي حقوقج بالكامل
وبعدين ليش يدز ايميلات ماعندج اهل يكلمهم ويعتذر عن اللي سواه
وين اهله ماسألوا عن بنتهم وعن حملج اللي ماقالوا حتى مبروك
الظاهر انج للحين صغيره
سمعي كلام اللي هم اكبر منج بالعمر وبالخبره بالحياه
قوي قلبج ولاتردينله لما يعرف حدوده

 

[دنيا العالم]

حسبي الله علي الرجال وضلمهم الله يكون في عونك

 

[احلام الروح]

حبيبتي لالتتنازلي عن حقوقك ابدا ... اذا زاروك اهله استقبليهم وبيني لهم ان مافي عداوه بينك وبينهم وهاذا خير وبركه اذا زاروك
من حقه يحس بخطأه انتي بنت ناس مو بنت شارع ( اعذريني على الكلمه ) على شان يقطج بالشارع انتي وبنتك
اولا واخيرا انتي انسانه ومنظمة حقوق الانسان ماترد احد والبلد فيها قانون والحياة فيها شرع الله سبحانه وتعالى وسنة رسوله ولازم نتبعهم بحذافيرهم اذا اردنا السعاده في الدنيا والاخره
تحياتي ودعواتي لك

 

[om lujain]

بنات شاكره مروركم
الحلو ونصايحكم ودعواتكم لي الله يجعله بميزان حسناتكم يارب بصراحه رفعتو من معنوياتي وحسيت اني مو بروحي

 

[السنع]

حياج الله يا ملكتنا وسط اهلج وخواتج
اولا الحركه اللي سواها فيج حيل قويه شنو من موقف بسيط يطقج ويطردج ويكملها يقولج اخذي اغراضج من المخفر يعني هو ناوي على الشر من البدايه والنيه مبيته عنده
شوفي لاتصيرين طيبه
لازم تصيرين شرسه معاه وتحافظين على نفسج
هو قاعد يدزلج ايميلات كل شهر لانه ياعمري انتي رافعه عليه قضيه وبس يجيب راسج والله راح يرجع اسوأ من اول
خذي حقوقج بالكامل
وبعدين ليش يدز ايميلات ماعندج اهل يكلمهم ويعتذر عن اللي سواه
وين اهله ماسألوا عن بنتهم وعن حملج اللي ماقالوا حتى مبروك
الظاهر انج للحين صغيره
سمعي كلام اللي هم اكبر منج بالعمر وبالخبره بالحياه
قوي قلبج ولاتردينله لما يعرف حدوده

أنا معك اختي وأزيد على كلامك اكثري من الأستغفار وقول ( لاإله إلا أنت سبحانك إني كنت من الظالمين ) والرجال يحب المرأة القويه مو الضعيفة وقلبي معك.:icon26:

 

[om lujain]

انا المشكله مو ساكنه ابيت اهل زوجي بشقه بروحي معاه

 

[احن قلب]

سامحيه بس شروط و بحضرة ولي أمرك
عشان يعرف انه بنات الناس مو لعبة

انا معك:icon30: والله يساغدك يارب