..لو ادري اخرها كذا من اول الدرب [انسحبت!] ..
ياصدمتـي فـي اقـرب احبابـي وياخيبـة ظنونـي
ياضيق صـدري لاذكـرت انـي عليهـم [ماكذبـت]
ياطعنـة خلتنـي انسـى مـن سبايبهـا طعـونـي
ياجرح ماله طـب حتـى لـو اقـول اليـوم طبـت
البارحة والله يكون بعـون /..احاسيسـي وعونـي
احـاول اهـرب مـن عمايلهـم ولكـن ماهـربـت
ماكنت احس اني انا..(انا)..وان هذا الكـون كونـي
امر في حالـة ضيـاع ..وشبـه غيبوبـة ..وكبـت
احباب!!اي احباب ../ .. ذول اللي على موتي خذوني
الظاهـر انـي شبـت ..وانـا مابـعـد شـبـت..
سألت نفسـي هـم يبونـي صـدق؟؟والا مايبونـي؟
اجبـت نفسـي وليتنـي علـى سؤالـي مااجـبـت
اللي لهم مـدة وهـم فـي داخلـي [واستغفلونـي!]
ياما استغلـوا طيبتـي معهـم وكـل اللـي وهبـت
وهبتهـم قلبي..وشعري..وكـل ماحولـي ودونــي
(تعبـت) معهـم بـس ماكنـي رغـم هـذا تعبـت
شعـرت فعـلا بالعـذاب وغصـة الدمـع بعيونـي
قربتهم مني وانا اللـي كنـت احسـب انـي قربـت
عشانهم قـررت ابيـع اللـي مـن العالـم شرونـي
عشانهم بطلت لعـب ..وليتنـي والله../ ..لعبـت !!
مادامهـم ماقـدروا صدقـي ومعهـم جرجـرونـي
لو ادري اخرها كـذا مـن اول الـدرب [انسحبـت!]
احبابهم واجـد! ولا ادري ليـه بالـذات خدعونـي
مع ان عمري ماخدعـت انسـان او حتـى قلبـت!!
ياقوهـا صدمة!وانـا لـون الغـدر ماهـوب لونـي
وربـي ماانـلام لـو بعـد الـذي سـووه غبـت..
ماكنت ناقص صدمة اخرى في حياتي (واصدمونـي!)
مصدوم خلقة ليـن مـات الحـب فينـي وانعطبـت
اللحين مدري كيـف اعاملهـم وهـم (ماقدرونـي؟؟)
مااستوعبوا اللـي كتبـت مـن الجـروح وماكتبـت
الله يجازيهـم علـى استنزافـي وحرقـة جفـونـي
ماكنـت حاسبهـم يبيعـون الغـلا يومـي حسبـت
اثـر الغـلا مني!لانـي كنـت معطيهـم جنـونـي
لكنـي اعلنهـا صريحـة تبـت والله ثــم تـبـت
((ماعاد لي رغبة اجـدد فـي علاقتهـم طعونـي))
خسرت في هذا الطريق اضعاف ضعف اللـي كسبـت
احسن لي ابعد واشتري نفسـي ولا خيبـة ظنونـي
ان طبت من جرحي والا جعلنـي مايـوم طبـت!!!!