وصلنا عزيزاتي الى يوم الشوفة بعد الاستعداد النفسي والبدني
والتوهان في عالم من الافكار والتوقعات
في الصباح وانا اتظاهر انه وضع طبيعي وعادي وظاغطة على اعصابي لاني كنت افكر لو لم يحصل نصيب لابد من طريقة لتطييب خاطر حبيتي
واخراجها من تلك التى تعدها ازمه نفسية
كانت العروس بجانبي مع اختها الاصغر منها هذي شمعة البيت ولها اسماء اخرى كثيرة (اختها العروس تسميها المصرية --اخوها الاكبر منها يسميها المغرورة -- ابوها يسميها الدلوعة --اخوانها الصغار يسمونها المرجوجة )
ههههههههههه لقب المصريه توارثوه بناتي مني
فانا في كل مكان القب بالمصرية ؟؟؟؟؟؟؟؟؟؟؟؟
هذي البنت لها معنا هنا روايات جميلة وتعليقات رائعة
نعود للموضوع
قالت العروس ماما لو ماعجبته ؟؟؟؟؟؟؟؟؟؟؟؟؟؟
ضحكة وقلت عادي لا يوجد نصيب بينكم
قالت الا يشوه سمعتي ويعتبر الناس ان بي عيب ويتجنبوني
قلت لالالالالالالالالالا انا اعرف اهله وخاصه امه ناس يخافون الله
قالت زميلتي شافها واحد وراح يذكر عيوبها عند الناس
قلت لاتخافين ينصرها ربي منه
قلت مو مشكلة لو ماعجبتيه مارح يظلم نفسة وراح يقول لان الشباب الحين يدورون على عرايس كنهم في سوبر ماركت يشوف الواحد عشرين وحدة والنهاية ماعجبتني
قالت لي اقتراح ضحكني الا انه جيد ههههه(قالت المفروض العريس يوم الشوفه يدفع خمسة الاف للبنت ان عجبته تعتبر من المهر وان ماعجبتها تتطيب خاطر البنت --)
قلت المشكلة لو ماعجبك
كيف نتصرف
قالت اختها ياااااااااااااه يصير يحزن كيف يلقط وجهه من الكسفة
بقلكم حل
انا بشوفه من بعيد قبلها ان كان حلو وماعجبها اخذتها ترى بس
عشان اجبر بخاطره واصلح الموقف خخخخخخ انا ما فكر في العرس :blush-anim-cl:
قلت عاد والا بزوجك الحين يحليلة اللي بيبتلش فيك ومن يزوج بنات المتوسط الا المجنون
قالت العروس يازينك تشوفيه قبلي احلمي والله لو هو قرد انا اشوف اول وبعدين اقرر
قلت ايه
حبيتي تكلمي ماهو عيب ابد تقولي مارتحت له
مافيه احد بالكون يجبرك على شيء ما تحبية
لاتستحي ولا تخافي
ردت المصرية --هذي تستحي ماظنيت ---اخاف هو يستحي من كثر ماتبحلق بنتك فيه وهربت :harhar1:
جرت اختها وراها وهي تحلف تضربها
طلع الصغار على الصوت والضحك قالو ماما تلعبون طيرة قلت ايه الحقو قبل يخلص الوقت
كملو الصغار من جهة والكبار من جهة جري وضحك
والبيت صار ازعاااااااااااااااااااج
طلع ابوهم قلت اش رايك نشارك العيال ونلعب طيرة
تعجب !!!!!!!!!!!!!قال طيب بس لما نرجع من السوق خخخخخخخ من كبر البيت حتى نلعب
المهم
لما جا العريس وامه قلت من يدخل معاك ----قالت بابا
انا كنت ابغاك بس انتي تقولي تستحي وتبغين امه معاك وانا مابغى امه تدخل
دخل العريس وابوها
تمت الشوفة -------بس ثواني
وانا عند امه اضيفها الا هو طلع
رحت لبنتي اراقب العلامات على وجهها من رضى او غيرة
طبعا ما تكلمت خفت احرجها بس كان الرضى واضح والحمد لله
كلم امه وقال خلاص عطيها الهديه عجبتني
قلت لاتتسرعو خليه يروح ويفكر وردي بعدين
الرفض الحين افضل من بعد مايترتب الوضع
سمعت النصيحة وعطت العروس الهدية وراحت
لما وصلت البيت ردت وقالت الله يبارك لنا ولكم ولدي مبسوط
ويقول تم
انجلى اول همومي
وتهت في ميادين ثانية
اتمنى المشاركة عزيزاتي
ولنا لقاء باذن الله
