انا مهمومه بسبب امي

[ام سلطانه]

اهلين بنات تعودت افضفض لكم بنات انا من 6 سنين تقريبا وانا دايم افكر في امي كثير افكر فيه ارحمها وتقطع قلبي امي ومن ضمن الاشياء الى تضيق صدري هو كل عيد اضحى يذبحون اخواني الضحيا عندها ضحيتها هي وابو ي وضحايا اخواني والمشكله مين الي يقطع هي والشغالات وخواتي وحريم اخواني ويجلسون يسولفون واذا خلصت مقطعه كل وحده جت اخذت لحمها مقطع وجاهز ومشت


وحاولت مع خواتي يجلسون يتريقون على لاني اصغر وحده ما فيه فايده و حريم اخواني مقدر اكلمهم لانه بتصير مشاكل وكلمت اخوي قلت له ود الضحايا للقصاب ريحو امي وعيا :icon28::icon28::icon28:

بنات انا مهمومه بحياتي عشان امي ابيها ترتاح مو بس بضحيا وبس بمواقف كثيره وهذا من ضمنها لاكن جا على بالي لان العيد قرب

 

[سكون العواصف]

فدييييتك الله يجزاااك اعالي الجنان
شوفي ياااقلبي امك مي خدامه عندهم<<محشوومه والله
فهمي امك واقنعيها انها ترفض يجيبون الذبايح عندها
والاكلمي ابوك واقنعيه
مهزله والله الحمدلله ربي عوضها ببنت مثلك الله يرزقها
برك ويهدي اخوانك واخواتك
وان مافاد اقناعك لامك اوابوك كلمي حريمهم واخواتك
بنفسك كل وحده مسؤله عن ذبيحتها موامك الله يطول
بعمرها يااااارب فطاعته ويرزقها الجنه عشانها طيبه مستغلينها
قوليلهم اذا امي رضت انا ماارضى
والله الدنيا معاد فيها خير بدل مايريحون امهاتهم يريحون حريمهم

وطمنييني عنها الله يسعدك يااااااااارب

 

[ليه يازمن]

طيب حاولي تتكلمي مع امك انها ترفض الوضع
وقولي لخواتك ان امي مو عاجبها الوضع ساعدوها بكره بناتكم بيصروا وخليك صارمه مع خواتك وقوليها مره مرتين لين تلين قلوبهم والله يحنن قلوبهم على حلوت اللبن

 

[سنكرسT]

باحياتي والله حآسه فيك:sadwalk:
للأسف الدنيا الحين مآأدري وش صاير فيها الناس صات تغلب عليهم الأنانيه:thumbdown:
ومحد عليه من الثاني كل يقول أهم شي نفسي ومصلحتي <أنا ومن خلفي الطوفان>
والي عاقل ويفكر في غيره اوينصح للأسف كلن يتريق عليه
حاولي تجلسين مع أمك لحالكم وتقولين لها ياالغاليه
أنتي
كل سنه تتعبين نفسك ومحد يقدر انا أخاف عليك وعلى صحتك ياالغاليه
وأنتي تعبتي معناوحنا صغار والحين
جا الوقت الي ترتاحين فيه وحنا نخدمك
وأمسكي احد أخوانك وفهميه وقوليله امي ترى صحتها ماتساعدها هي تتعب وماترضى تخلي الشغل
وماحديساعدها عشان يودونه للقصاب ولاترى ذنب امي في رقبتكم لوانرهقت اوتعبت
أتمنى أكون افدتك

 

[ام سلطانه]

المشكله بس مو في هالموقف فيه حاجات ثانيه تقهرني لاكن محد حاس امي مو من النوع الي يتكلم تبي كل شي يجي من طيب خاطر ما تبي تغصب احد وانا كارهه هالدنيا ومهمومه بسبب امي ولا احد حاس فيني كلن لاهي في حياته

 

[واثقة]

جيبيها بمزحه لهم


قولي مثلا :


عسى ما شر الذبايح لكم ولا لأمي؟؟؟ وانتي تبتسمين..


مزحه رزحه..




او اطلبي منهم بكل صراحه:

قوموا نساعد امي يا حياتي تعبانه الحالها في المطبخ..





لأن بجد اللي يسوونه قلة ذوق


والأردى منهم ازواجهم






وممكن اذا لك اخ فاهم وعاقل تقولين له وتطلبين منه يوصل لأخوانك الكلام

 

[اخت اخوي]

شوفي حبيبتي ماللك الا كبير عائلتكم ابوك اخوك الكبير اللي كلمته مسموعه يقول للكل واحد يخلي حرمته تقطع ذبيحتها او يلمح لهم والرجال بيفهمونها ماااظن انهم دارين ان حريمهم متكين وامك تقطع ذبايح
اتوقع غفله منهم وانتي ساعدي امك وخلي الللي تقدرين عليهم يساعدون امك يعني صلحي حالة استنفار
ان الوضع هذا خلاص انتهى واللي ماراح تفهم بتجي بتلقى ذبيحتها على جنب تستناها
والله ارتفع ضغطي على امك:busted_red::busted_red:​

 

[ام سلطانه]

امي لو بكلمها بتقولي معليك مني امي ودها تقطع من لحمها وتعطي عيالها و فيه حاجات مقصرين فيها وكلمت اكبر ما فاد بكلم انشالله واحد غيره ويارب يفرج لي ولامي

 

[ودي بونس]

خير انشاء الله يام السلطانه وايش يعني الصغيره وكلمتك ماتكون مسموعه واللي انت خايفه..
حبيبتي كلمة الحق تظهر لو من الوليد ,,,
بيكون وقعها اكبر,,,
قوليها بثقه وصوت عالي ولا تخافين من احد ,,
ولا تخافين من المشاكل ,,,
انت ما غلطي قوليها عشان امك حلوة اللبن ,,,
وما عليك من احد,,,
خلي بداخلك عشان امي اسوي واستحمل اي شي,,
حرام كذا صدقيني لو نطقتي بثقه وشجاعه واظهرتي الواجب يسير راح تحرجين مشاعرهم,,,
يمكن انت الوحيده اللي حاسه بامك فديتك نبهيهم وشيلي الغمامه لو مره بعدها رااح يتعدلون .
اقسم بالله محد يعطينا على روسنا في بيت اهلي الا اختي الصغيره
قسم بالله اننا نخجل على نفوسنا من كلامها تتكلم بثقه وما عليها من احد تقول عشان امي وابوي ادوس العالم وتذكرنا بالحق لانها على حق واحنا غافلين فديتها .
حبيبتي خليك انت حمامة السلام اللي ينور ويرفرف عليهم بالحق والله معاك...
ومع امك الحبيبه .

 

[صدفة الشاطىء]

الله يسعدك ويزيد من برك وحنانك لامك يالحبيبة

ذكرتيني بامي الله يحفظها دايما كذا تريح الغير على حساب نفسها وان كلمناها قالت انا كذا مرتاحة

بس مو لدرجة ذبايح تقطعها لوحدها ,,,
كحل ليه ما تقنعين امك دام الشغالات يساعدونها اكيد عارفين كيف التقطيع خلاص ما عليها باحد منهم ان حبت خلصت ذبيحة بيتها وانت ان شاء الله ما تقصرين معها اما باقي الذبايح خلوها ع الشغالات والله دام خواتك وحريم اخوانك ما يستحون خلوكم مثلهم وزيادة اذا صبة القهوة تستحين تخلين امك او ام زوجك تصب وانتي قاعدة كيف بكم ذبيحة الله المستعان

انتي اصري على امك واقنعيها عسى يفهمون واكيد عذرهم يبون الجمعة يوم العيد وهم يبون الراحة

 

[رانيا أخت رزان]

اسمعي

امك شكلها طيبة مرة وهذول الطيبين ماتقدرين تغيرينهم

لكن اذا جاء العيد الجاي قولي لامك انا يا امي اللي باقطعها:essen:

انتي تتعبين والله ماتمسكينها

وادخلي المطبخ وحوسيها اي كلام بلا تقطيع بلا تنظيف

اعفسيها عفس هههههههههههه شريرة انا ؟؟ ههههههههههههه

وحطيها باكياسها وخليهم يشيلوها :harhar1:

عشان يتأدبون

واذا ناقشوك سوي نفسك بريئة :tears:وانك حاولتي تساعدين امك المسكينة

وهذا جزاك:sadwalk:

واذا امك مارضت ادخلي معاها وخربي عليهم :blow:

 

[ام سلطانه]

فوووووووووووووووووووووق

 

[ام سلطانه]

فوووووووووووووووووق

 

[ام سلطانه]

فوووووووووووق ليش محد يرد

 

[مايصحش هالحتسي]

كلمي امك
وقوليله المفروض انه ترتاح والحق له هي

اما اخوانك المفروض يعرفونه من انفسهم

 

[سلمى العمر]

و الله يا ام سلطانه ، ذكرتيني بستي الله يرحمها و بعد امي الله يطول بعمرها وعمر امك ، اتنينهم من نموذج امك ، طيبين جدا، لكن حبيبتي يكفيني اقلك ان ستي الله يرحمها كل تعبها و كل عمرها ما قصرت مع احد منهم و ربت اولاد الجميع و ورثتهم بيوت و اراضي و كل عام كانت تجهز المونه للجميع و يقضو الصيف عندها ، لكن لما عجزت و قصرت و صار لازم تقعد عند احد كون زوجها توفى قبلها من زمان فالكل صار يتافف منهاا و يرموها من بيت لبيت وكل وحده من نسوان اخوالي كانت تتفنن بتعذيبها هذي اللي تجوعها و هذي اللي تطفي التدفئه عنها تاخد مصروفها من امي و هي ابنتها الوحيده ، و اوقات تروح لتشوفها ما يسمحون لها و يقلعوها من الباب و لما نحاول نجيبها لعندنا كانو ما يسمحون لها ، على اساس انه عيب تقعد عند الصهر و اولادها الرجال موجودين و كيف بقا الناس تطلب بناتهم ، فاتعظي من قصه غيرك و خدي موقف قوي دافعي فيه عن حق والدتك ، لان اللي يتهاون بهيك قصص يدفع الثمن كبير بعدين، و الله يحفظها و يخليها يا رب بصحتها و عافيتها و ما تحتاج اي احد منهم

 

[jwell]

مادام العيدقرب انتهزي الفرصه لمايتجمعواعندكم وقولي قدام الستات الي حاطين رجل على رجل وسوالف العيدهذالاشوف وحده تجيب ذبيحتهاتراء

 

[jwell]

مادام العيدقرب انتهزي الفرصه لمايتجمعواعندكم وقولي قدام الستات الي حاطين رجل على رجل وسوالف العيدهذالاشوف وحده تجيب ذبيحتهاتراء

ماحن فاضين لكم امي تعبانه ماتقدروانتم اعتمدوا على انفسكم واذاعندهم دم ماراح يجيبوها:icon28:

 

[وديان الغلا]

جزاك الله خير

 

[القوه الغامظه]

ياحبيلك
الله يجعلك من البرره
ياالله ياكريم فرج هم اختي واسعد قلبه​