مملكة وزهقانه تبي حل

[حـــايرة]

مرحبا بنات

تكفون ساعدوني

انا مملكه وقريت تجاربكم بمواضيع كثيره

بس مالقيت حل لمشكلتي

انا زوجي دفش وما يحش بأسلوب النغزات

اول شي يبي دايما اقوله كلام حلو وغزل ولما اقول له

ما احس انه في شي تغير

يعني الحين انا متزوجه بس ما احس اني متزوجه مثل خواتي

بفترة الملكة كله هدايا ودلع ومصروف ووالخ

انا لا

الأخ يدري اني طلعت من وظيفتي ولا فكر بمصرف او حتى هديه وحتى شبكه ما جاب

ويوم قلت له عن الشبكه قال لي مضغوط وووالخ تبين اتسلف؟

وسكت وقلت له لا يا حبيبي لا تتسلف

وقال كبرتي بعيني بس بعدها ما حس على دمه

ما عنده اي نوع من أنواع الدلع المتعارف عليها بهالفتره

يعني يتصل اغلب الأوقات بالليل والفجر >>>احس كانه اداء واجب

وكله يحاول يستفزني ويقول لي تتفلسفين

>>>>عنده عقدة نقص لأني جامعية وبأخذ الماجستير قريب وهو دبلوم
دايم يقول لي ترى علمج وعلمج وووالخ

زهقت منه والله

حتى مره كان في واحد من عيال جماعتنا خاطبني اول وانا ماعرفه بس رفضت
وهذا الأخ طالع لي طلعه بهالسالفه ويسألني كثير عن هالموضوع
كأنه شاك؟؟؟ عاد أنا عصبت وصكرت تلفوني يومين وبعدها اعتذر وقام يتذلل ووالخ

بس دايم يحذف كلام ومايعرف معناه ؟؟؟؟

زهقت منه حتى فكرت بيوم اتطلق منه ويرجع يعتذر ووالخ

انا ابيه يحس على دمه وعلى الأقل يدلعني مثل البنات

شرايكم شسوي؟؟؟؟؟؟؟؟؟؟

>>>>>>>>>>>معصبه حدهاااااااا
​

 

[ربى الكون]

هلا بالحايــــــــــــــــــــــره
خلليني بداية اركز على سالفة الشعور بالنقص فعلا ابو الشباب يحس بالنقص
عارفه ممكن هالشي يظل يصاحبك طول عمرك معاه
ويحاول انه يستخدم شيئا من القسوة معاك بحيث يعوض النقص اللي يحس فيه من هالناحيه
المرأه بطيبة قلبها ونظرتها للحياة الزوجيه واللي تبحث عنه في الزواج
مايهمها التدقيق والوقوف عند نقاط مثل كذا
لكن شوفي كيف الرجل يركز ويجعل من هالشي عقبه للوصول الى السعاده
لانه حاط هالشي قدام عيونه
لذلك كان الضروري مسألة التكافؤ بين الزوجين في جميع الجوانب ولابأس اذا كان الرجل اعلى من المرأة لاشباع غرورة وشعورة بالقوامه
طبعا اتكلم عن الرجال الغير اسوياء مئه في المئه
ولا الانسان الواعي لو نظر على انا المرأه مهما بلغ علمها فهي بتكون متخصصه في مجال واحد مو في كل مجالات الحياة هي فقط في تخصصها حصلت على البكالويوس وحتى الماجستير ماراح يكون في مختلف المجلات مجرد مجال واحد
اما الرجل خاصة في مجتمعنا فإنه بإمكانه ان يوسع من معارفه ويطور من ذاته ومعلوماته التي يستمدها من خلال احتكاكه الواسع وقراءاته المكثفه وفرصة خروجه ودائرة معارفه الكبيره
لكن للأسف قلة هم الذين يدركون مثل هالامور ويسريون وفقها
فالذي يمكنني اني افيدك فيه في هذه النقطه انك تنقلين له النظره هذي
اللي كتبتها لك
وكيف انك تنظرين له كرجل واسع المعرفه بدون شهاده من جامعه او كليه ويكفيه شهادة الحياة اللي انتي تعترفين فيهاوحاطتها في اعتبارك

 

[حياتي؟؟]

والله حبيبتي في بعض الرجااااااااال فيهم دفاشه وهذه طبيعتهم ..... انا اشوووف تقرين عن موضوع انماط الشخصيه من شمالي وجنوبي وشرقي وغربي ....... رااااااااح تلقين شخصيته وتتعاملي على هذا الاساس ........
الله يووووووفقك ويجبر خاطرك

 

[حـــايرة]

هلا بالحايــــــــــــــــــــــره
خلليني بداية اركز على سالفة الشعور بالنقص فعلا ابو الشباب يحس بالنقص
عارفه ممكن هالشي يظل يصاحبك طول عمرك معاه
ويحاول انه يستخدم شيئا من القسوة معاك بحيث يعوض النقص اللي يحس فيه من هالناحيه
المرأه بطيبة قلبها ونظرتها للحياة الزوجيه واللي تبحث عنه في الزواج
مايهمها التدقيق والوقوف عند نقاط مثل كذا
لكن شوفي كيف الرجل يركز ويجعل من هالشي عقبه للوصول الى السعاده
لانه حاط هالشي قدام عيونه
لذلك كان الضروري مسألة التكافؤ بين الزوجين في جميع الجوانب ولابأس اذا كان الرجل اعلى من المرأة لاشباع غرورة وشعورة بالقوامه
طبعا اتكلم عن الرجال الغير اسوياء مئه في المئه
ولا الانسان الواعي لو نظر على انا المرأه مهما بلغ علمها فهي بتكون متخصصه في مجال واحد مو في كل مجالات الحياة هي فقط في تخصصها حصلت على البكالويوس وحتى الماجستير ماراح يكون في مختلف المجلات مجرد مجال واحد
اما الرجل خاصة في مجتمعنا فإنه بإمكانه ان يوسع من معارفه ويطور من ذاته ومعلوماته التي يستمدها من خلال احتكاكه الواسع وقراءاته المكثفه وفرصة خروجه ودائرة معارفه الكبيره
لكن للأسف قلة هم الذين يدركون مثل هالامور ويسريون وفقها
فالذي يمكنني اني افيدك فيه في هذه النقطه انك تنقلين له النظره هذي
اللي كتبتها لك
وكيف انك تنظرين له كرجل واسع المعرفه بدون شهاده من جامعه او كليه ويكفيه شهادة الحياة اللي انتي تعترفين فيهاوحاطتها في اعتبارك

فهمته والله وشجعته يكمل دراسته

بس دايم يتطنز ويحب يحسسني انه هو يعلم بتخصصي اكثر مني

مثلا انا تخصصي لغة عربية احيانا لما اكون زعلانه يرسل لي مسج باللغه العربية والرجل والرجل

>>>>>>>ابو الشباب كرهني حتى بتخصصي

المهم ماعلينا كل الشكرلج يا بعدي فديت الناس الطيبة اللي تساعد:blow:

 

[حـــايرة]

شكل زوجي شمالي شرقي .>>>>>>>.وربي مقهورررررره واعيش وضع ملل ويضيق الخلق

حتى اهلي قاعده اعطيهم مقدمات الطلاق

ياخرب بيته ذبحني

دفشششششششششششششششششششششششش

 

[سمو الأميرة]

زوجج ما عنده عذر يعاملج بهالأسلوب .. و لا تخلين أوهام الحب تعميج عن الواقع
اولاً ..
أسأليه .. ليش خطبتني و أنت تعرف مستواي العلمي .. ؟!
لأن هو اللي اختارج ليش يتطنز عليج .. ؟! بصراحة تصرفه في قلة أدب و احترام و مش مقبوووول أبداً ..
انتي تراعينه وايد و هذا اللي خلاه يتمادى ..
و بعدين ليش دفنتي نفسج و شخصيتج بعد الملكة و تخليتي عن وظيفتج .. لا يا حبيبتي عيشي حياتج مثل ما انتي تريدينها .. الزوج اضافة لحياتج فقط .. لا تخلينه هو كل حياتج ...
الحين انتم بعدكم ما عشتوا مع بعض و بينكم مشاكل !! خليج واااااضحة معاه .. الرجل ما يفهم بالنغزات أبداً .. لازم تعطينه الكلام في وجهه كااااش .. خلي الصراحة هي أساس الحوار .. بمعنى كوني صريحة في مشاعرج و أحاسيسج لأن الرجل ما يقرأ الأفكار ولا عنده فكرة عن احساسج و مشاعرج ..
المهم ... الخطوات هي
لازم تقولين له كل اللي حاسة فيه و توضحين له انج ما تقبلين انه يقلل من احترامه لج أبداً - خليج قوية و طالبي بحقوقج - و بتحصلين على كل الأحترام منه لأنج ما تنازلتي عن هالشي ..
لا تتنازلين عن أي حق من حقوقج لأن التنازل يسحب معاه تنازلات قادمة في بقية عمرج معاه ..
وقفي مكالماتج معاه و قولي له ما في داعي نفهم بعضنا غلط و احنا بعدنا في أول الطريق .. (ما في داعي لحركات الغزل و الدلع الحين اذا ما فادت معاه، خليها لبعدين) .. و ان شاء الله بعد العرس بتعيشون مع بعض و بتفهمون بعضكم أحسن و اتدلعي عليه على راحتج ...

آخر نصيحة .. (ما أضمنها مية المية في وضعج .. فلا تلمويني اذا ما مشى الحال .. لكن قلت أكتب لج اياها في حال احتجتي اجراء قوي .. و لازم تكونين متقبله كل الاحتمالات )
اذا حسيتيه مش راضي يفهم و استمر في اسلوب الدفاشه قوليله احنا بعدنا في أول الطريق و اذا انا ما عجبتك روح دوّر لك وحدة غيري .. و خليج واثقة من نفسج .. يمكن هو بيقول لج بعدين محد بيرضى يتزوجج قولي له في مية واحد و واحد غيرك يتمنون يتزوجوني .. بعدها بيراجع نفسه و بيعرف أنه تخطى حدوده ولازم يصلح الموضوع ..

 

[حـــايرة]

زوجج ما عنده عذر يعاملج بهالأسلوب .. و لا تخلين أوهام الحب تعميج عن الواقع
اولاً ..
أسأليه .. ليش خطبتني و أنت تعرف مستواي العلمي .. ؟!
لأن هو اللي اختارج ليش يتطنز عليج .. ؟! بصراحة تصرفه في قلة أدب و احترام و مش مقبوووول أبداً ..
انتي تراعينه وايد و هذا اللي خلاه يتمادى ..
و بعدين ليش دفنتي نفسج و شخصيتج بعد الملكة و تخليتي عن وظيفتج .. لا يا حبيبتي عيشي حياتج مثل ما انتي تريدينها .. الزوج اضافة لحياتج فقط .. لا تخلينه هو كل حياتج ...
الحين انتم بعدكم ما عشتوا مع بعض و بينكم مشاكل !! خليج واااااضحة معاه .. الرجل ما يفهم بالنغزات أبداً .. لازم تعطينه الكلام في وجهه كااااش .. خلي الصراحة هي أساس الحوار .. بمعنى كوني صريحة في مشاعرج و أحاسيسج لأن الرجل ما يقرأ الأفكار ولا عنده فكرة عن احساسج و مشاعرج ..
المهم ... الخطوات هي
لازم تقولين له كل اللي حاسة فيه و توضحين له انج ما تقبلين انه يقلل من احترامه لج أبداً - خليج قوية و طالبي بحقوقج - و بتحصلين على كل الأحترام منه لأنج ما تنازلتي عن هالشي ..
لا تتنازلين عن أي حق من حقوقج لأن التنازل يسحب معاه تنازلات قادمة في بقية عمرج معاه ..
وقفي مكالماتج معاه و قولي له ما في داعي نفهم بعضنا غلط و احنا بعدنا في أول الطريق .. (ما في داعي لحركات الغزل و الدلع الحين اذا ما فادت معاه، خليها لبعدين) .. و ان شاء الله بعد العرس بتعيشون مع بعض و بتفهمون بعضكم أحسن و اتدلعي عليه على راحتج ...

آخر نصيحة .. (ما أضمنها مية المية في وضعج .. فلا تلمويني اذا ما مشى الحال .. لكن قلت أكتب لج اياها في حال احتجتي اجراء قوي .. و لازم تكونين متقبله كل الاحتمالات )
اذا حسيتيه مش راضي يفهم و استمر في اسلوب الدفاشه قوليله احنا بعدنا في أول الطريق و اذا انا ما عجبتك روح دوّر لك وحدة غيري .. و خليج واثقة من نفسج .. يمكن هو بيقول لج بعدين محد بيرضى يتزوجج قولي له في مية واحد و واحد غيرك يتمنون يتزوجوني .. بعدها بيراجع نفسه و بيعرف أنه تخطى حدوده ولازم يصلح الموضوع ..

هذا اللي سويته

اخر مشكله صارت معنا

قلت له شوف يا ولد الحلال احنا ببداية الطريق

وانا مو ناقصني لا جمال ولا أخلاق ولا إي شي ابي احس اني تزوجت فعلا واتدلع واتدلل حالي حال البنات عشان جذي بوقف الاتصالات والمكالمات لأني بعيد التفكير بموضوع الزواج كله

بعدها ظل يتصل ويرسل مسجات ولا عبرته

بعدهااا حسيت اني محتاجه اكلمه وافهمه كلامي مو بالمسجات بالكلام
وفعلا بالبدايه لاحظت انه حيل متذلل واسلوبه غيررررر

قلت له شوف خلنا نتفاهم انا تعبت معك وحاولت اغيرك وماقدرت قال لي اوعدج اتغير
قلت له روح اسأل ربعك شلون يتصرفون بهالفتره مع حريمهم ساعتها بتقول جزاها الله خير متحملتني للحين

قال خلاص حاولي معي ويتغير واوعدج اني مستعد اتغير

بس تبين الصراحة هذا الكلام كان من يومين بس للأسف فقدت الثقه انه يتغير

الحين نسيت المشكله وصرت اتعامل معه برسميه وسطحية

واذا دق اتثيقل عليه شوي وبعدين ارد

ابي نصايح شلون اقدر اخذ حقوقي منه كاملة وبدون احراج ؟؟؟؟؟؟؟

كل الشكر لج كلامج لامس جزء كبير من ذاتي



عسى الله يوفقج


​

 

[القنوت]

حبيبتي اعذريني بس اذا كان هذي اولها ينعاف تاليها
هذا زواج مولعبه قبل لاترتبطي ارتباط رسمي تاكدي تمااااااااااااااااااااااااااااااااااااما من انك عارفه عيوبه ومستعده تتحمليها بعدالزواج

 

[انهار الحياة]

خطبيك مثل خطبيي تماما:fish:
كانك تتكلمين عنا انا واهو:showoff:
بس الفرق
انا بكالوريس واهو متوسط
نفس معاناتك من كل النواحي:icon1366:
بس انا ماااظلمه يثقف نفسه على طول بس عنده عقدة النقص
بصراحة لوجات على الاستهزاء بالجامعيين كان تهون لان مايقصر
لكن كل يوم والثاني يقرا معلومة ويجي يختبر ثقافتي
عشان يقلل من مستوى تعليمي
قلت له اكثر من مرة كلا مثقف بالمجال اللي يحبه
يعني انا مثقفة ببرامج ومثقفة بتخصصي ، انت نفس الشئ كلا له مجال يحبه مثقف فيه
قام يجيب لي اسئلة عن تخصصي اخ بس
لما تعبت

مرة من المرات قلت له بكل صراحة كذا انت عاملي فيها ابو العريف
تقرا المعلومات تجي تسردها علي :no:
ايش قصدك زعل وقالي خلاص ماااعاد اسالك والحمدلله موضوع وتسكر بابه
وحتى يوم جاني عقد من الوزارة ماحسيته فرح
وللاسف العقد ماتم :icon1366:

بالنسبة للهدايا والتدليل والمكالمات نفس معاناتك صار لي سنة على هالحال
بس يمشي لي مصروف 200 ريال ويشوفه كبييييييير بعد:tears:

انا قلت لج مشكلتي بكل امانة وربي شاهد اني مابالغت عشان تهونين على نفسك اشوي
مافيه احد مرتاح:no:
بس مااتوقع زوجك شمالي شرقيي لان الشمالين طموحين
يسعون لتطوير نسائهم :clap:
انا خطيبي جنوبي شرقي انتي اقراي عن الانماط يمكن تعرفين نمطه
بس اقولك لوكان جنوبي شرقي ترى هاذي صفة فيهم قرات سوالف زوجات الجنوبيين كلهم نفس الحال
ازواجهم مايهدووون ’’’’ ربك يعين:schmoll:
اهم نصيحة اقدمها لك بعد هالمقالة :detective2:
تمسكي بوظيفتك الوظيفة ثم الوظيفة تاج على راسنا النساء خاصة ان انكشف لك جانب مهم من شخصيته
ان كان ماهوبخيل فهو حريص
وربي يرزقني ويرزقك وظيفة ويعين كل مؤمن على بلواه:icon1366:

 

[مريوم الحلوه]

حبيبتي اخذيها حقوقج بدلع وغنج

واذا ع الدراسه انتي ماقط لمحتي له عن دراستج الرجال مجرد مالحرمه تتكلم عن دراستها او شي من هالقبيل وهو اقل منها في المستوى العلمي يتحسس ويفهم الامور غلط ان الحرمه تنقص وتقارن بينها وبيبنه
حبيبتي انا زوجي حساااااااااس بالحيل ويفهم الامور غلط بس حساسيته الزايده
لازم يطلع كل رجااال في عيب انتي حاولي تبحثي عن الاسباب اللي تخلي خطيبج يتصرف هالاتصرفات
وكماااان ادرسي شخصيته من اي نمط
انا ماعرفت اتعامل مع خطيبي الا يوم عرفت نمط شخصيته
وربي يسر لج امرج ويوفقج ويتمم امورج ع خير قلبووو

 

[سمو الأميرة]

ابي نصايح شلون اقدر اخذ حقوقي منه كاملة وبدون احراج ؟؟؟؟؟؟؟

كل الشكر لج كلامج لامس جزء كبير من ذاتي​

​

عسى الله يوفقج​

زين ما سويتي ..
بس انتي شكلج جنوبية ووايد تراعين مشاعر غيرج .. صح !؟

بالنسبة لحقوقج طالبي فيها عادي .. و الموضوع ما فيه احراج ابداً .. خليج رسمية معاه .. و قولي له باسلوب حلو مثلاً انا محتاجة أشتري أغراض فياريت تعطيني مصروف .. و اذا سأل كم تريدين المبلغ .. قولي انته كريم و أنا أستاهل ..
قوليله - بنفس الأسلوب الحلو - انا على ذمتك الحين و انته مسؤول عني عيب أظل آخذ مصروفي من أهلي شو تريد الناس يقولون عنك .. لازم تحطلي مصروف شهري لأن هذا حقي الشرعي .. صح ولا لا ؟!