الجزء الثالث:
مثلما خبرتكم أنا ما راح أكتب عن رامي بالتفصيل لأنكم راح تعرفون بعدين إنه مو هو بطل القصة!!!
علاقة رامي بهديل بعد الخطبة (طبعا لما أقول خطبة أقصد بيها عقد و ملكة بس بدون دخلة)
العلاقة بينهم بدت حلوة
هديل بدت تحب رامي وتتعلق فيه بحكم إنها مراهقة ورامي صار حلالها
كانت تمر الأيام والعلاقة بينهم ما شافت إلا النور
أو بمعنى آخر توهم للإثنين إنهم شافوا النور
هديل كأي مراهقة كانت متمسكة برامي وتحاول ترضيه بأي شكل من الأشكال
ما حاولت يوم تدرس العلاقة بينهم بتعقل أكبر وبدون عواطف
جرها رامي ببحر الهوى
وهاي حال بناتنا أثناء الخطبة المبكرة
بالذات الخطبة لما تكون قبل متكمل البنت 20 سنة
طبعا أنا مو ضد الزواج المبكر بس أنا ضد إن البنت تسمح للعواطف ومشاعر المراهقة بهالفترة إنها تعميها عن النظرة العقلانية لشخصية الطرف الآخر
وفوق هاي بالعادة فترة الخطوبة تكون فترة أشبه بالتمثيلية لكلا الطرفين أو على الأقل أحد الأطراف يحاول يظهر أمام الثاني بصورة ملاك
وهاي أكبر غلط
صحيح لو ظهرت لخطيبك بعيوبك وحسناتك ممكن ما يتقبلك وممكن ما يغازلك كملاكه الوحيدة
بس يظل أحسن من الصدمات الي نشوفها بعد الزواج
و إلا شو فايدة فترة الخطوبة؟
بس طبعا التعارف يكون بعيد عن أطر الحرام
عموما بطلتنا أعجبت برامي وحبته وهاي كانت غلطتها
إستمرت على هالحالة أشهر
كان رامي عنيد ومتسلط بقراراته
كان يحبها بس ما كان يعرف يبين حبه لا بالكلام ولا بالهدايا مع إن أحواله المادية أحلى من الحلو
كانت يطلب منها ما تروح الشاطيء مع صاحباتها ما تروح السينما مع أخوها ما تلبس اللون الفلاني ما ما ما
وكانت هي تطيعه بكل شي بدونما تحس بأي ملل أو تعب
بس بمرور الزمن ولما خفت دفعة الحب الجنونية وبدت تصير عقلانية
فكرت هديل في نفسها.... يااااااااااااااااه أنا نسيت كرامتي
نسيت عنادي الي كان من الصعب أحد يتغلب عليه
نسيت شخصيتي القوية ومسحتها في وجه شخصية رامي المسيطرة
هنا بدت المشاكل
هديل بطبعها الطفولي ظنت إن حبيبها رامي مستحيل يقول لها لأ
قررت تصارحه وهو أكيد بيتفهم وبيعتدل
بس النتيجة كانت العكس
رامي أصر إنه صح
هي بكككككت كثير بس هو أصر
قررت إنها ما تحاول أكثر
آخر خطوة قررت تقوم بيها هي هالإتصال:
هديل: ألو رااااامي
رامي: هلا حياتي شلونك؟
هديل: رامي تذكر لما كلمتك قبل أسبوع و ...
رامي: هديل أنا خبرتك وجهة نظري وما أعتقد إني غلطان فيها
أنا الرجال ومن حقي أفرد سطلتي عليك
هديل: بس يا رامي في أشياء ما أقدر أجاريك بيها
إنت تبيني أبتعد عن بعض صديقاتي وتريدني أمشي على هواك بكل شي
رامي: مو لهالدرجة!!!
هديل: راااااااااااامي ..... نحن بعدنا عالبر وما صار بينا غير العقد الشرعي و إنت ما شفتني بدون حجابي
(صحيح هم عاقدين بس قرروا إنه ما يشوفها بدون حجاب قبل الزواج عشان يحس بحلاوتها وقتها)
هديل (من بين دموعها): رامي ... أنا ما أبيــــــــك
رامي إنصدمممممممممممم
رامي: ......
هديل: ما أبيك وانتهينا ... إنت شخصيتك ما تناسبني إنت عنيد وأنا عنيدة
إنت عصبي وأنا عصبية
نحن مو لبعض
باااااااااااااااااااااااااااااااااااي
سكرت الخط والدموع تخنقها وبكــــــــــــــــــت
أما رامي،،، رامي كان مصدووووم صوتها وهي تبكي ذبحه
حاول بكل الوسائل إنه يرجعها
حاولت منال تقنعها بدووووووووووون فايدة
هديل قررت ونفذت،،، كانت كل ليلة تطالع النجوم وتتذكره تتذكر لما كانت تكلمه وهي تطالع النجوم
تتذكر لما كان يقول لها لو اشتقت لي طالعي النجوم و بتتذكريني (طبعا لأن هو كان يدرس ببريطانيا)
رغم فارق التوقيت بين بلدهم وبريطانيا كانوا كل ليلة يجتمعوا بنفس الوقت تحت سما وحدة ويطالعوا النجوم كأنها بوابات توصلهم لبعض
كانت هديل تبكي كل ليلة وتكلم النجوم
يمكن حبيبها يسمعها
كــــــــــيـــــــــــف؟
كيف ممكن يكون في قلبين يحبوا بعض
سخروا كل الظروف لأجل حبهم ورسموا مشروعهم بالورد
بس رغم كـــــــل هاي في شي يمنعهم يكونوا لبعض
آآآآآآآآآآآه يا ليــــــــــــل
ليش يا ترى أحسك مظــــــــــلم وكئيييييب
ليش حاسة بالخوف مع إن أهلي كلهم معاي؟
يمكن لأن قلبي مو معاي
قلبي الي يحسسني بالدفء والحنان
مرت الأيام وهديل على حالها كانت تفكر بأن (حبــــيبها) راح منها
بس عمرها ما فكرت
رامي... هي حبته بجد؟؟؟؟
ولا كان تعلقها بيه نفس تعلق المراهقة بفارس أحلامها؟
كثير من بناتنا يخلطوا بين الحب وبين التعلق العاطفي الناتج من الفراغ العاطفي
كل بنت تمر بفراغ عاطفي أثناء المراهقة
بس في بنات مثل هديل يشغلوا الفراغ بممارسة هواياتهم
وفي منهم يشغلوه بالعلاقات المحرمة
هديل شغلت فراغها بالقرآءة بالبداية
ولهالسبب ما أدركت إن تعلقها برامي كان نابع من فراغ عاطفي لا أكثر
لأنها ما حست بالفراغ وما كانت ممكن تتخيل إنها ممكن تقع فيه
يتبع....
بنات إيش رايكم بقرار هديل؟ هل كان متسرع؟
و إيش رايكم بتعلق هديل برامي؟