شكيت فيه.... و واجهته اخيرا

[فدوى 222]

الله معك واهنيك على صبرك والله اسأل أن يعيد لك زوجك ويسعدك ويهنيك ببقيت حياتك

 

[سنية وافتخر]

الله يفرج همك

 

[رجة بس برزه]

يا قلبي انتي والله وحسيت فيك الله يكون في عونك ويبعد عنك بنات الحرام ويسخر لك زوجك

 

[كشكش]

بصراحه أنا من النوع اللي يقرأ المشاكل من غير ما يعلق

بس لما قريت مشكلتج قلت لازم اعلق ع الموضوع

في البداية بصراحه

أول مره اقرأ أسلوب في الطرح والكتابة بهالطريقه ما شاء الله عليج

ثانيا الله يعينج ويثبت على قلبج

ثالثا: ما حسيتي انج أتأخرتي وايد في المواجهه؟؟؟

يعني انتي اتعرفي من سنة ونص واهو متزوج من اقل من سنة

يعني كان يمديج اطلعين ريلج من الدوامة اللي اهو فيها واطالبين ببيت وحقوق وشروط

الله يصبرج ويفرج همج

 

[نظرةعيوني ذلتهم]

حبيبتي الجنوبي انسان عاطفي جدا جدا
ما يحب يشوف المراة حزينة يشقف عليها ويساعدها بكل ما تحتاجه
واعتقد ان زوجته الثانية عرفت مفتاح واشفق عليها وتزوجها .....خصوصا انها ارملة وام عيال
وهو منقذ النساء ....انتبهي على هالنقطة

عشان زوجج يرجع لج تعاملي بانكسار من ناحيتج انتي
خليه يحس بحزنج والمج ودموعج
وصلي له بطرق مباشرة وغير مباشرة انج تتالمين بسبب اللي يسويه وفي كل مرة يروح لها
وقوي علاقتج معاه بالجنس
والله يرده لج ردا جميلا عاجلا يا رب

 

[غدير الكويت]

الله يعينج ويفرج همج

 

[Сђoсoζάtє]

الله يعينج ويصبرج على ماابتلاج ويوفقج عزيزتي

لو كنت مكانج جان سويت اللي سويته بجد شخصيتج قويه ومتزنه

وانا رايي انج ما تضغطين عليه انه يطلقها لان بيطلقها بإذن الله

والبنات ذو الخبرات يفيدونج اكثر مني ان شاء الله

 

[رووووز22]

والله ان قصتك تقطع القلب
صلي اخر الليل وادعي ربك وخلاص انسي الدموع وخليك قويه وحازمه بس بطريقه حلوه لاتهينيه بس حسسيه انك على علم بكل شيئ وطالبيه باتخاذ خطوه للأمام في الموضوع
وربنا يسخر لك زوجك ويلهمك الحكمه والصبر

 

[المصيوته]

يا ربي
و الله العبرة في حلجي عورني
اصري على موقفج و خليه يحط النقاط على الحروف و يكتب لج البيت باسمج
وحلو القضية في وقتها و كل ما يروح لها دقي عليه و قوليله و ين موضوعنا
لا يماطل الله يسعدج معاه و يختار لج اللي فيه الخيره
نحن معاج لا تقطعينا

 

[Shoory]

اشكر كل اللي مروا على موضوعي وافادوني ولو بدعوة تفك عني كربي وترعد عني همي

الله يجازيكم الف خير يارب ويزيد المحبه والموده اللي بينكم وبين ازواجكم (احب ادعي هالدعوة لعمري)

بس احترت والله وحده قالت اكوني قويه هو يحب القويه والبعض قالي الجنوبي يحاسب عالمشاعر ويتأثر بالدموع (وهذا نوع ريلي)



بخبركم شو صار البارحه
طبعا انا ما اكلمه بس اجاوبه اذا سألني.... قبل لا انام صحت شوي....وعقب الفجر وعاني ولدي طبعا

ما وعاني كم مره فها اللحظه مع التعب والارهاق صحت وتذكرت بعض المواقف تميت اصيح لين ما يا

و يلس عدالي وتم يهديني واخر شي قتله ياخوفي في النهايه ترميني انا وعيالي في الشارع تم يقول

منو قال ابد مستحيل اسوي جي وماسمعت شو قال بعد لأني كنت اصيح....عقب هديت شوي وقتله حز

في خاطري انه عيالي يوم كنت في الاربعين (النفسه عند اهلي) كانوا مثل اليتامى كنت اقولهم سيرو

البيت عند جدودكم سيروا ايلسو ويا ابوكم

(خاصة اتزاعلت انا وياه اسبوعين لأني نفسيتي تعبت و ماكنت ابا اشوف ويهه) فتم واحد من

عيالي يقولي اصلا بابا يقعد شوي ويانا ويطلع عند ربعه وما يبات في البيت...(وكان وقتها يبات

عندها الله ياخذها ويفكني منها يارب) لا يلست وياهم مثل الماس ولا حصلوا حد يروحون وياه صلاة

الجمعه حظرتك رحت تربي عيال غيرك وعقب قتله ارحمني وطلقها وكملت صياحي...عقبها مسك ايدي

وحط راسه عليها ونام عليها ونمنا على على هالحال بس كان هو بعيد عني....



والصبح اتفاجأت بمسج منه يقول انه مايعرف شو يقول وانه هو حمار لأنه ظلمني باللي سواه وانه

يباني ولكن الامور سارت جي....ما رديت وقتها عقب الظهر دقيت لاختي الكبيره والوحيده اللي تعرف

عني وخبرتها عن اللي صار واستشرتها بشو ارد عليه فعالظهر رديت عليه وقلتله: * اذا صج تباني

ماشي الا تطلقها ,ترا لا تحاتيها مثل ما هي قدرت تلف عليك وانت الانسان المحترم تقدر تلف على

عشره غيرك*.


عقب رد علي وقال :اوكي بس بمعلومج الموضوع موب سهل ويباله وقت .


انا متأمله خير ادعولي اني الموضوع يعدي على خسر ويتم الانفصال عاجلا غير آجل

وفي نفس الوقت متوقعه كل شي انه يماطل انه تتازم الامور الله يسهلها يارب


نظرةعيوني ذلتهم

الاخت قالت اني اقوي العلاقه الجنسيه انا الحين فيني الدورة وهاليومين بخلص وما اعتقد انه بيصير

شي بينا لأني زعلانه منه فما دري كيف بتكون حياتنا...يحمد ربه اني سويت جي وماطربقت الدنيا عليه

واني اتواصل كوياه وماشليت قشاري عند اهلي


رووووز22

الله يقوني عالحزم ولين الحين الحمدلله وانا موب من النوع اللي احب اهين او اسب تصدقين طول ما

انا يالسه اواجهه ماسبيته بكلمه وحده غير اني قلت الله ياخذكم انتو الاثنين زطبعا هي قلت عنها ساقطه

وخايسه بس بدون ما اكثر اصلا ما اتنول استخدم هالكلام وانزل مستواها


كشكش

تسلمين اختي على مرورج والله يخليج للي تحبينهم بالنسبه للتأخير مادري والله شو اقول

بس حبيت اني ما اواجهه في البدايه عقب مرت الايام وحسيت انه من الضروري اني اواجهه ومثل

ما قلت انا كنت شاكه من سنه ونص وماعندي اي دليل ملموس على خيانته كانت في ادله عطيتلها

مبررات وكان في حملي ولا تنسين تميت تقريب 50 يوم اتنفس عند اهلي

 

[Shoory]

يا قلبي انتي والله وحسيت فيك الله يكون في عونك ويبعد عنك بنات الحرام ويسخر لك زوجك

آآآآمين يارب

تعرفين انج ظحكتيني قولي ليش؟؟؟

لأنج كاتبه مكانج بجنب البيك وانا اموت عليه كل مااسافر السعوديه لازم اكل من البيك

بس تصدقين ماصار مثل اول...

 

[Shoory]

اللهم اشرح لي صدري و يسر لي امري واجعل لي لسان صدق اتكلم فيه

 

[عنقود عنب]

الله يربط على قلبك اختي

ما شاء الله عليك ...فعلا عاقلة وحكيمة

شوفي عزيزتي .... فعلا صعب عليه في يوم وليلة يطلق

لكن انت حطي له فترة محدده

يعني قولي له مثلا ...لك ثلاث شهور تدبر امورك

ولكن انا ابدا ما اؤيد انك تطلبي منه يطلقها ...مهما كان السبب ...مهما كانت الطريقة اللي خلته يتزوجها فيها

لان سبحان الله ...يمكن تدعي عليك ...وفي هذه الحالة هي راح تكون مظلومة..وما تدرين يا اختي

دعوة المظلوم مستجابة

انت تقدرين تخلين زوجك يكون لك بالف طريقة غير طبلك الطلاق

اجذبية لك ... خليه يحس انه اخطأء في حقك بزواجة ...خاصة انك تقولي انه انسان طيب ويحبك

وصدقيني..راح يطلقها ..لان الطريقة اللي تزوجها فيها مو طبيعية

فترة وتعدي يا اختي

ربي يقويك

 

[um adil]

اصبري عليه مشان الاولاد وشفي بيطلقها ولا لا .ولا تنسي الصدقة والاستغفار

 

[رحيل الوقت]

الله يقويك يالغاليه
حنني قلبه عليك ما ادري شلون بس احسه حنون يوم شاف دموعك وانك كشفتيه

يا عمري اتمنى لك كل خير

والله يبعد عنك الخايسه ويغسل مخه من هالسوالف لبكره

 

[تباشير المطر]

الله يكون بعونك اختي اذا تقدرين تخلينه يطلقها لا تقصرين حاولي عسى الله يفكك منها عاجلا غير اجل

 

[Shoory]

الله يربط على قلبك اختي

ما شاء الله عليك ...فعلا عاقلة وحكيمة

شوفي عزيزتي .... فعلا صعب عليه في يوم وليلة يطلق

لكن انت حطي له فترة محدده

يعني قولي له مثلا ...لك ثلاث شهور تدبر امورك

ولكن انا ابدا ما اؤيد انك تطلبي منه يطلقها ...مهما كان السبب ...مهما كانت الطريقة اللي خلته يتزوجها فيها

لان سبحان الله ...يمكن تدعي عليك ...وفي هذه الحالة هي راح تكون مظلومة..وما تدرين يا اختي

دعوة المظلوم مستجابة

انت تقدرين تخلين زوجك يكون لك بالف طريقة غير طبلك الطلاق

اجذبية لك ... خليه يحس انه اخطأء في حقك بزواجة ...خاصة انك تقولي انه انسان طيب ويحبك

وصدقيني..راح يطلقها ..لان الطريقة اللي تزوجها فيها مو طبيعية

فترة وتعدي يا اختي

ربي يقويك

تسلمين اختي على مرورج....انا ما ابا كل يوم اذكره بموضوع الطلاق بس يوم اصيح اقوله خلاص

فكني منها وخاصة توني واجهته..... بس ان شاالله اني ما راح اصيح وايد كفايه 7 شهور من الصياح

ان شاء الله بظغط عليه عالسكن بس محتاره لأنه قبل ما اتواجه وياه قرر انه يبنيلنا في حوش ابوه ملحق مع اني قتله ابا فلا ولو صغيره....

بس طبعا يباله وقت وخلال هالوقت صراحه ابا اطلع بيت بروحي...اللي ييسر اموري

ويلهمني بحسن التصرف ويبعد عني بنت السوء وينتزع محبتها من قلبه انتزاعا وينتزع محبته من قلبها

انتزاعا يارب....اللهم اعوذ بك من شرها اللهم اصرف اذاها عني و عن زوجي و عيالي.....

 

[Shoory]

um adil

رحيل الوقت

تباشير المطر

مشكورين خواتي على الدعوات الحلوه الله يسعدكم و يخليكم لاحبابكم يارب

 

[مون الليل]

والله هالرجال ما منهم امان

ذكرتيني بقصه وحده من الاهل

زوجها تزوج عليها .. ولما عرفت و واجهت وصارت مشاكل .. قالت له طلقها لان صدمها وهي مو مقصره عليه بشي .. والكل انقلب عليه .. قال لها بطلقها

وليومك هذا ولا طلقها .. بس كلام عشان تهدء ويسكتها


هذا زوجك وانتي الاحق فيه .. وهي دخلت حياتك وسرقته

طلعي عينها ولا تفكرين فيها مثل ما فكرت فيك

فكري شلون تتخلصين منها

للابد
\واذا انتي متاكده من زوجك 100%
هدديه بانك راح تتركين لعيال عنده ولا تهتمين وترجعين لاهلك اذا ما طلقها

 

[homar]

ربنا يهديلك زوجك ولا يشوف غيرك وينصرك على كل من ظلمك