زوجي ابي رايكم

[كويتيه28]

قوه


بنات زوجي عمره 37 سنه وبعد سنه بيتقاعد من وظيفته بالجيش وتوني متزوجه صارلي اربع شهور

وانا عمري 26 سنه والله يابنات


احس اني ظلمت نفسي خذيت وااحد كبير بالعمر وعنده عيال بنته الكبيره عمرها 18 ومتزوجه وحامل

مافكرت بهذا كله ماصقت احد خطبني ووافقت شسوي الحين


بس زوجي مطلق زوجته بالثلاث وبيت لي بروحي كامل طاردها هو

وموقادره احبه هو يموت فيني حيل ومدلعني الشهاده لله

وباجر يتقاعد بس قاعد عندي بالبيت مايطلع يقول شبع من الدنيا وانا مو صغير عشان اسهر بره وغيره


شنو هذا اخذ شايب شبعان وانا توني شسوي ماني قادره شرايكم

 

[تــ زرقاءـــوته]

مبروك يالغاليه ..

بس ليش وافقتي من الاول ؟؟؟

خلاص حبيبتي اذا مو مقصر معك ويحبك انبسطي ,, فيه بنات متزوجين شباب وعايشين حياة مايعلم بها الا الله


حبيبتي عيشي حياتك وانبسطي وانسي السن نهائيا ,, واذا ع التقاعد , وناااسه استغلي الموقف ,, اطلعي انتي وزوجك وتمشوا وانبسطوا

لا تفكرين كثير بالاشياء اللي تضيق الصدر


انا اشوف ان ماعندك اي مشكله ,, العمر عااادي اهم شي اخلاقه وطباعه وتعامله معك

الله يوفقك ياارب

 

[شمعة الدنيا]

حرام عليج

الريال تقولين يحبج ويموت فيج شذنبه انج انتي تسرعتي ليش تظلمينه معاج ماتبينه خليه يدور وحده تسعده وتكون له الصدر الحنون واعليه علشان عمره 37 وبيتقاعد لازم اشوف نفسي عليه وانه انا الصغيره واهو الشايب

غيرج مو محصل الا الاهانات والغلط ويموتون بأزواجهم وانتي الدلع كله لج ومو عاجبج

انا اقول اذا مافيج نيه للتغيير قوليله طلقني وروح دور اللي تستاهلك

اسمحيلي على ردي بس جد عور قلبي هالريال اذا طق وسب مو عاجب اذا دلع وخلاج يادهينه لاتنكتين مو عاجب الوحده اللي جذي تقعد عند اهلها وايد ابرك

سلام

 

[كويتيه28]

شسوي انا وحده افكر اقول ليش ماخذ وااحد اصغر واعيش معاه من الصفر

 

[حبها هاشم]

انا اشوف مافيه عيب او مشاكل
بالعكس اذا يحبك ومدلعك وش تبين اكثر من كذا
وفي كثير حريم يعانون من سهر ازواجهم خارج البيت
وانتي بنفسك ممكن تخلين روحه شباب
قولي الحمدلله وشيلي الهواجيس من راسك وتعوذي من ابليس
ربي يوفقك ويريح قلبك

 

[الامومه]

احمدي الله ولا تخربين على نفسك ولايجيك واحد اخلاقه سيئه
وزوجك موكبير

 

[كويتيه28]

اللهم امين يارب

تعرفون احد مثلي

 

[انسانة بسيطة]

انت ليس ببداية الطريق وبكرة بتتعودي على حياتك اهم شي تكونين مقتنعة وانك تحاولي تسعديه خصوصا انه مر بتجربة قبلك​

 

[دلوعة حمني]

حبيبتي ماكو وايد فرق بينج و بينه ترى 9 سنوات عادي بين الريال و مرته....
و زوجج ما هو شايب بالعكس باعتقادي توه شباب بعنفوان الرجولة على قولتهم... و دام هو يحبج و شاريج و انت رضيتي فيه من الاول حاولي تحبينه ترى هالايام الرياييل ينخاف منهم حبيبتي...
حبيه انت الكسبانه

 

[مشاعر خجولة]

حبيبتي وين المشكلة؟
زوجك ناضج وسنه حلوووووكثير بنات يتمنونه وانت موعاجبك!!!
وبعدين انت بعد موصغيرة عشان تقولين انه كبيرعليك
انت بنعمة حبيبتي احمدي ربك عليها غيرك يتمناها ومومحصله

 

[كويتيه28]

انا وهو مطلقين من قبل

 

[انيس الروح]

نصيحه يالغاليه اذا يحبك احسن من انك انتي تحبيه وخليه ياخذ تقاعد ويتفرغ لك وانتي بشطارتك تقدرين تضعين لك جدول لطلعات والسفرات والمساير الله يوفقك

 

[lovlycat]

انتي مطلقه وهو بعد
أجل ليش قاعده تتحسرين على نفسك...........وفرق سن بينكم 9سنين ممتاز وفيه من هم في سنه ماتزوجو
مشكلته انه كان متزوج وهو صغير وحتى بنته 18 صغيره

وين المشكله؟؟؟؟؟؟؟؟؟؟؟؟؟؟؟؟

 

[**دلوعة بابا**]

يا عسل توك انتي اللي قلتي انك ما صدقتي احد طلب يدك وانتي كنتي بنوووووووتة لسة

واذا ما دقو بابك وانتي بنوتة فكرك يدقونة وانتي مطلقة ؟؟؟

هذا شي


الامر الثاني الفارق ما اشوووووفة كبير


كثير غيرك مزوجين بعمر اكبر بكثير ويا ريت لاقيين احترام وميزة وحب من ازواجهم


يعني اذا رفستي نعمتك بيدك ترى ربي ما بيوفقك

وحنا عندنا مثل يقووووول يا ظالمين ابشرووو بالظلم

وانتي لو راح تظلي تتحسري علي نفسك وعمرك معناها ظلمتي ها الرجال اللي حبك وتعلق فيك

وانتي من البداية اكيد كنتي تعرفي انة رجال بها العمر ومطلق وعنده عيال

باختصار لا تزعلي مني بس بغيت انبهك

واياااااااااك والغرور واتصفحي كذا قسم المشاكل الزوجية واظن راح تتحمدي ربك ع نصيبك


تعوذي من ابليس يالغالية

تراه يبغي يعكر عليك صفوة حياتك وانتي بنت تفكرين لية ما ازوج ويوم تزوجتي لية تزوجت ذا انا مفروض اخد احسن واصغر وووووو.......الخ

هذا نصيبك فاستمتعي بكل يوم ودام انه يحبك تشاقي وصغري انتي بعمرة واطلعو واستانسو خصوصا لو امورة المادية طيب


موووفقة

 

[كويتيه28]

جزاكم الله خير

 

[سيالة11]

الله يهديك

 

[غدير الكويت]

حرام عليج

الريال تقولين يحبج ويموت فيج شذنبه انج انتي تسرعتي ليش تظلمينه معاج ماتبينه خليه يدور وحده تسعده وتكون له الصدر الحنون واعليه علشان عمره 37 وبيتقاعد لازم اشوف نفسي عليه وانه انا الصغيره واهو الشايب

غيرج مو محصل الا الاهانات والغلط ويموتون بأزواجهم وانتي الدلع كله لج ومو عاجبج

انا اقول اذا مافيج نيه للتغيير قوليله طلقني وروح دور اللي تستاهلك

اسمحيلي على ردي بس جد عور قلبي هالريال اذا طق وسب مو عاجب اذا دلع وخلاج يادهينه لاتنكتين مو عاجب الوحده اللي جذي تقعد عند اهلها وايد ابرك

سلام

كلاااام سلييييم
وبعدين انت مو صغيره وايد وبالعكس اذا تقاعد تقدرين بحبج ودلعج اتخلينه يساعدج بالبيت وتطلعون الصبح لمن عيالكم يروحون المدرسه
حمدي ربج ترى النعم تدوم بالشكر

 

[معشوقه]

حبوبه كويتيه إنت شنو شهادتج تشتغلين ولا قاعده في البيت .؟؟؟

أنا أكيد مع الخوات هذا بليس يوسوس لج إنت ما عندج مشكله وقاعده اتفكرين بمشكله منت عارفه اشلون ...

إذا إنت خايفه يتقاعد و يجابلج بالحنه و يأذيج يا الغاليه ترى بطريقتج تقدرين اخلينه يسوي مشروع بفلوس التقاعد و يلهى فيه عنج طول اليوم و اييج أخر اليوم عقب الدوانيه يعني ما يدخل عليج البيت إلا و إنت نايمه اشتبين بعد ..!!!

إذا هذا إلي يرضيج و إذا إنت تشتغلين ما عليج منه تقاعد ولا قعد إنت الحين في أوج بناء ذاتج و شخصيتج العملية اهتمي بنفسج و استمتعي بحبه ... و طلعي معاه العصاري والليل و روحي كل مكان وقت الصيف شاليهات و في الشتا مخيمات وسفرات و روحات و يايات .. عيدي ... هو لما قالج إن مو صغير يعني ما يبي يفتر بروحه ويا الرياييل في رياييل وايد يحبون يسكنون عند الحرمه ويحبون الطلعات العائلية تسعدهم أكثر تعلمي اتحبينه و تعلمي تسعدينه و تسعدين نفسج ...

كلمة أخيره إنت منت صغيرة و ترى الموضة هالأيام الزواج من البنات الصغار يعني من 18 إلى 22 و حمدي ربج و شكريه إنت مطلقه و يا أختي ترى بنات وايد في بيوت أهلهم يتمنون الريل مو محصلينه أحلى و أصغر منج و مثقفين و شهاداة عالية و مناصب في العمل .. و إنت كويتيه و شايفه الحال في الديرة إشلون صاير و الحين يا الغاليه يعني الريل دامه يحبج لا اتخلينه هو أكبر همج و اتحوسين على عمرج بمشكله شوفي لج مشروع ولا معرض و شاركي فيه شوفي إنت هواياتج شنو و نميها و هو بيكون يمج و يساعدج وقتها بس راح تحسين بقيمته ...

و أرد و أقولج إلي إنت فيه مداخيل إبليس تعوذي من شرة

 

[حايكية]

عمره 37 موكبير وايد بعدين الفرق بينكم في العمر مو وايد آنه الفرق بيني وبين زوجي عشر سنوات والحمدلله مرتاحة معاه يوم تزوجت عمري 19 وهو كان عمره 29 بعدين زوجك يحبك فاستانسي معاه والله يهنيكم

 

[جراده شياكه]

انا اشوف انها ماهي مشكله سو فهم لحياتك