في بيتكم نفااااس ؟؟؟؟

[جمانة الدر]

لايفوتكم هالايميل من وحدة مقلعه قسم بالله تووحفة ​

من جد أخلاقها تجارية بقووووة
نفسية هالبنت

​

http://www.ayyam.co.nr/

http://www.ayyam.co.nr/
http://www.ayyam.co.nr/


فيه بعض الكلمات يمكن ماتناسب بس احسها لازم تثبت لو احذفها بيخرب الايميل عاد اعذروني .....
اترككم مع.........
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,
في بيتنا نفاس........
قسم بالله ضحكت ضحك على كلآمهـآ مسكيييينه
ههههههههههههههههههههههههههههههه
وبصرآحه مآلومها وربي قمة القلق انك تكونين عايشه في بيت فيه وحده نفآس
تحسين انك قرسون بكوفي شوب وحده داخله ووحده طالعه وانتي ماغير صب قهآوي
:tears:

1- هل أنتِ عزوبيه تعيشي في وسط عائلتك ؟
2- هل أنتِ موظفه أو طالبه ؟
3-هل لديكِ أخوات متزوجات ؟
4- هل أخواتكِ مكاين تفريخ ؟
5- هل حصل في يوم من الأيام وعدتي من الدوام تعبانه وتافلـتن العافيه
وراسك يرقل من قلّ بركه لـ تتفاجئ بأصوات ضجيج صادره من بيتكم
تصل إلى مسامعك قبل أن توطوطي عتبة الباب ؟
6- هل حصل ودرعمتي لبيتكم لـ تستقبلك رائحة الحلبه المنتشره
في كل دعاسيق البيت في الداخل ؟
7 -هل استيقظتي مذعورة من نومك الهادئ ذات ليلة على زعاق بزر توهـ
لحمه حمرا مابعد تعلم وشلون يصيح بإحترام ؟
8 - هل زد رأيتي تجمهراً أمام باب حمام بيتكم - الله يعزكم - ويوم قربتي
شوي كودك تشوفي وش السالفه وبالطق والطقاق دخلتي راسك
من بين حشود المتجمهرين ولاهاي أمك واختك
ماسكين نفس قطعة اللحمة الآنفة الذكر وجالسين يسبحونها ؟
9- هل سبق أن رجعتـي من الدوام لتجدين بيتكم مزدحم بالزوار
تسنه السيفوي ليلة رمضان ومن لمحت أمتس طرف خشتس
مدت لتس الدله بدون تفاهم وقالت قهوي العالم ؟
إن كانت أغلب اجوبتك عزيز تـي القارئـ/هـ بـ نعم ..
فـ مبروووووووووووووووك:busted_red:
في بيتكم نفاس
:
:
يعني الواحد يقول اللهم لا إعتراض
بس ولو للصبر قالوا حدود
ويا مصبر الموعود
كل يوم اقول بيجي رجلها ويقشعها هي وذرّها من عندنا
بس ماش ماحولك أحد ..
الله العالم الولد بيصير عمره سنه وهي توها نفاس ماقضت
يا جماعة الخير لا تفهموني غلط ..
انا احب اختي واقدّرها والود ودي ما تفارقني ..
بس احبها لحالها بدون الفوائد الي طلعت فيها من زواجها
ذا القرود الي معها
منيب اواطنهم !
عيال اختي ايه ما قلنا شي !
بس فيهم بثاره تيزي بلد .. !
لا واذا تحملناهم وقلنا معليش توهم صغار والحشمه لأمهم مهيب لهم ..
ونبلع هالغثا الي يصير على شرف ذا النتفه الجديده الي جدعتها ..
تحسبونه يثمر والا يبين فيهم ؟
من يصير طول هالنتفه شبرين اول كلمه ينطقها
ويقولها لك " كل تبن " !
>>
خلوّا خلوّا ذا على جنب مهب موضوعنا ..
الي غابني صدز هالـ 40 يوم الي اشوفهم ..
سبحان الله عمر الحريم ما احترموا مواعيد والا وقت الا بـذي !
يتحروون الدقه بالحسبه .. 40 يوم بالضبط
مستحيل تنقص بس ممكن تزيد
40 يوم وانحن ما عندنا غير فاتحين باب و راديّن باب..
مستقبلين زوار ومودعين زوار ..
مدخلين فلانه وبناتها ومطلعين فلانه وحريم عيالها ..
لا وكله كوم
واذا جت وحده الله يجزاها خير بزعمها راعية واجب
وتكت من عقب المغرب إلى 9 عندكم
وانتي يا حيل الله مالتس الا تدورين بهالقهوه والشواهي ..
واذا خلاص تكرمت و لبست عباتها وطلعت ..
ترجع بسرعه وترفع نقابها وتزف لتس الخبر العذب
معليش ترا بناتي ماقدروا يجون اليوم
بلاهم منشغلين شوي بس باتسر بحيل الله بيجون كلهم
<-- ماودكم تشوفون تعابير خشتي ساعتها
مير الله يجزاتس خير راعية واجب !
الحين بناتتس عندهم التزامات ومشاغل
وبيسون الواجب حسب فضوتهم .. !
بس اصحاب البيت عطّاليه ما وراهم شغل والتزامات ابد ..
على حسابكم هم ؟
قايلين لكم رقاصه انا ما تبدا ورديتي الا 1 بالليل و ورا !
نعبنو ابليسكم يالملحجه ترا فينا الطالب
وفينا الموظف مايرجع الا على حروة المغرب
وفينا المتزوج وعنده بيت يصاليه .. !
والأم مهيب بكل الأحوال بصحتها وفيها حيل تهابد
وتراكض لكم انتم وزياراتكم !
ياخي خلوا جيتكم وحده وموعدها واحد ..
مهب كل القبيله تجي تزور وكل يوم وحده داخله لحالها ..
وجعه!
ماروانا الا انتم ؟
<---- حولكم شي تخافون عليه ابعدوه عنها ترا
شاشت
ماخليت شي عن امي ..
يمه حددي يومين بالاسبوع يجون العالم فيه !
يمه مالها سنع تاركين الدعوه سايبه
تقل والله الي عندنا عنز والده في حوش مفتوح
وكل شوي جاي شايب والا بزر يويق عليها !
يمه ارحميني ارجع من الدوام ما اشوف
مالي خلق اغير ملابسي وش عاد اقابل هالأمم !
بس ابــــد !
كان ذا الجدارن الي وراكم تنطق فـ هي ترد علي ..
مير اول كانت تقول
يا كبرها عند ربي !
تبيني اقول للعالم لا تجونا.. انهبلتي انتي
الحين انا قلت قولي لهم لا تجون ؟
قلت حددي لهم يومين وفكينا من هالقلق !
" لا يا خزياه .. قولة لا تجون الا هاليومين
زي قولة لا تجون ابد ..
افرضي هاليومين ما ناسبوا العالم ! "
اجل مناسبنا انحن الاسبوع كامل يمه ؟!
طاعوش انا ماعرف من الاسبوع الا الجمعه ولا هوب يصفى لي ؟!
هالكلام اول ..
الحين ابشركم مهيب ترد علي خير شر ..
مقتطفات من أحاديث تدور في مجلس نفاس
:
:
[ 1]
" عسى ما تعبتي بس يا فلانه ؟ "
" لا الحمدلله تيسرت "
" الحمدلله .. بس لا تعلمين احد لـ انسألتي
بسم الله عليتس !
ترا عيون الناس مهيب ترحم وانا خالتتس ! "
تعقيب /
اول شي يـ الخاله الملقوفه ترا هالسؤال مهب كلـن يسأله
يومتس توصينها ع الإجابه !
يعني ولاده وش ظنتس ؟
اكيد بتتعب بوقتها وعقب
خلاص .. المشكله ما يسأل الا ناس مجربينها ..
ابو التناحه ياشيخ !
ثاني شي .. ترا حتى القطاوه تحمل وتالد !
مهب حلى كل شي تلزقون فيه سالفة العين والنظله ..
ياررربيه بس
:
::
:
:
::
:
[ 3 ]
"
ما شاء الله وش سميتّوا الصغيره ؟ "
" دانه "
الحرمه الي تسأل وخشتها مايله والحتسي ما عجبها
اييه .. مدري تسن الأسم مهنا زود !
يا بنيتي مدري وش ذا الاسماء الجديده الي طايحين بها العالم !
تعقيب /
ترا اصغر بنات الحرمه الي سألت .. اسمها غزل !!
:
::
:
[ 4 ]
" الا يا فلانه ما قلتي لي وين ولدتي بأي مستشفى ؟ "
" المستشفى الفلاني "
" اييه زي اختي حصه ! عند اي دكتوره ؟ دكتوره هبه ؟ "
" لا والله .. عند الدكتور خالد "
الحرمه الي تسأل تنغز الي جنبها بكوعها
وتعض على براطمها وتتحلطم "
يا خزيييياه .. كابتّن عفشها عند رجال
ياختي خلاص هالحريم ماعاد فيهم حيا
وراها ما ولدت عند حرمه .. وش حيث الرجال تولد عنده ؟ "
تعقيب /
يقولون والعهده ع الراوي ..
ان خويتنا الي ماعجبها موضوع الولاده عند دكتور ..
جايها الطلق وهي بسيارة ابو جيرانهم
حيث ان رجلها كان كاشت في البر ..
ومالقت الا جارتها تستفزع بها ..
وما كان بين الولد والنور الا شوي
لولا ان ربكم ستر والشوارع كانت فاضيه
والا ان تسان صار مكان الميلاد
في شهادة الولد .. " سيارة ابو جيرانا "
الله يحرمّ ايديات امي نوره على النار ..
لو هي سامعه السالفه ان تسان تكش بيدينها وهي تقول
غربلهم الله .. شبكه تعاير منخل !
:
:
طيب الحين فيه سؤال يراودني عن نفسي
ومضطره اسدحه بس رجاءاً صيروا متحضرين شوي
وماله داعي ترجموني بنعالكم <--- يا حياة الشقا متعوده
وجه إهانات
الحين الوحده اذا ولدت وش تجيب ؟
لا اشوف احد مستظرف وقايل تجيب آدمي
! ادري اننا محناب نجيب قطاوه ..
بس قصدي هالآدمي الي هي تجيبه من هو حقه ؟
حق ابوه صح والا لا ؟
طاايب .. اسم الولد يلحق مين ؟
يلحق اسم ابوه صح والا لا ؟
طااايب .. دام الدعوه كذا ..
ودام النفاس اصلا بسبب هالولد ..
ممكن احد يفهمني وش دخل مندوب اهل البنت يبحلون بها ؟
ورا مهب اهل رجلها هم الي يصالونها ؟!
ياخي الولد ولدكم انحن وش دخلنا ؟
والله ما خرب بناتنا الا امهاتهم !
تجي الام مطفيه النور
وطايره مليون بالحماس من تدري ان بنتها حامل ..
ماتخلي عطّار ما تزوره
ما تخلي شنق وداعوس ما تدعسق به ..
كل شي ينشرب والا يوكل والا يلهم تجيبه ..
وتفضي للبنت غرفه
وتبلشنا نزلوا سرير ورقوا طاوله وجيبوا
مفرش ورجعوا ستاره ..
تقل اول مره يولد عندها احد ؟
واذا هي اول مره
وشو له هالحمااس .. تراه نتفة بزر ونتق من بطنها
مهب اختراع الله يصلحكم
هذا انتم قبلنا حملتوا وجبتونا
وش حيثكم ما سوا فيكم اهلكم كذا ولا ضركم ؟
بالعكس الوحده من اول لا اله الا الله صحتها فُل
وهي والده في البيت ..
ما ولدت بمستشفى وخذت لها سويت كامل اسبوع
وماغير تبطح وبلع بهالحلى والقهوه
حتى ولدها مهيب ترضعه
ومن عجائب قدرة الله في خلقه
ان الحرمة ما تحلى بعين رجلها الا لاصارت في بيت اهلها
يالهيس وهي عندك في بيتك ماانتب تناظر خشتها ..
ويوم صارت نفاس عندنا
.. 24تبن ناشب لنا !
ما عندنا شغله غيرك انت وحرمتك وعيالك !
ياخي تحبهم وفاقدهم ضفهم ورح بيتك الله لايهينك ...
وابشر بلي يجي يشقر عليكم كل يوم ..
بس اعتقونا لوجه الله
ولا يرفع ضغطي الا لا صار جالس مع حرمته يسولفون في غرفتها
وانا بالصاله الي جنبهم اهجّد فروخ ابليس
الي يفترض انهم اطفال و الارجح انهم عيال اختي ..
يقوم واحد منهم يدخل على ابوه وامه ويزعجهم ..
ويجي ابوه الله يطول في عمره يكرشه بكل حنان ويقول له " :santa_1:
رح رح يا بابا لخاله ندى شفها تناديك "
وجع اول شي يا سبع البرومبا تراك ماكل في عيالك مقلب كبر راسك !:harhar1:
اجل تبيهم
ينادوني خاله ؟
عساهم ينادوني بإسمي مهب بشيـن ثاني ويسد !
ثاني شي وش قالوا لك انا ؟ خماّمة الضايع ؟!
كل ما طق عود بعصى جدعتوا بزارينكم علي ؟
انتم تدشرون وانا اتحمل نتايج دشرتكم ؟
نفسيتي تعورني .. !
كل ما ذكرت ياخي هالأجانب طقتني غلقه
وش زودهم عنا يا جماعة الخير
يوم ان الوحده فيهم تولد من هنا وتصك الجينز من هنا ..
ما توفي لها يومين الا وهي تقامز وتسوي رياضه
ورا هالفقمات الي عندنا مهب تسذا
وراهم 40 يوم ما عندهم غير فرم بهالمرقوق والجريش !
قال ايش .. ترمم جسمها قال ،
مهب ترميم ذا ردم الله يحييكم
!
الوحده منهن ما تطلع لبيت رجلها عقب الاربعين الا على شيول
لا والكمخه اختي اقول لها ذاك اليوم
ناه بس شوفي ترا ذا الصور عقب ولادتها باسبوعين -
أأشر لها على صور لزوجة توم كروز -
قالت .. واذا ؟
لا تقارنين حبيبتي عيالهم هذولي عيال حرام !
<--------
يالهدره يالكمخه يالفاهيه .. :bleh:
الحين نفاس ولد الحرام يفرق عن نفاس ولد الحلال !
ياربيه بس !
اسعفوني .. أريد حلاً ؟
عموما انا بقوم الحين اصلي المغرب
وانزل استقبل الوفد الجديد
بس اتوقع اني ارجع اكمل تفلت
والله يابي مّر مهب صاحي ..
مهب رايح لين افرك البياله بجبهة وحده من هالزايرات !​

يع اشم ريحة حلبه >ههههههه
​

 

[دلووووووعة زوجي]

ههههههههههههههههههههه توووووووووووحفه فطستيني من الضحك

برويها أخواتي والله يعينهم بيقولن في بيتنا ثلاث نفس هههههههههههه

 

[جمانة الدر]

ههههههههههههههههههههه توووووووووووحفه فطستيني من الضحك

برويها أخواتي والله يعينهم بيقولن في بيتنا ثلاث نفس هههههههههههه

ههههههههههههههه الله يكووون في عون أخواتك حبيبتي ..نفااس واحدة وشووفي وش حالة أختها ...أجل ثلااااث وش تسوي البنووووووته ؟؟؟:busted_red:

 

[بنت المعاضيد]

هههههههههه حلــــــــــــــــــــــــــــووووووووه....... تسلمين..

 

[بنوتةنعومة]

هههههههههههههههههههههههه
حلووووووووووووووووووة
بس شكلك مو متزوجة
انا ضحكت على اختي قبل لا اتزوج وهي نفاس وانا اجهز لعرسي تخيلي بس
ربي يعاقبني ماتجي السنة الجاية وفنفس الموعد اللي اختي كانت نفاس الا انا نفاس وبنفس مكانها وفنفس الغرفة..
ههههههههههههههههههه..وكما تدين تدان....بالتوفيق قلبو..

 

[وأزهر الياسمين]

ههههههههههههههههههههه​

الله يسعدك ضحكتيني وقلبتي علي الموآجع بنفس الوقت​

وجعل ربي يرزق الي كتبت الموضوع وتجرب النفآس وتفهم​

.
.
.​

أنآ وحيدة أمي وهي الله يطول عمرهآ توهآ صغيرة مآتعرف تنفس ومآ عندهآ غير الكبدة والعسل وفوق هذآ كله موظفة​

وتعآلي شوفيني لمن ولدت توني بزر لآ لي في الطين ولآ في العجين وأعآني معآنآة بروحي​

وطبعاً مآرحت بيت أهلي ولآ هم يحزنون...لأن مآفيه أحد أسآساً...وأمي الله يوفقهآ جلست عندي أإسبوع والإسبوع الثآني رجعت الدوآم وكآنت تجيني باللل وزوجي عنده دورة في الريآض يآحبييييييييييييييييييييييييبي​

وصرت كل شي أعمله بنفسي وبس طلعت من الـ 40 ولدت حمآتي الي متزوجة من 8 سنوآت وعندهآ بنت ومآتعرف كيف تحمم بنتهآ الجديدة وتلبسهآ وكآنوآ منصدمين مني كيف أعرف....هييييييييييين بلآهم مآيدرون​

بصرآحة مآ أعرف شنو يعني نفآس غير أني صرت أم ومآجربته ولآ شكلي بجربه لآ أكلت ولآ شربت ولآ لهمت ولآ أعرف ريحة الحلبة الحمد لله والشكر على كل حآل​

والله ستر أإن معآرفي قلآل جداً ووقت الي بيجيني أحد أمي تضيفهم وهي مآلهآ خلق لأنهآ جآية من الدوآم الله يعينهآ​

والي كثروآ زيآرآت مو أكثر من مرتين​

مآ عدآ أهل زوجي كل يوم يجون يآكلون ويشربون ويلعبون في بنتي ومآيحركون شعرة ويطلعون ​

بس أم زوجي رسلت لي عصيدة مرتين أعتقد عن الحلآل والحرآم​

والله يآليت عندي خوآت وبنآت خوآت وأولآد خوآت وعيلة كبييييييييييييييييييرة وكل سنة تولد وحدة والله لأخدمهم بعيونآتي...وكل مآحملت وولدت طيحت عندهم 40 يوووووووووووم​

معليش حبيبآتي أعذروني على الإطآلة بس والله مغبونة على مآيكون عندي أخت الحمد لله رب العآلمين اللهم لآ أعترآض​

.
.
.​

على كل حآل أإن جينآ للوآقع الكلآم صحيح والنفآس متعب والنآس بصرآحة مآتحترم كون الوالدة تعبآنة وكل يوم مطيحين من المغرب لين نص الليل أكل وشرب وضحك وحش​

ومن وجهة نظري المفروض تتحدد أوقآت الزيآرة وتلصق في ورقة على البآب على الأقل يكون في وقت محدد من اليوم أو سآعآت محددة​

.
.
.​

أكرر أعتذآري بس حبيت أشآرككن سوآلفي​

موفقآت بإذن الله​

 

[@سارهـ@]

ههههههههههههههههههههههههههاااااااااااااااي تفطس من الضحك ..
صرااااحه باين انهاا كاتبتهااا من قلب ..
بلطشهاااا وارسلهاا بالبريد ..
بس انا حااامل اخاف اللي يقرونها يفهونها غلط
ومااعاد يجيني احد اذا ولدت.. :sad_1:


يسلموووووووووووووووو جمااااااااانه ..

 

[سآلفة عشآق]

يصرااااحة عسسسسسسسسسسسل تسلمييين

 

[انتصار2]

هههههههههههههههههههههههههههه عورني بطني من الضحك يسلمو اسلوبك مررررررررره حلو.....

 

[coffee]

جمانه الدر بجد راااااااااااااااااااااااااااااااااااااااااااااااااااائعه فطستنيني من الضحك الله يسعدلك ايامك يارب.....

 

[؛%النادره%؛]

هههههههههههههههههههههههههههههه ياويل قلبي على مقطع الحمااااااااااام عجزت امسك نفسي بغى يغمى علي من الضحك
ذكرتيني بموضوع كتبته زمان اسمه في بيتك نفساء ...ابشري بس هو موضوع جدي مب هزلي

 

[123AN]

مررررةحلوة
الله يسعدك

 

[انيس الروح]

روووووووووووووووووووووووووووووعه والله انها صادقه ابلشننا هالنفس الوحده ماتطلع الاربعين الا روحنا طلعت من التعب الله ياجرنا بس

 

[جمانة الدر]

بناااات الله يسعدكن فررررحني مروووركن وضحككن ..عساها دووم ..

عاااد أنا باأقولكن على سررررر ...............

طبعا بعد ماقريت الايميل هذا ماجاء في بااالي ألا اختي دلوووعتي ((((......)))))وقلت ياااربي أكيـــــــد تفكر زي كذا

وتعاني كل هالمعاانااة ..لذلك قررت قرااار خطيييير ....

قررت أقعد في بيتي وقت النفاااس ومش رايحة بيت أهلي ..بالرغم من إعترااض زوجي ..وطبعا معارضة الغالي (أبوي) والغالية(أمي)..بس من جد تأثرت بكلام البنت وحسيت في أخواتي ..بالذاات تو زوجة أخوي مخلص نفاااس طبعا عندهم ..

 

[ليلكيه]

ينقل للعام

 

[عتيبية مروقه]

ههههههههههههههههههه
الله يووسع صدرك بصراحة فطست من الضحك

 

[حكيممة]

روعة صراحة من يوم قريتها واتصل على امي الله يخليها لنا ومتنا من الضحك والله ابداع صدق
تسلمين يالغالية

 

[ابتسـ أمل ــامة]

خخخخخخخخخخخخخ رووووووعه صراحه
في وايد كلام مب مفهوم لكن يضحك

 

[جمانة الدر]

مشكووووورات أخوااتي على المرووور والابتسااام وهذا هدفي ..أن تبتسمن

 

[وأزهر الياسمين]

بناااات الله يسعدكن فررررحني مروووركن وضحككن ..عساها دووم ..

عاااد أنا باأقولكن على سررررر ...............

طبعا بعد ماقريت الايميل هذا ماجاء في بااالي ألا اختي دلوووعتي ((((......)))))وقلت ياااربي أكيـــــــد تفكر زي كذا

وتعاني كل هالمعاانااة ..لذلك قررت قرااار خطيييير ....

قررت أقعد في بيتي وقت النفاااس ومش رايحة بيت أهلي ..بالرغم من إعترااض زوجي ..وطبعا معارضة الغالي (أبوي) والغالية(أمي)..بس من جد تأثرت بكلام البنت وحسيت في أخواتي ..بالذاات تو زوجة أخوي مخلص نفاااس طبعا عندهم ..

لآ عآد مو للدرجة هذي

على الأقل روحي عندهم أإسبوعين أو أإسبوع حتى

الله يتمم حملك ويسهل ولآدتك
​