تمنيت دموعي توقف بس؟؟؟

[ريماني@]

مرحبا بنات...بجد تعبت ودموعي صارت تزيد ما تقل ..قلت بالعيد بتنحل الامور الا تعقدت اكثر..باقي من عدتي شهر وزوجي لسه ما بادر مع اني ارسلتله رساايل تهد الجبل عني وعن ولدي..بس الاخ يكابر مع ان قالي انا اريدكم بس يريد اخواني يبادروا لكن اخوااني رفضوا يبادروا بالصلح لان حطلي اغراضي واغراض اليهال بشنط وماكان عنده نيه يرجعني بس بعد فتره من الاتصال بيني وبينه توضحلي ان يريدنا وماخذلنا بيت بس هو عصبي مزاجي كل يوم برااي..قولولي شو اسوي والله ما حااسه بطعم اي شي مااشي ماسويته ارسلتله كلمته وقتله اني امووت فيك بس هو مطنش يقول انتي الي طلبتي ذلني ذل..قلت اطننشه وفعلا طنشته ما حصلته منه غير التجاهل ..شوو اسووي يااارب يهديه ويبعد عنا بنات الحراام..دعواتكم باقيلي شهر وربي يعلم كيف بتنتهي هااي القصه..

 

[بنوته كلها حزن]

حبيبتي انتي تقولين ذلج ذل لاتذلين روحج اكثر واذا اهو كان فعلج شاريج ويبييج بيلج بريله حبيبتي صلي صلاة الاستخاره وشوفي رج شنو يختار انج تردين ولا لا والله يعينج حبيبتي

 

[مشكلتي حساسه]

طيب الحين انتي قاعده اتذلين عمرج له بالحركات هذي والريال مايحبب المره الي تقط عمرها عليه...وحتى لو رجعك اكيد رحمه من كثر اتصالتج ورسايلج له مو حب فيج ...ادري كلامي قاسي ... بس خذيها مني نصيحه لا ادقين عليه ابد ان رجعج اهو من نفسه قول الحمدالله وابدي حياه يديده.. وان خلاص طلقج اتكلي على ربج وعيشي حياتج يعني حتى لو فكر يردج اتصالتج ورسايلج اطفشه منج ويصير يشوفج بنظره ثانيه لان الرجال مايحب الي ترمي نفسها عليه.........والله انا كل قصدي بالكلام هذا كرامتج وبس

 

[تهاجيد]

اقضي هالشهر في الدعاء والاستغفار

ولا تذلين نفسج ابدا الله يعزج الغالية

الوحدة ما لها الا كرامتها

واللي تذل نفسها تطيح من عين الريال

ولا عاد يبيها وعلى فكره يزيد تخبطه

ويتردد .. اردها ولا ما اردها

لاتراسلينه خلاص .. رسالتج وصلت له من زمان

اثقلي .. والله يرده لج

انتي تفتكرين انج لو ما راسلتيه بيفكرج ماتبينه

وبالتالي هو بيصرف نظر

لا الغالية .. الريال يحب عزيزة النفس

والدعاء يرد القضاء

 

[samaaa]

حاسة فيك ياقلبي والله يكون بعونك

حبيبتي لاتذلين نفسك اكثر من كذا اذا شاريك بيجيك هو ينفسه ومايهمه اهلك قالو له ولا لأ

فكري بعقلك حبيبتي.. ع فكرة الرجال اللي يبيع زوجته مايرجع لها الا اذا هو اشتاق لها

ويبغاها لكن عشانها هي تطلب منه لأ

بيذلك زيادة

انسيه وطنشيه وعلقي ربك باللي خلقك

مريت بنفس ظرفك بعدماذليت نفسي انتبهت انه لو يبغاني ماباعني

استخيري والزمي الدعاء والاستغفار وربك كريم

اذا فيه خير بيرده لك واذا فيه شر بيبعده عنك

قولي" وأفوض أمري إلى الله ان الله بصير بالعباد "

الله يسعدك ويشرح صدرك ويفرحك باللي فيه الخير لك ولولدك

 

[ريماني@]

حبيبتي انتي تقولين ذلج ذل لاتذلين روحج اكثر واذا اهو كان فعلج شاريج ويبييج بيلج بريله حبيبتي صلي صلاة الاستخاره وشوفي رج شنو يختار انج تردين ولا لا والله يعينج حبيبتي

والله اني ذليت نفسي بما فيه الكفايه لان هو تم يقولي انتي طلبتي وانتي ما تبيني..فقلت احوطه بالحب يكن يهدى ويبادر..كل مااصلي اشووفه بحلم طووويل انا ويااه بس ما عرف افسر..الله يكتب الي فيه الخير...مشكوره حبيتي

 

[ريماني@]

عسى ان تكرهوا شيئ وهو خيرالكم

اكيد وانا مؤمنه بشكل مااتتصورينه بس قلت اذا في فرصه وقادره اني اثر عليه بحااول..تسلمين عزيزتي

 

[ريماني@]

طيب الحين انتي قاعده اتذلين عمرج له بالحركات هذي والريال مايحبب المره الي تقط عمرها عليه...وحتى لو رجعك اكيد رحمه من كثر اتصالتج ورسايلج له مو حب فيج ...ادري كلامي قاسي ... بس خذيها مني نصيحه لا ادقين عليه ابد ان رجعج اهو من نفسه قول الحمدالله وابدي حياه يديده.. وان خلاص طلقج اتكلي على ربج وعيشي حياتج يعني حتى لو فكر يردج اتصالتج ورسايلج اطفشه منج ويصير يشوفج بنظره ثانيه لان الرجال مايحب الي ترمي نفسها عليه.........والله انا كل قصدي بالكلام هذا كرامتج وبس

هو دايما كان يحب انا بدر واعمل حركات الرضاا وهو حاط اني انا طلبت الطلااق حجه ذلني فيها انتي طلبتي وانتي ما تبيني وانا مش شخص مناسب قلت اعزز الثقه بالرسايل ان شالله يلين بس هوو عصبي عنيد كل يوم برااي..ساعات الانسان لازم يسمع كلام جارح عشاان يصحى..تسلمين حبوبه

 

[عنقود عنب]

عزيزتي

ربي يفرج همك

لا تذلين نفسك اكثر

لان بهذه الطريقة حتى لو رجعك ...راح يرجع لتصرفاته او راح ترجع نفس مشاكلكم التي ادت الى الطلاق

اتركي الوقت هو اللي يعالج المشكلة

واذا خلصت فترة العدة ....وحاب يرجع لك ...ممكن يعقد عليك مرة ثانية

لكن لا تستعجلي

خذوا وقتكم انتوا الاثنين

واللي فيه خير ربي راح يقدمة انشاء الله

 

[ريماني@]

اقضي هالشهر في الدعاء والاستغفار

ولا تذلين نفسج ابدا الله يعزج الغالية

الوحدة ما لها الا كرامتها

واللي تذل نفسها تطيح من عين الريال

ولا عاد يبيها وعلى فكره يزيد تخبطه

ويتردد .. اردها ولا ما اردها

لاتراسلينه خلاص .. رسالتج وصلت له من زمان

اثقلي .. والله يرده لج

انتي تفتكرين انج لو ما راسلتيه بيفكرج ماتبينه

وبالتالي هو بيصرف نظر

لا الغالية .. الريال يحب عزيزة النفس

والدعاء يرد القضاء

ياارب يااجامع النااس في يوم لا ريب فيه اججمعني به على خير..عاجل غير اجل
هو متخط فعلا تعبت منه وخلاااص رااح اثقل ..وربي يكتب الخير باذنه تعال
تسلميييييييين على هالرد وربي يوفقج

 

[ريماني@]

حاسة فيك ياقلبي والله يكون بعونك

حبيبتي لاتذلين نفسك اكثر من كذا اذا شاريك بيجيك هو ينفسه ومايهمه اهلك قالو له ولا لأ

فكري بعقلك حبيبتي.. ع فكرة الرجال اللي يبيع زوجته مايرجع لها الا اذا هو اشتاق لها

ويبغاها لكن عشانها هي تطلب منه لأ

بيذلك زيادة

انسيه وطنشيه وعلقي ربك باللي خلقك

مريت بنفس ظرفك بعدماذليت نفسي انتبهت انه لو يبغاني ماباعني

استخيري والزمي الدعاء والاستغفار وربك كريم

اذا فيه خير بيرده لك واذا فيه شر بيبعده عنك

قولي" وأفوض أمري إلى الله ان الله بصير بالعباد "

الله يسعدك ويشرح صدرك ويفرحك باللي فيه الخير لك ولولدك

بس هو معلق على اني انا الي طلبت الانفصال؟؟؟عشان كذا يريدني اذل نفسي بس خلااص بصرراحه اليوم امي شرشحتني وحسيت مقهورة من الي سويته يوم اني اتوصلت معااه وععدت نفسي خلاااص ما اتواصل معه بس هو كل اسبوع يااخذ الياهل قلبي يتقطع من الصبحح للمغرب مع اهله وانا ايلس بحسرتي..ربي يعين ويهديه ياارب ويسخر النا قوولي امين والله دموعي تطيح وانا اكتب جددد تعبت

تسلمين حبيبتي

 

[ياصغر الفرح]

الله يفرج همك ويصلح فيما بينكم.
عليك بالاستغفار يجعل لكي الله من كل ضيق مخرج.....

 

[ريماني@]

الله يفرج همك ويصلح فيما بينكم.
عليك بالاستغفار يجعل لكي الله من كل ضيق مخرج.....

امين ياارب..مشكورة عزيزتي

 

["pink "]

الله يعين أنتي عليك الصبر واذا تقدرين وتمونين على اللي حوله <<خواته امه شي
حاولي يقنعونه بثقل وان بينكم طفل وان شاله خير
صدقيني اذا هو بباله يرجعك والله كاتب على خير صدقيني لو اخر يوم من العده يجي
يمكن ينتظر مبادرة اخوانك لاخر حد
انتي ابذلي بلاسباب واذا الله كاتب ترجعين ترجعين واذا العكس فالخيره فيما اختاره الله
الله يوفقك يارب

 

[فرح الحياة]

اثقلي عليه ... الرجال يموووووت بالدلوعة اللي تتغلى و تثقل عليه لا تتصلين به ولا تراسلينه ابدا ابدا ... خليه هو اللي يبادر بكل شي خليه يلحقك و يزعجك و يحرق جوالك بالمكالمات و المسجات و الله يردك له ردا جميلا و يسخره لك آمين يارب ..

 

[ريماني@]

الله يعين أنتي عليك الصبر واذا تقدرين وتمونين على اللي حوله <<خواته امه شي
حاولي يقنعونه بثقل وان بينكم طفل وان شاله خير
صدقيني اذا هو بباله يرجعك والله كاتب على خير صدقيني لو اخر يوم من العده يجي
يمكن ينتظر مبادرة اخوانك لاخر حد
انتي ابذلي بلاسباب واذا الله كاتب ترجعين ترجعين واذا العكس فالخيره فيما اختاره الله
الله يوفقك يارب

تصدجين امه ماتحبني مدري ليش؟؟هي الي توزه مايرجعني مع اني اعرفه يحبني قالي انا ماخذ البيت لج ومحد رتبه ولارضيت حد يرتبه بس عرفت من حد انها تريده يتزوج حسبي الله ونعم والوكيل

مشكوورة حبيبتي ودعواتج

 

[ريماني@]

اثقلي عليه ... الرجال يموووووت بالدلوعة اللي تتغلى و تثقل عليه لا تتصلين به ولا تراسلينه ابدا ابدا ... خليه هو اللي يبادر بكل شي خليه يلحقك و يزعجك و يحرق جوالك بالمكالمات و المسجات و الله يردك له ردا جميلا و يسخره لك آمين يارب ..

والله زوجي مايسويها ابدا مايبادر صار وتزعلنا شعرين ولاكلف خاطره..انا الي ابادر بس ربي يحنن قلبه ويرده لي قادر ياكريم...تسلميييييييين يالغلا

 

[شرشف]

اسال المولي العزيز القدير ان ايسخر لكي زوجك ويرده لكي ردا طيبا ويالغاليه الدين عزك لا يذلك احد وانتي عزيزه باسلامك

 

[بااتشي]

فرج الله همك

 

[الريم 2008]

صح كلام البنات اولا باقي شهر وحتى لو خلص الشهر ممكن يردك بعد جديد لو بعد كم سنه
لا تخافين بس هو يشوفك قاطه نفسك عليه وبيتدلع عليك
اثقلي وطنشيه وبتشوفين