انا وطليقي

[عريب الساس]

مرحباااااااااااااا

ياجماعه طليقي مو راضي يعطيني الاوراق الثبوتيه وجوازات السفر حق عيالي شو اسوي وياه هل من حقه يحتفظ فيهم والعيال عندي ؟؟؟ انا ممكن احتاج لهم باي وقت وهو ماخذ الموضوع عنااااد ...
شو الحل وياه ؟؟؟ وهل لو لجأت للمحكمه لصالحي ؟؟؟ وحاولت ان تكون العلاقه وديه بينا عشان لعيال بس الطيب ما ينفع يبي يقهرني ؟؟؟

 

[عنواني اسمي]

ما ضاقت الا فرجت ....

 

[على الدرب]

سهل الله أمرك
ولكن عليك الاتصال بالجهة الرسمية المعنية بالأمر مثلا المحكمة أو اسألى من حولك
وفقك الله

 

[لمسة حنين]

سهل الله أمرك
ولكن عليك الاتصال بالجهة الرسمية المعنية بالأمر مثلا المحكمة أو اسألى من حولك
وفقك الله

انا مع الاخت

 

[مـوفي]

اختي انصحك لا تكبري الموضوع من البدايه

اتبعي الطرق الوديه

التوسط عن طريق الأقارب او المعارف

لو اتبعتي الطرق الرسميه من البدايه قد يكبر العناد وتطول الإجراءات

فكري مره واثنين وثلاثه

موفقه اختي

 

[عريب الساس]

اشكركم خواتي وانتظر ردود الباقين اللي تعرف لا تبخل علي بردها انا محتاجه لكم ..

 

[حلى زوزو]

الله يكون بعونك انا مع الأخوات اللي يقولوا حاولي بالطرق الوديه بالبدايه
سهل الله امرك

 

[بنت السنافيه]

اختي اذا مانتي بحاجتهم ضروري لاتطلبينهم اتركيه هو يحب يعاند احقريه وعيشي حياتك
واذا احتجتي الشكوى لله خلي احد كبير من العائله يكلم لاكن من تجربه اتركيه وهو بيرضخ
ويجيبهم

 

[القلب الحنين]

اتركيها لوقت الحاجة لان لو تكررين عليه الطلب يعند

 

[شرشف]

صدقيني اذا مو بحاجتهم بيقول تتليقف خليهم لوقت حاجه وبالطريقه الوديه مثل ما قلوا الخوات شوفي احد من اهله يمون ويفهم ودخلوه ايجيبهم ما نفع المحكمه والله يعينك

 

[لهب]

كلميه بالتي هي احسن مهما كان اسمه ابو عيالك ... وحاولي معاه بس ان ما رضى فكلمي اهله او احد من اهلك خليهم يتدخلون وخلي الحل الاخير انك تلجإين للسلطات سواء شرطه او محكمه

الله يفك ضيقتك ان شاء الله

 

[عريب الساس]

اخواتي هو مش راضي بالطيب مغربلني وياه واهله نفس شاكلته بس الظاهر اني بلجأ للمحكمه ودعواتكم لي ...

 

[عريب الساس]

معقوله المشاهدات قريب بتوصل 300 والردود تنعد ع الاصابع الله يسامحكم وينكم ردوا حتى لو بدعاااء يجبر الخاطر ....