شد الجسم .. الزنود - الفخوذ وكل اللي تبونه ...

[ونيس الروح]

شكرا عـ الروابط انا سجلت بس مافهمت شي لانه انقليزي

​

ان شاء الله تستفيدين منهن بصراحه انا مره عجبوني
:showoff:​

 

[ونيس الروح]

حلالك يا لبا قلبك :icon26:

ياليت والله تحطــة علشان نكون بنفس الشعار ....
​

تسلميين يا قلبووو
حاولت احطه بس ما رضى يكتبلي اونه ماخذ اكثر من 7 سطور بصغر الصوره فالفوتو و بحاول احمله مره ثانيه
​

 

[ونيس الروح]

^^ ونيس الروح
شوفي علشان تتحـمسين أكــثر
شوفي وش لون الفخوذ
عقبال ما تصيرين مثلها مع المداومه ع التمارين
​

يالبه و يالبه ع الفخووذ الحلوه متى ياربي بتصير فخوذي حلوه مثلها :sadwalk:
فديتج والله دوم حمسيني :icon30:
يعني تتوقعين كم ياخذن المده علشان تضعف فخوذي واايد اكثر من 3 شهور؟
​

 

[ونيس الروح]

انا اسوي ريجيم ورياضة سرعان ما امل فاتكاسل واودره وبعدين ارجعله مرة ثانية بس بعدمافي فايدة الحين اسوي رياضة مرة وحدة بالاسبوع هذا جاء على مزاجي

كلنا نمل و ما نحب نسوي رجيم ورياضه لاكن يقول شوه اللي جبرك ع المره قالك اللي امر منه يعني اصبر كم شهر على رياضه متواصله و الا اتم ف زياده و امتن و اشوف كل البنات يلبسن و يتكشخن على كيفهن و انا اتم متضايجه

و خلي عنج الكسل و نبى همه متى ما انوجدت الاراده انوجد الحل و الاراده بدايه المشوار
و اذا تميتي تنوعين فالرياضه ما بتملين و لا شي بالعكس انا احس براحه نفسيه فضيعه لما اسوي رياضه
​

 

[ونيس الروح]

و يله بكره موعد اقيس وزني يااارب اكون خفييت قولوا امين

نجوومه و منتهى شدواا الهمه و وزنوا و حطوا وزنكم علشان نفرح بالتقدم

و الله يوفق الكل

 

[أمامير]

هلا نجومه كيفك تذكرتيني انا مازلت على الرياضه والرجيم
بس قولك المشي يوميا نصف ساعه ينفع فين نتائج حلوه بس الميزان رجع تاني؟؟؟؟؟؟؟؟؟؟؟

 

[نجمه الخليج123]

هلا نجومه كيفك تذكرتيني انا مازلت على الرياضه والرجيم
بس قولك المشي يوميا نصف ساعه ينفع فين نتائج حلوه بس الميزان رجع تاني؟؟؟؟؟؟؟؟؟؟؟

هلا أمامير ايه متذكرتك يختي
وينك معاد لك طله :tears: كم صار وزنك وكم نقصتي
وحلوو رياضه نص ساعه باليوم احسن من مفيش ....
​

 

[نجمه الخليج123]

اليوم انــــــــا وزنت
الجمعه . 19-11-1430هـ

طلع نفسه ما تغير 64 << -- حمد لله يضل على حاله أحســن من إني ازيد

واصلا انا وزنت بعد ما اكلت بس حتى اكلي ماكان كثير
صحيت وشربت كوبين ماي وبعدين اكلت تفاحة

والفطور :
خذت لي خبزه بــر
وزبادي << سمعت انه زين للكــرش وان شاء الله باكله مع كل وجبة
وفاصوليا حمرا
وجبن

^^
يعني افطرت مع اهلي وفيه اشياء كثيره ع السفرة بس اخذ من كل شي اغمسة بالخبزه مره الي مرتين
تعرفون اليوم الجمعة لازم فطور مع العايله

هدفــي الأسبوع هذا انزل الي 62 << علشان أبــي أطلع من الستين زهقت منها :tears:
​

 

[منتهى الغلا]

هلا والله بكل الاخوااااااااااااات

ونيس الروح ألف ألف شكر على الروابط الي حطيتيها أمس طول الوقت أشتغل عليها وان شاء الله ربي يحقق اللي ببالك

وبالنسبة للتوقيع ماااااااااااااااااااااااااااعرف والله ماااااااااااااعرف احط توقيع لو اعرف كان مابقيت ولا نحيفة ما حطيت صورتها

أمابالنسبة للوزن :: اليوم الجمعة ::

ثاااااااااااااااااااااااااااااابت حالف ما ينزل 65ونص

بس بصراحة أنا نوعا ما خبصت يوم الربوع والخميس (( الآن اعترفت وضميري مرتااااح )) لا وخبصت وكمان

ما سويت رياضة ،،، نفسيتي تعبانة بس اللي مصبرني اني مو مستعجلة

يابنات أقترح ان الوزن يكون يوم الربوع لأننا طول الأسبوع قاعدين بالبيت ومشغولين وشادين حيلنا بالرياضة والتخفيف
فطبيعي يبين معانا بالوزن يوم الربوع أما الجمعة بعد الخرجات والمشاوير نجي نوزن؟؟؟؟؟؟؟ ماعجبتني

 

[ونيس الروح]

هلالا والله نجوومه و منتهى

يله ماعليه نجومه ان شاء الله بتطلعين من الستين و انا زهقت اكثر منج تعرفين ليش لاني من سنه تقريبا و فنفس هالفتره كان وزني اقل من ستين بس شو اسوي من خلصت الجامعه اللي هي ف شهر 6 و الحين نحن ف شهر 10 يعني اربع شهور زدت بشكل مب طبيعي اوووف بس ما عليه ان شاء الله يننحف حتى لو طالت المده ما عليه اذا مستمرين بننحف ان شاء الله

منتهى

العفو حبيبتي افاا عليج انا شو سويت و ان شاء الله بين فتره و فتره بحط روابط يديده علشان تنوعين فالرياضه
حتى انااا ما طاع ينحط التوقيع ما اعرف ليش

و بالنسبه للوزن صح انا معاج انه نحن كل خميس و جمعه نخبص فالاكل لانه نطلع بس ما ادري والله اذا تبين نقيس كل اربعاء اوكيه مع اني افضل الخميس الصبح لانه يكون بعدنا ما طلعنا مكان و لا خبصنا

اماا اناا بالنسبه لي نزل وزني :shiny: بس نزل نص كيلو بس الحمدالله شي احسن عن لاشي و صار 66.3 و ان شاء الله هالاسبوع بحاول اني ما اخبص و انزل اكثر ​

 

[ونيس الروح]

تعرفين نجومه و منتهى انا افترح هالاسبوع نحاول ما نخبص و غير جيه ناكل نص الكميه اللي معتادين ناكليها
عسى نضعف اكثر لانه انا بصراحه مقهوره يعني قريب بروح افصل فستان لعرس خالتي لازم انزل علشان يكون القياس مضبووط

 

[منتهى الغلا]

هلا والله ونيس الروح

مبروووووك النزول .... ماشاء الله على الهمة العالية

عجبتيني ودك تنزلين أكثر ممتــــــــــــــــــــــــاز ..... الله يكون في العون

أنا عن نفسي بأستمر هذا الأسبوع تخفيف في الأكل و ريــــــــــــــــــــاضة عبارة عن مشي 40 دقيقة و رياضات متنوعة

 

[منتهى الغلا]

بنــــــــــــــات بغيت أسألكم عن شيء مهم ........

بالنسبة لرياضة التصفيق على الخلف هل تصغر منطقة الصدر أم تكبره ؟؟؟؟؟

حبيباتي نبغى تمارين تصغير منطقة الأكتاااااف و الزنووود

 

[منتهى الغلا]

نجووووووووومة ،،،،،،

كيف اختباراتك ؟؟؟ موفقة يارب

 

[مــ الحزن ــلاك]

​

كيفكم بلقيسات
؟​

كل عام وانتوا

بخير

بــ
مناسبه قرب العيد السعيد ​

وتقبل الله منا ومنكم صالح الاعمال ​

طبعا كثير منا احنا يا النسوه نهتم بجسامنا وهذا شي فطري وطبيعي وطبعا اذا الوحده اهتمت وصلحت رجيم وانحفت يصير جلدها كانه بطانيه تقدر تتلحف فيه من كثر الترهلات بالبطن والفخوذ واليدين ( الزنود ) والصدر تصيرالوحده كانها عجيز... ويضيق صدرها مع انها تكون

مستانسه علشانها انحفت بس ​

​

يضيق على هالجلد المترهل واللي يحسس الوحده ان عمرها كبير

لذلك قررت انا

نجوومه ورشيقات المستقبل والجميع لا يهونون انا نحارب هالجلد المترهل:busted_red: وانا نصلح لها نضااام شاامل قااضي عليها تماما -ان شاء الله - وراح نبدا نطبقه بعد ثالث يوم بالعيد

طبعا كل شي بالدنيا له قوانين وبالاتزام تبلغ ما تريد << مدري وش لون طلعت الكلمه ذي :bleh:​

​

أولا :​

​

:essen: أول شي راح نتبعه هو حميه ومعناه حميه هينا انا ما نحرم نفسنا من شي لكن نحاول قدر الامكان انا نحتمي من شي معين مثل مقالي معجنات :tears: والشبسات والجلكسيات والحركات ذي كلها نشطب عليها اللي تتخزن كلها بالجسم وخاصه بالجزء السفلي منه ​

​

ثانيا :​

​

راح نتبع نضام رياضي صارم على الاقل بالاسبوع اربع ايام وخميس وجمعه معليه علشان الطلعات والانبساطات بس بدون تخبيص ​

​

ثالثا :​

​

نكثر من الماء << صحيح انا ننساه بس علشان ما ننساه ننضم عمليه الشرب وهو انك تشربين اول ما تصحين كوبين ماي مايكون بارد وبمكان العمل تشربين اربعه الي اثنين قناين ماء واذا رجعتي من الشغل كوبين وقبل النوم بنص ساعه كوبين علشان ما تتضايقين بالنومه كل شوي صاحيه للباث وخذوا بالكم احيانا تحسين بالجوع وهو يكون مو جوع يكون مجرد عطش اشربي ماي​

​

رابعا : ​

​

نكثر من العصاير الطبيعيه وخصوصا عصير القريب فروت وعصير التفاح ​

​

خامسا : ​

​

انا ننسى شي اسمه ناكل ونشرب لاعععع يا بنات هذي الحركه جدا سيئه انا كنت اصلحها ومستحيل اكل الا بشربه ماي لين حاولت اتركها والحين حمد لله تركتها احس اذا خلصت من الاكل احسني خلاص مالي خلق بس الحين اكل وبعد ما اخلص بنص ساعه الي ربع دقيقه اشرب مااااي تخيلي معي انك تاكلين صحن رز وصحن ادام مع كاس ماي وقصم ما يصير راح تتمدد المعده ​

​

سادسا : ​

​

انك تختارين اي مشروب حارق للدهون مثل الشاي الاخضر والزنجبيل او االكمون وفيه خلطات كثيره مشاء الله البلقيسات ما قصروا وتشربينه بعد كل وجبه ​

​

* محتاجين بدله بلاستيك حقت التخسيس واللي ماعندها مو لازم مارح نوقف علشان بلوزه ممكن تحط نايلون​

* وخل تفاح مخفف بماي او زيت الزيتون او زيت الجلسرين وانتي اختاري اللي يناسب جسمك واذا ما تحبين الخل ممكن تحطين خل ابيض او كريم الزنجبيل وتقدرين تصلحينه بالبيت اذا تبين طبعاا بالتخفيف لا تنسووون ​

​

وبس هذي اهم شي ^^ وراح انزل باقي التمارين وابي أشوف تفاعلواللي تبي تشارك معانا تكتب اسمها راح يكون التسجيل مفتوح الي العيد وبعدين راح نبداء نطبق ومسمموح بطرح الاراء واذا حسيتني غلطانه بشي نبهيني انا مو ملاك اي معلومه تحسينها غلط نبهيني عليها اتقبل الاراء بصدر رحب وروح رياضيه ​

-

وأهم شي الصبر لأن النتيجه ما تجي بيوم وليله وخصوصا مناطق الترهل يبيلها صبر وإرده حديد يعني أقل شي ست شهور الي سنه ما اخوفكم بس اقولكم الواقع علشان موب بعد كم اسبوع تنحبطين وتكرهون الرياضه ابي اعطيكم الصوره​

​

- يا بنات وبآآآآلخير هذا كله لك ... كلنا نحمس بعض وكلنا​

نساعد بعض . . . ​

​

السلام عليكم ..
جزاك ربي الفردوس الأعلى على النصائح القيمة والمفيدة
الكريمة لدي رجاء بتغيير صورة التوقيع
يمكنك وضع صور أكثر حشمة لإيصال موضوعك والهدف المرجو منه
غير ذلك إنك تحملين وزر كل من رأت هذه الصورة ؟ !!!
حفظك البارئ وسدد خطاك للخير.​

​

 

[نجمه الخليج123]

ما سويت رياضة ،،، نفسيتي تعبانة بس اللي مصبرني اني مو مستعجلة

سلامتك ماتشوفين شــر

يابنات أقترح ان الوزن يكون يوم الربوع لأننا طول الأسبوع قاعدين بالبيت ومشغولين وشادين حيلنا بالرياضة والتخفيف
فطبيعي يبين معانا بالوزن يوم الربوع أما الجمعة بعد الخرجات والمشاوير نجي نوزن؟؟؟؟؟؟؟ ماعجبتني

بالعكس مره غلط خليه الجمعة احسن علشان الواحد يتعود وش لون يمسك نفسه عن الاكل ويحافظ على وزنه الجديد اصلا انتي المفروض يوم الجمعة اول ما تصحين وقبل ما تاكلين اي شي راح يكون الوزن نفسه اللي خسرتيه
بعدين اذا حطينا وزننا الاربعاء يوم الخميس والجمعه راح تاكلين بدون تفكير صدقيني لانك تعرفين مارواك وزن

​

 

[ونيس الروح]

هلا والله ونيس الروح

مبروووووك النزول .... ماشاء الله على الهمة العالية

عجبتيني ودك تنزلين أكثر ممتــــــــــــــــــــــــاز ..... الله يكون في العون

أنا عن نفسي بأستمر هذا الأسبوع تخفيف في الأكل و ريــــــــــــــــــــاضة عبارة عن مشي 40 دقيقة و رياضات متنوعة

الله يبارك فيكي غناتي
و عقبالك ان شاء الله
لازم انزل اكثر لانه مب باقي شي عن موعد التفصيل بس ما عليه انا بخبر المصمم اني انا راح انحف ف اذا بعدين بيرجع يضبطلي القياس و اطلع مانيكان يارب

ااناا خبصت بما فيه الكفايه الاسبوع اللي طاف و هالاسبوع راح اكون صارمه على نفسي اكثر
و رجعت لنظام الرياضه اللي كنت متبعتنه و اكيد مع مشي سريع 10 دقايق و ركوب الدرج طلوع و نزول ربع ساعه

ويارب هالاسبوع ينزل وزنا اكثر عن كيلو قولي اميين
​

 

[نجمه الخليج123]

تعرفين نجومه و منتهى انا افترح هالاسبوع نحاول ما نخبص و غير جيه ناكل نص الكميه اللي معتادين ناكليها
عسى نضعف اكثر لانه انا بصراحه مقهوره يعني قريب بروح افصل فستان لعرس خالتي لازم انزل علشان يكون القياس مضبووط

إن شاء الله :icon26:
​

 

[نجمه الخليج123]

بنــــــــــــــات بغيت أسألكم عن شيء مهم ........

بالنسبة لرياضة التصفيق على الخلف هل تصغر منطقة الصدر أم تكبره ؟؟؟؟؟

حبيباتي نبغى تمارين تصغير منطقة الأكتاااااف و الزنووود

تشــده وترتب مضهره >> التمرين هذا اتعب وانا اقول حلووو
​

 

[ونيس الروح]

مع اني انا يا نجومه اقترح انه نوزن الخميس و نوزن الجمعه لين علشان اشوف الفرق و انا خبصت بزياده و الا لا لانه لو شفت نفسي يوم الخميس نازله و يوم الجمعه زايد وزني لاني خبصت ف ع الاسبوع الياي بحاول اني ما اخبص لاني بنقهر اني انزل و بسبت تخبيص ف يوم واحد يزيد وزني

هذا رااي و كلن له راي