فرح السنين
New member
- إنضم
- 14 ديسمبر 2008
- المشاركات
- 49
السلام عليكم ورحمة الله وبركاته
صدقوني من كثر حبي لكم بكتب لكم قصتي اللي اعيش هالأيام نهايتها والله يصبرني
واطلب من كل وحده تقرا موضوعي تقولي اذا اني غلطت او قصرت بشي .
وتبدأ قصتي من اول ما انخطبت تقدمي واحد مايقرب لي وسأل ابوي عنه و قالوا انه انسان مؤدب وتمام وكل شي حلو بس راتبه قليل وقالي ابوي الماده ماهي كل شي وعلى كذا انا وافقت.
وعرفت بعدها انه بداء يكمل دراسته بأخر سنه بالمتوسط وانا بثالث جامعه وقلت ماهي مشكله ولا بتكون عائق ابدا, تمت الملكه وكانت حلووه وبعدها توقعة مكالمه منه وانتظرت وانتظرت ولا اتصل قلت عادي يمكن يستحي
وبعد اسبوعين كلمتني اخته وكلمني معاها وقلت حلوو انه عبرني ومررت ايام وايام واخيرا اتصل ومدة اتصاله 5دقايق بس
تضايقت انا لكن رجعت قلت هو كذا طبعه ما يحب المكالمات واستمرة فترة الملكه 8شهور وكانت اطول مكالمه 15 دقيقه وانا اللي متصله . وحاولت اني ما اقارنه بخطيب اختي اللي كل شوي وهو داق يكلمها.
قرب موعد الزواج وبديت اجهز نفسي من كل شي واستعد وكانت اخته وامه يكلموني اكثر منه ويقولون سوي كذا بيوم الزواج وكذا ويتشرطون واختاروا هم الزفه قلت مو مشكله لانه وحيدهم ونفسهم يفرحون فيه.
وجا يوم الزواج وتم الفرح , واخوي وصلنا البيت وسأله طلبت عشاء والا انا اجيب لكم قاله لا مو ضروري فيه شبسات وعصير انحرج اخوي وراح وبدون أي كلام ولا مقدمات قالي يلا انا اطالع فيه وعيوني كلها دموع وخايفه وهو مصر الا الحين وتم الموضوع لكن هو ما خلص لكن وقتها انا ما انتبهت وثاني يوم رحنا لأهله ورجعنا واحنا تعبانين ونمنا واليوم الثالث كان زواج اختي ونفس الشي رجعنا تعبانين ونمنا واليوم اللي بعده جاتني الدوره وقال بنسافر واهلي واختي وزوجها بيسافرون معانا لكن بسيارتهم طبعا هو ما اخذ رأيي لا بس يعطيني خبر ماقلت شي ولا كنت اقدر اقول ,المهم سافرنا الطايف رحنا شقه وهم معانا وفي الليل ووقت النوم تفاجئت انهم بينامون معاي وهو بينام مع ابوه وزوج اخته وهذا كله من تدبير اخته وعرفت انه قال لهم اني ما اصلي فهم شافو ان ماله داعي ننام بغرفه وحده واحنا عرسان بالأسبوع الأول .... كلهم نظر ,,
اليوم الثاني رجعنا جده ونمنا ببيت اهله وبعدها رجعنا البيت و
بدء يقولي كلام مرره ضايقني مضمونه ان الحرمه نجسه وكائن غير نظيف وانه يقرف من ريحة الحرمه ( تخيلو عروس وينقال لها هالكلام بالله مو جرح لمشاعري على الرغم اني مشتريه عطورات ولوشنات لكن الله المستعان بس ) ومن هالكلام في البدايه بكيت لكن بعدين تكلمت معاه وبينت له ان كلامه غلط وعرفت ان الكلام اللي قاله سامعه من اصحابه اللي طلعو بعدين اصحاب ابوه لانه ما عنده اصحاب
ومررت الأيام واكتشفت ان عنده مشكله جنسيه وهي انه ما بينزل الا مع نفسه يعني وقت اكون انا معاه ما يقدر وكان يحاول ويتعب ويتعبني معاه , وانا والله الشاهد اني حاولت اساعده وقلت له روح دكتور وهذا اللي فيك من اثار العاده السريه وانت ادمنت عليها لكن كان يعطيني وعود انه بيروح لدكتور وما يروح انا بحثت في النت لحل وقلت له انت لازم تبطل هذي العاده ومع الأيام بتنساها بس هو كان كل همه انه ينزل لو مره وحده عشان يثبت لي انه رجال ومرت الأيام وبصبر مني وتحمل والله الشاهد قد ايش كنت اتعب معاه تحسنت حالته وصار ينزل طبيعي وكان هذا الشي بعد مرور سنه وشهرين من زواجنا , اهله كانو عارفين بمشكلته لأنه كان يقولهم على كل شي حتى الشغلات الخاصه جدا جدا يعرفونها .
وكنا نروح لأهله بشكل يومي واليوم اللي اقوله خلاص خلينا نجلس في البيت انا عندي تنظيف ومذاكره يرفض واحيانا نكون بنام القاه يبكي اسأله ووش فيك ؟؟ يقول مشتاق لأهلي طيب حتى انا مشتاقه لأهلي لكن عشانك مابروح واتركك , وعشان ما يزعل كنت اروح معاه لأهله واطنش اهلي
ودي اكمل .... لكن بعد ما اشوف ردودكن :tears: