ابغاه يشحن لي كييييييييييف

[المحبه مقادير]

مرحبا حبيباتي
ماعليكن امر ابغى منكن تشوفن لي طريقه اخلي فيها خطيبي يشحن لي جوالي :cupidarrow: انا عندي رقمين الاول من اهلي ومفوتر يعني مو بطاقه والثاني منه ولازم بطاقه شحن:schmoll: و كان يشحن لي لكن بعدين صار مايشحنه >>> شكلي زودتها بالمكالمات والرسايل لاني بطلت اكلم بجوالي الاولي
المهم كنت اخلي اخواني يشحنون لي الجوال اللي منه لكن بعدين قلت هم مالهم دخل هو اللي جاب الرقم والمفروض هو اللي يتحمل مصاريفه ... صح؟؟:icon31:
وانا ابغاه الحين يشحن لي لكن مستحيه اطلب منه واقول له" يافلان ياقلبي اشحن جوالي مافيه رصيد " ياربي والله استحي مقدر اطلب منه لكن ابغاكن تشوفن لي طريقه تخليه يشحن الجوال اللي هو جايبه
والحين صار لي اسبوعين ارسله من جوالي القديم ولا حتى فكر يسأل ليه ماارسل من الجوال اللي هو جاب مع انه والله كريم بس مستغربه منه هالتصرف مدري ليه يعني يبي يعلمني الاقتصاد وعدم الاسراف ؟؟!!
ياليت اللي عندها طريقه ماتبخل علي :blush-anim-cl:

اسفه على الاطاله... لكن خالص حبي وتقديري

 

[دفء سنيني]

ياعزيزتي

طالما عندك رقمين وأحدهم شغال خلاص

ماأشوف إن في ضرورة تطلبي منه شحن إلا إن جا من نفسه كما عودك قبل

وبعدين إذا هو عارف إن رقمك الأول فاتورة وشايفك ماتستخدمينه وبس ع الشحن وتخلصيه وهو يشحن

أتوقع تصرفه أو إحجامه عن الشحن شي طبيعي

لو كنتي تستخدمي هذا شوي وهذا شوي وبالذات معاه حتى هو عشان لايحس إنه نوع من الاستغلال كان أفضل

أدري سويت لك محاضرة يمكت تشوفين إن مالها داعي

بس صراحة ماعندي طريقة ممكن تطلبي منها فيه إن تشحني

إلا إذا مره سولفتم جيبيها له بطريقة إنه كان يشحن وهالشي كان يسعدك ويحسسك إنه مسؤل عنك

وبعدها قطع يعني جيبيها من ناحية رومانسية وشوفي ردة فعله

عشان يحس إن هالشي مأثر فيك ومشاعرك أكثر من كونك تنظرين لها مادة وهيك شي

وربي يوفقك يارب

 

[المحبه مقادير]

مشكوره دفء سنيني على الرد ... انا مو قصدي اني محتاجته بس ابيه يكمل شي سواه
وفقك الله

 

[الدلع مني وفيني]

حبيبتي لاتتصلين عليه الين هو يدق واذا سئلك ليه ماتتصلين قولي جوالي مافيه شحن وقتها راح يقولك ولا يهمك انا اشحنه لك

 

[dal3 cute]

امممم سولفي بالجوال معه سالفه مشوقه وبعدين قولي سوري حبيبي بيخلص الشحن مااقدر اكمل وسكري بوجهه بيتحمس وبيشحن لك

 

[عيون عزيز]

قولي انا ماحب التلفون اللي يتعبى ببطاقات الشحن.....أرتاح عالفاتورة وااااايد حبيبي ....طبعا بدلع وغنج...
وفكي روحج,,,,,,
وبعدين بلا حيا بلا هم......لو وحدة من بنات الحرام الله يحفظكم كان طلبته جوال بخط فاتورة وتوصل فاتورتها فوق ال8000 ريال ويسدد فاتورتها وهو مبتسم...
هاي ريلج حلالج ...اخذي منه اللي تبين ولا تستحين....

 

[هادئة ومميزة]

حبيبتي لاتتصلين عليه الين هو يدق واذا سئلك ليه ماتتصلين قولي جوالي مافيه شحن وقتها راح يقولك ولا يهمك انا اشحنه لك

امممم سولفي بالجوال معه سالفه مشوقه وبعدين قولي سوري حبيبي بيخلص الشحن مااقدر اكمل وسكري بوجهه بيتحمس وبيشحن لك

الطريقتين هذول سويتهم وجابوا نتيجه ,., سويهم انتي بعد وراح يشحن لك

ومثل ما قالت الاخت عيون عزيز تراه خطيبك خذي منه اللي تبينه بس مو بإستغلال

 

[w3jdan]

آرسلي له كولمي ..
وآذآ آتصل قولي له معليش حبيبي رقمي آلثآني آستقبآل ومآقدرت آكلمك ..
نصحيه .. آهم شي آلدلع ,, مع آني جآلسه آتعلمه لآن آلدلع بصوب وآنآ بصوب خخخخ ترى له تآثير كبير عليهم ..
وهو رآح يشحن لك .. !

 

[- The Best -]

آممممممممم يمكن آفكآري مآتعجب كثير بس آنآ رآح آتكلم بوآقع ..​

ليه آنتي اللي تتصلين ؟؟ خليه هو يتصل خليه هو يسآل لآتركضين ورآآآه​

آنتي بفتره دلع ودلآل وبيسوي فيك مثل يآدهآنه لآتنكتين < مدري وش يبي هآلمثل​

آلمهم خليه هو اللي يركض ورآك ترى آلرجآل مآيحبون آللي تجري ورآهم .. ولآحقه ع آلركض ورآه < لان بعد آلزوآج تنقلب الامور​

تصيرين انتي تقولين يآدهآنه لاتنكتين وهو آلعكس ..​

آستغلي هآلفتره بثقلك ودلعك وتغليك .. ​

خليك مثل القمر بحلآته بنوره بهدوءه بكل شي حلو فيه بس مآيطوله يحكيه له ومو كل وقت يشوفه يتشوق لموعد شوفته​

يمكن هو مآكآن عآمل حسآب صرفيتك هذي ولآمكآلمآتك آلكثيره عشآن كذآ مآقآم يشحن كثير​

لآتنسين انه في تأسيس زوآج يعني لاتضغطين عليه بصرفيتك​

كآفي فآتوره جوآله وتأسيس حيآتك وحيآته ومصآريف الزوآج .. وآلخ​

آلحين لآتفكرين تطلبينه شحن , آذآ تبين تحسسينه بمسؤولية اللي بدأ فيه قولي مثل مآقآلت قلبو نجود ​

قآطعيه وبعد فتره ارسلي له كول مي .. وآذآ دق قولي له بس حبيت آعرف آخبآرك وآتطمن عليك لآن جوآلي ​

آلعآم آستقبآل ولآ آقدر آرسل وآلثآني من زمآن مآفيه شحن ​

آذآ سكت مآعلق آتركيه خليه .. خليه يفقدك فتررره بعدين صدقيني رآح يشحن ..​

وآذآ شحن لك قولي يعطيك آلعآفيه مآتقصر آدري كلفت عليك ومن هآلحكي بعدين قولي وآلله جولآت آلشحن صرفيه بدون فآيده كل شي دبل آلعآم لو جوآلي اللي من آهلي شحن كآن من زمآن مطفره آهلي < حطي الموضوع بمزح وضحك ودلع​

وبعدين بعد فتره يعني آذآ قرب موعد زوآجك قبلهآ بشهر كذآ قولي آنك بتقفلين آلعآم آو ان وحده من خوآتك بتأخذ آلرقم​

وانتي مآتحتآجينه لآن هذآ منك ولك < وجيبيهآ بدلع​

..​

وآنآ اقولك بهآلفتره نصيحه لآتجلسين تدقين عليه خليه وآثقلي وارسلي مسجآت بس ..​

خليه هو اللي يدق وبكذآ تكسبينه من آلحآلتين آنك توفرين على نفسك وعليه مصآريف وتكسبينه بثقلك ورزتك ..​

ربي يسعدك ويتمم لك على خير ويسخر لك زوجك​

لآتنسينآ من آلدعآء.. وآسفه على آلآطآله​

 

[المحبه مقادير]

الدلع مني وفيني .... يسلموووو على المرور وعلى الافكار
dala3 cute..... يؤ يؤ فرحتيني فكره رووعه يسلموو قلبو
عيون عزيز ربي يعافيكي وتسلمين وربي يحفظك
هادئه و مميزه ... مشكوره على المرور
w3jdan..... تشلمين على المشاركه وربي يسعدك
the best..... ربي يسعدك ويحفظلك من تحبين
افكاركم روعه وان شاءالله بجربها
عسى ربي يسخر لكم ازواجكم ويسعدكم معاهم

بضيف معلومه انا مااتصل عليه الا اذا كان تعبان او مسافر عشان اتطمن عليه بس لكن اني اتصل عليه كذا فضاوه وغلا هذره لا والله اعجبكم انا وحده ثقيله وعاقله لكن ارسله رسايل وملييييييييت صندوق الوارد حقه من كثر الرسايل بس هو مايرسلي الا نادرا :schmoll:
على العموم تسلمووون على الافكار الجهنميه اللي اتحفتوني بها