((يأتي متلهف مشتاااق ثم يجدني؟؟؟؟))

[دمعة الغيمه]

مرحباااا بنات.....

عاد يمكن عندكم خلفيه عني للي قرا مشاركاتي او ردودي :harhar1:واللي مايعرفني بيعرفني
الحين ويدعي لي....
بنات مشكلتي اظنها ليست بالبسيطه في نظري انا..ولكن لااعلم وجهة نظركم ممكن لكم اراء
اخرى.....
زوجي والله يشهد حسن الخلق وطيب معي ومع الناااس يحبني واحبه:shiny: ((اخلصي)) هع

لي ثمان سنوات متزوجه وعاي 3 عيال الله يحفظهم عايشه مع اهله وهو قريبي وانا كنت
منزله موضوع (تجمع اللي عايشين ببيت اهل الزوج))لكن مااحد يشاركني الا قله ابغي افض همومي.....
اهله طيبين معاي حاطيني حسبة وحده من بناااتهم لكن افتقد تلك الخصوصيه اللي اتمناها
فاقده استقبالهم لامن جاء من الدوام فاقده استقباله لمن يجي من السفر فاقده الجلسه
ويااه على سفرة طعام لوحدنا الفطور الغداء العشاء مع اهله ان تأخر تغدوا اهله
وجلست انتظر لكن وين اتغدى وياااه؟؟ مو بغرفتي غرفتي بعيده على المطبخ وجلسة
العائله بالصالون قدام المطبخ ومايصير اجلس اشيل الصحون والغداء رايحه جايه ماني
مستوعبه الفكره..
اجلس بالمطبخ والكل طالع داخل او بغرفة الجلوس ونادرا بعض الاحيان اخته اللي بالجامعه
تجي وياه وتتغدى ويانا ونجلس طول الوقت ساكنتين والا جالس يضارب العيال عشان ياكلون
وانا انفجر من دااخلي ولا اتكلم وصرت اغدي العيال قبل يجي ولكن مازال الصمت هو الغالب
ياكل بسرعه ويقوم وانا باقي اتبلع اللقمه من حزني...
لا اخفيكم اني مره صارحته عن تعجله بالاكل وتركي وحيده بعدها صار يجلس ينتظر يقول ها خلصتي واجلس اضحك قهر مستعجل قوم بصرااحه مااحس بطعم الجلسه...

انا صريحه معااه بأني متذمره نوعا ما من هذه العيشه ويجلس يقول اصبري لمن اقدر ابني شقه
فوق البيت....جلس ثمان سنين يعشمني بالبيت ابوه باني عماره كبيره في نفس الحي ولكن تبعد
على البيت واهله رافضين نروح بعيد عنهم(ياشين التعلق عشاني طيبه وبنت حلال بقووه))

والله يابنات قلبي بيتقطع العماره خلصت تجنننننننننننننن بيعيش فيها غيري وانا انتظر...
لكن قسم عمري ماقلت لأهله ابغي بيت بروحي مااقدر استحي...لكن هو اطلبه واقول
شووف عاد راح العمر وانا لالبست ولاكشخت بتنورتي الييييين 11 الليل وبعدها
البس له مع اني صرت اتملل وماالبس الا روب النوم طفشت مااجلس بلبسي الا ربع ساعه
لأنه وقت النوم شلون انام بالبنطلون كني جاالسه استعرض ملابسي فقط

والله اهله ناس طيبين لكن مايعرف يتصرف برومانس مع انه يحب الحركات والدلع مني
الهدايا ووين ووين يمكن بذكرى الزواج وليتها من هديه ماتبرد حرتي بصرااحه
ورده ناادرا مره راح محل الورد يشتري لأخته باقه ورد لصاحبتها وجاب ورده وانا صريحه
قلت له لو مااختك تجيب لها الورد مارحت تجيبه لي لكن مقبوله منك وتسلم لكن نفس
تقديم الورده مايعرف يقول وهو عند باب الغرفه ها خذي الورده ها جبنالك وابتسم من السخريه
ليش يااخي ماتعطينيها برومانس قليلا اجلها لمن الليل وطلعها وقول اخذي حبيبتي:schmoll:

والله حتى المطعم لمن ابغي اروح ماتجي منه يفاجأني بالروحه اجلس انا ازن ابغي اروح
وبعد ماازعل يومين الثالث يطلعني وقد نشف حلقي..........:tears:

الصباح دواام الظهر نتغدى مع العائله ينام يصحى قبل المغرب ويروح يصلي وبعدا مايجي
الا العشاء يتوضاء ويروح ويجي نتعشى وبعدها يكون مثلا علي المطبخ والاقيه يلبس
البدله ومكلمينه ربعه ويطلع القهوه هاااا ياقمري تبغين شي؟؟؟
اقول روح الله يوفقك ومايرد الا الساعه 1 الليل اكون فيني نوم خلالاص وفيه نوم
والله مافيني من لبس شنو الفايده؟؟ مع انه يحب اللبس لكن طفشت من ذي الحال
واحاول افقده اللبس عشان يحس لكن يجيني وهمه الفراش والجمااع وانا بنطق
لكن الله عليم يجيني غالبا وانا رااضيه بالوااقع وصابره..

انا لي يومين مطنشته وزعلانه منه ابغي احسسه فيني ليش
اجلس طوال اليوم بدون تلك الجلسه الجميله بين الزوجين؟؟ قلت له بصرااحه مااكني
الا وحده من خواتك مااكون زوجه الابالليل؟؟ ويضحك قلت مازال قلبك باارد مو حاس
الحين يجي يكلمني وانا بارده بردودي معاه حسسته وهو حاس بس مايسألني ايش فيك؟؟
شلي مضايقك الا بالبوس والاحضان ويضمني وانا اسوي نفسي مو راضيه مهما سويت

تدرون صار لي برود حتى بالنوم وياه من الجلسه من غيره اغلب وقتي مع اهله
اكثر قلت شوف ابوك جاالس مع امك طواااااااااااال اليوم الله يهنيهم مع بعض
لان ابوه مو حق سهرااات الله يحفظه ياارب

ابغي اصارحه بكلام نهااائي شوروا علي:tears:

 

[~سحر الشرق~]

الله يعينك حاسة

والله

 

[انوثتي غير]

يسعدني اكون اول وحده ترد عليك
حبيبتي احب اقولك سكوتك ما ينفع :busted_red:
اعزميه بمطعم رومنسي:icon26: إذا كنتي بالرياض في مطعم
(الضوء الخافت) بجوار المقصوره مره رايق
المهم , وكلميه بأسلوب حنون:tears:
قولي يا تاج راسي اسمعني للاخر اهلك ع عيني وراسي
بس ابي نعيش مع بعض لوحدنا زي اي زوجين وادلعلك
والبس الي ابي إذا تحبني ياريت في اقرب فرصه ووو زودي من
عندك حاولي حاولي بقدر المستتطاع ترى منتي عايشه حياتك الله يعطيك ع قد نيتك ويسخره لك ولا تنسي الدعاء يا عسل

 

[غدير الكويت]

ليش ما عندج مطبخ لوحدج لازم زووجج يعرف ان العيال يحتاجون توسعه ويكلم اهله بهالخصوص وان شاء الله تفرج

 

[دمعة الغيمه]

يسعدني اكون اول وحده ترد عليك
حبيبتي احب اقولك سكوتك ما ينفع :busted_red:
اعزميه بمطعم رومنسي:icon26: إذا كنتي بالرياض في مطعم
(الضوء الخافت) بجوار المقصوره مره رايق
المهم , وكلميه بأسلوب حنون:tears:
قولي يا تاج راسي اسمعني للاخر اهلك ع عيني وراسي
بس ابي نعيش مع بعض لوحدنا زي اي زوجين وادلعلك
والبس الي ابي إذا تحبني ياريت في اقرب فرصه ووو زودي من
عندك حاولي حاولي بقدر المستتطاع ترى منتي عايشه حياتك الله يعطيك ع قد نيتك ويسخره لك ولا تنسي الدعاء يا عسل

\\\\\\\\\\\\\\\\\\\\\\\\\\\\
الله يجزاك خير ياقلبي انا مو بالرياض ..
لكن تدرين لمن نروح السوق اطلب منه المطعم بالزعل يعني لو مابالسوق مارحت المطعم
نفسي هو يعزمني ماتجي منه يعني احس اني استحقر عمري بطلباتي عطني اهدني
ليش اتشحد؟؟لكن مجبوره
الحين اخوه بيتزوج وبيعيش منطقه ثانيه بسبب شغله واشوف اهله يوصونه بالختيار الشقه
الحلوه ومتحمسين في التأثيث وانا انقهر بالمره هي بنت من بعيد واحسهم شايلين
همها وشلون يرضونها وانا قريبتهم ماعليهم مني راضيه
يقولي بعد زواجه ببدأ اعلي يعني متى يخلص؟؟
بنتي كبرت وتفهم باللبس احس اني ماراح البس بحياتي
غرفتي جنب غرفة عمه اخو ابوه لمن يجي بالصيف عندنا والسي وااحد وانجبرت اكشف عليه الوجه بالوجه الحين اخوه بياخذ الغرفه لكن خلينا بوجه بعض انا وسلفتي وهم
يمكن يغار ويحس

 

[أم غـنا..!]

السلام عليكم..

ربى يعينك يارب ويفرج همك..:icon26:

من الاصل انتى ساكته على وضعك..وبعد 8 سنوات تتكلمى..!

راحت من ايامك ايام حلوه..

يكفى خصوصيتك بالبيت..والمطبخ والبس وحفلات بالبيت

شوفى يالغلا اذا زوجك قادر يطلعك ببيت لا تنازلى عن حقك..

لا تقولى انا طيبه وبنت حلال وحقك يوكل قدام عينك..

الطيبه حلوه بس اذا زاده عن حده تعتبرين مغفله(آسفه على هالفظ)

بس اصري تطلعى ببيت لحالك..لا تسكتين..

وادعى ربك..قومى بوسط اليل ادعى ربك يعدل زوجك وتسكنون ببيت خاص فيكم..

وانشالله بيزين وضعك

وتأخذى راحك وخصوصيتك..

وربى يعينك يارب..!

 

[دمعة الغيمه]

لا والله من تزوجت وانا اطلبه واحسسه لكن هو عشمني بالعماره اللي جلسواااا 9 سنين
يشتغلوا فيها كل سنه يقول بنسكن ان خلصت ويوم خلصت قال بنعلي
من الاول امي ماخلتني اشترط لأنها خالتي

 

[نااانة]

حبيبتي الهدؤء بزي هذي المواضيع ماينفع وانسي انة الرجال بيفهم من نفسة زني علية باسلوب حلو قولي خلاص وش اكثر من 8 سنوات خلاص عندنا 3 اولاد اذا بدا يماطلك ازعلي زعل قوي يمكن عارفك انك تنسين بسرعة عشان كذا يماطلك بالموضوع انتي ازعلي عشان تحققين مطالبك

 

[السنيووره.]

حبيبتي انا نفس معناتك بس اهله مره مايحبوني ويجرحوني بكلامهم وهوساكت
وانا ابوي متوفي ومالي الاامي وتعبانه ومالنا الاالصبر والاستغفاااااااااااااااااااار
وشدي حيلك لقيام الليل والدعااااااااااااااء
انتي فهميه انك صبرتي عشااانه 8 سنوات
عمرك و ايامك بتضيع حتى لو اهله طيبين لازم من غيرتهم
ولو طلعتي ببيت لوحدك راح تستقري وراح يكون قريب اكثر
وراح ادعيلك ياغلااااتي

 

[ام عبدالرحمن@]

حبيبتي مشكلتج تهون اهم شي لاتحنين على راسه

يمكن الحاله الماديه ماتسمح اجلسي معاه جلسه صريحه

وقوليله انا ابي بيت شرعي طلعي كل اللي في قلبك

قوليله انا صبرت 8 سنين وماتكلمت واعطيك فرصه

لمدة شهرين اذا ماتبي تسكني بروحي خلني اروح بيت

اهلي هددي بالطلعه بس بهدوء ولاتحسسيه انك منزعجه

من اهله امدحيهم عنده بس قوليله ابي اخذ راحتي بالبيت

احنا خلاص عندنا يهال مايصير نقعد طول عمرنا مع اهلك

وقوليله حنا ماراح نقطعهم بنجيهم في الاسبوع مره او مرتين

واذا مانفع معاه كلمي اي ابوك يتفاهم معاه او واحد من اخوانك

والله يوفقك في حياتك ويسعدك

 

[ميعاد عواد]

الله ييسر لك كل عسير
والله حاسه فيك
بس الشكوى لله
مالك الا الصبر
والزن فوق راسه لان كثر الزن يفك اللحام
اللهم يامدبر الافلاك والاكوان يامدبر الامر كله دبر امر اختي دمعة الغيمه وحقق مبتغاها عاجلا وليس أجلآ ...

 

[صبا بردى]

وربي حاسة فيك ونفسك بالضبط بس على أعظم شوي أنت يجيب لك وردة لاجاب باقه لصديقةأخته أنا والله في الحلم وبالطلب بعدين أنا هو الولد الوحيديعني مستحيل أحلم بالاستقلاليه وربي أنا أحب أهله لكن ودي بعد يكون لي استقلاليه شوي ودي محل يلعبون فيه عيالي بدوووون ما أحاتي يزعجون أحد البيت صغير وكلنا فيه وعيالي صغار ورا بعض صايرة على طوووول منرفزة ومتوترة عليهم فكرةأطلعمن البيتواشتغل يمكن بها لطريقه أصير أطلع من الجو شوي زوجي طول الصباحوالظهر بالعمل يرجع الساعه 3 تعبان يتغدى وينام يجلس بعد المغرب يصلي وعلى طول يروح يتقهوى مع أهله بعدين يروح يصلي ويرجع مرة ثانيه يجلس شوي في الصالة وبعدها يروح له مشوار ويرجع يتعشى ويقعد في الصالة يسهر مع أهله لين ينامون بعدييين يدخل واذا بغيت أكلمة بموضوع لازم أقدم حجز أول واطلبه كم مرررة لين يوافق او يجي نتكلم 5 دقايق وهوماشي واللههوطيب وحنونوكريم معي ويموت على عياله ولله الحمد بس ما أدري شقوول يمكن لاطلعت أنا بعد والتهت تنحل المسأله المشكلة ان عياليصغار وماأبي أخليهم عند شغاله بس شكلي بخليهموالله يكتب اللي فيه الخير آسفه طولت عليك بس من جد هيجتي المواجع

 

[سحابة صـــيـف*]

ياقلبي باين عليكـ طيبة’’وقليل مثلك في هالايام تتكلم عن اهل زوجها بالاحترام هذا

الله يوفقك ويعطيك على قد نيتكـ الطيبة ويكثر من امثالكـ

والصبر الصبر وانااختك وكلمي زوجك اذا عنده مادية جيدة وحاولي باخواته وامه وتحججي بان البيت ضيق

وحاولي ماتخسرين اهل زوجك اذا كانوا طيبين’’ترا اهم شي سلامة القلوب

والدنيا وانا اختك زايلة مايبقلا الاالذكرالطيب


’’’’’’دمتي بخيــــــــر’’’’

 

[نسمات الاصيل]

الله يصبك ويكون في عونك ويحقق لك اللي تتمنيه

 

[نسمات الاصيل]

الله يصبرك ويكون في عونك ويحقق لك اللي تتمنيه

 

[وهذه انا]

الله يفرج همك وهموم المسلمين جميعا

 

[فرااولة]

السلام عليكم..

ربى يعينك يارب ويفرج همك..:icon26:

من الاصل انتى ساكته على وضعك..وبعد 8 سنوات تتكلمى..!

راحت من ايامك ايام حلوه..

يكفى خصوصيتك بالبيت..والمطبخ والبس وحفلات بالبيت

شوفى يالغلا اذا زوجك قادر يطلعك ببيت لا تنازلى عن حقك..

لا تقولى انا طيبه وبنت حلال وحقك يوكل قدام عينك..

الطيبه حلوه بس اذا زاده عن حده تعتبرين مغفله(آسفه على هالفظ)

بس اصري تطلعى ببيت لحالك..لا تسكتين..

وادعى ربك..قومى بوسط اليل ادعى ربك يعدل زوجك وتسكنون ببيت خاص فيكم..

وانشالله بيزين وضعك

وتأخذى راحك وخصوصيتك..

وربى يعينك يارب..!

انا مع الاخـــــــــت:icon30::icon30:

 

[daffodill]

حبيتي
زوجك جنوبي؟؟:detective2::detective2:

الله يعينك على المماطله والتسويف!!

حبيبتي.. زوجك يحبك ... وطيب لكن الواضح انه ما يجلس معك ابدا..

اممممممم:detective2:الرجل لا يعيش بدون أنثى!!

هل يلعب بذيله؟؟؟:sadwalk:

لا تخافي... وانا لا اريد ان اثير شكوكك...لكن اعتقد يجب ان تبحثي

بهدوء ورويه من ورا زوجك....واطمني عليه...

ثانيا... استخيري في أمر الخروج من المنزل.. واذا ارتحت للخروج

قوي قلبك... وافتعلي مشكله...لأي سبب... واتخذيها عذرا لطلب الخروج من المنزل

بكل هدووووووووووء......واصرااااااااااااار

وأأكد على أهمية الإستخارة ........

وربي يوفقك ويسهل دربك ......اميييييييييييييين​

 

[ايمومي]

حبيبتي من حقك تطالبين ببيت لك

وبالدلع وهيك شغلات تقدرينة

لا تسكتين

 

[دمعة الغيمه]

حبيتي

زوجك جنوبي؟؟:detective2::detective2:​

الله يعينك على المماطله والتسويف!!​

حبيبتي.. زوجك يحبك ... وطيب لكن الواضح انه ما يجلس معك ابدا..​

اممممممم:detective2:الرجل لا يعيش بدون أنثى!!​

هل يلعب بذيله؟؟؟:sadwalk:​

لا تخافي... وانا لا اريد ان اثير شكوكك...لكن اعتقد يجب ان تبحثي ​

بهدوء ورويه من ورا زوجك....واطمني عليه...​

ثانيا... استخيري في أمر الخروج من المنزل.. واذا ارتحت للخروج​

قوي قلبك... وافتعلي مشكله...لأي سبب... واتخذيها عذرا لطلب الخروج من المنزل​

بكل هدووووووووووء......واصرااااااااااااار​

وأأكد على أهمية الإستخارة ........​

وربي يوفقك ويسهل دربك ......اميييييييييييييين​

ايه ياقلبي زوجي جنوبي..
لكن ماوراه شي ولله الحمد ابد مايخون ولاشي ولا يكلم ادري فيه ولا يخطر ببالي ابداا انه من
هالحركات....
لكن القهوه ماخذه وقته الله لايساامح رفيقه صاحب الكوفي شوب مخليه يجلس بكيفه
لايدفع فلوس ولا شي بحكم الصحبه حتى انه مو حق نت ولا شي يحرم ماقد فكر يدخله الا لمن انا
او احد ربعه يبي يوريه شي