خطيبي واثاث زوجته السابقه؟؟؟

[دموع متحجره]

رمضان كريم وكل عام وانتم بخير بدايتن

حبيت اخذ رايكم في موضوع خطيبي(هو سبق وتزوج فترة 3 شهور وطلق )

السالفه انو اتكلمنا في البيت وتأثيثه وتكلمنا عن غرفة النوم اهو قال انها موجوده قلتله اخترتها

قال انا نايم فيها الحين قلت كيف ماهي جديده قالي والله جديده وممتازه ونوعيتها جيده قلتله يعني مانام عليها الا انت (اقصد زوجته السابقه)قال لاوالله قد نام عليها غيري

اتلخمت قلتله لا لازم تغيرها وقال مالقيت في السوق شي احسن منها قلتله برضو غيرها باي شي
وسكرنا

انا تضايقت وارسلتله قلتله اثاث مستخدمه احد قبلي ما ابيه وما رد علي ومن بكره

بعد 4 ايام انفتح الموضوع وقال انو بيجيب غرفه وكنب لاكن فيه اغراض مثل الثلاجه والفرن والغساله وووو لسا جديده وايش يسوي فيها وانو ماراح يغيرها انا قلتله اهم شي الغرفه

بسالكم عن الباقي مثل الثلاجه وغيره برايكم يغيرها او عادي
انا اهم شي عندي الغرفه والباقي ان غيره زين بس اذا ماغيره هل هذا شي يستحق الزعل واني اضيق صدري عليه

ابي رايكم يالعاقلات :sadwalk:

 

[عيون عزيز]

جزاه الله الف خير انه غير غرفة النوم والكنب....
باقي الأغراض مثل الثلاجة والفرن وغيره حرام عليج يغيرهم ...ماله داعي ...
وماشاء اله على خطيبج شكله يداري خاطرج وغير لج اللي تبينه...لا تصيرين طماعة وحساسة على اشيا عادية.......
الله يجمع مابينكم على خير....

 

[الفراشه الورديه]

انا اشوف انو عادي ماعدا الغرفه لازم تتغير

ويمكن لو تضغطي عليه تصير بنفسه وتخرب علاقتكم ببعض

في الشي الضروري الغرررررررررفه وغير لاتطالبي

 

[دموع متحجره]

الله يجزاك الجنه عيون عزيزان

كل وحده ترد تقولي رايها لو هي مكاني والله يجزاكم الجنه مقدمن

 

[a7la a7sas]

آنآ احس بس غرقة آلنوووم
اما باقي آلِـآمآكن عآدي

 

[دموع متحجره]

a7la a7sas الفراشه الورديه

جزاكم الله الجنه امييين

 

[رب احفظ من أحب]

أنا بعد من رأيي إنه لازم تتغير غرفة النوم
و تختاريها إنتي معاه
بقية الأثاث مو مشكلة بس الغرفة لا و ألف لا

و ربي يسخر له لك

 

[دموع متحجره]

رب احفظ من أحب الله يرزقك الجنه

 

[SeCrEt_girl]

اهمها غرفة النوم والباقي مع الوقت
و لمن تدخلين بيتك تاكدي انو بيتغير عندة كل شي بلمساتك حتى وان كان نفس الاثاث

موفقة بس لاتصعبينها و تضغطين عليه من اول الطريق لكن غرفة النوم حقك

 

[دموع متحجره]

SeCrEt_girl الله يرزقك الجنه

 

[*^ ندى الورد ^*]

مع راي البنات , من حقك تطالبين بغرفة جديدة اما بقيه الاثاث احرصي تغيرين شكله يعني الكنبات بدلي قماش مخداتها او غيري ترتيبها , اهم شيء انتي تكونين مرتاحة ...
ونصيحة لا تحاولين تفكرين بحياته السابقة ترى والله ياعمري بتتعبين كثير..تعوذي من الشيطان وابدي معه حياة جديدة تسعدك ولا تتركين الوساوس تسيطر عليك .

 

[اخت رشود]

اهم شي انتي اختاري الغرفه وبعدها خليه يشتريها لانك باختصار ماراح تعرفين هو صدق غيرها ولا لا لانك ماتعرفين كيف شكل الغرفته الاولى 000واسال الله ان يسخرلك زوجك

 

[حصاد الالم]

حبيبتي انا كنت مثلك بس الفرق اني ماتكلمت ولا قلت شي

وربي لي الان 11 سنه متزوجه والى الان حازه في خاطري اني دخلت على عفش مستخدم

الا غرفة النوم طبعا هو غرها من نفسه ومجلس الحريم غير قماشه بس

المهم تكلمي معه بهدوء وتفاهمي معه

قولي له مادوك شي ينغص عليك حياتك معه

اما الغساله والفرن الاجهزة الكهرباءيه مو ضروري يغيرها

اهم شي العفش مثل الكنب وغرفة المعيشه حقتكم

مجلس الرجال مو ضروري

واذا شفتيه معند ومو راضي يتجاوب معك اسكتي وانتي بعدين غيري البيت قطعه قطعه

كل ماجات مناسبه اطلعي له بشي وغيريه

هي اهم غرفتين لازم يغيرها قبل العرس غرفة النوم وغرفة المعيشه

 

[همـــس الروووح]

غرفة النوم وبس
لان اصلا مامداهم ثلاث شهور بس ؟؟؟؟

بس يالغاليه وش سبب طلاقه لها ماتخافين يسوي فيك مثل ماسوى فيها يمكن هي مضلومه وانتي تنضلمين معاها ويمكن هو المضلوم وياليت هو المضلوم عشان حياتك تستقر معاه

بالتوفيق ان شاء الله بس اتاكدي ليش طلقها وبلسانها هي او بلسان قريباتها مو هو لانه راح يجيب كل شي لمصلحته مو لمصلحتها

 

[candle*]

غرفة النوم كفاية ..
اما الأشياء الباقية اذا جديدة حرام تغيريها ..

 

[امراه لاتنحني]

يعني غرفة النوم ضروري واذا هو رجل يستحق أنك تضحين عشانه ليه لا ذحين أهم شي
الرجل يكون كويس ويكون شاريك وأنتي كوني له سند ووعون
لكن الغرفه ضروري يغيرها

 

[رب احفظ من أحب]

تسلمي على هالدعوة
بردت على قلبي الله يبرد على قلبك
و يحقق لك كل أمانيكي
عاجلا غير آجلا
يا الله يا كريم

 

[كلي احزان]

كبري عقلج وخلي منج مركات البزران هذي

يعني ألحين الغرفه او الغساله او الثلاجه بتذكره بزوجته السابقه

صج ناقصات عقل ودين

 

[دموع متحجره]

غرفة النوم وبس
لان اصلا مامداهم ثلاث شهور بس ؟؟؟؟

بس يالغاليه وش سبب طلاقه لها ماتخافين يسوي فيك مثل ماسوى فيها يمكن هي مضلومه وانتي تنضلمين معاها ويمكن هو المضلوم وياليت هو المضلوم عشان حياتك تستقر معاه

بالتوفيق ان شاء الله بس اتاكدي ليش طلقها وبلسانها هي او بلسان قريباتها مو هو لانه راح يجيب كل شي لمصلحته مو لمصلحتها

سبب الطلاق سمعته منه هو ومن اخوي لانهم اصحاب بس هي صعبه اسمعه منها لانو مانعرفهم

ومن منطقه تانيه واكيد هي بعد بتحط نفسها الملاك وما طلع منها غلط

من الناحيه هذي متكله علا الله انو يوفقني ويكتب لي الخير وين ما اكون

والله يرزقك الجنه علا النصيحه

 

[دموع متحجره]

اخت رشود_candle_امراة لا تنحني_ندى الورد_حصاد الالم

الله يرزقكم الجنه على نصيحتكم لي