يابنات الحمايل ويش تنصحوني فيه

[الى اين؟؟]

شوفي يالغلا
لايكلف الله نفس الا وسعها
ان سويتي احتسبي الاجر لله وحده
ولا تفكيرن انهم يشكرووون او تنتظرين حمد او شكورا
اطعميهم لوجه الله فقط وعمل خليه خالص تماما لوجهه
صدقيني بترتاحين
وثانيا سوي متى ماقدرتي ونشطتي
وانتى تسولفون
قولي لهم بالعربي
وش رايكم بجدول
كل يوم الحلا على وحده او على بيت
وهم بيفهمون
مافهموا
خلهم على القهوه والتمر
والحمدلله نعمه
وصلحي حلا متى ما ودك تسوين خير واحسبيتها صدقه
والله مايحرمك الاجر
لان انما الاعمال بالنيات وانما لك مرئ مانوى

 

[TU Y YO]

الحمدلله انا عرفت لنفسي من البدايه.. بحكم تجارب غيري عرفت وش لون اتصرف.. ماختلط فيهم كثير.. ناس يروحون ناس يجون انا قاعده في مكاني.. صح اني أزهق كاني في سجن.. بس ولا اني اقعد اصلح لناس وناس.. لان في بداية زواجك بتسوينه وانت مستانسه لكن اذا جوك عيال والله عساك تلحقين على عيالك... هذي الصراحه.. وعلى كذ اذا عودتيهم تصلحين وتشيلين وتحطين.. بعدين جا يوم وماصلحتي بيقولون وراها ماسوت وراها ماحطت.. "طبعا مو كل اناس كذا" لان هذا الدارج بين العوايل
مهما كان صعبه ترفضين طلب أم زوجك... الا اذا شي ثاني..

احسن شي عندي مو لازم والله كل ماجوا عيالها وحريمهم اطلعلهم... الا اذا انت كل يوم تقعدين عند

ام رجلك اليوم كله... اذا كل يوم وانت عندها طبعا شي اكيد انه بتقولك سويي وسويي..

واذا قالت لك سويي قولي ان شاء الله وخلي رجلك يجيب.. وكل مره كذا مره بعد مره .. الين خلاص يصير بتقول لرجلك او واحد من عيالها..

وصراحه شي يقهر يجون حريم عيالها يدينهم فاضيه وانا اللي اصلح لهم كل شي.. لو عيالها بس اهون شوي.. وثانيا ليش تحسينه في وجهك... بالعكس حبيبتي عادي الشي هذا ... انا كنت كذا لين زي ماقلت ماختلط فيهم كثير... اجي اقعد معهم ساعه نص ساعه وادخل مكاني.. معزززه مكرمه.. ​

 

[حبيبة ناصر]

يختي اذا كنتي بخير ورايقه سوي لهم شي يحبونه واذا كنت تتعبانه تعذري بطريقه حلوه ..وبعدين لا تعتبريه بيت اهله وانه مو بيتج بالعكس هذا بيتج واضيوفهم ضيوفج ..حبيبتي واذا قدرتي تقنعينهم يجيبون خدامه تساعدج بيكون الوضع اريح لج ...والله يساعدج

 

[الفوز من الجوز]

السلام عليكم ..
انا اؤيد اراء الاخوات الرافضات للاستغلال وخاصه رأي الاخت اغصان بلاضلال انتي منتي خدامه وصدقيني اقول لك عن تجربه وليس تحيز اعمى بالعكس حبيهم وقدريهم بس حبي نفسك وقدريها قبل الكل يعني خذي حق وعطي حق .ولاااااا تحسين بالفشيله اذا ما فيه اكل او حلا وذكري نفسك ان البيت مو بوجهك لمجرد انك ساكنه فيه طيعيني.

 

[ريحه المسك]

من وجهة نظري..ومن تجربتي..

ترى الحموله ماتنعطى وجه..مهما قطعتي قلبك لهم في الاخير انتي مو بنتهم,وربي عن تجربه انا كنت ساكنه مع ربعي وشفت اشلون التفرقه ..الى مو ساكنه معاهم والله يحسبون لها الف حساب والي معاهم في البيت ولا شيء ,واذا نقص شيء في البيت او ماقمتي صلحتي شيء كل النظرات عليك يعني يحملونك المسؤليه وفي الاخير يتحسفون يقولون جزاك الله خير.
انا الحين استقليت في بيت وربي شيء صرت انا عندهم ويحسبون لي الف حساب وطبعا ولا مره رحت ويديني فاضيه؟بس اني يلي معاهم لاتعطينهم وجه والله اذا طحتي من حيلك ماحد بينفعك,انا ماأقول لاتطبخين!الا اطبخي وتفنني بس مو دايم متى ماكان لك خلق او فيه مناسبه كبيره لكن اطبخ عشان زوجات اخوانه! وهم يجون ضيوف والله زر يزرهم وش فرق بيني وبينهم انا بعد زوجت اخو مثلهم.(وجهة نظري)
واسفه ع الاطاله. *الاستغفار غير حياتي*

صاجه وانامعاها لاتغلطين غلطتي انتي الطيب وانت الطباخه ياحبيبي يبونا حق الكرف والحشيمه والتقدير لثانيات وكل ماقالوا ماتعودنا عليهم مثلج الا قولوا مانزلن نفسهن وحطن حدود وهذا اللي اكتشفت متاخر والله بديت الله كريم اني استمر وحطل حد بس المشكله الا عندي مايساعد سكانه هله مومرته:busted_red:

 

[حبيبة ناصر]

الحمدلله انا عرفت لنفسي من البدايه.. بحكم تجارب غيري عرفت وش لون اتصرف.. ماختلط فيهم كثير.. ناس يروحون ناس يجون انا قاعده في مكاني.. صح اني أزهق كاني في سجن.. بس ولا اني اقعد اصلح لناس وناس.. لان في بداية زواجك بتسوينه وانت مستانسه لكن اذا جوك عيال والله عساك تلحقين على عيالك... هذي الصراحه.. وعلى كذ اذا عودتيهم تصلحين وتشيلين وتحطين.. بعدين جا يوم وماصلحتي بيقولون وراها ماسوت وراها ماحطت.. "طبعا مو كل اناس كذا" لان هذا الدارج بين العوايل

مهما كان صعبه ترفضين طلب أم زوجك... الا اذا شي ثاني..​

احسن شي عندي مو لازم والله كل ماجوا عيالها وحريمهم اطلعلهم... الا اذا انت كل يوم تقعدين عند​

ام رجلك اليوم كله... اذا كل يوم وانت عندها طبعا شي اكيد انه بتقولك سويي وسويي.. ​

واذا قالت لك سويي قولي ان شاء الله وخلي رجلك يجيب.. وكل مره كذا مره بعد مره .. الين خلاص يصير بتقول لرجلك او واحد من عيالها..​

وصراحه شي يقهر يجون حريم عيالها يدينهم فاضيه وانا اللي اصلح لهم كل شي.. لو عيالها بس اهون شوي.. وثانيا ليش تحسينه في وجهك... بالعكس حبيبتي عادي الشي هذا ... انا كنت كذا لين زي ماقلت ماختلط فيهم كثير... اجي اقعد معهم ساعه نص ساعه وادخل مكاني.. معزززه مكرمه.. ​

يختي لا يقهر ولا شي بالعكس هذا بيتهااااااااا هي ساكنه فيه يعني بيتها تحيلي يجونها ضيوف ولا تقوم بالواجب من يعني بيقوم بالواجب العجوز مثلا !!!تقولج مافي فالبيت الا اهل زوجها يعني كل شي هي ملزومه فيه وضيوفهم ضيوفها المفروض تسوي الي تقدر عليه واذا ماقدرت تطلب من برا وتقوم بواجب الضيافه على اكمل وجهه ....اما انها تقعدر بدارها ومالها شغل بشي مش معقوله لو فبيت اهلها واموها جاينها ضويف بتقعد فداراها ولا بتسوي كل شي وبتقول لأمها قعدي ولا تلمسين شي انا بقوم بكل شي عنج ...انا من رايي تفرض وجودها واحترامها وتعطي الي تقدر عليه يالطيب والاخلاق ولا تقصر لا بضيافه ولا بقعده ولا بكلام طيب من عمتها وحواتها ...فالنهايه الطيب اهو الي يكسب والكل يحبه ...ولا تعزل نفساها عنهم تحسسهم انها بنتهم واكثر من بنتهم بعد ..واكيد بيحبونها ولا بتهون عليهم بيوم من الايام بعد ..وربي يوفقكم كلهم يا بلقيسيات وتتهون ان شاءلله

 

[ياربي انصرني]

اقترحي عليهم اقتراح ان يكون العمل جماعي بمعنى -----كل يوم على وحده تسوي الحلا من حريم العيال

وبالنسبه للبنات يكون لهم دور في ذلك كل وحده يكون لهادور 000هذا اقرب حل من وجهة نظري000

 

[صبوحة2008]

انا مع الاخت لن انظرللوراء في اللي تقوله لان كلا:icon26::icon30:مها كل صح​

 

[Sقلبي كبيرS]

والله يعنيك استغفر الله

 

[صفحات الماضي]

اقترحي عليهم اقتراح ان يكون العمل جماعي بمعنى -----كل يوم على وحده تسوي الحلا من حريم العيال

وبالنسبه للبنات يكون لهم دور في ذلك كل وحده يكون لهادور 000هذا اقرب حل من وجهة نظري000

:icon30::icon30::icon30:

 

[لن انظر للوراء]

مازلت عند رايي الاول 000
بس كنت ابغي اضيف00انا يوميا اسوي حلى في بيتي وعلى قلبي زي العسل000وبالعكس اذاا جاني ضيوف اسوي اصنااف مو صنف 00لاني ماخذه الموضوع بمحبه00طيب انا لما اروح عند اخوان زوجي زوجاتهم ما يحطون اللى انا احطه00وما عندي مشكله ما قلت باسوي زيهم لاني احسن واشطر منهم وهم عارفين00والموضوع لو بتأخذينه بثقاله راح يتعبك بس لو سويتيه عشان زوجك في الاول وعشان حماتك وعشان نفسك بعد وقبلهاا احتسبي اجرك 000صدقيني راح ترتاحين 00بالنسبه للاكل وانتو مجتمعين هذااا عادي اذاا قسمتوه بينكم000اما الحلى ضيافتك 00وانت وكرمك0000والله يقويك 00ونصيحه من اخت مرتاحه مع حماتهااا00(شوفي حماتك زي امك وعامليهاا نفس المعاملة)والله لتكسبين من جميع النواحي00وبس

 

[&الماس&]

يااختي سوي اللي تقدرين عليه لاتضغطين على نفسك(لايكلف الله نفسا الاوسعها) والحلى مهو شي اساسي يعني مافيها شي لو قدمت قهوه وتمر اكبر نعمه, لكن الحلى صار موضه ابتلشنا فيها.

 

[ام خماس.]

اذا قالتلك سوي حلى قولي انشالله خوذيلك كرتون معمول وفككيه من القراطيس وصفيه

 

[احبك ياسوسو]

اذا قالتلك سوي حلى قولي انشالله خوذيلك كرتون معمول وفككيه من القراطيس وصفيه

هههههههههههههههههه
صدقتي

 

[المقنعه]

حبيبتي خلي زوجك يجيب حلى جاهز

 

[سوسن بنت محمد]

اذا قالتلك سوي حلى قولي انشالله خوذيلك كرتون معمول وفككيه من القراطيس وصفيه

فديتك ياام خماس والله صادقه الحموله ماينعطون وجه اساليني انا بس تعبت مابي مدحهم اللي ذبحني بالعيون من قدامي مرايه ومن وراي مقص زوجي ماديته اقل واحد فيهم والباقي فلوسهم على صدورهم والعشى والحلى والواجب من عندي وزوجي وهله وش ماسويت مايبين بعيونهم انصحك نصيحه لوجه الله اذا سويتي شي خليه لوجه الله ولاتعودينهم دائما على كذا ترى مراح احد ينفعك وحتسبي اللي تسوينه صدقه لله الله لايحرمك الاجر امين:icon30::icon30::icon30::icon30:اللهم كن لها عونا ونصير

 

[سُفَـــــانَة]

أنا أقولك عزيزتي وش تسوين ..
أولا / هذه حياتك و أنت لازم تعرفين أن زوجك إذا يحبك و يعزك أو أنه ماخذك خدامة لهم لازم تفهمين هذا الشيء .
ثانيا / إذا أم زوجك عسل و تحبك و تغليك أعطيها عيونك أما إذا كانت تهينك و تسب فيك قدامك ووراك فلا تحسبين لها أي حساب .
إنت لازم تحددين موقفك أين أنت منهم ؟
ثالثا / لحل المشكلة هذه أعطيك أفكار خطيرة :
يوم السبت سوي بسبوسة , الأحد سوي كيكة , الاثنين سوي حلا الزبادي , الثلاثاء سوي حلا همممممم أي حلا بسيط جدا جدا ..
الأربعاء و الخميس والجمعة على زوجك أو حريم أخوانه أو زوجك .
و ممكن تقولين نفسي أذوق أكلكم أنتم ماتسوون حلا ما تعرفون تطبخون ...!! قوليها بضحكة ومزحة ..
هذه الخطة اعمليها لمدة شهر الشهر الثاني نقصي يوم الثلاثاء .. و الشهر الثالث امرضي يوم الاثنين .. و الشهر الرابع خرجي لك عذر ... و الشهر الخامس مافيه مشكلة سوي لهم عاد عيب :shiny:

بس لازم تكونين شخصية مرحة و تضحكين و لا تقعدين تنكدين و تسوين مشاكل يعني إذا خربت شهر عادي عوضيها حطي قدامك سنة لحد ما تغيرين الوضع ..

و هذا الكلام لازم أولا أعرف وضعك مع أم زوجك و هي أصلا كيف شخصيتها و كيف معاملتها معاك ..

لأن في أمهات أزواج لئيمات و ينطبق عليهن قول إذا أكرمت اللئيم تمردا ..
و فيه أمهات أزواج كريمات تتمنين أنها تكون أمك أنت بحنانها و عطفها و رحمتها ..

و نصيحتي في النهاية من امرأة عركتها الحياة أن تكونين رسمية و علاقتك سطحية .

أتمنى أن تكونين امرأة واعية و فاهمة و تعرفين تطبقين النصائح في صالحك و ما تخربين على نفسك لأن ما حد درى عنك أنت تبغين تصلحين حياتك مو تخربينها ..

و دمت سالمة .

:

:​

 

[خوااااطر]

نصيحة لك سوي الي تقدرين عليه والحموله على ماتعودينها عليه

ممكن تسوين كيك الاثنين والخميس بس لانه شي طبيعي راح يملون خليهم يشتاقون لكيكتك

وانتي اقنعي نفسك انك مو مقصره ولاتلومينها يتذمرون فالبدايه بس بعدين يحسون هذا القليل كثيررررررررررر

والله يوفقك وكل شي على اجره