صبرت صبرت بس مافيني أصبربعد

[مشاعر خجولة]

السلام عليكم ورحمة الله وبركاته
مساكم ورد حبيباتي
محتاجة مشورتكم وخاصة من الحكيمات ذوات الخبرة في الحياة الزوجية و((ماخاب من استشار))
.................................................​

سبق وكتبت لكم موضوع عن مفاجأة خطيبي لي((مملكة))وانه يحس بالضيق
لمايشوفني أويسمع صوتي وكنت وقتها طلبته يطلق لأنه ماأبيه يعاني ويتألم
رفض وقال لابد نصبر ونتروى وربي بيفرجها ،،،،،،،،،،،،​

طبعا أن تألمت جدا لأني راغبته وماأبي أخسره وتحملت وصبرت تحملت بعده وهجره
تحملت اهماله لي لأنه موبيده ،،،،
بس عاد للصبرحدود ،،والله يابنات ان حالتي مايعلم فيها الا ربي ألم ودموع وكنت خايفة
من المجهول ،،،بس طبعا متوكله على ربي ولاجئه له لعله يفرج همي وهذامماخفف علي
الحمدلله ......
بعد مرور شهور ونفاد المدة اللي كان مقررة للزواج تم التفاهم معه من قبل ولي أمري وش تتوقعون ردة فعله!!!؟؟؟​

رفض يتخلى عني وقال هذاشي غصب علي وانا متمسك فيها وأبيها في حال اذاهي تبيني
واذاموقادرة تنتظر زيادة خلاص انا مستعد اجهزالبيت ونتزوج ............
بصراحة يابنات انا كنت متوقعته يجبرنا ننتظر اويطلق ماتوقعت ردة فعله لأن المدة طالت وشكله يماطل بس اتضح لي العكس ،،،،​

وش رايكم ياحكيمات ،،،
هل أوافق أتزوجه وأنا عارفه انه فيه ضيقة مني وممكن ينفرمني بعدالزواج والا اتوكل على ربي
واستعين عليه بالدعاءوالاستغفار وماراح يحصل أسوأمماحصل لي من حزن وألم،،،
أما الانتظار فلا كافي مافيني أنتظر اكثر كفاية كل هالفترة وأنا متزوجة ومومتزوجة
وش رايكم شوركم ونصحكم أخواتي الطيبات ....​

 

[احاسيس مخمليه]

انا من راي الاستخاره

انتي استخيري وهو برضه يستخير

وماخاب من استخار

لانه حاليا متضايق منك ويحس بالضيق بس هو يبيك

فالاستخاره افضل لكم انتم الاثنين

والله يوفقكم

 

[مشاعر خجولة]

مشكورة حبيبتي واكيد بستخير
بالنسبة لضيقه ماادري اذافاهمة علي هومومتضايق مني بسبب لا هويحس بكتمة وضيقة بصدره
لوسمع صوتي اوشافني

 

[زوجه بلا زوج]

لااااااااااااتقولي ابدا ما بحزن اكثر مما راح :icon28:لا بالعكس انتى بتكوني معااه مو في بيت اهلك وهو يحس بضيقه منك لا غلط كلامك والافضل تشوفي السبب من كذا او تروحو قارئ عشان تعرفي من الاول اش فيه يمكن يكون احد مسويله شي والافضل لكي تنهى علاقتك فيه وانتى ببيت اهلك قبل لا تجيبي عيال وتورطي وانشاء الله ما يكون في شي من كذا :bye1:

 

[مشاعر خجولة]

زوجة بلازوج
مشكورة الغالية
بس سالفة قبل مااتورط تورطت خلاص هذالومومتملكة مايخالف بس متزوجة ومن غيرزوج
كل هالمدة شي تعبني كثير كثير ،،،،،

 

[أحساس دافئ]

حبيبتي استخيري

 

[مشاعر خجولة]

يارب يخليك احساس دافئ
ان شاءالله بستخير بس هم بعد ابي مشورة

 

[彡 ﺦ’ـيـﺂڶ ••]

غريب هالرجـآل

.,


استخيري

 

[مشاعر خجولة]

وش الغرابة فيه يالغالية؟

احتاجكم شرفوني وشوروا علي خواتي

 

[بقعة ضوء]

من رأيي لازم يروح عند شيخ يقرأ عليه باين من كلامك عن خطيبك إنه معيون أو محسود ...وبذهابه للشيخ راح يتضح إذا كان يعاني من العين أو الحسد

لأن الخوف من بعد الزواج بتكوني معاه تحت سقف واحد وممكن من الضيقة يقضي وقته برا البيت أكثر من داخله ..
استخيري وربي يوفقك لكل خير ..

 

[مشاعر خجولة]

من رأيي لازم يروح عند شيخ يقرأ عليه باين من كلامك عن خطيبك إنه معيون أو محسود ...وبذهابه للشيخ راح يتضح إذا كان يعاني من العين أو الحسد

لأن الخوف من بعد الزواج بتكوني معاه تحت سقف واحد وممكن من الضيقة يقضي وقته برا البيت أكثر من داخله ..
استخيري وربي يوفقك لكل خير ..

تسلمين لي الطيبة لنصحك ومشورتك
ممكن عين وممكن تعب نفسي لأنه حساس وعنده ظروف صعبه
التعب النفسي احيانا اخطر من العين
من ناحية بعدالزواج ماادري اختي اتوقع لمانكون مع بعض راح يرتاح وتهدأنفسه وبيتشافى
اماالحين البعد موفي صالحه ولاصالحي فالبعيد عن العين بعيد عن القلب

 

[مشاعر خجولة]

للرفـــــــــــــــــع

 

[فداك الجرح]

دامكم عالبر استخيري بالانفصال لانه وااااضح انه مافي توفيق..ودام بدايتها كذا مااتوقع بعد الزواج بيتغير..

عرضوه للشيخ عل وعسى تقدرون تحل المشكلة

 

[مشاعر خجولة]

مشكورة الطيبة
ولابد من الاستخارة والتوفيق بيد الله

 

[مشاعر خجولة]

وين الحكيمات
شكل الناس نايمة

 

[mo00on14]

حبيبتي قالوا لج البنات وما قصروا
أول شي لازم شيخ يقرا عليكم
وبعدين الاستخاره
واخيرا التوكل على الله

بالتوفيق

 

[بالاحلام]

لازم يقرأعليه الشيخ
يمكن عين أو سحر

 

[مشاعر خجولة]

الله يجبربخاطركم
موووون والاحلام
هوملتزم ويقرأعلى نفسه ويقول انه يتحسن

 

[الأميرة النآعمه]

حبيبتي خذيها نصيحة مني لاترتبطون الا لما يقرأ على نفسه عند شيخ او بنفسه هو ويتحسن ميه بالمية
وهذا من واقع عشته قريبتي تزوجت وزوجها معيون وماتوفقوا بد وفي الأخير بعد ماجابت بنت تطلقوا ..
انتي اشرطي عليه انه يقرا والقراءة تاخذ تقريبا من شهر الى شهرين على حسب

ويمكن تعبه النفسي وحساسيته بسبب العين صدقيني انا تعرضت لمثل هالشي وماانصحك ترتبطون وفيه عين لانه راح يتصرف معك تصرفات يتزعلك غصب عنه طبعا وممكن تتطلقون بعدين

والله يوفقكم

 

[مشاعر خجولة]

حبيبتي خذيها نصيحة مني لاترتبطون الا لما يقرأ على نفسه عند شيخ او بنفسه هو ويتحسن ميه بالمية
وهذا من واقع عشته قريبتي تزوجت وزوجها معيون وماتوفقوا بد وفي الأخير بعد ماجابت بنت تطلقوا ..
انتي اشرطي عليه انه يقرا والقراءة تاخذ تقريبا من شهر الى شهرين على حسب

ويمكن تعبه النفسي وحساسيته بسبب العين صدقيني انا تعرضت لمثل هالشي وماانصحك ترتبطون وفيه عين لانه راح يتصرف معك تصرفات يتزعلك غصب عنه طبعا وممكن تتطلقون بعدين

والله يوفقكم

الف شكر غاليتي لتجاوبك
المشكلة انا بين خيارين يااتزوجه الآن يااتطلق نظرا لظروفي
اماالانتظار غيرممكن
يعني كذاكذا ممكن اتطلق
فلابد اختارالافضل
شورايك؟​