عندما قال لي الجنوبي .. صرت احس انج تحبيني اكثر !!!

[بيبي حبيبي999]

عندما قال لي الجنوبي : صرت احس انك تحبيني اكثر !!​

طرحت موضوع من مده بسيطه عن زوجي و عن مشكله صارت بينا من فتره ادت الى اني​

صكرت الخط بوجهه ..​

بعدها وقفت وقفه مع نفسي و حبيت اعرف انا ليش وصلت لين هني .. كنت هاديه و مرحه​

ودايما اسمع للي حولي واحب اساعدهم .. صرت عصبيه وخلقي ضيق ومااتقبل اي شي​

استهلكني الجنوبي .. استهلك عواطفي ومشاعري و وسائلي لارضائه والمحافظه عليه​

لين ماصرت احس انه يستغلني​

حسيت انه فيني تراكمات عليه واني لو كملت على هالحال بيصير فيني شي ..​

ابتعدت عنه .. وركزت على دراستي ...​

ماركزت على نفسي كثير بس صرت امشي واسوي كل اسبوع حمام مغربي​

رجعت لهواية القراءه وصرت اعطيه اي شي بس لما يطلبه مني​

مااستنكر غيابي .. ولا اشتاق ورجع ملهوف .. كنا مثل الزملاء بالعمل نتكلم 5 دقايق وبعدين​

كل حد ينشغل باللي عنده​

مرت فتره على هالحال وانا فكرت بهدوء وقررت اني ابي الانفصال​

حسيت اني وصلت لمرحله بدت فيها مشاعري بالذوبان ناحيته .. بديت احس انه مصدر الم​

حتى وهو بعيد​

في يوم جاني يبيني .. وبعدين فتحت معاه الموضوع بكل هدوء و قلت له اني احبه بس مو​

مثل قبل .. فرد علي هذا لغز (عادته دايما في عز الجديه يقلبها نكت :busted_red​

ضحكت وقلت له لا من صجي .. فرمى علي القنبله و قالي بالعكس الحين احس انج تحبيني​

اكثر من اول .. استغربت بس ماعلقت​

وهو قالي هالموضوع ((يبيله قعده و نقاش )) .. اول مره يسويها العاده انا اللي دايما اقوله ابي​

اتكلم و احن لين مايرضخ للامر الواقع​

المهم ضحكت و قلت له امبيه اول مره تقول جي خربتك .. وقمت عنه و هو يبتسم​

المشكله اني مقتنعه بقراري ومااحس اني ابي اتراجع مع اني اعزه​

 

[مينا الكتكوته]

موضوعك جاني على الجرح تكرر معايا الشيئ نفسه حتى اني قلت لزوجي اني ما صرت احبه طلبت منه ان ينقذ اخر مايى من مشاعر لكن لم يهتمتعبت من محاولاتي انا على علاج الصدع بحياتنا اريده ان يفعل شيئا فلم اجد حلا اكثر من اخباره ان مشاعري تغيرت لكن انتي على الاقل زوجك ناقشك لكن انا الصمت كان رده وانا لي فترة بدات التفت اكثر لنفسي بشكلي بمستقبلي لكن الانفصال رغم اني فكرت فيه لكن عندي طفلتين وكمان مادام هو طيب معايا خلاص فكرتيني انا وصلت بيه اني قلت له ان حياتي معاه زي المويه مالها طعم ولا ريحة ولا لون
انا لا انصحك بالانفصال لان غيره ما اعتقد بيكون احسن منه

 

[janoo]

فهمت من كلامك انه اعجبه تجاهلك وعودتك لاهمتامك بنفسك

هذا الصح يااختي راح يتضاعف حبكم ان شاء الله انبهي من الانفصال

 

[بيبي حبيبي999]

الله يهدي سرك معاه

يمكن صمته كان لانه انصدم او قعد يوزن الموضوع

انا اللي مسهل علي الموضوع ان ماعندي اطفال

وبالنسبه لاني اصبر فمااحس اني اقدر .. ممكن احن باوقات بس ماقدر مااستحمل حد يسوي فيني جي

 

[شموخ المدينه]

الله يسخره لك

 

[أميرة قصري]

الله يعينج حبيبتي ... انت من كم سنة معرسة ... شوفي انا بقولج 5 السنوات الاولى من حياة الزوجية لازم يكون فيها سوء تفاهم وعدم تقبل عيوب الاخر والمقارنة بين حياة الاهل اللي فيها الدلال والحب والاهتمام من الوالدين والاخوة .. وبين حياة الرجل خاصة اذا كان مزوج وهو تحت سن 25 سنة.. الزوج هني مو متقبل فكرة سيطرة حرمة عليه من ناحية عواطفه ( لازم يهتم فيني ولازم ما يفارقني ولازم يقولي احبج ) لا لالا حبيبتي.. لازم تقرين مادام تحبين القراءة كتاب ( الرجال من المريخ ونساء من الزهرة) ودوري في المنتدى عن اسرار جذب المراة لزوجها وكيدهن عظيم ..لا تفكرين ابدا في الطلاق شوفي ايجابياته وسلبياته .. دايما اتعامل مع المشاكل الصغيرة من هالمنطق ويكفي انه حبيبي يستاهل اتعب علشان حبي ,, وانتي ما تضمنين تحصلين احسن عنه.. ما عليج الا الصبر والدعاء.

 

[أريج الذكريات]

ياحبيلكم يابلقيسيات
هذا وانتم مع الجنوبي الرجل العاطفي الرومانسي
أجل لو ربي باليكم بمثل الشمالي الي عندي
والي برمجني على اني عايشه مع تمثال
ياكل ويشرب ويداوم وينام وبس
ومن المعجزات الإلهيه انك تسمعين كلمه ولا عرض ولا حتى نفس سفره
الله يصبرنا بس

 

[مينا الكتكوته]

والله ضحكتيني يا اريج الذكريات انتي صادقة فكلامك عشان كده رديت لصاخبة الموضوع انها تفكر لان غير ماراح يكون احسن منه بس يا اريج الذكريات الوحدة توصل لمرحلة انها ما تبغى تسمع كلامه احس انه ماخذني على قد عقلي مافي تنفيذ كلام = هواء هذا اليي دايما اقوله

 

[{عشق الخيول}]

عزيزتي استهدي بالله وصلي عالنبي على هونج , السالفه هينه بس رووئي شوي

عزيزتي تقوولي استهلكني الجنوبي عاطفيا و........... , يمكن يكون مختنق عاطفيا الرجل لايتحمل الكثيير من المشااعر والعوااطف كل همج كان ريلج ريلج ريلج ونسييتي نفسج وهذا هو اللي خلاج توقفي وقفه وي نفسج وتستردي ذااتج ,, بديتي تقرين كتب وتمارسي حياتج الطبيعية الان فقط ,, عزيزتي عطي ريلج حرية شوي ان ياج عطيه وان ابتعد خليه شوي يتنفس وهو راح يردلج ,,
انا شايفه ان ريلج فيه الخيير ويبي يتوصل لحل ,,, بدليل انه قال ان السالفه يبيلها منااقشه ,,,
لا تفكري بالانفصال عيشي حيااتج صح وبس ,,,
اتمنى الخوات يسااعدوونج
مع تقديري
{عشق الخيول}

 

[..تولين..]

اللي تبينه بتحصلينه بالدعاااء ..
وترى ربي يعاقب يمكن تنفصلين وتتزوجين واحد يضربك او يخونك او او او ...
الله يهديني وياك ..

 

[عــاشقة الجنان]

يابنت الحلال اصبري واحتسبي
واكثري من الإستغفار والدعااااااااااااء
أما الطلاااااااااق صعب جدا
وبه تفرحين الشيطان
​

 

[بيبي حبيبي999]

فهمت من كلامك انه اعجبه تجاهلك وعودتك لاهمتامك بنفسك

هذا الصح يااختي راح يتضاعف حبكم ان شاء الله انبهي من الانفصال

مااعرف اذا ممكن اسميه اعجاب اني رجعت اعتني بنفسي

انا من زمان جذي

الفرق الوحيد اني كنت اسويه بالبيت والحين اروح الصالون .. ومع اني اعرف ان طلعتي

للصالون لها لها رونق بس بعد مااظن ان هو السبب الوحيد

 

[بيبي حبيبي999]

الله يعينج حبيبتي ... انت من كم سنة معرسة ... شوفي انا بقولج 5 السنوات الاولى من حياة الزوجية لازم يكون فيها سوء تفاهم وعدم تقبل عيوب الاخر والمقارنة بين حياة الاهل اللي فيها الدلال والحب والاهتمام من الوالدين والاخوة .. وبين حياة الرجل خاصة اذا كان مزوج وهو تحت سن 25 سنة.. الزوج هني مو متقبل فكرة سيطرة حرمة عليه من ناحية عواطفه ( لازم يهتم فيني ولازم ما يفارقني ولازم يقولي احبج ) لا لالا حبيبتي.. لازم تقرين مادام تحبين القراءة كتاب ( الرجال من المريخ ونساء من الزهرة) ودوري في المنتدى عن اسرار جذب المراة لزوجها وكيدهن عظيم ..لا تفكرين ابدا في الطلاق شوفي ايجابياته وسلبياته .. دايما اتعامل مع المشاكل الصغيرة من هالمنطق ويكفي انه حبيبي يستاهل اتعب علشان حبي ,, وانتي ما تضمنين تحصلين احسن عنه.. ما عليج الا الصبر والدعاء.

هلا حبيبتي ..

انا متزوجه من سنتين .. بالنسبه للسنوات الاولى فكلنا نعرف ان فيها الكثير من المشاكل و

المصادمات لانه ومهما كان التوافق تظل حقيقة ان احنا قاعدين نتعايش مع شخص ثاني

عاش اكثر من 20 سنه بطبيعه و بيئه غير عن بيئتي

بالنسبه للكتاب قريته و قريت كثييييير عن الجنوبي وصرت افهم ليش اهو يسوي كثير اشياء

بس للحين ماافهم ليش اهو يجرحني

 

[بيبي حبيبي999]

ياحبيلكم يابلقيسيات
هذا وانتم مع الجنوبي الرجل العاطفي الرومانسي
أجل لو ربي باليكم بمثل الشمالي الي عندي
والي برمجني على اني عايشه مع تمثال
ياكل ويشرب ويداوم وينام وبس
ومن المعجزات الإلهيه انك تسمعين كلمه ولا عرض ولا حتى نفس سفره
الله يصبرنا بس

اختي كل نمط له عيوب و محاسن

الجنوبي ممكن يكون رومنسي و عاطفي

بس بالمقابل اهو اتكالي وتموتين عشان ينفذ لج او يجيب لج شي تبينه

هذا غير ان اهو مزاجي وله دائره كبيييييييره من المعارف تخليه ينشغل عنج تماما

 

[بيبي حبيبي999]

الله يهدي النفوس