مــاديا ..

[منعشة]

حبيبتي لاتستعجلي في اتخاذ قراراتك..
أنا عن نفسي احس انه يصرف عليك في فترة الملكة وانتي عند اهلك بدري شوي.. لأنه حتى شرعا انتي لازلتي في حكم والدك وهو ولي امرك أما زوجك فيكون ولي امرك عندما تنتقلين لمنزله.. هذا من ناحيه
من ناحية المصروف (بعدالزواج) لاتتساهلي فيه كمان لا تسرفي ..واحذري من انك تسوي شاطرة وتصرفي على بيتك..


ان شاء الله تلقي الاجابة الصحيحة الشافيه..
والله ييسر امورك..

شرعا أنا زوجته .. و حتى انه طلعني من بطاقة أحوال بابا و خلاني في بطاقة أحواله

و ثانيا .. يمكن الكل ما يعجبه كلامي .. بس احنا يصير بيننا أشياء حميمة و مداعبات .. ولكنها لا تصل لحد الجماع

يعني انه يجي و ياخذ راحته .. و اهلي عاطينا خصوصية .. و هو قال لي انت قدام الله زوجتي و احنا ملكنا و حتى اني مسجلة في بطاقة الاحوال تبعه بأني زوجته

اتوقع ما يصير أغالط نفسي و أكون زوجته في أشياء و أشياء ثانية أكون بس خطيبته و ما تحق لي نفقه

 

[منعشة]

حاولي انك تدري تصرفاته اكثر وترجعي شريط ذكرياتك معه لانه واضح انه بخيل

لو على الماده مو مشكله انتي بكره تشتغلين وتصرفين على نفسك لكن البخل يجر صفات سيئة كثيره والعياذ بالله

الفقير الله يغنيه اليوم ولا بكره لكن صدقيني البخل ماله علاج انتبهي والله يسعدك واعرفي انك لسه على البر وباقي قدامك فرصه تفكري وتحطيه باختبار عشان تعرفي اذا كان يتصف بهذي الصفه او لا ,,

الله يوفقك

هو ايده ماسكه شوي لكن ما توصل للبخل .. يعني يجيب لي من فترة لفترة اشياء بسيطه .. اذا صادف اني احتجت شيء يشتري لي اياه

انا مثل ما قلت انه الفترة هذي احسه متغير علي .. احس ببرود من ناحيته .. و صادف موقفين انه قالي خذي من عند اهلك

فعشان كذا انا متضايقه

فكرت يمكن لانو انا هذي الصيفيه راح اسافر شهر و اتركه .. بس والله مو بيدي .. بابا يقول مستحيل يتركني لحالي خصوصا اننا لسى ما تزوجنا .. و بابا ما عنده نقاش في هذا الموضوع

و غير كذا .. أخاف اظل لحالي في بيت كبير .. و خطيبي يتأخر في الدوام الى المغرب

صعبه :no:

 

[أم شهد العسل]

بصرااحة مستغربة من جراائتك شوي،،
أعرف البنت في بيت أهلها ما يصرف عليها خطيبها وأهلها متكفلين بكل طلباااتها أحس لسه بدري على الطلبااات بس بإمكانك من الحين تفهمي خطيبك انك تحبي الهدايا الفخمة والغالية لكن من غير أمر عليه‘‘
قولي بدلع أبي الساعة الفلانية أو العطر الفلاني،
وبيني وبينك الرجاال مو مضطر يصرف على زوجتة قبل مااا تصير في بيته ودامكم تحبون بعض فالماااادة مو كل شئ بالحياة أهم شئ الصدق والإخلاص ودااام الرجال سمعته طيبة وحالته على قده فلا تثقلي عليه بالطلبااات اللي ممكن ترهقه حتى لا تتعبي بعدين ،،
والله يوفقك،،

 

[منعشة]

بصرااحة مستغربة من جراائتك شوي،،
أعرف البنت في بيت أهلها ما يصرف عليها خطيبها وأهلها متكفلين بكل طلباااتها أحس لسه بدري على الطلبااات بس بإمكانك من الحين تفهمي خطيبك انك تحبي الهدايا الفخمة والغالية لكن من غير أمر عليه‘‘
قولي بدلع أبي الساعة الفلانية أو العطر الفلاني،
وبيني وبينك الرجاال مو مضطر يصرف على زوجتة قبل مااا تصير في بيته ودامكم تحبون بعض فالماااادة مو كل شئ بالحياة أهم شئ الصدق والإخلاص ودااام الرجال سمعته طيبة وحالته على قده فلا تثقلي عليه بالطلبااات اللي ممكن ترهقه حتى لا تتعبي بعدين ،،
والله يوفقك،،

ذكرت سابقا بأن

هــــــــــــــــذا عــــــــــــــــــــــــــــرف عندنــــــــــــــــــــــــــــا

في مدينتنا .. وهو عارف انه واجب عليه يعطيني مصروف

رجاء .. بدون تجريح .. بأني جريئة و وقحه .. أتوقع عيب هالكلام

أنا ما طلبت منه شيء زايد عن باقي البنات .. انا حالي حال كل البنات ..

و عمري ما تعودت اكون اقل من اي أحد



للمعلومية هو معترف بانه مقصر معاي و قالها لي شفهيا ..

بس انا مابي بس اعذار بالكلام .. ابي اشوف فعل

وهو ماهو فقير لدرجة انه ما يقدر يصرف علي .. بالعكس هو يقدر يصرف علي

و فوق هذا كله .. أنا جلست معاه و تكلمت معاه انه يحتاج يعمل ميزانية و حسبتها له فلس .. فلس .. طلع راتبه يكفي و زيادة .. بس هو الله يهديه


ولو سمحتوا بدون تجريح يا سيدات يا محترمات

 

[ملكة ببلقيس]

حبيبتي ممكن انتي من الناس اللي يعبروا عن اهتمامهم بالمادة و المال ..
و هو ممكن عكسك تماما
اتمنى تكوني متفهمه لموقفه جيدا
واعذريه اختي حتى :
تعرفي شخصيته
او تسكني عنده .

 

[منعشة]

أنا يهمني الاثنين .. المادة و العاطفة ..

وهو واعي و مدرك للشيء اللي انا أبغاه .. بس ليه يتجاهلني ؟

و جزء من الاهتمام .. يكون مادي

و بعدين ليه أنا اصير غير عن باقي البنات في مجتمعي ؟؟؟؟؟؟؟؟؟؟؟؟؟؟؟؟؟؟؟؟؟؟؟

ليه أكون ناااااااقصه عنهم .. ؟؟؟؟؟؟؟؟؟؟؟؟؟؟؟؟؟؟؟؟؟

 

[وحيده كالقمر]

حبيبتي أنتي على حق,
المفروض انه أبد ما يبخل عليكي بحاجه خصيصا انه مقتدر,
ووان اشتغلتي أياكي ثم أياكي تصرفين على البيت,
ألا بمزاجك بعد ما تقتنعين انه ما يقدر يجبلج الشي الي تريدينه,
بالتوفيق أخيه,

 

[حبيبي ربي]

والله مستغربه منك الصراحه..:dunno:
انا تملكت ست شهوور ولا عمري مديت يدي لزوجي وطلبت منه مصروف
لاني توني بيت اهلي:shutup:
تقل ماصدقو اهلي اتملك؟؟؟
وخاصه ان اهلك ماعليهم ناقص ماشاء الله
والشي الثاني,,,
وضحي له من الان انه مايعجبك الرخيص ولاتقبلين فيه وتقدرين الغالي لان الغالي للغالي
والغالي لاجلك يرخص ومن هالكلام
واذا قالك انه مافي شهرعسل...
اشهقي قولي يوووه مافي سفر؟؟؟؟
معقوله وبيني انك مستغربه ومتعجبه وقولي لالا اكيد انك تمزح ولاتصدقينه ومشي المكالمه بانك ماصدقتي ولاراح تصدقين واذا شفتيه لزززم مرررره قولي خلاص بقول لبابا يعطينا سلف عشان نسافر...
وقولي والله بيضحكون علينا الناس وانك ماتبغين تصيرين اقل من غيرك
المهم لاتمشين هالايام وانك مقتنعه بانه مافي سفر ترا احلى سفر بحياتك واحلى ايام عمرك لاتروح كذا
انتبهي:busted_red: انتبهي:busted_red: انتبهي:busted_red: انتبهي:busted_red: انتبهي

بصراحه انتي الغريبه وباقي البنات اللي قالوا انها لازم مايصرف عليها

يعني هو من حقه يستمتع ويبوس ويلمس وكل شي في الملكه بس هي مو من حقها يصرف عليها ؟؟؟؟؟


اختي انا مروا علي من حولي من هالاشكال من الرجال يصرفون ع اللي حواليهم واهل بيتهم مب لاقيين شي من وراه
احذري انه يكون منهم
خليج صريحه معاه وقولي له انه انتي مايعجبج هالحال وانه ملزوم يصرف عليج وانج مب اقل من زوجه اخوه وانج بعد مايملي عينج اي شي لازم يكون من مستوى لانه ميسور ومب فقير

انا ماعصيج على زوجج بس في رجال فعلا كذا ولازم تكونين واضحه معاه من البدايه وتحطون النقط على الحروف
وحده اعرفها زوجها معيشها في قحط والفلوس بالقطاره تطلع وفجأه تلقاه مطلع سياره لصديقه ولا شاري لابتوب لحد من اهله؟؟؟ تخيلي
وللاسف هالنوعيه الساكته ماتنفع معاهم

طالبي بحقج من الحين لانج بتتعبين بكره

 

[أم شهد العسل]

طيب ليش زعلت؟؟
انت عرضت مشكلتك ولا بد انك تتقبلي اي رد أو انتقاااد مو تزعلي بعدين أسلوووبي معاك كان عاااادي ما جرحتك بعدين مااا قلت وقحة قلت جريئة أتوقع ما غلطت عليك ولا جرحتك

 

[دلوعة سيمو]

حبيبتي منعشه انا ماادري انها عاده عندكم ..
بس مادام انه فلوسه زايده ويعطي غيرك ومايعطيكي وتصير بينكم اشياء حميميه حددي له مبلغ يعطيك هو كل شهر حتى بعد الزواج اذا مارضي لاتعطيه راحته في العلاقه الحميميه لأنه طول ماانت بتطفي له شهوته يجب عليه الإنفاق..
موفقه حبيبتي واعذريني اذا زعلتك بكلامي قبل..

 

[بنت مراكش]

من أولها تريدين ترهقيه بالمصاريف!!
ما أقول الا ان خطيبك مسكين
والله يعينه عليك لأنك انسانة تحبين المال والمفاخرة

 

[ومضات على الطريق]

حبيبتي منعشة..
شرعا إنتي زوجته وحلاله وهو حلالك.. بس قصدي من ناحية المصروف لو جيتي للقضاء مو ملزوم يصرف عليك، هذا كان قصدي..
لكن إذا كان هذا عرف عندكم إن الخطيب يصرف على خطيبته عادي ، فهنا يحكم العُرف..


موفقه وإن شاء الله تلقي الاجابة الشافية..

 

[مشتاقة لقطر]

موووووووووووفقة يارب

 

[معشوقه]

2- قبل الدخول و بعد الخلوة ..
تستحق الزوجة التي اختلى بها الزوج ولم يدخل بها نفقة عدة ثلاثة شهور لوجود خلوة ، وهذه النفقة يجوز الاتفاق عليها بالتراضي ، كما يجوز المطالبة بها قضاءً . أما فى المذهب الجعفري فلا تستحق الزوجة شئ .
3- قبل الدخول وقبل الخلوة ..
الزوجة التي لم يختل بها الزوج ولم يدخل بها ليس عليها عدة شرعية ومن ثم ليس لها نفقة عدة.
هالكلام نسخة من سايت وزارة العدل فإذا كان في حالة الطلاق بعد الملكة و عدم الدخول و الإختلاء بس حق لها في النفقة إشلون ما يكون لها حق فيها و هي على ذمته هي زوجته حتى لو ما دخل عليها ومن حقها يصرف عليها و يحدد لها مصروف شهري و هالكلام مافيه نظرة ماديه ولا شي على ما أشوفه ..!!


أما الكلام الحين لصاحبة المشكله .. عزيزتي واضح إنك صغيره وايد و ردود أفعالك في الغالب غير مسوؤله أنا قريت لك من كم يوم مشكله عن علاقة زوجك بخواته و إنك قلتي له لا اتخلي احد يلمسك في مناطق حددتيها كونها مناطق إثارة بصراحه كلام أثار حفيظتي وايد كونه فج و يسيء بصورة أو بأخرى للعلاقات الأخويه .. و بنفس المبدأ تصرفتي و هو السرعه في الحكم و الرد لما زوجك يقولك إنه على قد حاله ما تقولين له بس إني ما راح ارهقك ... كان المفروض إنك اتكملين كلامك و تقولين له إنك مسوؤله منه بنفس اسلوب الدلع إلي استخدمتيه لما كلمتيه عن خواته إلي أكبر منه و إلي احتمال إنهم مغسلينه و هو صغير و مربينه مو ماسحين على شعره بس كان المفروض تقولين له أنا اليوم بذمتك و مصروفي عليك من الألف لي الياء و على قد مقدرتك بس لا اتخليني أحتاج لأحد و إنت بحياتي يعني ضربي و لاقي .. و اعتقد من طرحك السابق و الحالي إنك واعيه لكل إلي حولك و صاحيه لكل حقوقك ... حبوبه نصيحتي لك لا اتقارنين روحج بغيرج إذا ما سافرتي الحين لاحقه على السفر تالي بس قولي له إنك تنطرين السفره معاه يعني تتأجل على حسب ظروفه بس مو لأجل غير محدد لأ بعمل جدوله و قولي له متى تقدر اترتب أمورك علشان استعد لها أما عن الهدايا الغاليه يا أختي إنت تزوجتيه و عارفه ظروفه وكان متوقع إنه ما راح يجاري اهلك بمستواهم بس إن شاء الله بعد ما يقصر عليج يعني بالمختصر من طالع عيشت غيره تكدرت عليه عيشته انفردي بنفسك لأنه لكل زوجين ظروف و طبيعة مختلفه و من جهه لا اتنازلين عن حقج حتى لو كان المصروف بسيط بس لا اتنازلين عنه يعني على حسب مقدرته بس ما اتنازلين عنه مصرف ايد و كسوة .. هذه أسس لغاية ما اتعرفين عليه بعد الزواج و إنت تشتغلين و اتحددين سياسة التعامل الماديه مع زوجك على حسب مقدرته..و تعامله معاج .

و ربي يرزقكم و يوفقج و يهدي سرج .

إلا بسألج أختي إنت من أي بلد و كم عمرك .؟؟