الغــــــــــــــــيره

[nanaa]

انتي قلتي علاقكم سوالف و ضحك و تلبسون عادي اذا جي المفروض ما يغارون اللي يقهر>>>بتقول قصة حياتها الله يستر>>>
انا بنت اخو زوجي اكبر عني ب 3 سنوات و زوجي اكبر عني ب 14 سنة المهم كل ما تشوف عمها تركض تحضنه حضنة قوية و يوم يرقد عالكنب ترقد عداله تحضنه اموووووووووت قهر و اموت زيادة لما تييب صحباتها عشان يسلمون عليه مثل هذي انا مو بموت من الغيرة بموت من الغيظ يمكن زوجة خالك و زوجة عمك يغارون لان الخال او العم يقارنون بينكم و بينهم ممكن انتي لا تنقهرين عادي اهم شي علاقتك في خالك و عمك زينة

 

[المتغيرة للأفضل]

ناس مريضه اختي وهذا ليس غيرة انما هو حب تملك للزوج لدرجة انها لاتريده ان يبتسم اويسلم على ابنة اخته اوابنة اخيه حتى من شدة انانيتها لاتريده ان يسلم على اخته تخيلي لقد مرت علي مواقف حتى انها تغار من اولاد اخوه الصغار المتعلقين بعمهم اوخالهم مع انهم لايرونه الا قليلا فهي من شدة حرصها ان لايسلم على الاطفال تشغله باي امر تافه ولو تركنا الامر للمراة لمنعته من اهله(الا من رحم ربي)ومن هنا ياتي دور الزوج المفروض ان يمنعها من تلك الامور ولايتركها تتمادى ويوقفها عند حدها

 

[ذوق وفن]

حبيبتى انا فاهمه كيف الوحده تحب عمانها او خوالها انا مثلك لي عمان وخوال والله عمانى حبايبي يحظنونا من حبهم لنا بس شوفي انا تزوجت وبصراحه اخوات زوجى حبوبين بس انقهر من لبسهم رغم انى متاكده ان زوجى ينظرلهم بنظره اخوه طبعا بس هم الله يهديهم طول اليوم لبسهم متعري وبنت اخت زوجى والله تتمايع مره رغم ان الفرق بينى وبينها كثير بس ما ادري ليه والى يقهرنى مو هم لا والله زوجى شوفي الضحك والمدح يمدح فيهم والله ما علي بس يوم تشوفي زوجك يمدح ويضحك حتى حركات استهبال يسويها ومعاك قمة الجمود هنا انقهر بصراحه وهم مالهم ذمب بالعكس خلي يضحك معهم ويطلبونه ولا يهمنى لان انا بعد احب عمانى بس قدامهم لبسنا محترم مانمدح صديقاتنا عندهم نراعي انهم متزوجين ونمدح حريمهم حتى لو مانحبها بالعكس الوحده لازم تحط نفسها مكان الناس والغيره الى مالها داعي مالها داعي بس بعد لازم الزوج يقدر زوجته وبنات الاخ او الاخت يكونون لبسهم محترم مو عشان الغيره عشان هو رجل مهما كان ممكن الزوجه تفقد شي من الجمال او شي وتقوم اتغار والله واحد من خوالي كان دائما معجب فيني لانى بنت اخته الى يحبها ومن وانا صغيره وهو يحبنى ويشتريلي هدايا ويوم كبرت يقولهم ياحظ زوجك فيك بس اقعد اقوله ياخالي انت اتحبنى مثل اختك او بنتك وتعطف علي بس تكفا زوجتك انسانه لا تقول كذا قدامها
وهى اقل جمالا حتى من زوجها والله انى اراعيها واحاول مالبس شي حلو لان هي زوجه وانا اعرف الغيره
فانا معكى حبيبتى حبي عمانك وخوالك بس حبيبتى انتبهى لبسك ممكن انك تكونى دلوعه من ربي وهذا يضايقهم لاتمدحي اي احد قدامهم وحاولي انك تكونى طبيعيه وفي نفس الوقت تضحكي وجامليهم

 

[ثريـا]

يا حبيبتي .. مشكلتك موجوده بكل مكان .. بس بدرجات ..

انا اقول ..
راجعتي تصرفاتك .. يعني مثلا خالك او عمك يقول لك : حبيبتي .. دلوعتي .. وحشتني .. احيانا الزوجة تزعل وتضايق تحس ان الكلمات الحلوه لها وبس ..
انتي ما تدرين يمكن هو يقول هل الكلام لكم اكثر منها .. وهذا إلي يضايقها ..
يمكن وكل شي جايز .. لأن بين الزوجين محد يعرف شنو ممكن يصير ؟
في هل الحاله مو انتي الغلطانه ولا هي الغلطان .. الزوج الغلطان ..
وانتي بعد اذا كنت تدلعي او تقولي كلام حلو (( اكثر من اللزوم )) يعني هلا حبيبي وهلا بالورد ووانتي تعرفي .. حاولي ما تقولين هل الكلام قدام الزوجة .. (( كل بيئة بيت تختلف عن الثانية )) ..

انا اعرف انتي قلتي ما تشوفينهم إلا في الاسبوع مرة .. وزوجته معاه الايام كلها .. يمكن تشوفه معاكم اسلوبه غير واحلى .. والله العالم ..

ما انكر ان رده فعل زوجة عمك او خالك مبالغ فيهااا جدا جدا انها ما تتكلم معاكم ؟!

بس مثلا :: اعرف وحده علاقتها بعمها علاقة قوية ,, تتصل فيه بين فترة وفترة وما تشوفه كثير .. يشتري لها هدايا نادرا .. لكن الهدايا تكون ثمينه .. مثلا مرة اهداها قلادة الماس وزوجته ما تملك ولا قطعة الماس..وباخل عليها ؟! ما تحسين ان من حقها هني تغار ؟

صديقتي ثانية .. متعلقة بعمها كثير .. وما تشوفه إلا في الشهر مرتين .. لكن اول ما يشوفون بعض .. احضااان .. تبوووس .. وتظل لاصقة فيه في حظنه بدون مبالغه .. وين الزوجة ما تغار ؟!
لدرجة ان يحملها ! وهي عمرها 19 سنة ! يعني امراة كبيرة بالغة ,,

المهم من حق الزوجة تغار ولكن في حدود المعقول .. ليس لدرجة ان تكرهك او تكره خواتك ..
وانتبهي لحركاتك انتي شنو تسوين اذا شفتينهم ! ..وحاولي تقللي اذا في شي غلط ..

اما اذا لا انا انصحك ..خليكي مثل ما انتي
واذا تبين تحلين المشكلة من قلب .. روحي سأليها بكل هدووووء وابدأي اذا ملزمة تعرفين .. وراح تعرفين شنو السبب الاساسي إلي يخليهم يغارون منك ؟.

انا احس انك دلوعه (( مدح )) لكن خففي من الدلع (( لأن خلي الدلع لزوجك )) الله يزقك زوج نفس وافضل من مواصفات عمك وخالك ويكون لك اعز الناس .. والله يخلي خالك وعمك لك ويزيد ويحسن علاقتك فيهم ..

ان شاء ما تزعلين مني .. لكن ذكرتيني بصديقاتي

وبالنس

 

[غيمة فوشية]

صدقتي اختي ذوق وفن جبتي المختصر المفيد

 

[مليت اكتم]

ههههههههههههه
هههههههههه
ضحكتوني واكثر شي ضحكني اللي تقول شكلك
دلوووووووووعه
حرام عليكم انا الدلع بجهه وانا بجهه
اصلا اخوي وخوالي يقولون لي انتي واحد من الشباب
ههههه
وانا بحياني ماحضنت لاخالي ولاعمي
حده اذا كان يلعب معنا يلوي يدي يضربني
لكن احضان وتبويس لالالا وينا فيه


مشكورييين اللي رديتوا
بس من جد هههههههه
والله اني مو دلوووعه
بس يمكن انا اجتماعيه كثير حقت سوالف وضحك
وهم يرتاحوون يسولفون معي
لا اكثر ولا اقل

 

[ثريـا]

يا حبيبتي .. مشكلتك موجوده بكل مكان .. بس بدرجات ..

اما اذا لا انا انصحك ..خليكي مثل ما انتي
واذا تبين تحلين المشكلة من قلب .. روحي سأليها بكل هدووووء وابدأي اذا ملزمة تعرفين .. وراح تعرفين شنو السبب الاساسي إلي يخليهم يغارون منك ؟.

:shiny: :shiny:

 

[مليت اكتم]

سبحان الله شوفوا المصيبه الثانيه خالي الثاني بياخذ
اخت خالي يعني كملت
الحين بتعبي راس اختها
من جد ياليل ابو لمبه
اشلون بنرتاح والا بنستانس
من التجمع الصامت حقهم

 

[جنة أمل]

صراحه اشوف أنه الوحده غلط تغار من بنت أخو الزوج أو بنت أخته وما شابه، لأنهم من اللي محرم عليه الزواج منهم. فعلى إيش تخاف وتغار؟ يكفي أنه حرام يتزوجهم. أحيانا أستغرب أنه في ناس يغارون من شخص مع أنه ما يملك ربع اللي يملكونه! مثل ما يقول المثل "حاسدين الفقير على موتة الجمعه" خخخخخخخخخ

 

[najem]

والله المرأة تغار حتى من نفسها.. يعني لو هي في العالم لوحدها ومافي أي مخلوق معاها،، بتخترع من الهوا إنسان عشان تغار منه..... أنا بصراحة بغار منه وعليه من كل شي،، من أهله لو طول عندهم،، ومن الدوام لو تأخر في الرجعة،، ومن الأولاد لو لعب معاهم ونساني،، ومن التلفزيون لو تفرج على فيلم أو مسلسل وطنشني.. حتى لو تفرج على فيلم وطلع فيه فقرة رقص شرقي أو لقطة رومانسية أغار لو فتح عينه أكثر على التلفيزيون وأنا جنبه....
مسكييييين أبو الشباب محتار فيني كيف يرضيني....

 

[تصميم]

طيب جربتي حطيتي نفسك بنفس موقف زوجة عمك وزوجة خالك يعني زوجك بيتعامل مع محارمه بنفس الطريقه وشوفي شعورك لو كان طبيعي إذن هما غلطانين ولو حسيتي بالغيره إذن تعطيهم عذر لأنه هذا طبع المرأه مهما كنتي محرم فهي تراك أنثى أمام زوجها والأصل زوجها يراعي مشاعرها مايقطعكم بس على قولتك ما يطيح الميانه

 

[3AROOOOSA]

غيرة الحريم بتفرق بين الريال واهله ..

تغار عليه من امه من خواته من بنات اخوانه من ومن ومن ومن ....!!!

خلاص يعني يقااااااااااااااطع العالم عشاانها ..!!

شو هالتفكير ..!!

احسن لها تحطه ف صندووق وتقفل عليه ...
ووالله الحريم نااااااااقصصاااااااااات عقل

 

[الكـــوت]

وبعض النساء مثل مرت الأبو تغار حتى من بنته
وما ترتاح حتى تفرق بين البنت وأبوها
ولكن صدقيني أختي مو كل النساء يغارون من محارم الزوج
تأكدي إن اللي تسوي جذي ما عندها ثقه بنفسها ومو شايفه خير.

 

[reeme24%]

الناس عقول