اارجوكم حسوا فيني زوجي بيتزوج بنت عمه

[مفارقه اهلها]

صارت لي مصيبه ربي يصبرني انا متزوجه من 6سنوات كان عمري 17سنه وزوجي 24سنه وعايشين بكل حب وحنان اخت زوجي متزوجه ولدعمه وبنات عمه اربع اعمارهن اكبر مني ومن زوجي ودائما تقول جدامه حرام بنات عمي ادب واخلاق ودين بس حرام ماجاهم نصيبهم لين كسرت خاطره عليهن لان امهم هنديه ماخذين اللون الاسمر بقوه الحمدلله على كل حال حطت فراسه قال انا اولى ببنت عمي اللي عمرها الحين 28اكبر مني 5سنوات وخلاص قرر يتقدم لها بمساعدت اخته الله لايوفقها والمشكله زوجها خاتم في اصبعها وهي غيرانه مني من يوم تزوجت لان زوجي وسيم ويموت فيني ويدلعني وايد سابقا طبعا وفي اكبر منها 3بعد بس اكبر عنه بوايد احترق قلبي خواتي وعندي ولدين بمووووووووووووووووت يارب صبرني كله كوم ونضرات الشماته من اهله كوم حسبي الله ونعم الوكيل في اخته والمشكله يقول انا احبج انتي واموووت عليج بس حرام بنات عمي من بياخذهن اونه انها انسانيه منه بس ولا مايفكر يتزوج شو الحل في ذمتكم شوروا علي الوضع صعب وايد وهو بيروح عند عمه يوم الخميس والمشكله انه خبر اخوانه وكلهم وافقوا وشجعوه على الموقف النيل مع عمه الله ياخذ روحي قبل اشوف زوجي مع وحده غيرير

 

[المراءه الذهبيه]

كان الله في عونك بس ما اعتقد ابد ان الزواج حيستمر
هو مجرد تعاطف مع الموقف وبيسوي نفسه رجال بس بعد الزواج بيكتشف انه توهق وبيرجع لك

 

[رجة بس برزه]

الله يجبر بخاطرك ويصبرك ويعوضك ويحنن قلب زوجك عليك وينتقم من الي بتخرب بيتك وأكثري من الاستغفار

 

[وشحيلتي]

الله يعينك ,,, وش هالخرابيط الزواج لعبه ؟
استخيري واشملي زوجك بهالأستخاره
الله يرده لك عاجلآغير آجلآ

 

[فوشي]

والله مالك الاالدعاء والاستغفار بنيه عدم الزواج
والله ارحم منا ومن زوجك عليك
والله يصرفها عنه ان شاء الله

 

[الامراة الشامخه]

قولي مدام اخوانك شجوعك وطلعت نبيل في الاخلاق والعواطف ورى خوانك مايخذون الباقيات هم بيعنسون مساكين خلكم اسره مترابطه
حرام تاخذ الصغيره وينحرق قلب الكبار
وهذي غلطت عمك اتحمل نتيجتا

 

[أحلى رواضي]

الله يصبرج و يرد لج زوجج ان شالله
أكثري من الدعاء و الاستغفار

 

[سوسو بنت فوفو]

الله يعينك حبيبتي بس لا تقعدين تتفرجين لازم تاخذين موقف
وتدافعين عن بيتك وزوجك لآخر لحظه ..حتىماتلومين نفسك بعدين
واذا خلاص الموضوع خرج من يديك ذاك الوقت لك تصرف ثاني

الله يهدي لك زوجك ويسخره لك

 

[ريما&رند]

يالله ياحبيبتي الله يعينك والله انك في موقف صعب لكن حااااااااااااااولي تمنعينة باي شكل واذا لزم على الزواج وكلي الله فالخيرة فيما اختارة الله

 

[لوتية]

وهم 97 تعوذي من ابليس ولا تشجعين الحرمة بدمار بيتها
مافيه وحدة تقول لرجلها انا توني صغيرة وبروح اشوف عمري
مع واحد غيرك وخذ عيالك
الا بيشوفها انسانة باعته وباعت عياله
عشان تدور على رجال متفرغ لها كل ليله وبيدري ان حبها له كان سراب ممكن اي رجال ثاني يحل محله
واذا بتقولين هو باعها بعد لا الشرع محلل4 له
وانا عارفة انك نصحتيها من باب المحبة وتبين تساعدينها ماشكك بنيتك
لكن انا اشكك بنجاح فكرتك
لان كثير سوها وخربو بيوتهم
حبيبتي مفارقة اهلها
صدقيني زوجك او اي رجال بدنيا اذا مايبي الزواج والله ماعليه من خواته شجعوه او ماشجعوه
ذكرو له بنات عمه او ماذكرو
زوجك يبي يتزوج صدقيني
واكبر دليل فيه من جماعتي يبون يتزوجون بس امه وخواته معارضات عارفة ليش لانهم يحبون زوجة اخوهم
تدرين شسوو واجد تزوج بسر وخلف عندة ولد
والثاني ملك بسر واعلن بعد ملكته
وتزوجها ولا عليه من اطلق شنب
واخوهم تخيلي يقولون له امش نزوجك وندفع لك ونساعدك رفض وقال مابي يكفيني البلوة الي عندي
ماني فاضي لبلوة ثانية يعني ايش البداية الحقيقية عند زوجك صحيح خواته شجعنه بس هو مشتهي
وانتبهي تتركين بيتك انتبهي اجلسي فيه
بس ياريت توضحين لي هل بنات عمه سافرات او يكشفن وجيهن يعني سبق وشافهن
او لا

 

[norahmed]

لا تدعي على نفسك حبيبتي تراه حرام
وبعدين مالك غير الدعاء ادعي ربك ويبعده عن هالموضوع
وان شاءلله خير

 

[قلايد الخيل]

بتهدم اسرة قائمة عشان تكون اسرة فالخيال
طيب دورمن اصحابك عزابي وزوجة البنت عشان تكسب اجرين
اذا تقدرين تكلمين البنت وتوضحين اها انكغير راضية وبتدعين عليها طول عمرك لاْنها خربت بيتك

 

[قلايد الخيل]

انك غير راضية
تصحيح
من الحماس تلخبطت
الله يشيل هالفكرة من راسة

 

[أم الغالي*]

والله حاله من ها ارجال

الله يفرج همك وزي ماقالو خواتي لازم تاخذي لك معه مووقف

 

[تحدي امراءة]

الله يعينك اختي ويصبرك موقف صعب. ..ومريت فية انا شخصيا وزيادة على ذالك كانت بنت عمة تموت فيه واهله طايرين فيها لكن طلقة بعد سنه من الزواج..سبحان الله
اولا اذا كان الموضوع تم حاولي تناقشي الموضوع مع زوجك وعلمية ان الزواج مسئولية وسوف يحاسب عليها امام الله العدل مايقدر احد على هذا الشي الا من رحم الله وجيبي احاديث عن العدل وانه المسئلة مش زواج وبس عشان يعني عرفية حجم المسئولية والله مايخوف الرجال الا هالمسئولية ماهم قادرين يتحملو مسئولية زوجتين خاصه اذا اكن يخاف الله
اذا صار الامر وقضينا فوضي امرك لله وكرري هذا الدعاء(اللهم انصرني على من ظلمني واثرني على من حقرني)
ثانيا حقوقك تاخذينه كاملة اولهم الرضاوة واذا كنتي عند اهله ساكنه اطلعي في بيت لحالك وخلي بنت عمة تجي عند اهلة وشوفي وش راح يصير محد يتحمل احد هالوقت
غير كذا استمتعي بحياتك اتزيني واكشخي واليوم اللى مايكون عندك اطلعي انت وعيالك واتمشي يعني انبسطي
نجي عاد انك اتشوفبنه لاتتقابلو على اول مايتزوج ارفضي تشوفينه ايلين تهدا نفسك وتاخذين على زواجه وبعد فترة قد تطول اوتقصر قابلية باحسن زينتك شوفي عاد انتي كيف تبرزين جمالك وتقابلي معه من دون تجرحين احد الا اذا احد حاول يستفزك عليك بحقك ترى حسن الخلق يخلي الناس اللي حواليك مايلقون عليك مدخل مثلا انا رجلي كان يقول لي ان فلانه يعني زوجته الثانية ماتلقى عليك شي عشان تسوي مشكلة عليك
غير كذا الله الله بالدلع عند زوجك حتى في حضورها لكن بادب يعني ماتنطين بحجرة وتقولي اتدلع عليك تحملي مايجيك
والله يعينك والمسئله يبيله وقت ولاتحطي في بالك انه يبي يطلقه..الله يوفقك

 

[حمرة الشفق]

الله يربط ع قلبك ، والله مسألة الزوااااج مررره صعبة لا سيما ان كانت من قريبه !
يارب يسخر لك زوجك ويرده لك ردا جميلا ..

آمييييييييييييييين

 

[سلة فواكه]

اختي انا مستغربه موقفك يعني جالسه ولم تحركي ساكنا وتريديه ان يعدل عن الفكره ويعود اليك دون ان تتحرك ؟؟؟؟
اعلمي غاليتي ان هذا زوجك انت ومن حقك المحاربه من اجله ومن اجل الحفاظ عليه , هذا زوجك انت فقط وليس لاي اخرى ادنى حق ان تشاركك اياه ,, هل تستطيعين ان تتحملي وجود اخرى ينام معها وياكل معها ويخرج ويدللها ويكلمها وتشاركك فيه في كل تفاصيل حياته كما تفعلين انت ؟؟؟
اعلمي انها ابنه عمه وان اخذها لن يهملها خوفا من اهله وعمه بل سيعطيها كما يعطيك وربما تستميله نحوها بالحب والدلال ,, في يدك انت فقط ان تحددي مصيرك قبل يوم الخميس ,, انا استغرب برودك وسكوتك ...
اذهبي له وقولي له بكل حزم وقوه :
انا غير موافقه على زواجك وانت كنت مصمم على الارتباط بها فانا لا اتحمل وجود اخرى تشاركني اياك , اتركني فمن حقي انا ايضا ان اتزوج واعيش حياتي بدلا من العيش مع رجل تشاركني به اخرى , اترك ابنائك لديك كي تربيهم زوجتك الجديده فانا غير ملزومه بتربيه ابناء من لا يريدني ....
كوني جاده وحازمه ولا تقوليها بتردد او خوف وصدقيني سيترك هذه الفكره ,, زوجك يحتاج للقوه والحزم في هذا الامر بالذات ...
لا تترددي في قول هذه الكلمات فهذه سياسه اتبعتها شخصيا مع زوجي واتت بثمارها ونتائجها

 

[لاااايازمن]

يابعد عمري والله حسبي الله ونعم الوكيل انا ايد بعض الاخوات في رايهم لازم يكون لج موقف :icon28:عشان يتراجع عن قراره عمر السكوت ماجاب نتيجه بس لازم تكونين متاكده انه يحبج اول شي قبل كل شي استخيري وكثري من الاستغفار بنية التقرب لله ثم نية عدم الزواج كثري منه في كل لحظه وشوفي النتيجه صدقيني:clap:

 

[الامل المكلوم]

الله يفرج همي وهمك’’’’’’’’’’

انصحك لو تخلين احد من اخواتك او صديقتك تكلم بنت عمه او اختها الكبيره

وتقول ترى الرجال متزوج كذا متعاطف مع الوضع’’’’’’’’’وتراها 100 بالميه بتتطلق لانه يحب زوجته وعياله

وقولي لزوجك انت الان بتحل مشكلت هالبنت الي ماتزوجت وبتتضيع زوجتك وعيالك وتشتت الاسره

وباقي اخواتها من بيحن عليهم؟؟؟؟؟؟؟؟؟؟

وام الجيران ارمله وبنت فلان معاقه ووووووووووووووو ياكثر المساكين

دع الخلق للخالق وعليك بالدعاء لهم’’’’’’’’’’

واكثري من الدعاء لي ولك يارب تفرجها علينا

 

[حواء في ارض ادم]

ااااااه يحبيبتي هالموقف صار لخالتي
بس خالتي غبيه بصراحه اول شي اسكتت ولما قالوا خوالي بيكلمونه
قالت لا لحد يكلمه اخااف ينزل قدره
والله الحين ماكله تبم بعدهم في ايام الخطوبه ومابقى سفره ماسفر الخطيبه وخالتي بس
تهذر وتدعي عليه وتبكي
ولاااااا حيات لمن تنادي
حتى لما راحت لخوالي تشكي لهم قالو لها انتي الي قلتي ممن البدايه سكتو ولا تتكلمون
اهو طيب وحنون اكيد ماراح ينسى العشره الي بيننا
والحين ماراح نتصرف ولا شي انتي الي سكتي
وماصرتي قويه وخذتي موقف
يالله تفرجي الحين وانتي ساكته