نجوم السما اقرب

[broker]

عقب ماتفقت معاه وتفاهمنا على كل شي رحت ابشر امي

تعرفون شنو ردت علي ​

قـــــــــــــــــالــــــــــــــــــــــــت لــــــــــــي :

نجوم السما اقرب له منك ماترجعين له واذا رجعتي انا مالي خص فيك ولاتجين تشتكين منه او تطيحين في المستشفى بسبته خليه يولي بيجيك نصيك انتى مو ناقصك شي ​

انا ادرى ان كلام امي صح بس انا اقول اعطيه فرصه انا مب خسرانه عشان عيالي بحاول اخر مرة
طرشت له مسج قلت له انتهى الموضوع وماراح ارجع لك مابيك ,, حارق جوالي اتصالات ومسجات :icon1366:
شلون اتصرف ؟؟
شلون اقنع امي ؟؟ مب عارفه وماقدر افاتحها بالموضوع لانها رافض رفض قاااااااااطع

 

[إرتـــدآد]

في هالموضوع
مالك إلا تتوددين إلى امك وقولي دامه اللي يبيني احسن من اني اتطلق
وعطيها من هذا الكلام //..؟؟

وحاولي توصلين لحل يرضى الاطراف
ورب ييسر امورك
في حفظ الله
سبحان الله وبحمده سبحان الله العظيم عدد كل شئ

 

[لتوفي]

اكيد امك ابخص لانك انتي مو حاسه بشي عواطفك غالبه عليك الرجال مايصدق ابدا كذابين بالعربي

 

[نعومه كول]

بس ايش القصه
ليه بتطلقي الله يهدي زوجك وامك
ذكري امك انه اطفالك ماتستغني عنهم واثري عليها بهالنقطه وهي بتفهمك

 

[دائما مهمومه]

ذكري امك باطفالك
هي ام في النهاية
عسى ربي يفرجها عليج
باذن الله

 

[البارونه..]

ربي يعينك ويفرج لك

 

[princessmystery]

هالموضوع مافيه بر ياناس امك مع احترامي عزيزتي مو من حقها تشترط عليك كذا وانا انصحك تسألين شيخ واذا قالك ماعليك ذنب ان شاء الله عاد كلمي زوجك الله يعينك حبيبتي

 

[sokar]

انا رايي من راي امك ((ذيل ال...... عمره ماينعدل))

 

[غدير الكويت]

اذا انت مقتنعه انه تغير حاولي اتدخلين احد يكلم الوالده

 

[طيف الروح]

ياختي فيه شي اسمه استخاره

استخيري لرجعته يمكن ترتاحي وترجعي وهيك ماتزعلي امك

ويمكن ماترتاحي ولاترجعي وهيك كمان ماتزعل امك

استخيـــــــــــــــــــــــــــــــــــــــري

 

[Oofaa]

ياختي فيه شي اسمه استخاره

استخيري لرجعته يمكن ترتاحي وترجعي وهيك ماتزعلي امك

ويمكن ماترتاحي ولاترجعي وهيك كمان ماتزعل امك

استخيـــــــــــــــــــــــــــــــــــــــري

هذا الراي الصح وانا معها:icon30::icon30::icon30:

 

[ورقة وحبر]

استخيررررري واعطوه فرصه اخيره يثبت فيها انه تغير

 

[ملكة ببلقيس]

حاولي توضحين لامك الاسباب الداعية لرجوعك ..
و بالنهاية :
ما في احد يعرف مصلحتك أكثر من أمك
و يمكن ربي أراد لك الخير و رفض امك نتيجة لاستخارتك
المهم وكلي أمرك لربي و استخيري و ادعي كثير
و دعي امورك لخالقك
و اطلبي من أمك الدعاء لك للي فيه الخير لك و لابنائك

 

[برآءة]

اختي انتي حرمه كبيره ومتزوجه وام شلون تتصرفين على كلآم غيرك وهم يتخذون القرارات عنك...!
معليش حبيبتي انتي ادرى بزوجك وبمصلحتك لاتخربين بيتك وكلمي امك وفهميها ان هالشي يتعلق فيك ولوحدك ..
لاتشردين اطفالك وتطلقين وتعانين..امك مارح تدوم لك بعد عمر طويل ان شاء الله...بس اهم شي استخيري وفكري زين...اذا زوجك ماغلط غلطه كبيره ولا اهانك ارجعي له ولاتخسرينه...على الاقل عشان الاطفال..
وطاعة الزوج مقدمه على طاعة الوالدين...

 

[broker]

جزاكم الله خير اللي ردوا علي
انا مصليه استخاااااره والصراحه يوم اطلع معاه عشان انتفاهم اكوون مستانسه ونتفاهم على كل شي بس عقب لما ارجع اتضايق يعني ماحب انه يتصلي واجد
لاحظت ان امي متردده لانهاتسالني شنو قالك اتصل لك اليوم ؟ومن هالكلام ويوم قلت لها بيكتب البيت باسمي عند محامي قالت لا يسجله في رسمي
اف تعبت اكلمه بالخش ولما حد يدخل الغرفه اسكر في وجهه كاني مسويه شي غلط والله مب حاله

 

[فـــجـــر]

حبيبتي
أستخيري أولا ثم أستعيني ببعض الأقارب في الحديث إلى أمك و إقناعها .. و أيضا حاولي أنت مع أمك بالأسلوب الحلو .. و ذكريها بإنه أبغض الحلال إلى الله الطلاق .. و إنك بتعطين زوجك فرصة ..
و الله يعينك

 

[احلام المستحيل]

الله يصلح احوالكم واحوال المسلمين

 

[الكوكب المشع]

عليك بالدعاء اخيتي والله يفرج همك

 

[عذابات]

اذا تحبينه
لاتتركينه .. تمسكي فيه وحاولي تغيرينه

 

[حبيبة ميرو]

مثل ما قالوا الاخوووات ذكري امك باطفالك