زوجي غريييييييب..عجز افهمه..

[فديت اسامة]

مرحبا بلقيسيات ربي يسعدكم ويوفق كل من تساعدني واتمنى لو الاستاذة ناعمة تساعدني لو قرت موضوعي..نفسي افهم زوجي .. تعبت البي رغباته وانفذ الي يحبه كله عشان يحبني اكثر واسمع منه الحلو. زوجي ابدا مايعبر عن مشاعرة .. ولا يطلع الي بداخلة .. انا تعبت تعودت ع الحب والدلع بيت اهلي .. واذا زعل يظل اسبوع مقاطعني هو حساس جدا واذا ناقشته اطلع انا الغلطانه كل مره..ومره كنت بيت اهلي لمدة اسبوع لظروف بيت الاهل .. وكنت طالعة زعلانه من زوجي لسبب وقلت في نفسي يمكن بيتصل يراضيني او بيرسل مسج.. بس للاسف ماعبرني .. اتصل مرتين عشان يسولف مع ولدة.. وخلال هالفترة مر عيد ميلادة وقلت ليش ما افاجأة بحاجة.. منها اغير جو الزعل ويحس اني مهتمة فيه رغم زعلي..ورحت خذيت له باقة ورد حمرا وكيكة ورسالة حلوة وعطيت اخوي مفتاح بيتي في فترة دوام زوجي ودخلهم للغرفة.. بحيث ان زوجي اول ما يفتح باب الغرفة يشوف المفاجاة.. رغم ان مو من عادتي احتفل باعياد الميلاد..تصدقوا ماعلق ابدا.. اتصل بليل يسالني متى برد البيت وبس. قلت يمكن لما ارجع بيشكرني بيثني اقل حاجة.. والله لليوم ماقال اي شي..ونفس اليوم الي رجعت فية البيت .. زعلني ع سبب تافه..شسوي في هالانسان ..كيف اقدر افهمه او البي حقوقه وفي داخلى زعلانة او مضايقة..صرت اطنش وما افكر عشان نفسيتى.. واصبر ع امل الثواب من رب العالمين وان كل واحد منا راح يسأله ربه عن الثاني..ساعدوني عشان اقدر استمر فحياتي معاه..كان في ايام زواجنا الاولى نادر ما يقول كلام حلو.. ولحين مايقول ابدا الا في وقت واحد وهو وقت الجماع..

 

[" ليه يادنيا "]

اختي لاتعبين نفسج اكثر الرجاجيل كذيه مايعبرون عن مشاعرهم بالكلام
يعبرون عنها بالفعل والله يسعدج ويوفقج انتي وزوجج اللهم امين

 

[موعد مع الحياه]

حبيبتي ........

صدقيني راحة بالك اهم شي,,,,,,

طنشيه ولا كأنه موجود ولا كأنك متزوجه عيشي لنفسك ولولدك بس اطلعي روحي تمشي اشتري ولا توفرين شي

اوتبخلين على نفسك,,,,,

وبا النسبة له هو لا تسألين عنه ولا تهتمين فيه زياده عامليه برسميه وخلي كلامك قليل ومرتب واذا زعل أزعلي

قبله...بس بشرط خليكي مرتبه وانيقه وما يشوف منك الا الحلو .......

والله يوفقك

 

[رووري]

أحس جنج ترمسين عني مع اختلاف بسيط اني ماسمعت منه كلمه حلوه ابدا لاوقت الجماع ولاغيره
ومانعني من الطلعه انتي انشغلي بربعج وجيرانج أحسن لج
انا لاربع ولاجيران وأهلي باماره ثانيه يعني مقطوعه
وآخرتها طلع يغازل
الله المستعان
شوفي حالنا كيف الحمدلله
ادعيلنا
سوري قلت لج قصة حياتي بس انتي قلبتي علي المواجع

 

[مناكير وردي]

الثقل صنعه وأنا أختك

 

[دائما مهمومه]

والله أهم شي انه ما يغازل و مبتعد عن الحرام

الكلام الحلو مب كل الحياه على اقل يقوله لج و قت مب ابد ما يقولوه

الحمد لله على كل حال
و الله يفرجها عليج

 

[فديت اسامة]

أحس جنج ترمسين عني مع اختلاف بسيط اني ماسمعت منه كلمه حلوه ابدا لاوقت الجماع ولاغيره
ومانعني من الطلعه انتي انشغلي بربعج وجيرانج أحسن لج
انا لاربع ولاجيران وأهلي باماره ثانيه يعني مقطوعه
وآخرتها طلع يغازل
الله المستعان
شوفي حالنا كيف الحمدلله
ادعيلنا
سوري قلت لج قصة حياتي بس انتي قلبتي علي المواجع

سامحيني اذا فتحت لك مواجعك .. الحمد الله ع كل حال ..والي يسمع مصيبة غيرة تهون علية مصيبتة.. شورايك نكون صديقات .. وشكرا لكل الي ردو علي وجاوبوني .. جزاكم الله خير..موعد مع الحياة .. ودايما مهمومة صدقتي المهم مايغازل ومبتعد عن الحرام.ومنييكير وردي..وليه يا دنيا..ادعولي ربي يسخرة لي.. ويبعده عن بنات الحرام..