بسم الله
نكمل
زوجج في الشغل طرشي له هالمسج إنت ماوحشتني بس هذاك (( سميه )) وإذا تخجلين قولي له أي إسم ثاني هو يفهمه قولي له إنت ماوحشتني بس هو إلي وحشني بتجوفينه بيتخبل
أفضل إنه وقت إلي يكون في الشغل هالكلام يكون بالمسج في ريايل مايحبون يتكلمون في هالأمور في الشغل ولين طلع من الشغل أكيد راح يكلمج وبيقولج إشهالمسج الحلو وإذا كان زعلان منج بعد أحسن وأحسن بيرضى بسرعه :clap:
ساعات وقت الدوره أسوي هالحركه من باب إني أوضح له إنه حقي ما أتنازل عنه أو بما معناه مثل مالك حق آنه بعد لي حق ولكن بإسلوب حلو ومايزعل
طبعاً في الدوره بيكون الأخ محروم وكل ممنوع مرغوب وسبحان الله وقت الدوره الوحده منه تتقلب هرموناتها وتكون راغبه في زوجها أكثر المهم لين جفتيه قاعد والأجواء تسمح للمداعبات قومي بالآتي: دخلنه على الفصحى :crazy: تعمدي إنج تتمشين جدامه وتمخطري وديها يمين ويسار أكيد عرفتو شنو أقصد إمشي بدلع جدامه خلج لابسه شي ضيج أو حتى لو كنتي لابسه جلابيه دايماً إختاري الجلابيات إلي تكون مفتوحه من فوق الصدر يكون باين أو شفافه شوي ألوانها حلوه ضيجه يعني حتى لو كنتي مليانه ماله داعي تاخذين مقاس XXXXL :no: إخذي مقاس يكون شوي مخصر عليج تركي عنج المخبخب وإنج تبين شي فضفاض وحر مادري ليش هالحريم كله يبون المخبخب آنه لما أشتري الجلابيه لازم أوديها أخصرها شوي يعني حتى الجلابيه لبسيها بفن المهم دوخيه بالحركات ولين طلب منج تريحينه قولي له وآنه أطق راسي في الطوفه ( الطوفه = الجدار) بإسلوب حلو ولكن في الأخير ريحيه ولكن طلعي عينه قبل هههههه
حركه ثانيه
طلب منج شاي ركضي عالمطبخ سوي له الشاي وإنتي طالعه سحبي ثيابج شوي وخلي صدرج باين وإنتي تحطين الشاي على الطالوله إنسدحي مع الكوب خليه غصب يشوف
حركه ثالثه
شفتيه مشغول عنج برنامج يحبه أو مباره يتابعها يقرأ جريده هدي إلي في يدج وروحي له مدي يدج عن شفايفه وخليه يبوس يدج لين باس اليمين مدي اليسار لين باسها قلبيها والله بتجوفينه بيبوس وهو يضحك بس دايماً طلبي الحنان طلبي منه يدلعج لكن من غير ماتتكلمين في المسلسلات الزوج هو إلي يروح يلاحق زوجته ويبوس فيها لكن الشرقي نادر مايسويها خصوصاُ بعد الزواج بجمن سنه تشوفينه حتى البوسه مايبوسها إلا حزة ممارسة الجنس غيري هالمفهوم خليه يبوسج من غير ماتطلبين لاتقولين له ماقمت تبوسني ماقمت تقولي كلام حلو الريال أكره ماعنده إنج تنتقدينه
حركه رابعه
البوسه ذكريه فيها لما يدخل البيت يبوس العيال وماباسج لاتمدين البوز وتزعلين قلبيها فرفشه روحي مدي خدج عند شفايفه خليه يبوسج من غير ماتتكلمين مجرد إبتسامه وهو بيفهمها وهو قاعد لاتحسسينه إنج مشغوله بالعيال عنه أكيد مابتكونين فاضيه والعيال ياخذون كل وقتج لكن تركيهم لدقايق وروحي قعدي يمه بوسيه على أماكن مايتوقعها على جتفه على يده على فخوذه يعني حتى في البوسه تفنني وغيري لاعت جبودنه من بوسة الشفايف صارت دأه أديمه
إنتبهي لهالنقطه
كثير أزواج مايبينون هالشي جدام عيالهم تشوفون الواحد في العيد إذا باس زوجته العيال يصرخون أبوي باس أمي أبوي باس أمي مر علي هالشيئ من قبل ولد صديقتي قال لي مره أبــــــــــوي أمـــــــس أبــــــــــــــــــوي أمـــــــــــس عاد مكرههم العيال لين حبو يطلعون روحهم إنهم ماسكين عليج شي :icon28: يمه أقووول أبوي أمس والأم مسكينه تغمز وياولد عيب أعلم أبوك أقولها شسالفه والله إفتكرت كافخها إلا قالت لا أمس الله يهداه باسني قدام العيال وعاد هم ماتو ضحك
قلت لها إنزين هو مو متعود يبوسج جدامهم قالت لا عيب قلت شنو إلي عيب آنه ماقلت لج تباوسو في الشفايف ولا سوو حركات جدامهم لكن المفروض إنهم يعرفون إنه هالشيئ عادي
البوسه لازم ماتكون للجنس فقط البوسه تكون تعبير للشكر تعبير للحب بوسة اليد الراس الخد الكتف البوسه إلي تكون بدال الكلام إلي صرنه مو محصلين وقت نقوله هالبوسه إلي بتبوسينها زوجج لما يرجع من الشغل عقب التعب تعبر عن كلام كثير يمكن ماتقدرين تقولينه كل يوم وكل مارجع من الشغل هالبوسه تعبر عن الحب إنك غبت عني ووحشتني هالبوسه إلي قبل النوم تعبر عن إني بروح أرقد مع العيال لكني أحبك وماخليتك وأهملتك ورقدت عنك
علمو العيال إنه البوسه مو معناتها كلام عيب خلوهم يكبرون وهم يشوفون أبوهم يبوس أمهم وأمهم تبوس أبوهم ويفرقون بين بوسة الإحترام والتقدير والحب والشكر طبعاً ما أقصد التملحس والبوسه الشهوانيه
لي رجعه
Time Out